Երևան
12 °C
Արցախյան 44-օրյա պատերազմը նպատակաուղված պարտության տանելու, Շուշին հանձնելու, Արցախից ազատվելու մեջ ՀՀ իշխանություններին մեղադրելուց հետո նախօրեին Արարատի մարզի բնակիչների հետ հանդիպմանը «Հայրենիքի փրկության շարժման» վարչապետի թեկնածու Վազգեն Մանուկյանը հարց բարձրացրեց.
«Եթե իմ ասածների փաստերն ու մեկնաբանությունները ճիշտ են, Էդ ո՞նց ա, որ ամբողջ ժողովուրդը ոտքի չի կանգնում»: Ապա նաեւ ինքն էլ պատասխանեց. «Կկանգնեցնենք, կփոխենք, խաղաղ կանենք, չի լինի՝ զոռով կանենք»:
Մինչ համացանցում շատերը իշխանություններից պահանջում էին պատասխանատվության ենթարկել Մանուկյանին՝ իր վերը նշված հայտարարությունների համար, իշխանական «Իմ քայլը» խմբակցության անդամ, ԱԺ փոխխոսնակ Ալեն Սիմոնյանը ԱԺ-ում լրագրողների հետ զրույցում այսպես արձագանքեց. «Թող փորձի»։
Լրագրողներից մեկի դիտարկմանը, որ Վազգեն Մանուկյանը շենքեր գրավելը «սովորել է իշխանությունից», փոխխոսնակը պատասխանեց․ «Երբ Վազգեն Մանուկյանը այս շենքը գրավում էր, ես 16 տարեկան էի, ուստի ինձնից դժվար թե բան սովորած լինի, իսկ եթե բան սովորած լինի, կարծում եմ՝ միայն լավը պետք է սովորած լինի»։
Անդրադառնալով պատերազմի օրերին գեներալներին զանգելու մասին Վազգեն Մանուկյանի հայտարարությանը՝ Սիմոնյանն այն խոստովանություն համարեց՝ նշելով, որ եթե Վազգեն Մանուկյանը հողերը ծախած լինելու քարոզը տարել է գեներալների շրջանում, կարելի է ենթադրել, որ նույն բանը արել են նաեւ նրան իրենց թեկնածու կարգած ուժերը՝ ըստ կոչումների՝ գնդապետներից մինչեւ շարքայիններ:
«Պատերազմի ընթացքում, փաստորեն, էս մարդիկ միայն մի բանով են զբաղված եղել. գեներալից մինչեւ շարքային մեր բանակի հաղթանակի կամքը թուլացնելու, կոտրելու գործով: Նրանք համոզված են եղել՝ իրենց թողած բանակցային ժառանգության բերումով Ջեբրայիլն ու Հորադիզը պետք է թողնել եւ պետք է գրոհել Հայաստանի կառավարության շենքը: Իսկ որպեսզի Կառավարության շենքը գրոհելու «լեգիտիմ» առիթ լինի, ռազմաճակատում պետք է լինեին հնարավորինս շատ անհաջողություններ, իսկ սրա համար պետք էր կասկած սերմանել հայոց բանակի զինվորների, սպաների, գեներալների շրջանում, թուլացնել ու կոտրել կռվելու ու հաղթելու նրանց կամքը:
Իսկ այդ նույն ժամանակ Երեւանում ձեւավորվում էին Կառավարության ու Ազգային ժողովի շենքը գրոհելուն պատրաստ «մարտունակ» ջոկատներ»,- ֆեյսբուքի իր էջում գրել էր Սիմոնյանը:
Վազգեն Մանուկյանի երեկվա հայտարարությունները ԱԺ պատգամավոր Արման Բաբաջանյանին էլ հիշեցրել էին Հոկտեմբերի 27-ի գործով դատապարտված Նաիրի Հունանյանի հետ իր զրույցից մի հատված.
