Հիմա, մինչեւ հունիսի 1-ը, ոչ մի դեպքում, ԸՕ-ն փոխելուց հետո․ արտահերթ ընտրությունների շուրջ տեսակետները չեն հատվում

Հանգստյան օրերին իշխող «Իմ քայլը» խմբակցության ներկայացուցիչները կառավարական առանձնատանը հանդիպել են վարչապետ Նիկոլ Փաշինյանի հետ: Քննարկման հիմնական թեման, ՀԺ-ի տեղեկություններով, արտահերթ ընտրություններն են եղել:

Իշխանությունները դեռեւս վերջնական որոշման չեն հանգել ընտրությունների ժամկետների շուրջ: Ժամկետների պահանջներ, սակայն, սկսել է ներկայացնել խորհրդարանական ընդդիմությունը: Մասնավորապես, «Լուսավոր Հայաստան» խմբակցության ղեկավար Էդմոն Մարուքյանը այսօր Ազգային ժողովում լրագրողների հետ զրույցում հայտարարեց, որ եթե ընտրությունները տեղի չունենան մինչեւ հունիսի 1-ը, «Լուսավոր Հայաստան» խմբակցությունը չի երաշխավորում, որ դրանից հետո վարչապետի թեկնածու չեն առաջադրի:

Մարուքյանը միեւնույն ժամանակ ընդգծեց, որ մինչեւ հունիսի 1-ն ընտրություն անցկացնելու համար առաջիկա 10 օրվա ընթացքում վարչապետը պետք է հրաժարական տա, խորհրդարանը ցրվի:

«Հունիսի 1-ից հետո մենք չենք կարող երաշխավորել, որ խորհրդարանում առաջադրումներ չեն լինի։ Հետեւաբար մեր կոնսենսուսը կարող է կայանալ, եթե այն տեղի է ունենում մինչեւ հունիսի 1-ը»,- ասաց նա:

Ընդդիմադիր գործիչը պարզաբանեց՝ այս ժամկետը կարեւոր է, որովհետեւ ճգնաժամը խորն է, պետք է արագ հանգուցալուծում տալ: «Եթե առաջիկա 10 օրում է լինում լուծարումը, էդ ընտրությունները տեղի են ունենալու մինչեւ հունիսի 1-ը, եթե էս 10 օրում հանգուցալուծում չունենք, ես չգիտեմ 10 օր հետոյի վերաբերյալ ինչ կարող է լինել, որ դրա վերաբերյալ բան խոսեմ, որովհետեւ այնքան անհանգիստ է երկիրը, այնքան ցնցումներ կան, որ ես չեմ կարող դրա վերաբերյալ կանխատեսումներ անել»,- հավելեց նա:

Մարուքյանը նշեց նաեւ, որ իշխանությունների մոտ տեսնում է արտահերթ ընտրությունների գնալու կամք. «Առաջ ասել եմ, որ պատրվակ են փնտրում՝ չանեն, պատրվակ էր հուշագիրը եւ այլն։ Հիմա տեսնում եմ կա կամք գնալ ընտրությունների, ուրեմն գնում ենք ընտրությունների», - նշեց նա:

Հիշեցնենք, որ Մարուքյանը ավելի վաղ հանդիպել էր վարչապետի եւ նախագահի հետ՝ քննարկելու առկա քաղաքական ճգնաժամը հանգուցալուծելու եւ այդ համատեքստում արտահերթ ընտրությունների գնալու հարցը: Վարչապետի հետ պայմանավորվել էին, որ «Բարգավաճ Հայաստան» խմբակցության ղեկավարի ու Փաշինյանի հնարավոր հանդիպումից հետո կրկին կխոսեն՝ արդյունքների վերաբերյալ քննարկում ունենալու համար:

Մինչ այս պահը դեռեւս լուր չկա Փաշինյան-Ծառուկյան հանդիպման մասին: Գագիկ Ծառուկյանը հրաժարվեց ընդունել նաեւ Հանրապետության նախագահի հրավերը: Ուրբաթ օրը լրագրողների հետ զրույցում ԲՀԿ ղեկավարը հայտարարեց, որ նախագահի հետ չի հանդիպի, բայց պատրաստվում է հանդիպել Նիկոլ Փաշինյանի հետ: «Ես սրա մասին հայտնել եմ նաեւ «Հայրենիքի փրկության շարժման» մեր գործընկերներին: Շուտով կլինի հանդիպումը եւ բոլորը տեղյակ կլինեն դրա մասին: Այս վիճակից դուրս գալու համար անհրաժեշտ է հանդիպել՝ վայրկյան շուտ ստեղծված իրավիճակից դուրս գալու համար»,- ասաց նա:

