«Ուրալի» վթարից ծանր վիրավորված զինվորը Երեւան է տեղափոխվել. նա շուտով 2-րդ երեխան կունենա

24/03/2017 schedule12:36

Երեկ Սոթք-Քարվաճառ ավտոճանապարհին Պաշտպանության նախարարության «Ուրալ» մակնիշի ավոտմեքենայի վթարի հետեւանքով վիրավորված զինծառայողներից մեկի՝ Մարտին Զոմչյանի վիճակը ծանր է: Նա տեղափոխվել է Սուրբ Գրիգոր Լուսավորիչ բժշկական կենտրոն: Այդ մասին մեզ հետ զրույցում հայտնեց ՀՀ Պաշտպանության նախարարի մամուլի խոսնակ Արծրուն Հովհաննիսյանը:

Հովհաննիսյանն ընդգծեց, որ պայմանագրային Զոմչյանը հիմնական վնասվածքները ստացել է գլխի շրջանում, ինչով էլ պայմանավորված է նրա վիճակի բարդությունը: Նշենք, որ 28-ամյա Մարտին Զոմչյանը Կոտայքի մարզի Չարենցավան քաղաքից է, ամուսնացած է, մեկ անչափահաս երեխա ունի, շուտով կծնվի նաեւ երկրորդ երեխան:

Մարտին Զոմչյանի եղբայրը՝ Միքայել Զոմչյանը մեզ հետ զրույցում ասաց, որ այս պահին ինքը հիվանդանոցում է, որեւէ հստակ տեղեկություն չունի եղբոր վիճակի մասին:

«Շատ վատ վիճակում է, չեմ կարող ստույգ որեւէ բան ասել: Վերակենդանացման բաժանմունքում է, վիրահատություն են արել, բժիշկներն ասում են՝ նորմալ է, բայց չգիտենք՝ դա մեզ հույս տալու համա՞ր են ասում, թե՞ իրականում նորմալ է»,- ասաց Միքայելը:

Խոսելով Մարտինի ստացած վնասվածքների մասին՝ եղբայրը նշեց, որ վնասվածքներ կան ինչպես գլխի շրջանում, այնպես էլ դեմքի, ոտքի եւ աղիների:

«Ես էլ եմ պայմանագրային զինծառայող, եղբայրս էլ: Մեր հայրենիքն է, չենք կարող չպաշտպանել: Այնպես չի, որ զուտ ընտանիք պահելու համար է, ճիշտ է, դա էլ կա, դա առաջնային է, բայց սիրում ենք զինվորականի համազգեստը եւ մեր պարտքն ենք համարում: Չգիտեմ ինչու այսպես ստացվեց»,- ընդգծեց Միքայել Զոմչյանը:

Հիշեցնենք, որ ՈՒՐԱԼ եւ Volkswagen Golf մակնիշի ավտոմեքենաները բախման հետեւանքով շրջվել էին: Վթարի հետեւանքով շուրջ 10 զինվոր էր վիրավորվել:

Մեր հարցին, թե ի՞նչ վիճակում են մյուս զինծառայողները՝ Արծրուն Հովհաննիսյանը պատասխանեց, որ նրանցից եւս մեկը հոսպիտալացման կարիք ուներ, նա գտնվում է Վարդենիսի հոսպիտալում, վիճակը նորմալ է: «Այս պահին եւս 4-5 հոգի կան Վարդենիսի հոսպիտալում, նրանք շուտով դուրս կգրվեն»,- ասաց Հովհաննիսյանը:

Տպել
3177 դիտում

Շուշիում Ադրբեջանի հարվածների հետեւանքով քաղաքացիական բնակչության շրջանում կան վիրավորներ

ՀՀ եւ ԱՀ ՄԻՊ-երը միջազգային կառույցներին հրավիրել են Արցախ՝ ցույց տալու ադրբեջանի վայրագությունները

Թուրքիայում տեղի ունեցած երկրաշարժի հետեւանքով զոհերի թիվը հասել է 24-ի

Հայբիզնեսբանկի #հաղթելու_ենք նախաձեռնության առաջին ցուցանիշները՝ աջակցության եվ բարձր վստահության մասին

ՀՀ վարչապետ Նիկոլ Փաշինյանը նամակ է հղել ՌԴ նախագահ Վլադիմիր Պուտինին

Առավոտյան հրթիռակոծվել է Ստեփանակերտը. նյութական մեծ վնաս է հասցվել խաղաղ բնակչությանը (լուսանկարներ)

Հակառակորդը շարունակում է թիրախավորել խաղաղ բնակավայրերը․ կիրառում է արգելված եւ քիմիական զենքի տարրեր

Այսօր Վրաստանում խորհրդարանական ընտրություններ են․ կանցկացվեն հակահամաճարակային կանոնների խիստ պահպանմամբ

Ժնևում կողմերը պայմանավորվել են չհարվածել քաղաքացիական բնակչությանը, փոխանցել իրենց մոտ գտնվող ռազմագերիների ցուցակը

Ժնևում ավարտվել է ՀՀ և Ադրբեջանի արտգործնախարարների՝ ավելի քան 7 ժամ տեւած հանդիպումը

Ադրբեջանից վերադարձված գերին մանրամասներ է պատմում մյուս գերիների հանդեպ դաժան վերաբերմունքի մասին (տեսանյութ)

Ադրբեջանը օգտագործում է ֆոսֆոր պարունակող զենք, որը զանգվածային ոչնչացման բնույթ ունի. ՀՀ ՄԻՊ (տեսանյութ)

Էգեյան ծովի թուրք-հունական հատվածում երկրաշարժի հետեւանքով 14 զոհ, 542 տուժած կա 2 կողմում. ամփոփ

Պատերազմը սկսելուց հետո որեւէ պատգամավոր պարգևավճար չի ստացել ու չպիտի էլ ստանա. Վահագն Թեւոսյան

Եթե Ադրբեջանը կընկնի մեր իշխանությունների ոտքերը՝ թող գան, եթե ոչ, պիտի չհոգնենք կռվից, մինչեւ Քուր գնանք. Ռ.Պետրոսյան

ՀՀ և ԱՀ ՄԻՊ-երը Արցախ այցի համատեղ հրավեր են ուղարկել Հայաստանում հավատարմագրված դիվանագիտական ներկայացուցչություններին

Մեր զինված ուժերն ունեն որոշակի դիրքային առավելություններ. ՊՆ ներկայացուցիչ

Լեգիոներների սահմանափակում. ինչպես են թիմերը լուծում խնդիրը

Կապանի Դավիթ բեկ բնակավայրում այսօր մարտական գործողություններ են եղել. Արծրուն Հովհաննիսյան

ԱՄՆ-ն փաստում է՝ Ադրբեջանը վարանում է համաձայնվել առանց նախապայմանների հրադադարին․ Արմենպրես