«Նաիրի Հունանյանը հոկտեմբերի 27-ից առաջ ազգի «փրկիչների» առաջնորդի (Վազգեն Մանուկյանի) հետ հանդիպումներից մեկի բովանդակության մասին պատմում էր ճիշտ այսօր Արարատում Վազգեն Մանուկյանի արտաբերած մտքի տրամաբանությամբ՝ Հայաստանը առաջ չի գնա, քանի Վազգեն Սարգսյանը ողջ է: Ահա թե ինչու պետք է տեղի ունենար պետությունը վախճանի դատապարտող ահաբեկչական ակտը»:
Խոսքը Մանուկյանի երեկվա այն հայտարարության մասին է, թե գործող իշխանության հեռացումը մեր երկրի ապագայի հարցն է:
Ավելին, ըստ պատգամավորի՝ ապստամբության մասին Վազգեն Մանուկյանի հայտարարությունը վտանգավոր է, քանի որ «ապստամբությունը լինում է զինված, չզինված ապստամբություն չի լինում»: Չզինվածը, նրա կարծիքով, լինում է խաղաղ անհնազանդություն, իսկ ապստամբությունը ենթադրում է ուժի կիրառում:
Բաբաջանյանը վստահ է՝ զինված ապստամբությունը չի լուծում որեւէ հարց, նոր արյունահեղությունից ու ապակայունացումից բացի, անկախ, թե ով ինչ նկատառումով է գնում այդպիսի քայլի: Այդպիսի գործողությունն ու զարգացումը, ըստ նրա, կարող է ձեռնտու լինել կամ լուծել միմիայն այն ուժերի համար կարեւոր հարցեր, որոնց ձեռնտու չէ Հայաստանի անկախ եւ թեկուզ բարակ թելով մնացած ինքնիշխանությամբ հանրապետության գոյությունը:
Ե՞րբ կգնա Վազգեն Մանուկյանի վարչապետացմանն ուղղված շարժումը ապստամբության, ե՞րբ կհասկանան, որ խաղաղ ճանապարհով իշխանափոխություն անելու սահմանագծին են, եւ պետք է սկսել ապստամբությունը: Երեկ Արարատում այդ մասին իրեն ուղղված հարցին Մանուկյանը պատասխանել էր. «Ես չեմ հասկանալու, ժողովուրդը ինքը կհասկանա, կանի»:
Քաղաքագետ Վիգեն Հակոբյանը կարծում է, որ ապստամբության մասին Մանուկյանի հայտարարությունը ուղղված է հասարակության այն հատվածին, որն ավելի վճռական քայլեր է ակնկալում իրենցից:
Նա ընդգծեց՝ շենքեր գրավելու քայլը սիմվոլիկ է, այդ քայլին գնում են շատ հաճախ եւ բազմաթիվ երկրներում:
Հիշեցնելով, որ 2 տարի առաջ էլ նման քայլի գնացել է վարչապետ Փաշինյանը՝ հեղափոխությունից առաջ գրավելով ռադիոտունը, քաղաքագետը նկատեց. «Այդ քայլը մի կողմից ցույց է տալիս, որ ընդդիմությունը այդ պահին այնքան ուժեղ է, որ կարողանում է որեւէ օբյեկտ գրավել առանց բռնության, մյուս կողմից իշխանությունը այնքան թույլ է, որ չի կարողանում դիմադրել այդ գործողություններին: Վազգեն Մանուկյանը հենց դա է ուզում ցույց տալ. Քանի որ հանրության մի հատվածի մոտ կա պահանջ ավելի վճռական գործողությունների գնալու, իսկ ընդդիմությունը այդ վճռական գործողությունները գոնե մինչ այս պահը չի իրականացրել, այս պայմաններում պետք է ցուց տալ, որ վճռական են: Այդ սիմվոլիկ քայլի մասին է խոսքը, որ անհրաժեշտ պահին հանրությանը ոգեւորեն»:
