Կառավարությունը հստակ ռազմավարություն ունի, թե ինչպես է հաղթահարելու ճգնաժամը․ Նիկոլ Փաշինյան

Հակաճգնաժամային 9 միջոցառումները հերթով սկսում են գործել. այս պահին արդեն իսկ բաշխվել է 3 մլրդ 670 մլն դրամ: Այս մասին այսօր ՀՀ կառավարության նիստում ասաց վարչապետ Նիկոլ Փաշինյանը:

«Ուզում եմ ասել, որ այս թիվը մեր նախատեսածի 10 տոկոսից էլ պակաս է: Այն հընթացս կլրացվի: Կառավարությունն արդեն հրապարակել է էլեկտրոնային այն պատուհանը, որով քաղաքացիները կարող են ստուգել՝ արդյոք իրենք տվյալ սոցիալական ծրագրերի շահառու են, թե ոչ: Այս օրերին բազմաթիվ շահառուներ իրենց անունները չեն գտել, բայց ես ուզում եմ ասել, որ ամենօրյա ռեժիմով մենք թարմացնում եք տվյալները: Ամենաուշը հաջորդ շաբաթվա սկզբում բազան կամբողջանա, եւ փաթեթները հասանելի կլինեն բոլոր քաղաքացիներին, որոնք շահառու են ծրագրին»,- ասաց վարչապետը։

Նրա խոսքով՝ ՀՀ բանկերը շուրջ 290 հազար քաղաքացիների տվել են վարկային արձակուրդ՝ 9.3 մլրդ դրամի չափով: Վարկային արձակուրդ է տրվել նաեւ 5300 իրավաբանական անձանց՝ 15.4 մլրդ դրամի չափով:

«Բոլոր հիմքերը կան՝ ասելու, որ այս պրոցեսը կշարունակվի: Այս որոշումները կայացվել են առանց կառավարության որեւէ վարչական ներգործության: Սա կարեւոր է, որովհետեւ ճգնաժամի սկզբին մեր շատ գործընկերներ մեզ փորձում էին դրդել, որ մենք վարչական որոշում կայացնենք, որոնք կպարտադրվեն բանկերին: Մենք որոշեցինք գնալ այլ ճանապարհով, եւ այն, որ բանկային համակարգը, իհարկե, մեր քաղաքական հորդորներին արձագանքել է, վկայությունն է այն բանի, որ վստահություն է տածում կառավարության իրականացվող հակաճգնաժամային միջոցառումների նկատմամբ»,- նշեց վարչապետը։

Նրա խոսքով՝ մի քանի օրվա լարվածությունից հետո արտարժույթի շուկան եւ ընդհանրապես բանկային համակարգը գտնվում են շատ հանդարտ վիճակում․ «Վերջին օրերին բանկային ավանդների աճի որոշակի միտում է նկատվում, ընդ որում, արդեն իսկ կան տեսանելի դեպքեր, երբ քաղաքացիները դոլարային ավանդները փոխարկում են դրամայինի: Սա նշանակում է, որ կառավարության հակաճգնաժամային քաղաքականության նկատմամբ կա վստահություն»։ 

Նիկոլ Փաշինյանն ասաց նաեւ, որ այսօր բազմաթիվ են առաջարկները, թե ինչ պետք է անի կառավարությունը, եւ երբեմն այդ առաջարկների հեղեղից գլխապտույտ կարելի է ստանալ:

Վարչապետը հավելեց՝ կառավարությունը հստակ ռազմավարություն ունի, թե ինչպես է հաղթահարելու ճգնաժամը. «Մեր ռազմավարական առաջնահերթությունները մնում են նույնը, ինչ-որ նախկինում»։

Տպել
921 դիտում

Նարեկ գյուղից դեպի «Գյոլասոր» հատվածում փրկարարները գտել են մոլորված կնոջն ու նրա 3 երեխաներին

Մինչև համավարակի ավարտը Ռոբերտ Քոչարյանը կմնա «Իզմիրլյան» ԲԿ-ում

Շարունակվում են ՀՀ զբոսաշրջային ենթակառուցվածքների բարելավման աշխատանքները. հայտնում է էկոնոմիկայի նախարարությունը

Մահացել է ռեժիսոր Սամվել Գասպարովը. նա «Մոսկվան արցունքներին չի հավատում» ֆիլմի աստղ Նատալյա Վավիլովայի ամուսինն էր

Հայաստանը համերաշխություն է հայտնում Իսպանիային համավարակի դեմ պայքարում. Արմեն Սարգսյանը ցավակցել է Իսպանիայի թագավորին

Բարեկարգվում են Խոր Վիրապ վանքի ավտոկայանատեղին եւ հարակից տարածքները

Վճռաբեկ դատարանը բավարարել է Ախթալայի կամրջի վրա 2015թ. սպանության փորձի գործով դատախազության ներկայացրած բողոքը

Արմավիրի մարզի ընդհանուր իրավասության դատարանի նախագահը դատի է տվել Արման Բաբաջանյանին

Մայիսի 29-ի կեսօրից հետո շրջանների զգալի մասում սպասվում է կարճատեւ անձրեւ

ԱՄՆ-ի Մինեապոլիս քաղաքում ցուցարարներն այրել են ոստիկանության բաժանմունքի շենքը

Հայաստանում կա մոտ 432 հազար բնակարան, որոնց 64%-ի կադաստրային արժեքը 3 միլիոն դրամից ցածր է․ Թունյան

«Ձորակ» հոգեկան առողջության խնդիրներ ունեցող անձանց կենտրոնում մեկուսացված անձանց թեստերի պատասխանները բացասական են

Պարետի սահմանած նորմերը խախտելու համար 24 ժամով կասեցվել է 1156 կազմակերպության գործունեություն

Հանձնարարականները չկատարելու դեպքում լինելու են նման որոշումներ. աշխատանքից ազատվել է Քաշաթաղի վարչակազմի ղեկավարը

Ոչ աշխատանքային օրերին պոլիկլինիկաներում հերթապահելու են. որոշ հաստատություններում կիրականացվի ռենտգեն հետազոտություն

Ոստիկանությունը ուժեղացված ծառայություն է իրականացնում կանգառներում

Դավիթ Բաբայանը նշանակվեց Արցախի նախագահի խորհրդական

Մեկ օրում հաստատվել է կորոնավիրուսի 460 նոր դեպք. մահացել է 7 մարդ, առողջացել՝ 10-ը

Արայիկ Հարությունյանը նոր նշանակումներ է արել նաեւ ՌԵՍԶ նախարարի եւ ԱԱԾ տնօրենի պաշտոնում

«Մեզ հետ ուժի լեզվով երբեւէ չփորձեք խոսել». Արայիկ Հարությունյանը անդրադարձավ Ալիեւի հայտարարություններին