Նման բան չեմ ասել. Ջհանգիրյանը՝ դատավորներին բուռը հավաքելու, Փաշինյանի հետ նախկին խնդիրների, իր տարիքի շահարկման մասին

ՀՀ նախկին զինդատախազ, գլխավոր դատախազի նախկին տեղակալ, Մարտի 1-ի գործով նախկին քաղբանտարկյալ Գագիկ Ջհանգիրյանն այսօր Ազգային ժողովում հանդիպեց իշխող «Իմ քայլը» խմբակցության անդամների հետ, որոնցից առաջարկ է ստացել խմբակցության կողմից առաջադրվել ԲԴԽ անդամի թեկնածու:

Փակ հանդիպումից հետո լրագրողների հետ զրույցում իրավաբան-գիտնականն ասաց, որ թեեւ առաջադրվել է իշխող խմբակցության կողմից, սակայն չի պատրաստվում քաղաքական թիմի անդամ դառնալ: Նա պնդեց, որ ինքը առաջարկը ստացել է խմբակցությունից եւ ոչ վարչապետից: Վաղը պատրաստվում է հանդիպել «Լուսավոր Հայաստան» խմբակցության անդամների հետ, մյուս օրն էլ հույս ունի՝ «Բարգավաճ Հայաստան»-ի հետ: 

«Սահմանադրության եւ կանոնակարգ օրենքի համաձայն՝ իրավաբան գիտնականը որեւէ այլ ճանապարհ չունի ԲԴԽ կազմում հայտնվելու, բացի խմբակցությունների կողմից առաջադրվելուց: Քանի որ թվապես ավելի փոքր խմբակցությունների կողմից առաջադրումը երաշխիք չի, ձայները չեն բավարարելու, որովհետեւ ընտրության համար 3/5 է պահանջվում, դրա համար համաձայնել եմ մեծամասնական խմբակցության կողմից առաջադրվելուն: Բայց ես գործադիր իշխանություն չեմ գնում, քաղաքական պաշտոն չեմ ստանձնում, քաղաքական թիմի անդամ չեմ դառնում, ես գնում եմ մասնագիտական աշխատանքի»,- ասաց նա՝ հավելելով՝ ուրախ կլինի, որ ԲՀԿ-ի ու ԼՀԿ-ի կողմից էլ առաջադրվի: 

Լրագրողներից մեկը նախկին պատգամավորին հիշեցրեց պատգամավոր եղած տարիների մի միջադեպ, երբ ներկայումս վարչապետ, իսկ այն ժամանակ պատգամավոր Նիկոլ Փաշինյանի նախագծերից մեկին Ջհանգիրյանը անգրագետ որակումն էր տվել: Փաշինյանն էլ ասել էր, որ ով իր նախագիծն անգրագիտություն որակի, անգրագետն ինքն է:
Ջհանգիրյանն այս առնչությամբ ասաց. «Ես հիմա նման գայթակղություններին չեմ տրվի, նման անցած-գնացած… ես էլ հարյուրավոր լավ էպիզոդներ կարող եմ վկայակոչել իմ եւ Փաշինյանի համատեղ քաղաքական գործունեության, որպես կալանավոր՝ գործունեության մասին եւ այլն, բայց դրա ժամանակը չէ: Խարդավանքներին հիմա չեմ ուզում տրվել»:

Փոխարենը՝ նախկին քաղբանտարկյալը հիշեց, որ անազատության մեջ գտնվելիս Նիկոլ Փաշինյանը «Հայկական ժամանակում» մի հոդված էր հրապարակել, որում գրել էր, թե գտել է գլխավոր դատախազի թեկնածուին՝ հանձին Գագիկ Ջհանգիրյանի: Այս առիթով խոսելիս Ջհանգիրյանը հիշեց, որ իրեն այս ընթացքում մամուլը ինչ պաշտոնի ասես՝ «նշանակել է»:

Հաջորդ թեման, որի մասին խոսեց նախկին զինդատախազը, իր տարիքն է: Արդեն երկու օր է՝ տարբեր լրատվամիջոցներով ԲԴԽ նախագահ Ռուբեն Վարդազարյանը ակնարկում է, թե Ջհանգիրյանի ընտրվելը ԲԴԽ անդամի պաշտոնում օրենքի խախտում կարող է լինել, քանի որ 65 տարին լրանալուց հետո նա իրավունք չունի դատավոր լինել:

Ի պատասխան նման դիտարկումների՝ Ջհանգիրյանը խորհուրդ տվեց լավ ուսումնասիրել դատական օրենսգիրքը: Ըստ նրա՝ ՍԴ նախկին նախագահը (Գագիկ Հարությունյանը) 70 տարին լրանալուց հետո նշանակվել է ԲԴԽ նախագահ: Ըստ Ջհանգիրյանի՝ տարիքի մասին պնդումներ անողները Դատական օրենսգիրքը մեկնաբանում են մի հոդված կարդալով, ոչ թե ամբողջությամբ: «Դատավորների համար տարիքային սահմանափակում նախատեսվում է, իսկ իրավաբան-գիտնականների համար տարիքային առավելագույն սահմանափակում նախատեսված չէ... 65 տարին իրավաբան-գիտնականի համար ո՛չ Դատական օրենսգրքով, ո՛չ Սահմանադրությամբ նախատեսված չէ»: 