Հարցին, թե ինչի շուրջ է լինելու զրույցը, Ծառուկյանը ընդգծեց. «Չհանդիպելը եւ քննարկումներ չունենալը իրավիճակի լուծում չէ: Օր օրի ճգնաժամը խորանում է: Առանց հանդիպելու այս վիճակից ո՞նց եք պատկերացնում, ինչպես պետք է դուրս գանք:  Մարդիկ պղտոր ջրի մեջ փորձում են ձուկ բռնել, ես հո չեմ գնում կոալիցիա կազմեմ Նիկոլ Փաշինյանի հետ»: 

Թեմայի շուրջ իրեն ուղղված հարցին այսօր ԱԺ-ում լրագրողների հետ զրույցում մեկ այլ ասացվածքով անդրադարձավ «Բարգավաճ Հայաստան» խմբակցության քարտուղար Արման Աբովյանը: Վերջինս «մութ սենյակում սեւ կատու փնտրել» անվանեց այն հարցադրումը, թե ինչպե՞ս է ստացվում, որ Ծառուկյանը, լինելով ՀՓՇ անդամ, համաձայն է Փաշինյանի օրոք ընտրություններին:

Մինչդեռ հիշեցնենք, որ ՀՓՇ-ի պահանջն է՝ Փաշինյանի հրաժարական, Վազգեն Մանուկյանի ժամանակավոր վարչապետություն, 1 տարի անց ընտրություններ՝ առանց Վազգեն Մանուկյանի առաջադրման:

Արման Աբովյանը, սակայն, նկատեց՝ ՀՓՇ-ի «գործառույթն» է այն, որ իշխանությունը չուզենալով եկել է այն մտքին, որ, այո, առանց արտահերթ ընտրությունների վիճակը գնալով ծանրանալու է։ Ընդդիմադիր խմբակցության քարտուղարը հայտարարեց նաեւ, որ ՀՓՇ-ի շրջանակներում փողոցային պայքարը չի դադարելու՝ մինչեւ գործող իշխանությունները չհեռանան:

Իր հերթին՝ այսօր հայտարարությամբ հանդես եկավ «Հայրենիքի փրկության շարժման» վարչապետի միասնական թեկնածու Վազգեն Մանուկյանը, որի շուրջ համախմբված շարժումն, ըստ էության, ձախողված է:

Հայտարարությունում նա ընդգծվում էր, որ պետք է ամեն գնով կանխել այս իշխանության օրոք արտահերթ ընտրությունների անցկացումը: Իսկ եթե, այնուամենայնիվ, իշխանությունը գնա այդ քայլին եւ հայտարարի ընտրությունների մասին, ապա, ըստ Վազգեն Մանուկյանի, պետք է հեռացնել այս իշխանությանը մինչեւ նախընտրական գործընթացի սկիզբը:

Թե ինչպես է դա պատկերացնում՝ Մանուկյանը չի մանրամասնել:

Ու մինչ Վազգեն Մանուկյանը շարունակում է ըստ որոշ գնահատականների բռնության կոչեր անել, արտախորհրդարանական որոշ ուժեր էլ քննարկում են՝ արտահերթ ընտրություններն անցկացնել «Ընտրական օրենսգրքի» փոփոխությունից առա՞ջ, թե հետո: Ինչպես հայտնի է՝ ԱԺ-ում շրջանառության մեջ է դրվել «Ընտրական օրենսգրքի» փոփոխությունների փաթեթը: Եվ բազմաթիվ ուժեր ու գործիչներ պնդում են, որ սխալ է ընտրությունների գնալ՝ մինչ այդ փոփոխությունների ընդունումը:

«Առանց ընտրական օրենսգրքի փոփոխության անցկացվող ընտրությունները հերթական եւ բավականին ուժեղ հարվածը կլինի 18 թվականին սկիզբ առած հեղափոխական գործընթացներին ու, ընդհանրապես, ժողովրդավարությանը»,- ֆեյսբուքյան իր էջում գրել է «Քաղաքացու որոշում» կուսակցության ղեկավար մարմնի անդամ Սուրեն Սահակյանը։