Կգնա՞ Մանուկյանի գլխավորած շարժումն այդ քայլին, թե ոչ՝ Վիգեն Հակոբյանը չի ցանկանում գուշակել: Նա ենթադրում է, որ այդ մասին հայտարարելու նպատակը առնվազն նման գործողությունները չբացառելն է: «Եթե հարցնեիք՝ կկարողանա՞ն, թե՞ չէ՝ կասեի կարող են: Այդ գործողությունը ամենաբարդ բանը չէ, դրա համար կրիտիկական զանգված պետք չի, մի քանի հարյուր, նույնիսկ տասնյակ մարդով էլ կարող ես անել: Բայց կգնան, թե ոչ այդ քայլին՝ դա հանգամանքներից եւ տվյալ պահի իրավիճակից է կախված»,- ասաց նա:
Քաղաքագետ, ԳԽ եւ ՀՀ նախկին պատգամավոր Վիգեն Խաչատրյանն այսքան լուրջ չի վերաբերում այս ամենին. «Նպատակներ կան (ապստամբության-խմբ.), բայց դրանք անլուրջ են, դրանք չեն բխում հասարակական, քաղաքական, պետական շահերից եւ ակնհայտորեն չեն արտահայտում մեծամասնության տրամադրությունները: Մարդը կտրվել է իրականությունից, ցանկալին իրականության տեղ է փորձում մատուցել: Կարծում եմ, որ պետությունը բավականաչափ ներուժ ունի, որ ցանկացած իրավախախտում օրենքի դաշտ բերի: Կբերեն: Աստիճանաբար ինքը մտնում է դրա տակ»,- մեր զրույցում ասաց նա:
Հարցին՝ բացառո՞ւմ եք, որ ընտրություններից հրաժարվող Մանուկյանն ու նրան սատարող ուժերը իշխանության հասնելու համար գնան շենքեր գրավելու ճանապարհով, Վիգեն Խաչատրյանը պատասխանեց՝ կգրավեն էլ, կազատեն էլ.
«Ավելի լուրջ բաներ կար գրավելու, կարող էին գրավել՝ չմասնակցեցին, հիմա մնացել է շենքերի վրա իրենց կարողությունները փորձեն: Կգրավեն շենքերը, կազատեն, ինչ կա դրա մեջ»,- նկատեց նա:
Ապա անդրադառնալով Արցախի գեներալներին զանգելու մասին Մանուկյանի հայտարարությանը, եւ պատասխանելով մեր հարցին, թե դա խոսո՞ւմ է այն մասին, որ բանակի շարքերում պարտվողական տրամադրություններ են տարածել, քաղաքագետը պատասխանեց.
«Ակամա դա է բխում, բայց նման պահվածքը խոսում է այն մասին, որ էդ խոսքերի հեղինակը…հավանաբար արդեն բժշկի կարիք կա»:
«Հայկական Ժամանակ»-ը Telegram-ում2025 թվականի ամառային զորակոչի ժամկետը երկարաձգվել է
Տիկին Յուղային մազեր Սիմոնյանի խոսքից մի կարևոր արձանագրում կա, որի մասին 5 տարի անհույս երազում է. Դալլաքյան
Վերաքննիչ դատարանը մերժել է Աջապահյանի պաշտպանների միջնորդությունը
Ամռանը շատ ջուր խմել է հարկավոր. Առողջապահության նախարարությունը զգուշացնում է ջրազրկման վտանգների մասին
ՌԴ-ում կործանված Ան-24 ինքնաթիռի բոլոր ուղևորները զոհվել են. ինչ մանրամասներ են հայտնի
Ուկրաինան անօդաչուներով գրոհել է Սոչին ու Ադլերի նավթային պահեստը. տեսանյութ
Թուրքիայի կենտրոնական հատվածում անտառային հրդեհների հետևանքով զոհվել է 10, վիրավորվել՝ 14 հրշեջ
ԿԳՄՍՆ-ի և Հունաստանի կրթության, կրոնի և սպորտի նախարարության միջև ստորագրվել է համագործակցության ծրագիր
ՌԴ-ում կորել է կապը 42 ուղևոր տեղափոխող ինքնաթիռի հետ
Իտալիայի դեսպանն այցելել է Մատենադարան
Ստեղծվում է կանաչապատ սահմանագիծ գերեզմանատների և բնակելի հատվածների միջև. տեսանյութ
Հաղթանակ կամրջի տակ՝ Հրազդան գետում, հայտնաբերվել է տղամարդու մարմին
