Սարգիս Օհանջանյանն ու Նարեկ Մութաֆյանն առաջադրված մեղադրանքում իրենց մեղավոր չեն ճանաչել

Երեւանի ընդհանուր իրավասության դատարանում, դատավոր Արմինե Մելիքսեթյանի նախագահությամբ եւ կողմերի փոխադարձ համաձայնությամբ, այսօր կայացել է Ռոբերտ Քոչարյանի աջակիցներ Սարգիս Օհանջանյանի եւ Նարեկ Մութաֆյանի գործով հերթական դատական նիստը: Դատավարության մասնակիցներից բացի, ինչպես որ սահմանվել է Բարձրագույն դատական խորհրդի որոշմամբ, այլ անձինք նիստին չեն մասնակցել:

Հիշեցնենք, որ այս քրեական գործի հարուցման հիմք էր հանդիսացել դատավոր Աննա Դանիբեկյանի հետ կապված միջադեպը (խոսքը Ռոբերտ Քոչարյանի եւ մյուսների գործը քննող դատավորի մասին է): Սեպտեմբերի 27-ին Օհանջանյանը եւ Մութաֆյանը հետապնդել էին նրան՝ հարցնելով՝ «նա դատարանների պատերի տակ վնգստացող դատավորների ցուցակում կա՞ թե՞ ոչ»։ Դեպքից հետո դատավորը հաղորդում էր ներկայացրել, ինչի հիման վրա քրեական գործ էր հարուցվել ՀՀ քրեական օրենսգրքի 343-րդ հոդվածի (դատարանի նկատմամբ անհարգալից վերաբերմունք ցուցաբերելը) հատկանիշներով։ Օհանջանյանին եւ Մութաֆյանին մեղադրանք էր առաջադրվել ՀՀ ՔՕ-ի 332-րդ հոդվածի 1-ին մասով՝ արդարադատության իրականացմանը խոչընդոտելու նպատակով դատարանի գործունեությանը ցանկացած ձևով միջամտելու համար:

Այսօրվա դատական նիստին հրապարակվել է մեղադրական եզրակացության եզրափակիչ մասը: Ըստ այդմ, Սարգիս Օհանջանյանին մեղադրանք է առաջադրվել այն բանի համար, որ նա, նախապես տեղեկանալով Ռոբերտ Քոչարյանի և մյուսների վերաբերյալ քրեական գործը քննող Երևան քաղաքի ընդհանուր իրավասության դատարանի Շենգավիթ նստավայրի դատավոր Աննա Դանիբեկյանի կողմից ՀՀ արդարադատության ակադեմիայում գտնվելու և դասընթացների մասնակցելու մասին, դատավորի կարծիքի վրա ազդելու նպատակով 2019թ. սեպտեմբերի 27-ին՝ ժամը 16:50-ի սահմաններում, իր հանցավոր մտադրությունն իրականացնելու նպատակով Նարեկ Մութաֆյանի հետ գնացել է Երևան քաղաքի Փիրումյանների փողոցի թիվ 9 հասցեում գործող ՀՀ արդարադատության ակադեմիա, սպասել նշված վայրի բակում, որպեսզի դասընթացների ավարտից հետո հանդիպի Ա. Դանիբեկյանին, հանդիպումը տեսաձայնագրի և այն ուղիղ կապի միջոցով  տարածի համացանցում՝ «փորձենք օգնել ֆեմիդային» վերնագրող, սակայն Ա. Դանիբեկյանը, խույս տալով վերջիններիցս, դուրս է եկել ակադեմիայի հետևի մուտքից ու հեռացել: Նույն օրը՝ ժամը 20:30-ի սահմաններում, Նարեկ Մութաֆյանի հետ շարունակելով իրենց հանցավոր մտադրությունը, Երևան քաղաքի Արշակունյաց պողոտայի 28 հասցեում գտնվող Կոմիտասի անվան պանթեոնի հարակից այգում հետապնդել է իր բնակության վայր գնացող դատավոր Աննա Դանիբեկյանին, որի ժամանակ Ն. Մութաֆյանի կողմից վերջինիս պատիվն ու արժանապատվությունը նվաստացնող հարցադրում է հնչել այն մասին՝ արդյոք նա «վնգստացող» դատավորների շարքին է պատկանում` կապված Ռ. Քոչարյանի նկատմամբ ընտրված խափանման միջոցի որոշման հետ: Դրանից բացի, Ա. Դանիբեկյանի գլխի հատվածում փայտի հարվածների հետքերը ցույց տալու առաջարկ է արվել, ինչը տեսաձայնագրելու և ուղիղ կապի միջոցով համացանցում տարածելու ձևով ճնշում գործադրելով` միջամտություն է եղել Քոչարյանի եւ մյուսների գործով դատավոր Աննա Դանիբեկյանի կողմից հետագայում կայացվելիք որոշումների արդարացի ընդունման վրա:

Մեղադրական եզրակացության հրապարակումից հետո ամբաստանյալները դիրքորոշում են հայտնել դրա վերաբերյալ: Նրանց պաշտպան Արամ Վարդեւանյանը մեր զրույցում տեղեկացրեց, որ Օհանջանյանն ու Մութաֆյանը առաջադրված մեղադրանքում իրենց մեղավոր չեն ճանաչել. «Նաեւ ես հայտարարությամբ հանդես եկա՝ ասելով, որ նախաքննության ընթացքում որոշ հանգամանքներ, որ պիտի արձանագրվեին, չեն արձանագրվել՝ դրանով իսկ կասկածի տակ դնելով օբյեկտիվ եւ բազմակողմանի նախաքննության հանգամանքը»: Այդպիսի մի հանգամանք, ըստ պաշտպանի, այն է, որ գործի նյութերում առկա չէ միջադեպի վերաբերյալ տեսանյութի ամբողջական տարբերակը, այսինքն՝ 14 րոպեանոց տեսանյութի փոխարեն գործի նյութերում 10 րոպե 40 վայրկանանոց տեսանյութ է. «Իսկ ամբողջական տարբերակում հստակ երեւում է, որ Ռոբերտ Քոչարյանի եւ մյուսների գործի մասին որեւէ արտահայտություն չի հնչում, մինչդեռ դատավորը հստակ նշել է, որ երիտասարդներն իրեն հարցեր են հղել այդ գործի վերաբերյալ»: Արամ Վարդեւանյանի խոսքով՝ դեռեւս նախաքննության փուլում՝ կալանավորման նիստերի ժամանակ, ինքն իր համակարգչով ներկայացրել է ամբողջական տեսանյութը, եւ նախաքննական մարմինը չէր կարող ականատես չլինել դրան: Վարդեւանյանը նշեց, որ միջնորդելու են, որպեսզի տեսանյութի ամբողջական տարբերակը կցվի գործի նյութերին եւ հաջորդ դատական նիստին հետազոտվի համակարգչով:

Այնուհետեւ սահմանվել է ապացույցների հետազոտման հաջորդականությունը: Ըստ այդմ, սկզբում կհետազոտվեն գործում առկա փաստաթղթերը, հետո կհարցաքննվեն տուժողն ու վկաները, վերջում՝ ամբաստանյալները: Այսօրվա դատական նիստին հետազոտվել են գործի համար նշանակություն ունեցող որոշ փաստաթղթեր, զննության, բերման ենթարկելու արձանագրություններ:

Նշենք, որ գործով տուժող ճանաչված դատավոր Աննա Դանիբեկյանը նիստին չէր մասնակցում, ինչի վերաբերյալ դատարանը նախապես չէր տեղեկացվել: Անդրադառնալով այս հանգամանքին՝ պաշտպան Արամ Վարդեւանյանը նշեց, որ դատավարական պարտականությունների տեսանկյունից դա իր համար առնվազն անակնկալ է. «Ծանուցագիրն ուղարկվել էր աշխատանքի վայր, բայց ստացել էր թե ոչ, դատարանը տեղեկություն չուներ, դե, չէր կարող չստանալ, բայց ամեն դեպքում, փաստը այն է, որ չէր ներկայացել, մենք մամուլից տեղեկանում ենք, որ նա առողջական խնդիրներ ունի, բայց այդ նույն հանգմանքը, կարելի է ասել, դատարանին չի ցանկանում տեղեկացնել»: Վարդեւանյանի խոսքով՝ մեղադրող դատախազը տուժող ճանաչված դատավորի ներկայանալու վերաբերյալ իր պրակտիկայում չհանդիպած հայտարարություն է արել՝ ասելով, որ նրա ներկայությունը՝ որպես հարցաքննվող անձի, այդքան էլ պարտադիր չէ. «Սրան ես հակադարձեցի՝ ասելով, որ օրենքի առաջ բոլորն են հավասար, եւ եթե ՀՀ վարչապետը, ԱԺ փոխխոսնակը գալիս են դատարան եւ ներկայացնում իրենց ցուցմունքը, չեմ կարծում, որ դատավորը, որի ցուցմունքը այս գործով անձանց կալանավորման որոշումների հիմքն է հանդիսացել, կարող է չներկայանալ դատարան»:

Մեր զրույցում մեղադրող դատախազ Ասպուրակ Ավետիսյանը իր այդ դիրքորոշումը պարզաբանեց նրանով, որ տուժող անձը տվյալ դեպքում գործող դատավոր է. «Դրա անհրաժեշտությունը չկա նաեւ պայմանավորված օրենսդրական կարգավորումներով եւ ՄԻԵԴ-ի համապատասխան որոշմամբ, ըստ որի՝ պետք է հնարավորինս զերծ մնալ դատավորի հետ որեւէ գործողություն կատարելուց, ամեն դեպքում, դատարանը որոշեց վերստին ծանուցել տուժող Աննա Դանիբեկյանին, եւ այդ հարցին անդրադառնալ այն ժամանակ, երբ հաջորդ նիստին էլ չներկայնա, եւ հերթը հասնի տուժողի ցուցմունքի հետազոտմանը, որը գործով ապացույցներից մեկն է»:

Աշխատանքային ժամի ավարտով պայմանավորված՝ այսօրվա նիստը հետաձգվել է: Պայմանավորված երկրում առկա արտակարգ դրությամբ եւ հաշվի առնելով, որ գործով անազատության մեջ գտնվող անձ չկա, հաջորդ դատական նիստը նշանակվել է շուրջ մեկ ամիս անց՝ ապրիլի 29-ին՝ ժամը 16:00-ին:

 

Լուսանկարը՝ նախորդ դատական նիստից

Տպել
37208 դիտում

Հայաստանի ներդրումային քաղաքականությունը պետք է արմատական փոփոխությունների ենթարկվի. Քերոբյան

Թրամփը հրահանգել է կազմակերպել Բայդենին իշխանության փոխանցման գործընթացները, թեպետ դեռ պայքարում է

Մասիս Մայիլյանը ԿԽՄԿ առաքելության բարձրաստիճան ներկայացուցչի հետ քննարկել է պատանդների վերաբերյալ մի շարք հարցեր

Ամենայն Հայոց Կաթողիկոսը ցավակցագիր է հղել Սերժ Սարգսյանին

Լուսաղբյուր համայնքում 30-35 հեկտարով կավելանա ոռոգվող հողերի մակերեսը

Արտակարգ իրավիճակների արձագանքման ծրագրեր և միջոցառումներ Շիրակի մարզում՝ Արցախից տեղահանված ընտանիքների համար

Հայաստանի պատմության թանգարանը հավաքագրում է Արցախյան պատերազմի նահատակների լուսանկարներն ու իրերը (տեսանյութ)

Արա Այվազյանը հեռախոսազրույց է ունեցել ԱՄՆ պետքարտուղարի տեղակալ Սթիվեն Բիգանի հետ

1 հատ ընկույզը 1000 դրամով վաճառելուց հետո փոքրիկ Վահեն այլ գործ է ձեռնարկել․ զինվորներից մեկը բուժման կարիք ունի

«Իմ քայլը» սպասում է բանակի ազդակներին. ռազմական դրությունը վերացնելու հարցով վաղը ԱԺ-ում հանձնաժողովի նիստ է հրավիրվել

Հայ ֆուտբոլիստների թիմերը Ղազախստանի առաջնությունում պայքարում են մրցանակային տեղերի համար

Սգո ծառայություններ մատուցող կազմակերպությունների համար սահմանվել են Covid-անվտանգության առանձին կանոններ

Ոսկետափ համայնքում ավարտվել է ներհամայնքային փողոցների ասֆալտապատումը

Զավեն Սարգսյանի մահվան կապակցությամբ ստեղծվել է թաղման կառավարական հանձնաժողով

Վարչապետը կրկին հանդիպում է ունեցել գերեվարված և անհետ կորած անձանց ընտանիքների անդամների հետ (լուսանկարներ)

Վաղը երեկոյան Ֆրանսիայի Սենատում կսկսվեն Արցախի ճանաչման բանաձևի քննարկումները

Նորածնային ինկուբատորներ, սոնոգրաֆիկ սարքեր. Գյումրու բուժհաստատությունները նոր բուժսարքավորումներով են համալրվել

Խոշտանգումների ու անմարդկային վերաբերմունքի ուղիղ պատասխանատուն Ադրբեջանի իշխանություններն են. ՀՀ ՄԻՊ

ԱԻ նախարար Անդրանիկ Փիլոյանն այսօր աշխատանքային շրջայց է կատարել․ նախատեսված են նաև մարզային այցեր

Գագիկ Ծառուկյանին մանդատից զրկելու հարցով կդիմեն ՍԴ. ԱԺ խորհրդի նիստն ավարտվեց