Սա այն հարցն է, որի վերաբերյալ միասնական դիրքորոշում չկա նույնիսկ «Իմ քայլի» ներսում: «Ընտրական օրենսգրքի» փոփոխությունները համակարգող խմբի անդամ, «Իմ քայլը» խմբակցության պատգամավոր Համազասպ Դանիելյանի կարծիքն, օրինակ, այս հարցում գրեթե նույնական է Սուրեն Սահակյանի հետ:

Դանիելյանը բազմիցս, այդ թվում մեզ հետ զրույցում ընդգծել է, որ առանց «Ընտրական օրենսգիրքը» փոփոխելու կայացած արտահերթ ընտրությունները կլինեն բաց թողնված հնարավորություն: Նրա համոզմամբ՝ նոր օրենսգիրքը նպաստելու է՝ ունենալ ավելի ազատ եւ ժողովրդավարական ընտրություններ: Դանիելյանը կողմ է մի քանի ամիս ավելի ուշ ընտրություններ անցկացնելուն, բայց բարելավված օրենսգրքով:

Այս առումով առանցքային փոփոխությունը, ինչպես տեղեկացրել ենք, ընտրակարգի փոփոխությունն է: Փոփոխությունների նախագծում առաջարկվում է ռեյտինգային ընտրակարգը փոխարինել փակ համամասնականով: Բացի այդ, կարեւոր է համարվում նաեւ անցողիկ արգելապատնեշի փոփոխությունը, բոնուսային համակարգի վերացումը եւ այլն:

Իսկ ահա «Իմ քայլից» Վիկտոր Ենգիբարյանը այսօր «Արարատ» ակումբում հրավիրված ասուլիսում հայտարարեց. «Մենք պատրաստ ենք գնալ ընտրությունների ե՛ւ տարածքային ցուցակներով՝ այսինքն ռեյտինգային ընտրակարգով, ե՛ւ փակ համասնական ընտրակարգով: Մենք կրկին ուզում ենք, որ բոլոր քաղաքական ուժերը անեն հայտարարություն, թե իրենք ինչպիսի ընտրակարգով են ցանկանում գնալ ընտրությունների: Երբ որ մենք տեսնենք, որ քաղաքական դաշտը այնուամենայնիվ նախընտրում է այս կամ այն տարբերակը, մենք դա անպայման հաշվի կառնենք»:

Ենգիբարյանն ընդգծեց՝ դա կարեւոր է, որպեսզի չլինի այնպես, որ ընտրություններից առաջ կամ հետո որեւէ քաղաքական ուժ հայտարարի, թե իշխանություններն իրենց կարծիքը չեն հարցրել:

Տպել
3338 դիտում

Նիկոլ Փաշինյանը կադրեր է հրապարակել Երևան-Կապան թռիչքից

Կապանում կայացել է ՔՊ նախաձեռնող խմբի նիստ․ վարչապետը հանդես է եկել ելույթով (տեսանյութ)

Արմեն Գրիգորյանը մասնակցում է «Ուկրաինայի խաղաղության բանաձև գագաթնաժողովին»

Կառավարությունն առաջարկում է Քրեական օրենսգրքում սահմանել կիբեռհանցագործությունների ցանկը

Հանկարծ չմտածեք, թե շատերը կան, որոնք մեր նման ուզում են այս պետությունը լինի․ Փաշինյանը Սյունիքում է (տեսանյութ)

Հուլիսի 12-ին կանանց մահակներով չծեծեցին, ոնց անում էր Գալստանյանի տերը մեզ հետ, օրինաչափ գործողություն էր. Խաչատրյան

Ադրբեջանին առաջարկում եմ ձևավորել հրադադարի ռեժիմի խախտման հետաքննության երկկողմ մեխանիզմ. Փաշինյան (տեսանյութ)

Մեկնարկել է ԼՂ-ից տեղահանվածների բնակարանային ապահովման աջակցության ծրագրի առցանց դիմումների ընդունման գործընթացը

Ռուսական Су-24 ինքնաթիռը խախտել է Շվեդիայի օդային տարածքը

Առաջիկա օրերին օդի ջերմաստիճանը կբարձրանա

Ուելսի արքայադուստր Քեյթ Միդլթոնն առաջին անգամ հայտնվել է հանրության առաջ քաղցկեղի դեմ բուժումից հետո (լուսանկարներ)