Ի պատասխան իրեն ուղղված հարցի՝ Ջհանգիրյանը հերքեց մամուլի հրապարակումները, թե դատավորներին բռի մեջ հավաքելու խնդիր է դրված իր առջեւ:

Իսկ թե ո՞րն է լինելու իր խնդիրը, ի՞նչ տեսլական ունի դատական համակարգում առկա խնդիրների լուծման համար, Ջհանգիրյանը պատասխանեց. «Ես, այո, իմ տեսլականը ունեմ թե՛ դատական համակարգի, թե՛ մնացած իրավապահ մարմինների կառուցվածքի, ֆունկցիաների վերաբերյալ: Բայց դուք ինչ-որ չափազանցեցված բաներ եք ինձ ասում, որովհետեւ ԲԴԽ-ն կազմված է 10 անդամից՝ 5 դատավոր, 5 իրավաբան, ես այնտեղ մեկ ձայնի իրավունք եմ ունենալու: Ինչ որ գնում եմ բուռս հավաքեմ... Նման բան ո՛չ հայտարարել եմ, ո՛չ ասել եմ»:

Հարցին՝ ինչ խնդիրներ է տեսնում դատական համակարգում, նախկին զինդատախազը  պատասխանեց. «Ազնվորեն ասեմ: Չեմ հասկանում, երբ, օրինակ, ռազմական հեղաշրջման կոչի մեղադրանքով անձին տանում են որպես խափանման միջոց կալանք կիրառելու, եւ դատարանը նրան բաց է թողնում: Անձեր չեմ ասում: Կամ հսկայական զինվորական արսենալ են հայտնաբերում մեկի մոտ, ուզում են ձերբակալել, կալանավորել, իսկ դատարանը մերժում է»:

Վնգստացող դատավորների տեսնո՞ւմ եք՝ հաջորդ հարցն էր: «Ես չգիտեմ՝ կա՞ն այդպիսիք... դուք մոռանում եք, որ ես 12 տարի էդ համակարգում չեմ եղել, հո ես բլոր դատավորներին անձամբ չեմ ճանաչում»,- պատասխանեց բանախոսը:

Ապագա հնարավոր ԲԴԽ անդամից լրագրողները վերջում հետաքրքրվեցին նաեւ, թե ինչպե՞ս է պատրաստվում աշխատել ԲԴԽ-ում եղած մթնոլորտում: «ԲԴԽ-ի մեծ մասն իմ ուսանողներն են, իմ կոլեգաներն են: Ես այնտեղ որեւէ վատ մթնոլորտ չեմ տեսնում»,- եզրափակեց նա:

Ի դեպ, Ջհանգիրյանի ճեպազրույցից հետո լրագրողների հետ զրույցում «Իմ քայլը» խմբակցության ղեկավար Լիլիթ Մակունցն ասաց, որ խմբակցությունը հանդիպման արդյունքում միաձայն որոշում է կայացրել Ջհանգիրյանին առաջադրել ԲԴԽ անդամի թեկնածու:

«Լուսավոր Հայաստան» խմբակցությունից հրաժարվեցին իրենց վերաբերմունքն արտահայտել Ջհանգիրյանի թեկնածության մասին՝ խոստանալով դա անել վաղվա հանդիպումից հետո:

«Հայկական Ժամանակ»-ը Telegram-ում
Տպել
2565 դիտում

Վլադի՛միր, կա՛նգ առ. Թրամփը Պուտինին կոչ է արել դադարեցնել պատերազմը

«ՈԻԱԶ»-ն արգելափակվել է Պաղջուր գետում

Չպետք է ջուր լցնել թշնամու ջրաղացին, որ ասեն՝ հայերը տարաձայնություն ունեն Ցեղասպանության վերաբերյալ. Բաբայան

Թալանել են բժշկական համալսարանի դասախոսի մեքենան. վնասի չափն անցնում է 1 մլն դրամից

Առանց պատմության ծանր բեռի հետ առերեսվելու՝ Թուրքիայում հնարավոր չէ երջանիկ ու խաղաղ ապագա. թուրք կուսակցապետ

Իրանում ՀՀ դեսպանն ու դիվանագիտական անձնակազմը ծաղիկներ են խոնարհել Ցեղասպանության զոհերի հիշատակի հուշարձանին

Տորոնտոյի միջազգային օդանավակայանում հրաձգություն է տեղի ունեցել

Այս օրը հիշեցնում է՝ ամեն ինչ պետք է անենք կանխելու նման վայրագությունների կրկնությունը. ԵՄ առաքելություն

