«Գեներալն» ահազանգեց եւ նարկոկենտրոնում խոստացան բուժվողներին սնունդ տալ. խնայողությո՞ւն է

Այսօր նախատեսվում էր, որ Երեւանի նարկոլոգիական հանրապետական կենտրոնի բակում բողոքի ցույց է անցկացվելու, որին պետք է մասնակցեն բուժում ստացողներն ու նրանց ընտանիքի անդամները: Տարածված հաղորդագրության մեջ, որպես պատճառ, նշվում էր, թե այս հաստատություն ընդունվածներին այսուհետեւ սնունդ չի տրամադրվելու:

Հայտարարված ժամին ակցիա տեղի չունեցավ: Նարկոլոգիական կենտրոնում բուժվող կանանցից մեկը` Ազնիվ (Արեւիկ) Թորոսյանը, չթաքցրեց, որ ինքն է ահազանգ հնչեցրել, իսկ հետո պարզել է, որ ուտելիք տրամադրվելու է, թյուրիմացություն է եղել ու խնդիրն արդեն կարգավորված է: Բայց, ինչպես ասում են, անկրակ ծուխ չի լինում: Կենտրոնում մեր ստացած տեղեկությունների համադրությունը թույլ է տալիս ենթադրելու, որ եթե չլիներ կնոջ բարձրացրած աղմուկը, այստեղի «բնակիչները» առնվազն մեկ շաբաթ մնալու էին առանց ուտելիքի:

«Բժիշկներից մեկը եկավ, շատ տխուր ասաց` գեներալ ջան (իմ «կլիչկան», իմիջիայլոց, գեներալ է, ես դա պատահական չեմ ձեռք բերել), ամսի մեկից սնունդ չենք տալու, սպառվում է, ձեր գլխի ճարը տեսեք: Գլխի ճարը ո՞նց տեսնենք: Ասենք` մի թիքա հաց ինձ համար բերում են, ես մենակ չեմ կարող ուտել: Օրինակ` մեր Սեմերջյանը էսօր մի տոննա շոկոլադ է ջեբս լցրել, բոլորին բաժանել եմ: Մենակ ո՞նց ուտեմ: Բայց դե ամեն օր էդ խեղճ տնօրենը հո չի կարող ինձ շոկոլադ հյուրասիրել»,- ասաց տիկին Արեւիկը (այս ոչ անձնագրային անունը նրան ավելի հոգեհարազատ է):

Երբ վերջինս տեղեկացել է սննդի մատակարարումը դադարեցվելու մասին, ընդունելություն է խնդրել տնօրեն Սեմերջյանի մոտ: «Սեմերջյան ջան, ասի, դա արդեն անելու բան չի: Մի հատ պատճառն իմանանք, թե ինչու չեն բավարարում, բա էս ժողովուրդը ո՞նց հաց ուտի»,- փոխանցեց նաեւ մյուս հիվանդներին պաշտպանել ցանկացող կինը` ասելով, որ իր աղջիկը մոտիկ է ապրում եւ կարողանում է իրեն այցելել: «Հեռավոր տեղերից շատ մարդիկ կան: Զիբիլ ստամոքսն էլ իրեն զգացնել է տալիս: Երանի մի հատ հաբ լիներ, մարդ կուլ տար, սովածություն չզգար: Բայց էդ մարդիկ պիտի հաց ուտե՞ն, թե՞ չէ: Էն ոնց ա՞ իրենց խուժանների համար դոլարով կոֆե են եփում, մեզ չի կարելի մի կտոր հաց ուտել: Հենց էդ էլ նկարեք, թող Սերժ Սարգսյանը լսի»,- լրագրողների հետ զրույցում վրդովմունք հայտնեց մասնագիտությամբ բանասեր Ազնիվ Թորոսյանը: Նա ասաց, որ այդ օրը չեն նախաճաշել, բայց տնօրենը խոստացել է, որ շուտով ուտելիքի հարցը կլուծվի:     