Մարդիկ կարող են գետն ընկնել, խառնվել կոյուղաջրերին, աղբին, առնետների բաժին դառնալ. ինչ իրավիճակ է Գյումրի գետակում

Արեն Մկրտչյանը տեսանյութ է հրապարակել, որտեղ Քարկոփի հետիոտնային նոր, ժամանակավոր կամուրջն է

Քամալա Հարիսը հայտարարել է Ուկրաինային 1,5 միլիարդ դոլար հատկացնելու մասին

Դաշնակցական Գերասիմ Վարդանյանը ձերբակալվեց

«gg»-ի գրասենյակից առգրավվել է 26 համակարգիչ․ մանրամասներ

Լոռու մարզպետը և Ալավերդու ղեկավարն այցելել են Սանահին կայարան թաղամաս և Թումանյան փողոց, հանդիպել բնակիչների հետ

«gg»-ում խուզարկություններն իրականացվում են դեռևս 2023 թվականից․ մանրամասներ

Գերասիմ Վարդանյանին և ևս մեկ անձի ձերբակալելու որոշում է կայացվել․ ՔԿ-ն ձայնագրություն է հրապարակել

Հայաստանը մեծապես կարևորում է Միացյալ Թագավորության հետ հարաբերությունների զարգացումն ու խորացումը. նախագահ

Վարչապետը մասնակցել է «Հայաստան» համահայկական հիմնադրամի հոգաբարձուների խորհրդի հերթական նիստին

Զինծառայող Արմեն Գասպարյանի մահվան դեպքի առթիվ նախաձեռնվել է քրեական վարույթ՝ սպանության հատկանիշներով․ ՔԿ

Սպանություն Երևանի կենտրոնում. 24-ամյա դանակահարողը կալանավորվել է (տեսանյութ)

Բողոքի ակցիաներին մասնակցելու նպատակով այլ անձանց նյութապես շահագրգռելու կասկածով 11 անձ է ձերբակալվել. ձայնագրություն

Կարևորում եմ Միացյալ Թագավորության աջակցությունը ՀՀ-ում ընթացող ժողովրդավարական բարեփոխումներին. Փաշինյանը՝ Սունակին

Էկոնոմիկայի նախարարն ընդունել է Համաշխարհային բանկի և Եվրամիության առաքելությանը

24 ժամ ջուր չի լինի

ԲՏԱ նախարարն այցելել է ԱՄՆ ստանդարտների և տեխնոլոգիաների ազգային ինստիտուտ

Հյուսիս-հարավ ճանապարհի՝ Ագարակի հնավայրը շրջանցող հատվածում շարունակվում են շինարարական աշխատանքները

ՀՀ տարածքում կան փակ ավտոճանապարհներ

Բաղրամյան պողոտայում կիրառվել են բացառապես լուսաձայնային, ոչ բեկորային նռնակներ, դրանք թուրքական չեն․ Ֆիդանյան

Մեկնարկել է Եվրո-2024-ը․ բացման հանդիսավոր արարողությունը կայացել է Մյունխենի մարզադաշտում (լուսանկարներ)

Բախման ընթացքում առաջին վնասվածքը ստացել են ոստիկանները, բացի ոստիկանական ուժերից որևէ այլ ուժ չի ներգրավվել․ Ֆիդանյան

EventHub․am-ը՝ աշխարհահռչակ Black Eyed Peas-ի Թբիլիսիի համերգի տոմսերի վաճառքի պաշտոնական ներկայացուցիչ

Կազան-2024. սամբիստ Արսեն Խանջյանը՝ բրոնզե մեդալակիր

Այսօրվա մայրամուտը Սևանում (լուսանկար)

Քաղաքական առաջնորդ Գարեգին Բ-ն պետք է հեռանա, նա նախկին քրեաօլիգարխիկ իշխանության շարունակությունն է. Էդգար Առաքելյան

ՊՆ-ն 18-27 տարեկան աղջիկներին և կանանց հրավիրում է պարտադիր 6-ամսյա ժամկետային ծառայության (տեսանյութ)

Ալավերդի-Այրում վնասված երկաթգիծը շահագործվել է․ բեռնատար գնացքն անցել է նորոգված հատվածով (տեսանյութ)

«Կրթությունից աշխատանք՝ մեկ քայլ». «Ապագա» հիմնադրամը նոր ծրագիր է սկսում (տեսանյութ)