Ջրաշենում պիտբուլ շունը հարձակվել է մարդկանց վրա. 3 անձ, այդ թվում՝ երեխա, տեղափոխվել է հիվանդանոց
Ժամանակավորապես կդադարեցվի Հայաստան բնական գազի մատակարարումը
Դիտարկվել են Գորիսում այս պահին իրականացվող սուբվենցիոն ծրագրերը
Մարգարիտա Սիմոնյանը՝ կրկեսի ևս մեկ արարած, չի դադարում միջամտել մեր երկրի գործերին՝ ստեր տարածելով․ Սիմոնյան
Ձև չունեք. Ռոմանոս Պետրոսյանը լուսանկար է հրապարակել
Այս տարի բերքը շատ է. Գևորգ Պապոյանը Գուսանագյուղում հետևել է հացահատիկի բերքահավաքին. տեսանյութ
Չարենցավանի շինություններից մեկում և հարակից տարածքում հրդեհ է բռնկվել
«Մանկական Եվրատեսիլ 2025»-ում Հայաստանը ներկայացնելու համար մրցույթ է հայտարարվել. ովքեր կարող են դիմել
Ստամբուլում ավարտվել են ռուս–ուկրաինական բանակցությունները. 3-րդ փուլը տևել է մոտ 40 րոպե
Կալուգեցի Սամոյի 32 տարվա մանկամիտը տեղյա՞կ է, որ տեղով մեկ մեմ է. Չախոյան
Բերդկունք և Հայրավանք գյուղերի երեխաների համար սուբվենցիոն ծրագրով մանկապարտեզ է կառուցվում. Խուդաթյան
Բնակարանային գողերը ձերբակալվել են՝ իրեղեն ապացույցները ձեռքերին. ՆԳՆ ոստիկանությունը տեսանյութ է հրապարակել
Բրյուս Ուիլիսն այլևս չի կարողանում խոսել, կարդալ ու քայլել
Հուսով եմ՝ Տեր-Պետրոսյանն ավելի հեռուն չի գնա և մի օր Նաիրի Հունանյանին քաղբանտարկյալ չի հայտարարի. Ղազարյան
Մենք ոմանց նման թքած չունենք ՀԷՑ-ի վրա, գնալու ենք սպառողների իրավունքների պաշտպանության ճանապարհով. տեսանյութ
Մի տարածեք Բաքվում գեներացված «միջանցքի» կեղծ լուրը, մի դժվարացրեք Երևանի դիվանագիտության գործը. Իոաննիսյան
Ստամբուլում մեկնարկել են Ռուսաստան-Ուկրաինա բանակցությունները
ՀԷՑ-ի հարցը լուծվելու է ՀՀ պետական շահից և էներգետիկ անվտանգությունից ելնելով. ձև չունեք. Հովհաննիսյան
Խոսքը կամ լռությունն օգնել է հակառակորդին. Մանավազյանը հիշեցրել է Կարապետյանի՝ 2020-ի հայտարարությունը
Պապոյանն այցելել է Շիրակ, հետևել մի քանի ընկերության աշխատանքներին, ներկայացրել պետության աջակցության ծրագրերը
Եկեղեցու վերնախավը ցնցվելու է, սա լինելու է վերջաբանը. ինչ է սպասվում Էջմիածնի հրապարակում. տեսանյութ
Ռոբոտներ մատուցողների փոխարեն. Իլոն Մասկը բացել է իր առաջին Tesla ռեստորանը
Ինչ վտանգներ կարող է առաջացնել շոգ եղանակը. մասնագետը զգուշացնում է. տեսանյութ
Arca վճարային համակարգում ծագած խնդիրն ամբողջությամբ կարգավորվել է
ՀԷՑ-ը պետական է դառնալու, իրոք ամոթ է, էս օտարերկրացի աղջիկների նկարներով ֆեյքերի վերջը տվեք. Ալեքսանյան
Մասիսի Հ-13 և Հ-14 ավտոճանապարհների հատման խաչմերուկի հարակից հատվածը հուլիսի 24-ին փակ կլինի. ինչպես երթևեկել
Հուլիսի 25-ին Իսահակյան-Թամանյան խաչմերուկը երթևեկության համար փակ կլինի
Միքայել Աջապահյանի գործի նախաքննությունն ավարտվել է. վարույթի նյութերը կհանձնվեն դատախազին
© 2025 Հայկական ժամանակ
Website by MATEMAT