«Էդ սրիկան ո՞վ ա, որ իմ անունն ա հոլովում». Մ. Մուրադյանը՝ այնթապցի երեխաների բողոքի մասին

14/04/2017 schedule16:28

Արարատի մարզի Այնթապ գյուղի դպրոցականներն այսօր բողոքի ակցիա էին կազմակերպել, որի ընթացքում հայտարարել են, որ գյուղապետն արդեն 3 օր է հանել է գյուղի ծայրամասերից աշակերտներին դպրոց տանող ավտոբուսը: Գյուղապետից բացի աշակերտները հնչեցրել են նաեւ Արարատի մարզն ընդգրկող թիվ 5 ընտրատարածքից պատգամավոր ընտրված Մուրադ Մուրադյանի անունը՝ ընդգծելով, որ հենց նա է հանել տվել իրենց դպրոց հասցնող ավտոբուսը: Ծնողներն էլ հավելել են, թե Մուրադյանի այդ քայլի պատճառը ապրիլի 2-ին տեղի ունեցած խորհրդարանական ընտրություններում Այնթապում բավարար թվով ձայներ չստանալն է եղել:

«Ազատություն» ռադիոկայանի ներկայացրած տեսանյութում Այնթապի գյուղապետ Կարեն Սարգսյանն ասում է, որ ավտոբուսի վարորդին ինքն էր վճարում մինչ այժմ, սակայն հիմա գումար չունի: Հարցին, թե արդյո՞ք գյուղապետարանը միջոցներ չունի՝ գյուղապետը պատասխանում է, որ մշակույթի տուն են կառուցում: Հակառակ սրան՝ գյուղապետարանի աշխատակիցներից մեկը ներկայացնում է գյուղապետարանի միջոցներից աշխատավարձ ստացողների հաստիքացուցակը, որում ներառված է նաեւ դպրոցի վարորդը:

Մենք փորձեցինք մեկնաբանություն ստանալ Մուրադ Մուրադյանից: Վերջինս կտրականապես հրաժարվեց, որ որեւէ կապ ունի ավտոբուսի հետ:

- Պարոն Մուրադյան, այնթապցի երեխաները ձեզ են մեղադրում իրենց դպրոց հասցնող երթուղայինը հանելու մեջ:

- Ի՞նձ: Ես երթուղային ո՞նց եմ հանել: Ես ինձ թույլ կտամ երեխաների հետ կապված մի հարցի խոչընդոտե՞լ, անկախ նրանից, որ բնագավառն ա՝ գյուղի ա, բուհի ա, դպրոցի ա:

- Ծնողները եւ երեխաները ասում են՝ Մուրադ Մուրադյանն է հանել մեր ավտոբուսը:

- Էդ սրիկան ո՞վ ա, որ իմ անունն ա հոլովում: Ես տեղյակ չեմ ինչի մասին է խոսքը, իմ տարիքը ուր, տենց բաները ուր, ամոթ էլ ա վերջիվերջո: Իմ 5 թոռը գնում են դպրոց, մեկը էրեխեքի հետ տենց վարվի:

- Դուք ավտոբուս տվե՞լ էիք գյուղին:

- Ես ոչ տվել եմ, ոչ էլ հանել եմ, ով տվել է, ով հանել է, իրեն ասեք:

- «Ազատություն» ռադիոկայանի ռեպորտաժում ձեր անունն են հնչեցնում երեխաներն ու ծնողները:

- Խեղճ էրեխեքին....մեկը սովորացրել ա, մի սրիկա, երեւի ասել են ասա, ձեւ են գտել մարդուն բան անելու: Բա որ ես էլ դատի տամ էդ մարդուն, ասեմ ես ի՞նչ կապ ունեմ ավտոբուս հանել-դնելու հետ: Վարորդն ո՞վ է, ճանաչո՞ւմ է: Կամ ես իրենց որեւիցե մի անգամ վճարե՞լ եմ: Հասկացանք տարբեր մարդկանց հազար ու մի հարցով օգնել ենք, հո տենց չի՞, մանավանդ ես երեխաների ավտոբուսից կտրեմ: էրեխեքը գան ինձ դիմեն, ասեն պետք է վճարես, ասեմ հա, եկեք վճարեմ, բայց ոչ թե ես կտրեմ:

- Եթե դիմեն ձեզ՝ կվճարե՞ք:

- Մի հատ կոնկրետ իմանամ ինչի մասին է...սկզբից իմ վրա եք գցում, հիմա ասում եք վճարեմ: Կարող ա իմ մասին ասեն ես մարդ էլ եմ սպանել, հետո՞: Գոնե մի տոկոսը ճիշտ լինի:

Տպել
7805 դիտում

Զելենսկին «շանս» է տվել Գոնչարուկին. Ուկրաինայի վարչապետը կշարունակի պաշտոնավարել

Սյունիքում 2019 թվականին ամբողջովին վերանորոգվել են 49 դպրոցների ճաշարաններ, իսկ 15-ի նորոգումն ընթացքի մեջ է

Հրդեհ Դավիթաշենում. տուժածներ չկան, վնասը նյութական է

Երեւան-Սեւան մայրուղու հարեւանությամբ վեր խոյացող «Արձագանք» եւ «Անվերջության ժապավեն» քանդակները կվերականգնվեն

Քաղաքացիները կամավոր հանձնել են «Կալաշնիկով» ինքնաձիգ, հրացան, ատրճանակ և զինամթերք

Արարատի մարզում նախատեսված է հիմնանորոգել միջպետական եւ հանրապետական նշանակության 23,4 կմ ավտոճանապարհ

Ինքնաթիռի կործանման օրը Իրանի օդային տարածքում 6 ամերիկյան F35 կործանիչ-ռմբակոծիչ է եղել. Լավրով

Ողբերգական վթար Երևան-Երասխ ճանապարհին. վիրավորները գիտակցության չգալով մահացել են

Սպանդանոց կառուցելու ցանկություն հայտնողների թիվը կտրուկ ավելացել է

ՆԱՏՕ-ի գեներալ Լորեն Միշոն բարձր է գնահատել հայ խաղաղապահների պատրաստվածության մակարդակը

Աշխատանքային գրքույկների հավաքագրման աշխատանքների ժամկետը լրացել է

ԱՄՆ-ը մտածել է Իրանի միջուկային օբյեկտներին կանխարգելիչ հարված հասցնելու մասին. Մայք Պոմպեո

Ամփոփվել են ՀՀ ԶՈւ զորքերի ծառայության վարչության կատարած աշխատանքները

Արմեն Սարգսյանը ցավակցել է Գեորգի Կուտոյանի​ մահվան կապակցությամբ

Մեքենան բախվել է ծառին, հետո՝ «Կլայկ» կահույքի արտադրամասի պատին. կա տուժած

Վարչապետ Նիկոլ Փաշինյանն ընդունել է հայտնի աստղաֆիզիկոս Գարիկ Իսրայելյանին

Մարզպետը կլանային որոշում կայացրեց, սա հիվանդանոցն ինձանից խլել էր, որը չեմ հանդուրժելու. Աշոտ Կուրղինյան

Սոցցանցերից մեկի օգտատերը երիտասարդի մերկ լուսանկարները չհրապարակելու համար պահանջել էր 190․000 դրամ. ոստիկանություն

Հրայր Թովմասյանը անձամբ է ինձ խնդրել, որ մտնի Կուտոյանի մահվան դեպքի վայր, սակայն ես թույլ չեմ տվել. Արթուր Մելիքյան

Ղարաբաղյան կարգավորման գործընթացում արձանագրվել է «փոքր քայլերի» տեղաշարժ. Սերգեյ Լավրով