Ինչո՞ւ է Մինսկի խումբը այցելել ազատագրված տարածքներ. Լեւոնը խոսում է, Սերժը`գործո՞ւմ

ԵԱՀԿ Մինսկի խմբի համանախագահները այսօր հայտարարություն տարածեցին տարածաշրջան կատարած իրենց վերջին այցի արդյունքներով: Նրանք մարտի 11-ին մեկնել էին Բաքու, մարտի 27-ին Երեւանում էին, իսկ երեկ`Արցախում: Սովորաբար համանախագահները իրար ետեւից են այցելում հակամարտող երկրներ: Այս անգամ Ադրբեջան եւ Հայաստան այցերի միջեւ ինտերվալ եղավ: Դրա պատճառը թերեւս մարտի 14-ին Սերժ Սարգսյանի այցն էր Մոսկվա: Այն, թե ինչ կքննարկեն համանախագահները Երեւանում, մեծապես կախված էր Սարգսյան-Պուտին հանդիպումից:

Մարտի 11-ին նրանք Բաքու մեկնեցին, որովհետեւ մարտի 6-ին Ադրբեջանի ԱԳ նախարար Էլմար Մամեդյարովն արդեն եղել էր Մոսկվայում եւ ըստ էության պարզ էր՝ ինչ ընթացք պետք է ունենա համանախագահների հետ զրույցը:

Մինսկի խմբի համանախագահների այսօրվա հայտարարությունը ղարաբաղյան ընդհատված բանակցությունները վերսկսելու հույս է ներշնչում: Բանակցություններն ընդհատվել էին անցյալ հունիսին Սանկտ Պետերբուրգում կայացած Սարգսյան-Պուտին-Ալիեւ հանդիպումով: Այդ հանդիպման ժամանակ վերահաստատվել էին ապրիլյան պատերազմից անմիջապես հետո մայիսին Վիեննայի գագաթաժողովում ձեռքբերված պայմանավորվածությունները`շփման գծում միջադեպերի հետաքննության մեխանիզմների ներդրման եւ ԵԱՀԿ գործող նախագահի անձնական ներկայացուցչի թիմի կարողությունների ավելացման շուրջ:

Հետագայում բանակցություններ այլեւս չկայացան, որովհետեւ Ադրբեջանը հրաժարվեց այդ պայմանավորվածություններից, իսկ ԵԱՀԿ ֆինանսական և բյուջետային հանձնաժողովում արգելափակեց ԵԱՀԿ գործող նախագահի անձնական ներկայացուցչի թիմի ընդլայնման ֆինանսավորումը:

Այս ընթացքում համանախագահող երկրները միասին եւ առանձին-առանձին փորձեցին Հայաստանի վրա ճնշումներ գործադրել, որպեսզի, չնայած Ադրբեջանի կողմից պայմանավորվածությունների ոտնահարմանը, վերադառնա բանակցությունների սեղանի շուրջ: Հայաստանը չընկրկեց եւ մինչեւ վերջ պնդեց իր դիրքորոշումը:

Եւ երբ Սերժ Սարգսյանի եւ Վլադիմիր Պուտինի վերջին համատեղ հայտարարության մեջ կարեւորվեց Վիեննայի եւ Սանկտ Պետերբուրգի պայմանավորվածությունների կատարումը, պարզ դարձավ, որ հետագա գործընթացներն այս ուղղությամբ կշարժվեն:

«Համանախագահների՝ տարածաշրջան այցելության հիմնական նպատակը շփման գծում և Հայաստան-Ադրբեջան սահմանին իրադրության մասին մանրամասն քաղաքական ու ռազմական տեղեկություն ստանալն էր, 2016 թվականին Վիեննայի և Սանկտ Պետերբուրգի գագաթնաժողովների ժամանակ կայացված համաձայնությունների կիրառումը քննարկելը»,-ասվում է Մինսկի խմբի համանախագների` այսօր տարածած հայտարարության մեջ:

Ընդհանրապես համանախագահերի տարածաշրջանային այցերն ամփոփող հայտարարությունները դեկլարատիվ են լինում: Այս անգամ, սակայն, այն հազվադեպ դեպքերից է, երբ հայտարարությունը խիստ գործնական է: Համանախագահները նշում են փաստորեն, որ քննարկել են Վիեննայի եւ Սանկտ Պետերբուրգի համաձայնությունների կիրառումը: Սա լուրջ քայլ է: Նրանք նաեւ նշել են, որ այցելել են «Լեռնային Ղարաբաղի շուրջը գտնվող տարածքներ»: Սա ավելի լուրջ քայլ է: Ամեն անգամ չէ, որ համանախագահները Ստեփանակերտից հեռանում են: Առավելագույնը լինում են առաջնագծում, այն էլ` եթե իրենց այցին նախորդած են լինում լուրջ մարտական գործողություններ:

«Նախագահները ներկայացրել են իրենց դիրքորոշումները համանախագահների առաջարկների առնչությամբ`կապված հրադադարի ամրապնդման հետ (....)»,-ասվում է հայտարարության մեջ:

Լեռնային Ղարաբաղի շուրջ գտնվող տարածքներ համանախագահների այցը կարող է կապված լինել Կասպրշիկի դիտորդների տեղակայման, միջադեպերի հետաքննության մեխանիզմների մոնտաժման հետ: Սրանք են հրադադարի ամրապնդման ուղիները, եւ փաստորեն սրանց հետ կապված տեղում ուսումնասիրություններ են կատարվել եւ կոնկրետ առաջարկներ են եղել, որոնց վերաբերյալ Սերժ Սարգսյանն ու Իլհամ Ալիեւը դիրքորոշում են հայտնել:

Թեեւ ազատագրված տարածքներ համանախագահների այցը կարող է մեկնաբանվել նաեւ դրանք վերադարձնելու հետ կապված հնարավոր գործընթացներով, սակայն որքան էլ առաջին նախագահ Լեւոն Տեր-Պետրոսյանը խոսում է դրա մասին, միեւնույն է որեւէ նշան, որ ներկայում այդպիսի գործընթաց է ընթանում, չկա: 

Հայտարարության մեջ ասվում է նաեւ, որ համանախագահները շուտով կմեկնեն Վիեննա՝ Մինսկի խմբի անդամներին բանակցությունների արդյունքները ներկայացնելու նպատակով: Ենթադրվում է, որ հարցը կրկին պետք է մտնի ԵԱՀԿ համապատասխան հանձնաժողով, եւ եթե Ադրբեջանն այս անգամ չբոյկոտի, գուցեեւ իսկապես գործընթացը սկսվի:

Երեւանում ասուլիսի ժամանակ ամերիկացի համանախագահ Ռիչարդ Հոգլանդը հույս է հայտնել, որ առաջիկայում երկու երկրների ԱԳ նախարարները կհանդիպեն եւ կնախապատրաստեն նախագահների հանդիպումը:

Պաշտոնական Երեւանի վերջին մեկ տարվա պահվածքը ցույց է տալիս, որ բանակցությունները կվերսկսվեն միայն այն դեպքում, եթե Վիեննայի եւ Սանկտ Պետերբուրգի համաձայնությունների կյանքի կոչման ուղղությամբ գործնական քայլեր լինեն, օրինակ`ԵԱՀԿ-ում հաստատվեն դրանց ճանապարհային քարտեզն ու ֆինանսավորումը:

Եթե նման բան տեղի ունենա եւ այդ մեխանիզմները ի վերջո ներդրվեն, ապա դա կլինի խաղաղության գաղափարախոսության հաղթանակը. կողմերը «խաղաղության, բարիդրացիության եւ հաշտության» մթնոլորտում կքննարկեն կարգավորման` սեղանին դրված տարբերակը: Որքան երկար դա տեւի, այնքան հեռվում կմնան արյունն ու տառապանքները, եւ երկու ժողովուրդների համար փոխզիջումներն այլեւս անընդունելիության աստիճան ցավոտ չեն լինի:

Տպել
13171 դիտում

Իրանում զոհված նախագահի և մյուսների հրաժեշտի արարողությունն է, մասնակցում են տասնյակ հազարավոր մարդիկ (լուսանկարներ)

Պատմությունը ցույց է տվել, որ մենք դժվարին պահերին միշտ իրար կողք են եղել. ՀՀ-ում Իրանի փոխդեսպան

Նիկոլ Փաշինյանը ժամանել է Իրան (տեսանյութ)

Ադրբեջանի վարչապետի պատվիրակությունը ուղևորվել է Իրան

Սիմոնյանն այցելել է Հայաստանում Իրանի դեսպանատուն և ցավակցական գրառում կատարել սգո մատյանում

Տան նախկին աշխատակիցը տանտերերի դպրոցահասակ աղջկան թմրամիջոց է առաջարկել. 58-ամյա տղամարդը կալանավորվել է

«Նախատեսվում էր Իրանի նախագահի այցը Հայաստան». ԱԺ նախագահ

Սիմոնյանն արձագանքել է եկեղեցու հարկման վերաբերյալ քննարկումներին՝ ներկայացնելով օրենսգրքից հատված

Կրակոցներ Կոտայքի մարզում. ոչ սթափ տղամարդը վնասազերծվել, ձերբակալվել է

Թող ինքնագովություն չթվա՝ ես ինձ դուր եմ գալիս. Շառլ Ազնավուրը կտոներ ծննդյան 100-ամյակը