Իսկ ընդհանրապես, տիկնոջ խոսքով, եթե սնունդ տրվում է, ապա օրական երեք անգամ եւ դրա որակն ու քանակը գոհացնող են: «Էս կարագ է, սրանից են տալիս: Այ էս իրենց տված պանիրն է, ես իրենց տված պանիրը սիրում չեմ: «Սմետան» են տալիս, «տվորոգ» են տալիս: Էս «սոկն» են իրենք տալիս, հաց` անպայման»,- սառնարանը բացելով եւ մթերքները դուրս բերելով` թվարկեց նա:

«Գեներալից» հետաքրքրվեցինք` Արցախյան պատերազմին մասնակցե՞լ է: «Է~, մասնակցե՞լ... Հը~մ... Բալե´ս, դարդերս իրար մի տուր, էլի, ցավդ տանեմ»,- տխրությամբ պատասխանեց նա: Իսկ հետո ցույց տվեց Արցախի ազատամարտիկների միության անդամատոմսը:

դեռ գին են քննարկում

Նարկոլոգիական հանրապետական կենտրոնի տնօրեն Պետրոս Սեմերջյանը վստահեցրեց, որ հիվանդներին շարունակելու են սնունդ տրամադրել: Ասաց, որ այս ընթացքում մատակարար կազմակերպություն ընտրելու համար մրցույթ է անցկացվել, քանի որ նախորդի պայմանագրի ժամկետը լրացել էր, ու ենթադրություն հայտնեց, որ այդ թեմայով խոսակցություններն էլ թյուրըմբռնումների տեղիք են տվել:

«Մենք ամսի 30-ին անցկացրել ենք մրցույթ: Կենտրոնի բաժնետոմսերի 100 տոկոսը պատկանում է առողջապահության նախարարությանը, եւ մեր ցանկացած գնում իրականացվում է «Գնումների մասին» օրենքով: Մրցույթին մասնակցում էին երեք կազմակերպություն, եւ ամեն մի կազմակերպությունից մի քանի հոգի եկել էին, ու ես ենթադրում եմ, որ երբ իրենց մեջ խոսակցություններ են եղել, ոչ ճիշտ ինֆորմացիա է տարածվել»,- ասաց տնօրենը:

Հավելեց, որ հաղթողն ընտրվել է, բայց դեռ կան տեխնիկական խնդիրներ, իրավասու մարմինները պետք է հաստատեն մրցույթի արդյունքները, որպեսզի մատակարար կազմակերպությունը սկսի սնունդ ապահովել: Դա, Սեմերջյանի խոսքով, կարող է տեւել 7-10 օր: «Յուրաքանչյուր հիվանդի սննդի համար մենք օրական ծախսում ենք 1950 դրամ: Հիմա հույս ունենք, որ կծախսենք 1800-ի չափ»,- նշեց նա:

Այս հայտարարությունը, սակայն ուշագրավ է այն իմաստով, որ եթե մրցույթը կայացել է, ապա գնի հարցն էլ արդեն պետք է վերջնական լիներ: Օրենքը պահանջում է, որ մրցույթում պետք է հաղթող ճանաչվի նվազագույն գին առաջարկող կազմակերպությունը: Բայց փաստորեն այսօր էլ գինը նվազեցնելու շուրջ բանակցություններ են անցկացվում, իսկ այդ ընթացքում մարդիկ մնում են սոված: Իսկ երբ Պետրոս Սեմերջյանին խնդրեցինք հայտնել, թե որոնք են մրցույթին մասնակցած երեք կազմակերպությունները եւ որ մեկն է հաղթող ճանաչվել, պարզվեց, որ մասնակցել է ընդամենը մեկ կազմակերպություն` «Եղվարդ նեկտար», որն էլ հաղթել է հերթական անգամ:

Այժմ, փաստորեն, քննարկվում է ավելի մատչելի գներով սնունդ ստանալու տարբերակը, եւ մինչ ընդհանուր հայտարարի կգան ու պայմանագիր կկնքվի, նախորդ պայմանագրի ժամկետը լրանալուց հետո բավական ընդմիջում է առաջանում: Նարկոլոգիական կենտրոնի տնօրենը հաստատեց, որ այդտեղ բուժվողներն այդ օրը նախաճաշ չեն ստացել: Ասաց, որ ճաշի համար սննդի ցանցերից մեկից ուտելիք են պատվիրել: Այդպես կվարվեն նաեւ մինչեւ մատակարարը ստանձնի իր գործառույթը:

Հ.Գ. Պետրոս Սեմերջյանի տեղեկացմամբ, կենտրոնն ունի 60 մահճակալ եւ ամեն օր այնտեղ բուժվում է 50-60 մարդ:

Տպել
3573 դիտում

Գերմանիայում ծրագիր են մշակել՝ տղամարդկանց պաշտպանելու ընտանեկան բռնությունից

Հայաստանի 2 ներկայացուցիչ բրոնզե մեդալակիր է դարձել. ըմբշամարտի պատանեկան ԵԱ

ՍԴ դատավորի պաշտոնում ընտրված Վահե Գրիգորանի երդման արարողությունը տեղի կունենա վաղը, իսկ ավելի ուշ կփակի Ֆեյսբուքի էջը

Լրագրողի պայուսակից ոստիկանները հայտնաբերել են շորթմամբ հափշտակած գումարը (տեսանյութ)

Գողացել են ԱԺ պատգամավորի մեքենայի կողային հայելին

Հայ օգնության ֆոնդը 2019-2020 ուսումնական տարվա համար հայտարարում է կրթաթոշակների մրցույթներ

Պտտահողմը Ոսկեհատ գյուղի բնակչի տան տանիքը պոկել է

ՀՀ կառավարության հունիսի 20-ի նիստի մեկնարկի ժամը փոխվել է

Dine Sky՝ ռեստորան երկնքում. Երեւանում բացվեց առաջին ճախրող ռեստորանը (լուսանկարներ)

ՊԵԿ նախագահը կոմիտեում հրաժեշտ է տվել Ռուստամ Բադասյանին, մաղթել հաջողություններ

Քոչարյանի համար երաշխավորած Բակո Սահակյանը և Ա. Ղուկասյանը ուղղակի կապ ունեն մի շարք ապօրինի հանգամանքների հետ. Սաֆարյան

Hzham.am կայքի լրագրողը բերման է ենթարկվել ՃՈ պաշտոնատար անձի աշխատասենյակից. նրա մոտից հայտնաբերվել է 400 հազար դրամ

Օրվա կադրը. Գյումրին այսօր՝ անձրեւից հետո, Տրդատ Ճարտարապետ փողոց

Թող իմ հայրն էլ նստած լիներ, 10 տարի հետո գար, ես էլ այսպես փաթաթվեի. մարտի 1-ի զոհի տղան՝ Քոչարյանի նկարը տեսնելով

Զ. Մնացականյանը հանդիպել է ԱՄՆ պետքարտուղարի եվրոպական և եվրասիական հարցերով տեղակալի պաշտոնակատարի հետ

Ադեկվատ խաղամոլի արկածները

Քննչական կոմիտեն բոլոր ջանքերը կգործադրի խաղաղ պայմաններում զինծառայողների մահվան դեպքերը բացահայտելու համար. Փաշինյան

Ինչու կանչեցին ցույցի տեղը, ով կրակեց, ովքեր տարան հիվանդանոց. Ջեմմա Վարդումյանը արդար ու խիստ դատ է պահանջում

Տարածաշրջանի երկրների պատմության ադրբեջանական տարբերակն իրականությանը չի համապատասպանում․ Սուրեն Պապիկյան

Չկա մի հանդիպում, որի ընթացքում չի քննարկվում Արցախի՝ բանակցային սեղանի շուրջ վերադառնալու հարցը․ վարչապետ