Երևան
10 °C
searchclose
today
menuclose
Երևան
10 °C
Փոխվարչապետ Տիգրան Ավինյանն այսօր կոչ է արել սուպերմարկետների եւ մթերքի խանութների տնօրեններին վաղվանից առավոտվա 10:00-12:00 ժամերն առանձնացնել միայն թոշակառուներին սպասարկելու համար: Մյուս տարիքային խմբերի մարդիկ, ենթադրվում է, որ այդ ժամերին խանութ չեն գնա, որպեսզի ոչ թե միայն չնպաստեն կորոնավիրուսի տարածմանը, այլ՝ առավել հոգատարությամբ չվտանգեն տատիկ-պապիկների առողջությունը: Հայտնի է, կորոնավիրուսի նկատմամբ հատկապես խոցելի են տարեցները։
«Հայկական ժամանակ»-ն այսօր շրջեց մթերքի մանր ու մեծ խանութներում՝ հարցնելով, թե արդյոք պատրաստվում են ի պատասխան կառավարության կոչին՝ թոշակառուների համար խանութից գնումներ կատարելու ժամեր առանձնացնել: Քսանից ավելի փոքր մթերային խանութների (թե Երեւանի կենտրոնի եւ թե ծայրամասերի) տերերն ու աշխատակիցները վրդովմունքով պատասխանեցին, որ նման կարգ պահպանելն անհնար է: Նրանք պնդեցին, որ առանց այդ էլ իրենց հաճախորդները բավական քիչ են, եւ իրենք չեն կարող դուրս անել մարդուն, ով նշված ժամին նշված տարիքին չի համապատասխանում:
«Ո՛չ թոշակառուին կասեմ՝ դուրս արի խանութից, քո ժամը չի, ո'չ էլ՝ երիտասարդին,- ասաց կենտրոնում գործող փոքր մթերային խանութի վաճառողը,- էդ իրանք ո՞նց են պատկերացնում, որ մեզնից էլ պահանջում են»: «Մնացել էր պասպրտով խանութ թողենք», «Ես գրեմ-կպցնեմ խանութիս դռանը, գան-կարդան, հետ դառնան-գնան կողքի խանութը, հա՞, բան են ասում, կա՛մ բոլորի համար պիտի լինի, կա՛մ ոչ մեկի համար պիտի չլինի», «Ամեն մարդ ինքը պիտի իր մասին մտածի, թող դիմակով գան, համեմատաբար ոչ մարդաշատ ժամերին գան»,- հեգնեցին վաճառողները՝ կտրականապես հրաժարվելով լուսանկարվել կամ նշել իրենց անունները:
Առեւտրի խոշոր ցանցերում արձագանքները համեմատաբար մեղմ էին։ «ՍԱՍ» սուպերմարկետի մենեջերը նշեց, որ կառավարության որոշման համաձայն՝ առայժմ թոշակառուներին հերթից դուրս են սպասարկում: «Կոչի մասին տեղյակ եմ, սակայն չեմ պատկերացնում՝ ինչպես կարելի է դա կազմակերպել»,- ասաց նա:
«Ծիրան» սուպերմարկետի մենեջերն ասաց, որ խանութ մտնող տարեցներին փորձում են արագ սպասարկել ոչ միայն դրամարկղերի մոտ, առաձնահատուկ ուշադիր են նրանց նկատմամբ. «Այս պահին սպասում ենք՝ ղեկավարությունն ինչ կորոշի. եթե որոշեն, որ պետք է ժամ սահմանվի, նաեւ կասեն, թե այդ կարգը ինչպես պահենք: Որպես գործնականում հաճախորդների հետ անդադար շփվող մարդ՝ դժվար եմ պատկերացնում այնպիսի մեխանիզմ լինի, որ բոլորի համար գոհացնող լինի»:
