Չեմ հիշում՝ Լենինն էր ասել, թե՝ Ստալինը, կադրերը լուծում են ամեն ինչ։ Այս մասին այսօր ԱԺ-ում ասաց ՀՀ վարչապետ Նիկոլ Փաշինյանը։ Նրա խոսքով՝ հիմա էլ այդպես է, բայց պետք է ընդունենք եւ խոստովանենք, որ ՀՀ-ի իրավապահ համակարգը շոկի մեջ է։ Նրա օրինակով՝ նույն ոստիկանության, ԱԱԾ-ի աչքի առաջ տեղի է ունեցել մի բան, որը երկրար տարիներ իրենց ներշնչվել է, որ հնարավոր չէ։ «Խոսքը 2018 թվականի հեղափոխության մասին է։ Այդ մարդկանց աչքի առաջ տեղի է ունեցել մի բան, որին նայել են եւ չեն հավատացել իրենց աչքերին։ Հիմա էլ շատ մարդիկ նայում են եւ իրենց աչքերին չեն հավատում, որ ես այստեղ կանգնած եմ որպես ՀՀ վարչապետ, որովհետեւ ես իրենց օբյեկտն եմ եղել տասնյակ տարի»,- ասաց վարչապետը՝ հավելելով, որ իր քաղաքականությունը եղել է օգնել այդ կադրերին, որ հաղթահարեն այդ շոկը, հասկանան, որ այս նոր իրավիճակում իրենց ուսերին ավելի բարձր, ավելի ազնիվ, պետական առաքելություն է դրված։ Այս համակարգերի եւ ոստիկանության ամենամեծ խնդիրը վարչապետի համոզմամբ՝ հենց այդ շոկն է, որ, ցավոք սրտի, մինչեւ հիմա հաղթահարված չէ։ «Բայց ես կարծում եմ, որ դրա համար մենք ոչ թե փայտը պետք է առնենք եւ ընկնենք ոստիկանության եւ ոստիկանների հետեւից, այլ՝ օգնենք նրանց եւ բարեփոխումներ անենք։ Հիմա մենք ոստիկանության բարեփոխումների ռազմավարությունը ընդունել ենք եւ պետք է պարեկային նոր ծառայություն ձեւավորենք, որ չլինի ՃՈ եւ պարեկապահակային, պետք է լինի պարեկային ծառայություն»,- ասաց վարչապետը եւ հավելեց, որ այդ ծառայությունը մի շատ մեծ մասով պետք է ձեւավորվի գործող ոստիկաններից, որոնք կրթական պրոցես կանցնեն եւ նաեւ մեծ թվով նոր մարդկանցից։ Փաշինյանի համոզմամբ՝ պարեկային ծառայությունում պետք է լինի բավականին բարձր աշխատավարձ, որովհետեւ այսօր ոստիկանի աշխատանքը գրավիչ չէ ոչ միայն նոր եկողի համար, այլեւ նույնիսկ ոստիկանի համար։ «Ես չեմ ուզում որեւէ մեկին վիրավորել։ Ճիշտ է, մենք մոտ 30%-ով վճարումներն ավելացրել ենք, բայց ինչքա՜ն կոռուպցիոն եկամտից ենք զրկել ողջ իրավապահ համակարգին։ Ես վստահ եմ, որ այդ 30%-ը մենք ավելացրել ենք, բայց իրենց համախառն եկամուտը նվազել է»,- ասաց վարչապետը՝ համոզմունք հայտնելով նաեւ, որ կա քննադատություն եւ այն տեղին է։

«Հիմա շատ են խոսում՝ լավ այդ թավիշը, ի՞նչ ա դա, զզվեցինք, նույնիսկ մեր թիմակիցներն ասում են՝ հիմա թավիշ բառը Հայաստանում նեգատիվ իմաստ է ստացել, բայց այստեղ շատ կարեւոր է հասկանալ մի բան՝ մենք անում ենք այն, ինչ խոստացել ենք։ Մենք ասել ենք, որ չի լինելու ոստիկանությունում կադրային ջարդ, չի լինելու պետական կառավարման համակարգում կադրային ջարդ, մենք ասել ենք՝ ՀՀ բոլոր քաղաքացիները ունենալու են շանս՝ ապրել եւ աշխատել այս նոր Հայաստանում, որովհետեւ մենք չենք ցանկացել գալ, մարդկանց բաժանել հեղափոխականների եւ հակահեղափոխականների, որովհետեւ սա ոչ բռնի, թավշյա հեղափոխությունն է»,- ասաց Փաշինյանը։