Ահազանգ է ստացվել, որ կանգառում մահացած քաղաքացի կա. ի՞նչ է պարզվել

Հայաստանը դուրս չի եկել ՀԱՊԿ-ից․ Երևանի անդամակցությունը դադարի փուլում է. Տասմագամբետով

Պետք է դասեր քաղել այս իրողությունից և ապրել հանուն ՀՀ անկախության ու պետականության. Դավիթ Առուշանյան

Շաքի-Սիսիան-Դաստակերտ-Ցղունի ճանապարհին հսկայական քարաբեկոր է ընկել

Ցեղասպանությունների կանխումն անհնար է առանց անցյալի ցեղասպանությունների մանրազնին քննության. Վիլեն Գաբրիելյան

Դոլարը թանկացել է. ի՞նչ փոփոխություններ է արձանագրել տարադրամի շուկան ապրիլի 24-ին

Նիկոլ Փաշինյանը պաշտոնական այցով կմեկնի Էստոնիա

ՆԳՆ և ենթակա ծառայությունների ղեկավար կազմը հարգանքի տուրք է մատուցել Մեծ եղեռնի անմեղ զոհերի հիշատակին

Անդրեասյանը և Նիդերլանդների կրթության նախարարը դիտել են Հայոց ցեղասպանության մասին նոր ցուցադրությունը

Վարչապետն ու Ամերիկայի Հայ Ավետարանչական ընկերակցության պատվիրակությունը քննարկել են իրականացվող ծրագրերը

Էրդողանը Ապրիլի 24-ի վերաբերյալ ուղերձ է հղել

Թուրքիայի Մարդու իրավունքների ասոցիացիա ՀԿ-ն ապրիլի 24-ի հայտարարությամբ պահանջում է վերջ տալ ժխտողականությանը

Հպարտ եմ, որ Կանադան ճանաչել է Հայոց ցեղաuպանnւթյnւնը. դեսպան Էնդրյու Թըրներ

Ջերմաստիճանը կնվազի, սպասվում են տեղումներ, առանձին վայրերում՝ հորդառատ

Ողբերգություն, որն արժեցել է 1,5 միլիոն կանանց ու տղամարդկանց կյանք և չպետք է մոռացվի. Իտալիայի փոխվարչապետ

ՌԴ-ում եղբայրական հայ ժողովրդի ցավը միշտ ընդունել են որպես սեփական. Զախարովան՝ 1915-ի իրադարձությունների մասին

Այս nղբերգnւթյունը հիշեցնում է անմեղ մարդկանց տառապանքներ պատճառելու՝ չարդարացված լինելու մասին. ՄԹ դեսպան

Խունկ ու աղօթք ձեր յիշատակին. պոլսահայ երգչուհի Սիբիլի գրառումը

«Մեզ կօգնեն» կործանիչ գաղափարն արդեն զգացել ենք մեր մաշկի վրա, պիտի կառուցենք անվտանգ միջավայր. Դանիելյան

Տեղ համայնքի հերոսների պուրակում ծաղիկներ են խոնարհվել, կատարվել է հիշատակի միջոցառում. տեսանյութ

Մեծագույն խոնարհությամբ եմ գալիս․ Մանսուրյանն այցելել է Ծիծեռնակաբերդի հուշահամալիր

Ապրիլի 24-ը հռչակում եմ Հայոց ցեղասպանության հիշատակի օր. Փասադենայի քաղաքապետ

Հայաստանի ժողովրդի հետ հույները կիսում են հալածանքների և ցեղասպանության ցավը. Հունաստանի պաշտպանության նախարար

Ֆրանսիայի դեսպանն ապրիլի 24-ի տարելիցի մասին հայերեն գրառում է կատարել

Թող խաղաղությամբ հանգչեն Հայոց ցեղասպանության, անարդարության և ագրեսիայի զոհերն աշխարհում. Լիբանանի նախագահ

Փարիզում տեղի է ունեցել Հայոց ցեղասպանության 110-րդ տարելիցին նվիրված ոգեկոչման արարողություն

Ոգեկոչման ազգային օրը հիշենք բոլոր զոհերին և կենդանի պահենք նրանց հիշատակը. Մակրոնի հայերեն գրառումը

110 տարի անց Թուրքիան շարունակում է համառորեն մերժել պատմական ճշմարտությունը. Հունաստանի խորհրդարանի նախագահ

Չմոռանալով պատմությունը՝ հայացքներս ուղղենք դեպի ապագա՝ ամրացնելով պետության և պետականության հիմքերը. Ղազարյան

Լիտվայի դեսպանը հարգանքի տուրք է մատուցել Հայոց ցեղասպանության զոհերի հիշատակին

Ողբերգական դեպք Երևանում. բժիշկը հայտնել է, թե մահացած նորածնի մարմինը այրել են, և ծնողը չի կարող վերցնել

Մոտ հարյուր տարի անց կրկին նույն դերակատարներն են և՛ արտաքին ասպարեզում, և՛ ներքին հարթակներում. Դալլաքյան