Միայն «Նոր Զովք» սուպերմարկետներից մեկում (եղել ենք երկուսում) դռան մոտ կար աշխատակից, որ կարգավորում էր խանութի ներսում հաճախորդների քանակը: Ամեն դուրս եկող հաճախորդի փոխարեն նա ներս էր թողնում մեկին (ներս գնացող հաճախորդի ձեռքերին ցողելով սպիրտ): Այսպես, փաստորեն խանութի ներսում հաճախորդները մշտապես տասնհինգն էին: Մենեջեր Նորեկյան Հեղինեն (միակ մարդն, ով համաձայնեց ներկայանալ) ասաց, որ թոշակառուներին սպասարկում են արտահերթ, եթե հարկ լինի, կարող են նաեւ ժամերը պահպանել, սակայն այդ մասին որեւէ որոշում դեռ չկա: «Աշխատողներով ձգտում ենք այնպես անել, որ թե դրսում սպասող հաճախորդները եւ թե ներսում գտնվողները կոնֆլիկտներ չունենան. իսկ այս օրերին ընդհանուր առմամբ լարումը մեծ է: Աշխատում ենք դիմակներով, պահում ենք անվտանգության հեռավորությունը, զգուշորեն դա խորհուրդ ենք տալիս նաեւ մեր հաճախորդներին»,- նշեց նա:
«Միմյանց հետ շփվել դիմակով կամ մեկ մետրից» կանոնը գործում էր հիմնականում սուպերմարկետներում. բակային կամ կենտրոնական փողոցներում, ինչպես նաեւ մետրոյի անցումների տակ հազվադեպ են հանդիպում վաճառողներ, որ դիմակ կրեն, սակայն հաճախորդի կամ միմյանց հետ ինչ-որ բան քննարկելը կարող է լինել 20-30 սմ-ից:
Հ.Գ. Փակ տարածքներում եւ իրար մոտ գտնվելու պարագայում վարակի աղբյուր կարող է լինել նաեւ հանրային տրանսպորտը: Նստարաններն՝ իրար կողք կողքի, կանգնած-ուրիշների վրա խոնարհված մարդիկ, տասնամյակներ տեսած կտորե նստարաններ, ձեռքից ձեռք փոխանցվող դրամներ, բռնակներ, որ ախտահանվում են առավելագույնը օրը մեկ անգամ: Մի փոքր էլ մեր անզգուշությունն ու.. էլ ի՞նչ է պետք վարակին:
Նորատուսի գերեզմանատանը պայթյուն-փլուզում է տեղի ունեցել․ հայտնաբերվել է տղամարդու դի
Առաջին անգամ Հայաստանի և Ադրբեջանի կյանքում սպիտակի վրա գրվել է 2-ի անուններն՝ առանց մի կաթիլ արյուն թափվելու․ Խաչատրյան
Տեղի է ունեցել «Քաղաքացիական պայմանագիր» կուսակցության վարչության նիստ․ ինչ հարցեր են քննարկվել
Ճանապարհները որ փակում եք, դուք Հայաստանը գցում եք շրջափակման մե՞ջ, հակառակորդի դերը վերցրել եք ձեր վրա՞․ Քոչարյան
ՌԴ պաշտպանության փոխնախարարը ձերբակալվել է կաշառք ստանալու կասկածանքով
Ադրբեջանի ԶՈՒ-ն Հայաստանի ինքնիշխան տարածքում է, ամենայն հավանականությամբ այդտեղ կսկսենք բանակցային գործընթաց․ Քոչարյան
ՄԻՊ արագ արձագանքման խումբը մեկնել է Ոստիկանության Նոյեմբերյանի բաժին
ՄԻՊ-ը տեսակցել է Դավիթ Տոնոյանին․ վերջինս մտահոգություններ է ներկայացրել
Ինչպես է Մալաթիայի շուկայում կանխվել հրդեհի տարածումը․ մանրամասներ
Զովունիում մեքենաներ են բախվել
Առաջարկվում է շրջիկ առևտուր իրականացնել նաև համայնքներում․ տարածքները կսահմանի ավագանին
Բերման է ենթարկվել Սուրեն Պետրոսյանը
ԱԽ քարտուղարը Ռուսաստանի Դաշնություն չի մեկնի
Եթե իրավիճակը Տավուշում շիկանա, օրենքը թույլ Է տալիս ՀՀ տարածքի որոշակի մասում արտակարգ ռեժիմ հայտարարել. Խալաթյան
Ուկրաինայի պաշտպանության փոխնախարարը պաշտոնանկ է արվել
Սահմանազատման գործընթացի մեկնարկի ամենակարևոր կետը սկզբունքի համաձայնեցումն է, որից Ադրբեջանը խուսափում էր․ Խանդանյան