Կինը Դատաբժշկական գիտագործական կենտրոնի աշխատակիցներին մեղադրում է իր մահացած որդու մատանին գողանալու համար

Կապանում այրվել է Գևորգ Փարսյանին սպասարկող ավտոմեքենան․ կասկածներ կան հրկիզման վերաբերյալ

Վարչապետն աշխատանքային այցով մեկնել է Իրանի Իսլամական Հանրապետություն

Մառախուղ չի եղել, բարենպաստ եղանակ էր. Իրանի նախագահի աշխատակազմը նոր մանրամասներ է հայտնել ուղղաթիռի կործանումից

Աբդոլլահիանին կհուղարկավորեն մայիսի 23-ին, վերջին հրաժեշտը կլինի Իրանի ԱԳ նախարարության մոտից

Մեքենան դուրս է եկել երթևեկելի հատվածից և հայտնվել անտառում․ կա տուժած

Փարաքար համայնքի ղեկավարը հրաժարական է ներկայացրել

Տեղի է ունեցել «Քաղաքացիական պայմանագիր» կուսակցության վարչության նիստ․ այն վարել է Նիկոլ Փաշինյանը

Դուբայ-Մումբայ ինքնաթիռը բախվել է ֆլամինգոների երամին․ թռչունները սատկել են, հետադարձ չվերթը չեղարկվել է

Քասաղի կիրճում արշավախմբի անդամներից մեկի ինքնազգացողությունը վատացել է

Երևանի հեղեղատար և անձրևընդունիչ ցանցի պատասխանատուն «Վեոլիա ջուր»-ն է․ հաշվառվում են հեղեղատարներ չունեցող փողոցները

Իրանի նախագահ Էբրահիմ Ռաիսիի և մյուս զոհերի մարմինները տեղափոխվել են Թեհրան (տեսանյութ)

Եկեղեցին Բագրատի սեփականությո՞ւնն է, այս գործողություններով կրակում են իրենց ոտքին. Դավիթ Ստեփանյան

Լեհաստանի իշխանությունները չեն ծրագրում ականապատել արևելյան սահմանը. Տուսկ

ԱՄՆ-ը հետաքրքրված է Հայաստանի հետ գործակցության ընդլայնմամբ․ ԱՆ-ում ընդունել են Բրենդոն Յոդերի գլխավորած պատվիրակությանը

Ինչու է Զելենսկին զանգել Ալիևին․ ինչ հարցեր են քննարկվել

Համաշխարհային բանկը աղետների ռիսկի կառավարման ոլորտում կաջակցի ՆԳ նախարարությանը

Ազգային ժողովը պետք է նաև քննարկի ավագանու անդամներին աշխատավարձ տալու հնարավորությունը. Գալջյան

Քարերով հարվածել, կոտրել են «Ռոյալ մյուզիք հոլ»-ի ապակիները

Քաղաքական խորհրդակցություններ են կայացել Հայաստանի և Սլովենիայի արտաքին քաղաքական գերատեսչությունների միջև

ՄԻՊ նախաձեռնությամբ ՀՀ-ում ապրող ասորիների իրավունքների պաշտպանությանն ու խթանմանն առնչվող հարցեր են քննարկվել

Անկախացումից ի վեր ՀՀ-ի և ՄԱԿ-ի համագործակցությունը եղել է բազմաշերտ և արդյունավետ․ նախագահը՝ Ֆղանսուազ Ժակոբին

Բայրամովը հեռախոսազրույց է ունեցել Իրանի արտգործնախարարի պաշտոնակատարի հետ

Վազգեն Գալստանյանի հավաքը Սուրբ Աննա եկեղեցու բակում

Բարձր բնապահպանական նշաձողերի սահմանումը առաջնահերթություն է․ «Սևան» ազգային պարկի տնօրենին է հանձնվել կառավարման պլանը

Կա կամք երկու երկրների միջև համատեղ կառուցել իրավական կայուն համագործակցություն․ Բրենդոն Յոդերը՝ Աննա Վարդապետյանին

Շվեյցարական բանկում Գարեգին Երկրորդի անունով 1 մլն 100 հազար դոլար է եղել. գումարը ավելացե՞լ է, թե՞ ոչ

ԵՄ-ն պաշտպանության ոլորտում գործընկերության համաձայնագիր է ստորագրել Մոլդովայի հետ

Կնորոգվեն Ոսկեպարի Սբ Աստվածածին եկեղեցու տանիքածածկերը․ դրանք խիստ քայքայված և վնասված են (լուսանկարներ)

Արտաքին հետախուզության ծառայության պետը նոր տեղակալ ունի․ վարչապետը որոշում է ստորագրել