Անդրադառնալով Արգիշտի Քյարամյանի նշանակմանը, վարչապետն ասաց, որ այդ դեպքերը նույնիսկ հումորի տեղիք են տվել։ «Կատակում են, թե պարոն Քյարամյանը երկու օրում երկու պաշտոնի նշանակվեց, բայց ես կայացրել եմ քաղաքական որոշում։ Որոշել եմ, որ նա պետք է այնտեղ աշխատի, դա համարել եմ աշխատանքային անհրաժեշտություն, պարզապես օրենքը այդ միջանցքն է տվել, որ Քյարամյանը հայտնվի այնտեղ»,- ասաց վարչապետը։ Նա շեշտեց, որ իր քաղաքականությունը եղել է այն, որ ոստիկանությունում եւ ԱԱԾ-ում ինչ-որ ժամանակ դրսից նշանակումներ չլինեն։ «Դա եղել է խոստման համաձայն, որ այդ համակարգերը պետք է ունենան հնարավորւթյուն եւ հիմա եկել է ժամանակը գնահատելու եւ վերագնահատելու ավարտած աշխատանքի արդյունավետությունը եւ կարելի է դա ազդարարել մի փուլի մեկնարկ, որտեղ նաեւ կլինեն դրսից նշանակումներ»,- ասաց Փաշինյանը՝ ընդգծելով, որ, իհարկե, նշանակումները կարող են լինել կուլբիտային, օրենսդրական միջանցքներով, բայց դա լավ է։ «Լավ է այդ դժվարությունը, որովհետեւ հիշում եք՝ մտադրված էինք օրենսդրական փոփոխություն անելու, որ լինեն ուղիղ նշանակումներ, բայց հետո հասկացանք, որ դա համակարգի զինվորական տրամաբանությունը կարող է կոտրել եւ մեր քաղաքական շահերից նահանջեցինք՝ հանուն համակարգի»,- հայտարարեց վարչապետը։

«Մեր հույսն այն է, որ պետական համակարգերը կգնահատեն մեր վերաբերմունքը, ոչ թե ոմանք կառիթավորվեն այդ վերաբերմունքից։ Սա մեր գաղափարախոսությունն է։ Սա ոչ թե այն է, որ մենք միամիտ ենք եղել, շանսը տվել ենք, ոչ, դա մեր գաղափարախոսությունն է, վերաբերմունքն է։ Մեր խնդրը չէ, որ հազիվ հասել ենք այս ամբիոնին, պինդ գրկենք ամբիոնն ու բաց չթողնենք, ոչ»,- վստահեցրեց Փաշինյանը։

Նա նաեւ պդնեց, որ այն, ինչ իրենք տվել են, իրենց է պատկանում եւ թող որեւէ մեկը չմտածի, որ ինչ-որ բան է գողացել։ «Մեզ հնարավոիր չէ խաբել, ես մեկ-մեկ մեր իրավապահ մարմինների որոշ ներկայացուցիչների ասում եմ, որ եթե դուք մտածում եք, որ այդքան խելոք եք, բա ո՞նց է, որ ձեր խդիրն էր ամեն ինչ անել, որ այստեղ չհայտնվեմ, բայց ես այստեղ եմ եւ ձեզ հրամաններ եմ տալիս»,- եզրափակեց վարչապետը։

Տպել
1540 դիտում

Պատրաստվում ենք այս hինգշաբթի կոտրել Covid-19-ի մասին ամենատարածված միֆերը. ԵՊԲՀ ռեկտոր

Վթար Քաջարան-Կապան ավտոճանապարհի 9-րդ կմ-ին. ուղեւորն ու վարորդը հոսպիտալացվել են

Պարետի որոշմամբ՝ ժամանակավորապես կասեցվել է մի շարք տնտեսվարողների գործունեությունը

Արգել գյուղի նախկին դպրոցի շենքում հրդեհ է բռնկվել. դեպքի վայր է մեկնել 4 մարտական հաշվարկ

Վրաստանը սահմանը չի բացի մի շարք երկրների զբոսաշրջիկների, այդ թվում՝ հայերի համար

Երթևեկության նշանները ծածկող խոչընդոտները կվերացվեն

Թուրքական օդուժը Իրաքի հյուսիսում թիրախավորել է բնակավայրեր. կա 2 զոհ

Հրետանավորներն անցկացրել են մասնագիտական պարապմունքներ. ՊՆ

Թրամփն ու ընտանիքը տեղափոխվել է ստորգետնյա բունկեր. ԱՄՆ-ում ցույցերի հետեւանքով 20 զոհ, 4 000 բերման ենթարկված կա

Հաշմանդամություն ունեցող երեխային պետք է սովորեցնել ինքնուրույն կյանք վարելու հմտություններ. ՄԻՊ (լուսանկարներ)

13-ամյա Նազելիի խնամակալությունը կստանձնի Գյումրիում ապրող հորաքույրը. կապրեն այլ հասցեում

Սահմանամերձ Բարեկամավանի միակ շրջանավարտի ավարտական երեկոն․ մի կողմից հակառակորդի հետ սահման, մյուսից՝ անտեսանելի թշնամի

Ամենահաճախակի խախտումները՝ գեղեցկության սրահներում, դեղատներում եւ ստոմատոլոգիական կենտրոններում․ ԱԱՏՄ

Սահմանադրական փոփոխությունների մասին քվեարկությունը ՌԴ-ում կանցկացվի հուլիսի 1-ին

Ակնկալվում է մի քանի անգամ մեծացնել Հայաստան ներմուծվող գազի և Իրան ներմուծվող էլեկտրաէներգիայի ծավալները

Լացող փոքրիկներ, մարզերից եկած հուսախաբ երեխաներ. հունիսի մեկն առանց ատրակցիոնների առաջվանը չէր

ՄԻԵԴ-ի պատասխանից առնվազն պետք է մտահոգվեն այն մարդիկ, որոնք ուղղել են հարցերը․ Վլադիմիր Վարդանյան

Եվրոպայում ֆուտբոլասերներին աստիճանաբար վերադարձնում են խաղադաշտ

ՍԱՏՄ-ն Կենտրոն վարչական շրջանում կասեցրել է կրկնակի խախտում կատարած երկու հանրային սննդի օբյեկտների աշխատանքը 48 ժամով

Օդային հաղորդակցության վերաբացումը կթույլատրվի հուլիսի կեսից. քննարկումն ու ժամկետը նախնական է