Պետք է ջանքեր գործադրել՝ համոզելու քաղաքացիներին, թե ինչու է անհրաժեշտ իրավունքների որոշ սահմանափակում․ Ռուստամ Բադասյան

ՀՀ Ազգային ժողովը շարունակում է արտահերթ նիստը։ Այսօր պատգամավորները քննարկում են օրակարգում ընդգրկված 3 օրինագծերը երկրորդ ընթերցմամբ եւ ամբողջությամբ ընդունելու հարցը։

«Արտակարգ դրության իրավական ռեժիմի մասին» եւ «Էլեկտրոնային հաղորդակցության մասին» օրենքում լրացումներ կատարելու մասին օրինագծի ներկայացման ժամանակ արդարադատության նախարար Ռուստամ Բադասյանն ասաց, որ երեկ ամբողջ օրը հետեւել է սոցիալական ցանցերում հնչող քննադատություններին։ «Կուզեի արձանագրել, որ, բնականաբար, ոչ բոլոր քննադատություններն են հաճելի, ամեն դեպքում ՀՀ քաղաքացիներն ամենայն լրջությամբ են վերաբերվում իրենց իրավունքներին եւ ազատություններին, եւ ուրախալի փաստ է, որ պատրաստ չեն զիջել որեւէ իրավունք ու ազատություն, եթե պատշաճ բացատրություններ չեն ներկայացվում դրա անհրաժեշտության համար»,- ասաց նախարարը։

Նրա խոսքով՝ պետք է ամբողջ ջանքերը գործադրել՝ համոզելու քաղաքացիներին, թե ինչու է անհրաժեշտ արտակարգ դրության ընթացքում գնալ իրավունքների եւ ազատությունների որոշ սահմանափակումների։

Բադասյանի կարծիքով՝ քննադատությունների մի մասն էլ կապված էին նրա հետ, որ նախագծի հետ չկապված կարծիքներ արտահայտվեցին ամբողջ օրվա ընթացքում։ «Դրա համար կուզեի հատուկ արձանագրել, թե այս նախագիծն ինչի մասին չէ։ Այս սահմանափակումները նախ բացառապես վերաբերում են համաճարակի հիմքով հայտարարված արտակարգ դրությանը, դրանից հետո որեւէ սահմանափակում չի գործելու։ Որեւէ նոր տվյալ քաղաքացիների մասին չի հավաքվում եւ չի մշակվում, օպերատորների մոտ արդեն առկա տվյալները համատեղվում են մեկ միասնական բազայում՝ համաճարակի դեմ պայքարելու համար»,- վստահեցրեց նախարարը։

Նա շեշտեց նաեւ, որ բոլոր մեկտեղված տվյալները ենթակա են լինելու ոչնչացման արտակարգ դրության ավարտից հետո, եւ որ այս ամենը որեւէ կերպ չի ենթադրում հեռախոսային խոսակցության բովանդակության բացահայտում։ «Կարեւորվում է միայն զանգի, տեղակայման փաստը։ Ենթադրենք՝ վարակակիրն ինտենսիվ շփման մեջ է գտնվել 10 անձի հետ։ Նրանցից 5-ը մշտապես մեկ տեղակայման վայրում են գտնվել, ինչն էլ նշանակում է, որ նրանց հետ կապված մեծ է հավանականությունը, որ այդ անձինք վարակվել են։ Մյուս 5 անձինք կպարզվի, որ մեկ տեղակայման վայրում չեն եղել, եւ այդ անձանց մասով լրացուցիչ գործողությունների կարիք չի լինի»,- ասաց Բադասյանը։

Տպել
1028 դիտում

Ռոբերտ Քոչարյանի՝ մինչեւ արտակարգ դրության ավարտը ԲԿ-ում մնալու որոշումը կարող է բողոքարկվել․ Արթուր Դավթյան

«Արարատ 73»-ի լեգենդար ֆուտբոլիստների գողացված արձանները չեն գտնվել

Կալանավորվել է Մարմաշենում 21-ամյա երիտասարդի սպանության գործով ձերբակալված անչափահասը

Չեմ ուզում գնալ հիվանդանոցից. Գյումրիում բռնության ենթարկված 13-ամյա Նազելին դուրս է գրվել «Սուրբ Աստվածամայր» ԲԿ-ից

2019 թվականին Զինված ուժերում հանցագործությունների թիվը նվազել է 18,5%-ով․ Արթուր Դավթյան

Քննիչը հանձնարարել էր պարզել Սանասարյանի դրամական միջոցների ծագումը, փոխհարաբերությունը ՊՎԾ աշխատակիցների հետ

Գյումրիում շների հարձակման հետևանքով Երևան տեղափոխված 2.5 տարեկան երեխան գիտակցության է եկել, ինքնուրույն շնչում է

Նիկոլ Փաշինյանն ու Վլադիմիր Պուտինը քննարկել են կորոնավիրուսային համաճարակի հետ կապված իրավիճակը

Թմրամիջոցների հայտնաբերման դեպքեր քրեակատարողական ծառայողների կողմից

14-ամյա պատանին իր մոտ եղած դանակով հարվածել է 16-ամյա տղայի թիկունքին՝ պատճառելով մարմնական վնասվածք

Յուրաքանչյուր երեխա ապագայի խորհրդանիշն ու երաշխիքն է. Արմեն Սարգսյանի շնորհավորանքը

Պատերազմներից, սովից, բռնությունից տառապող յուրաքանչյուր երեխա մեր՝ մեծերիս, պարտությունն ու ամոթն է. Աննա Հակոբյան

Վալենտինա Մատվիենկոն շնորհավորական ուղերձ է հղել Նիկոլ Փաշինյանին ծննդյան օրվա առթիվ

Միջազգային 20 կինոփառատոններ հասանելի են մեկ հարթակում տասն օր բոլորի համար անվճար

Բարոյական եւ հոգեբանական փլատակների մի՛ վերածվեք. Աննա Հակոբյանը՝ իրենց ընտանիքի վարակման փաստը շահարկողներին

Ժամանակավորապես կդադարեցվի բնական գազի մատակարարումը Հայաստան

Արցախի նախագահի հաստատմամբ Մարտակերտի շրջանի վարչակազմը նոր ղեկավար ունի

Պարետի կողմից սահմանված նորմերի խախտման դեպքերով դադարեցվել է 1376 կազմակերպության գործունեություն

Արայիկ Հարությունյանը հրամանագրեր է ստորագրել նախարարների եւ ՊԵԿ նախագահի նշանակման մասին

Սահմանափակվել է ԵՏՀ և պարետի որոշումներով սահմանված ապրանքների արտահանումը. ՊԵԿ-ն ուժեղացված հսկողություն է սահմանել