Երևան
28 °C
Հանրապետական կուսակցության հատկապես ռեյտինգային ընտրակարգով առաջադրվող թեկնածուների շրջանում որոշակի անորոշություն է տիրում: Նրանցից ոմանք դեռ չգիտեն, թե իրենցից ով պետք է առաջադրվի:
Մինչեւ ամանորյա տոները նրանցից շատերը կուսակցության ղեկավարության, մասնավորապես Սերժ Սարգսյանի հետ այդ հարցով քննարկում չեն ունեցել: Իսկ տոներից հետո էլ Սարգսյանը Հայաստանում չէր: Նա երեկ է վերադարձել արձակուրդն արտերկրում անցկացնելուց հետո: ՀՀԿ կազմակերպչական հանձնաժողովի նախագահ Ռուբիկ Թադեւոսյանը երեկ մեզ հետ զրույցում ասաց, թե կուսակցությունում ռեյտինգային թեկնածուների ընտրության հիմնական մոտեցումներն արդեն կան:
«Կառույցներով քննարկում ենք, երբ ավարտենք, կներկայացնենք նախագահին ու գործադիր մարմնին: Պիտի լսենք առաջարկները, հետո վերջնական որոշում կայացնենք»,- ասաց նա:
Հայտնի է, որ մինչեւ փետրվարի 16-ը ժամանակ կա կուսակցությունների կամ դաշինքների նախընտրական ցուցակները Կենտրոնական ընտրական հանձնաժողով ներկայացնելու համար: Սպասվում է, որ ՀՀԿ-ի նախկին մեծամասնական ընտրակարգով ընտրված պատգամավորների մեծ մասն այս անգամ կուսակցության կողմից կառաջադրվեն արդեն ռեյտինգային ընտրակարգով: Հատկապես որ նրանց մեծ մասը գործարար է, ֆինանսական, մարդկային ու այլ ռեսուրսների է տիրապետում: Եվ այդ հնարավորություններով կարող է իրեն ձայն բերելով՝ ձայն բերել նաեւ ՀՀԿ-ին: Մենք փորձեցինք ՀՀԿ-ի մի քանի պատգամավորներից պարզել, թե ի՞նչ են անում այս անգամ, եւ արդյոք սկսել են իրենց նախընտրական աշխատանքները, ընտրողների հետ իրենց հանդիպումները: Տավուշի մարզի թիվ 41 ընտրատարածքի պատգամավոր Հակոբ Հակոբյանն ասաց, որ ինքը միշտ է հանդիպում իր ընտրողների հետ, եւ նախընտրական շրջանում չէ, որ պետք է նրանց հետ աշխատանք տանի: Պատգամավորը, սակայն, հավելեց, թե կուսակցությունը դեռ իրեն առաջադրվելու վերաբերյալ առաջարկություն չի արել:
- Պարոն Հակոբյան, իսկ դուք առաջադրվելու ցանկություն ունե՞ք:
- Կուսակցությունն ինչպես կորոշի: Ես կարգապահ մարդ եմ եւ կուսակցական որոշումները հարգում եմ: Ինձ որեւէ մեկը որեւէ բան չի ասել եւ ես որեւէ քննարկման չեմ մասնակցել: Մինչեւ հունվարի վերջ հավանաբար պարզ կդառնա:
- Չե՞ք կարծում, որ այս ընտրություններում նախորդ խորհրդարանական ընտրությունների համեմատ ավելի դժվար է լինելու:
- Անհամեմատ ավելի դժվար է լինելու: Եթե նախկինում մեծամասնականի դեպքում երեք-չորս հոգու հետ ենք պայքարել, այս անգամ 30-35 ռեյտինգային թեկնածուներ են լինելու: Կարծում եմ, այս անգամ ընտրողների մոտ թեկնածուի հեղինակությունն է նշանակություն ունենալու:
- Իսկ ընտրակաշա՞ռքը:
- Ընդամենը ասում են: Ես ՀՀԿ անդամ եմ, մասնակցել եմ ընտրություններին եւ հաղթել եմ: Դե թող մեկը ասի, որ ես ընտրակաշառք եմ բաժանել: Ես մարդկանց շատ եմ օգնում, բայց դա, կարծում եմ, ընտրակաշառք չէ: Ուսման վարձ, դեղի փող, հացի փող եմ տալիս, դա ընտրակաշառք չէ: Հիմա ընտրողը թող որոշի՝ ում ընտրի: Եթե նրանք որոշեն ինձ փոխել մեկ ուրիշի հետ, ես որեւէ խնդիր չունեմ: Կարծում եմ, նրանք պետք է հասկանան եւ լավը, եւ վատը:
- Բայց նման գումարներ տալն էլ ընտրակաշառքի նման մի բան է:
- Ոչ, ես որպես հնարավորություն ունեցող մարդ՝ օգնել եմ: Եվ միայն իմ մարզում, իմ ընտրատարածքում չեմ օգնել: Այսօր Էրեբունի համայնքից էր մի ծնող եկել, որի որդու ոտքը ծուռ էր: Վիրահատության համար գումար եմ տվել: Դա ընտրակաշա՞ռք է: Ընտրակաշառքն այն է, երբ քարոզարշավի ժամանակ ես տալիս:
- Այդ դեպքում ձեր կամ ՀՀԿ-ական այլ փող ունեցողի հետ ընտրությունների ժամանակ անհավասար պայմաններում չի՞ գտնվում արժանավոր մեկը, որը չունի մարդկանց օգնելու նման հնարավորություններ:
- Միանշանակ համամիտ եմ ձեզ հետ: Այդ դեպքում թող այդ թեկնածուն որոշի՝ կարո՞ղ է մրցել: Կամ ընտրողն ինքը կողմնորոշվի: Ես երկար տարիներ աշխատել եմ այդ մարդկանց հետ, ինձ բոլորը ճանաչում են, եւ ով ինձ դիմել է, օգնել եմ: Դա միայն գումարին չի վերաբերել:
- Ուրեմն Ս. Սարգսյանն ու կուսակցությունը տեղյակ են դրա մասին, եւ դժվար թե ձեր այդ հնարավորությունները բաց թողեն:
- Ես չգիտեմ, թե ով ինչ գիտի: Ես իմ արածները չեմ հրապարակայնացում: Ես երբեք մարդկանց չեմ օգնում ցուցադրելու համար: Մարդիկ կան, որ տանում գումար տալիս՝ հաստափոր ծրար, հայտնի չէ, թե ինչքան է մեջը, կարող է 1000 դրամանոցներով 200.000 դրամ լինի, եւ դա հեռուստատեսությամբ ցուցադրում են: Ես նման բան չեմ ընդունում: Դա արդեն ողորմության նման է: Եթե դու քո հայրենակիցներին օգնում ես, ինչ պարտադիր է, որ այդ մասին բոլորն իմանան:
Երեկ մեր զրույցում, ըստ էության, նույնը ասաց նաեւ Շիրակի մարզի թիվ 33 ընտրատարածքի պատգամավոր Աշոտ Աղաբաբյանը: Վերջինս, հիշեցնենք, մոտ մեկ տարի Ազգային ժողով չեկավ այն պատճառով, որ նեղացել էր հարազատ իշխանություններից այն պատճառով, որ չօգնեցին լուծել «Հրազդան» տոնավաճառում ունեցած խնդիրները:
- Պարոն Աղաբաբյան, դուք առաջադրվելո՞ւ եք ռեյտինգային ընտրակարգով:
- Ամեն մարդ չի կարող առաջադրվել, առաջադրում է կուսակցությունը: Բայց ես ունեմ ընտրազանգված, որին անպայման այցելելու եմ, հրավիրելու իմ կապերով զբաղված անձանց՝ ժողով անցկացնենք եւ բոլոր տեսակի հաշվետվությունները բարձրացնենք: Արդեն 15 տարվա հաշվետվություններ կան արխիվացված, թե մեր ընտրողների քանակն ինչքան է, որքանն է մեզ ընտրում եւ այլն: Անալիզներ անենք ու փորձենք նորից կազմակերպել:
- Եթե ՀՀԿ-ն ձեզ չառաջադրի, աշխատանքներն անելո՞ւ եք:
- Իհարկե: Իմ ընտրազանգվածի հետ ես պետք է աշխատեմ, որ պատրաստ լինեն:
- Վերջերս Ս. Սարգսյանին հանդիպե՞լ եք, քննարկե՞լ եք ձեր մասնակցության հարցը: Կամ իշխանությունների, Ս. Սարգսյանի նկատմամբ ձեր դժգոհությունն անցե՞լ է:
- Բայց ես նման դժգոհություններ չեմ ունեցել: Իշխանությունների հետ կարող է որոշակի հարկային խնդիրներ ունեցել եմ, բայց դա չի նշանակում, որ կուսակցությունից կամ կուսակցության նախագահից պիտի դժգոհեմ: Իսկ հանդիպում կամ որեւէ կոնսուլտացիա չի եղել, բայց դա նշանակություն չունի: Մի բան հիշեք, որ կուսակցականը պետք է իր պարտականություններն ու որոշումները կատարի: Եթե չկատարի, նա իմիջիայլոց անդամ է: Ես իմիջիայլոց անդամ չեմ, եւ թեկուզ ընտրություններին չմասնակցեմ, ես չեմ կարող իմ կուսակցության համար չաշխատել ու ձայն չբերել:
- Հայտնի է, որ Շիրակի մարզը ՀՀ սոցիալապես անապահով մարզերից է, եւ վերջին համապետական ընտրություններին ՀՀԿ-ն այնտեղ պարտվել է: Դժվար չի՞ լինելու այս անգամ էլ:
- Այո, բայց եւ նախագահական, եւ խորհրդարանական ընտրություններին ես իմ ընտրատարածքում միշտ հաղթել եմ: Գլուխ գովելու կամ խաբելու բան չկա: Բայց չեմ համարում, որ եթե ցուցակում իմ անունը չլինի, նույնքան ձայն կհավաքենք: Բավական լուրջ ձայն կարելի է ունենալ՝ եթե գլուխ չգովեմ՝ 15 հազարից քիչ չի լինի: Իսկ եթե իմ անունը լինի, ավելի շատ կլինի: Մարդիկ ավելի շատ անունին են հավատում:
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
Նավուրի ճանապարհին իրականացվելու են հորատապայթեցման աշխատանքներ
Հայաստանում նոր ԱԷԿ-ի կառուցման հետազոտություններին ներգրավված են նաև ամերիկյան կազմակերպություններ. ՏԿԵ փոխնախարար
Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը. ԱԳՆ
Ոստիկանություն դիմած ռուս կանայք հայտնել են, թե «Հաղթանակ» զբոսայգու սեփականատերը հարվածել է իրենցից մեկին, թքել դեմքին
Վանաձորի նախկին քաղաքապետը կշարունակի մնալ կալանքի տակ
© 2024 Հայկական ժամանակ