Բռնցքամարտի ԵԱ․ Անուշ Գրիգորյանը կիսաեզրափակչում է
ԱՄՆ պետդեպարտամենտը զեկույցով արձանագրել է հայերի նկատմամբ Ադրբեջանի կողմից մարդու իրավունքների խախտումների դեպքերը
Հայաստան եկած ռուս խաղաղապահները վերադարձել են Լեռնային Ղարաբաղ․ «Ազատություն» (տեսանյութ)
Կարմրուկի համաճարակային իրավիճակը ուշադրության կենտրոնում է․ Անահիտ Ավանեսյանը խորհրդակցություն է անցկացրել
Պարույր Հովհաննիսյանը Արգենտինայի դեսպանին է ներկայացրել Հայաստանի և Ադրբեջանի միջև ընթացող խաղաղության գործընթացը
Նախագահը Քյուրքչյանին և FASTEX-ի տնօրենին մանրամասներ է հայտնել Հայաստանի և Ադրբեջանի միջև սահմանազատման գործընթացից
Վստահ եմ՝ բարձր կպահեք դատարանի հեղինակությունը․ նախագահի նստավայրում տեղի է ունեցել դատավորների երդման արարողություն
Իջևանի «Մայիսյան կամուրջ» ընկերության հանրային սննդի օբյեկտի գործունեությունն անհապաղ կասեցվել է (լուսանկարներ)
Վարչապետն ու Ժիլբեր-Լյուկ Դըվինազը մտքեր են փոխանակել «Խաղաղության խաչմերուկ»-ի շուրջ, անդրադարձել սահմանազատմանը
ՄԻՊ-ը մշտադիտարկում է Տավուշում հավաքի ժամանակ ավտոմեքենայի բազմության մեջ մխրճվելու և 1 անձի վնասվածք ստանալու լուրերը
ՁՊՎ-ում հայտնաբերվել է օրեր առաջ զոքանչին ծանր մարմնական վնասվածք պատճառելու համար ձերբակալված տղամարդու կախված մարմինը
Բրիտանական ԶԼՄ-ների ներկայացուցիչները Ջերմուկում են, քննարկվել է բնակչության հոգեբանական վիճակը․ Արսենյան (լուսանկարներ)
Վիճաբանության ժամանակ որդին մոր ներկայությամբ դանակով հարվածներ է հասցրել հորը, սպանել․ 38-ամյա տղամարդը կալանավորվել է
Կրթական ոլորտում կան շատ խնդիրներ, որոնք հետևողականորեն պետք է լուծվեն, կողմ եմ Ակադեմիական քաղաքի կառուցմանը. Դումանյան
Սա գրվող պատմություն է մի նոր․ Սիմոնյանի գրառումը Տավուշ-Ղազախ հատվածում տեղադրված առաջին սահմանային սյան վերաբերյալ
Պետք է այս մեծ, բարդ խաղում լուծել, թե ինչպես «2,5 գյուղ սահմանագծի դեմ» բանաձևում ստանանք այն, ինչ մերն է․ Սաֆարյան
Ինչու են ռուս խաղաղապահները ժամկետից շուտ լքում Լեռնային Ղարաբաղը․ Ալիևը մանրամասնել է
Եթե ՀԱԵ-ն ծփում է պետականամետ հոգևորականներով, ինչո՞ւ հազար տարի ղեկավարելով ժողովրդին՝ պետություն չստեղծեցին․ Միսկարյան
Հայաստան-Ադրբեջան շփման գծի մի փոքր կտոր դարձավ բոլորի կողմից ճանաչված սահման․ Իոաննիսյան
Ադրբեջանը չի նախատեսում անդամակցել ԵԱՏՄ-ին, սակայն սերտ գործընկերություն ունի անդամ բոլոր երկրների հետ, բացի ՀՀ-ից․ Ալիև
Հայտնի է՝ երբ տեղի կունենա Պուտինի երդմնակալությունը
Հենրիխ Մխիթարյանը Իտալիայի չեմպիոն դառնալուց հետո գրառում է արել
Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան ապրիլի 23-ին
Հայաստան-Ադրբեջան պետական սահմանի Տավուշ-Ղազախ հատվածում տեղադրվեց առաջին սահմանային սյունը․ վարչապետ (լուսանկար)
