Գրեչկա, լոբի 100 % չի լինի, դիմելու ենք կառավարություն. Սյունիքում հակակարկտային կայան չկա

Նախորդ օրը՝ հունիսի 1-ին, տեղացած կարկուտից հետո, Սյունիքի մարզ են այցելել գյուղատնտեսության նախարարության աշխատակիցներ: Այս մասին armtimes.com-ի հետ զրույցում նշեց Սյունիքի մարզպետարանի գյուղատնտեսության եւ բնապահպանության վարչության պետի ժամանակավոր պաշտոնակատար Գագիկ Խաչատրյանը: Պատասխանատուի խոսքով, այս պահին վնասի հստակ չափերը հայտնի չեն, քանի որ ուսումնասիրությունները դեռ չեն ավարտվել մարզի տարածքում:

«Առավելաչափ տուժել են՝ Խնձորեսկ, Ներքին Խնձորեսկ, Գորիսի տարածաշրջանի Վերին Շեն, Տեղ, Կոռնիձոր, Արավուսը, Սիսիանի տարածաշրջանից՝ Որոտան համայնքները: Սիսիանում հիմնականում պտուղն է վնասվել եւ բանջարաբոստանային կուլտուրաները: Գորիսում պտուղ-բանջարեղենին գումարած, վնասվել են նաեւ ցորենի, գարու, կորնգանի ցանքատարածությունները»,-armtimes.com-ին տեղեկացրեց Խաչատրյանը:

Մարզպետարանի աշխատակցի խոսքով, 100 տոկոսով տուժել են կորնգանի, առվույտի, ցորենի, հնդկաձավարի, լոբու ցանքատարածությունները, պտղատու այգիները:

«Տեղ համայնքի Կոռնիձոր բնակավայրում առանձին ցանքատարածքներ 100 տոկոսով վնասված են: Լոբի, գրեչկա, միրգ, բանջարեղեն, ցորեն էլ չկա: Հիմա գնում ենք, որ հստակ վնասի չափը որոշենք: Տեղական հանձնաժողովներն արձանագրությունները կկազմեն եւ կներկայացնենք կառավարություն»,- նշեց մարզպետարանի աշխատակիցը:

Armtimes.com-ի հարցին, թե մարզի գյուղատնտեսական նշանակության հողատարածքներում առկա՞ է հակակարկտային կայանների պաշտպանական ցանց, Գագիկ Խաչատրյանը նշեց, որ Սյունիքում ընդհանրապես հակակարկտային կայաններ չկան տեղադրված:

«Մեր մարզում ընդհանրապես հակակարկտային կայաններ չկան: Մեզ մոտ մի քիչ ուշ-ուշ է կարկուտ գալիս՝ 5-6 տարին մի անգամ: Դրա համար առաջնահերթությունը տվեցին մյուս մարզերին: Մենք այդ ծրագրից դուրս ենք մնացել»,- եզրափակեց նա:

Տպել
15692 դիտում

«Հումորի լիգայի» լավագույն թիմերը հանդես կգան ներկայացմամբ

Դիմակները պատռելու ժամանակը. խմբագրական

Մանվել Գրիգորյանի պաշտպանը դադարեցնում է պաշտպանությունը զինվորի հացը յուրացնելու մասով

«Բոհեմ» թատրոնը նորամուծություն ունի, որով, ըստ Դուրյանի, առաջինն է ՀՀ-ում

Հրշեջները մարել են Երևանի Սեբաստիայի փողոցում բռնկված հրդեհը

Ավետիք Իսահակյանի անվան գրադարանը կընդլայնվի. ամեն օր մինչեւ 1500 այցելու է ունենում

Ռուսաստանաբնակ բժիշկ Գեվորգ Ստեփանյանի խափանման միջոցը փոխվել է

Ստաս Միխայլովը երեւանյան համերգի ընթացքում խոստանում է անակնկալներ

Պատիվ է, այն էլ՝ շատ մեծ, շատ ազդեցիկ ու զիլ թիմի մեջ լինելը. Ստյոպա Սաֆարյանը նոր աշխատանքի կանցնի

Զոհրաբ Մնացականյանը հանդիպել է սենատոր Մենենդեսի հետ

«Սիմենս» ընկերության տնօրենների խորհրդի անդամ Ռոլանդ Բուշն Ա. Սարգսյանի հրավերով կայցելի ՀՀ

Օդի ջերմաստիճակը կնվազի 4-5 աստիճանով

Քննությունները մոտենում են. տագնապած են ուսուցիչներն ու աշակերտները. 1 տեքստ, 36 առաջադրանք

ՀՀ-ում տեղի կունենա բասկետբոլի ԵԱՏՄ երկրների գավաթի խաղարկություն

Ստավրոպոլի ձյուդոյի դպրոցի սան Արամ Գրիգորյանը հանդիպել է Վլադիմիր Պուտինի հետ

Ժամանակ է եղել՝ ծանրորդները խթանիչ են օգտագործել, հիմա դա չկա. ասել է մարզիչը

Պոլիէթիլենային տոպրակի մեջ հայտնված երկվորյակների առողջական վիճակը փոքր-ինչ վատացել էր. դեռ մանկատանն են

Կիրակի օրը Հայաստանի 20 համայնքներում տեղական ինքնակառավարման մարմինների արտահերթ եւ հերթական ընտրություններ են

Գյումրու դրամատիկականն ԱՄՆ-ից վերադարձել է ոգեւորված եւ ոգեշնչված

«Միասին». երգ՝ նվիրված մանկական քաղցկեղի դեմ պայքարի օրվան՝ բուժում ստացող երեխաների մասնակցությամբ