Ընդդիմադիր Գյումրիում ստեղծում են տպավորություն, որ ՀՀԿ-ական վարչապետը խոսքին տեր է

Այսօր`օգոստոսի 24-ին, անդրադարձել էինք Գյումրու «Կումայրի» պատմական արգելոցի Ռուսթավելի փողոցի շինարարական աշխատանքներին: Մասնավորապես, տեղեկացրել էինք, որ փողոցի վերանորոգման աշխատանքները նախկինի նման  մեծ թափով առաջ չեն գնում: Armtimes.com-ը Գյումրու քաղաքապետարանից պարզաբանում էր խնդրել տեղեկության վերաբերյալ:

Քիչ առաջ կառույցի մամուլի խոսնակ Սոնա Առաքելյանը տեղեկացրեց, որ աշխատանքները չեն դադարել, ընթանում են նույն հունով: Առաքելյանից armtimes.com-ը նաեւ հետաքրքրվեց, թե հնարավո՞ր է, որ Ռուսթավելի փողոցի վերականգման աշխատանքները սկսեն իրականացնել երեք հերթափոխով:

«Աշխատանքները նորմալ ընթացքի մեջ են, նախանշված ժամկետներով առաջ ենք գնում: Եթե հանկարծ չհասցնելու խնդիր լինի, այսինքն՝ մինչեւ սեպտեմբերի վերջ փողոցը շահագործման հանձնելու ենթակա չլինի, ապա կսկսեն նաեւ երեք հերթափոխով աշխատել: Այդ հարցը միայն քննարկվել է»,- armtimes.com-ի հետ զրույցում ասաց Սոնա Առաքելյանը:

Այսինքն՝ ստացվում է, որ հնարավոր է նաեւ բանվորների համար պայմաններ ստեղծվեն`գիշերային ժամերին աշխատելու համար: Թեեւ քաղաքապետարանից փոխանցեցին, որ երեք հերթափոխով աշխատելը դեռ հաստատված չէ:

Նշենք, որ վարչապետ Կարեն Կարապետյանը նպատակ ունի Գյումրին դարձնել տուրիզմի կենտրոն, այդ իսկ պատճառով`«Կումայրի» պատմական արգելոցի տարածքում ակտիվ շինարարություն է ընթանում, պատմական հատվածը ցանկանում են ներդրողների աչքին հրապուրիչ դարձնել: Թեեւ առայժմ միայն վարչապետի ընտանիքն է կատարել ներդրում: Որեւէ գործարար Գյումրի գալու մտադրություն հավանաբար չունի:

Ինչեւէ. անդրադառնալով «Կումայրիում» գտնվող Ռուսթավելի փողոցը ժամանակին շահագործման հանձնելու մեծագույն ցանկությանը, կարելի է գտնել նաեւ քաղաքական մղումներ: Վարչապետները տարբեր ժամանակներում Գյումրու հետ կապված բազմաթիվ խոստումներ են տվել, որոնք մնացել են անկատար: Մասնավորապես՝  Կարապետյանին նախորդած Հովիկ Աբրահամյանը խոստանում էր, որ Գյումրու արդեն նախկին մարզային հիվանդանոցի շենքում մասնավորը 2016 թվականին 500 աշխատատեղով կարի ֆաբրիկա է շահագործելու, որը, սակայն դեռ չի շահագործվում: Իսկ օրինակ՝ Տիգրան Սարգսյանը Գյումրին տեխնոքաղաք էր դարձնելու, հետագայում պարզ դարձավ, որ իշխանության պատկերացմամբ տեխնոքաղաքը կարող է լինել նաեւ մեկ տեխնոպարկը:

 

Տպել
4879 դիտում

Ուկրաինական եկեղեցու անկախացումը. Վրաստանը «երկու քարի արանքում»

Լոռու մարզում ճանապարհները դժվարանցանելի են. բեռնատարները դադարեցրել են ընթացքը (լուսանկարներ)

Լյուքսեմբուրգի վարչապետը շնորհավորական ուղերձ է հղել Նիկոլ Փաշինյանին

Վստրեչի Ապերի նկատմամբ քրեական հետապնդումը դադարեցվեց եւ քրեական գործը կարճվեց

Ասք ճշմարտաց. ՀՀԿ-ի մասով կա՛մ լավ, կա՛մ ոչինչ

Մի հատ ինձ նայեք, ես ճնշում գործադրող մարդ կարո՞ղ եմ լինել. Արմեն Գեւորգյանը՝ ՍԴ նախկին դատավորին ճնշելու մասին

Հակահիգիենա. պարտակում են կեղտոտ սպիտակեղենը

Սենատում տապալվեց Թրամփի որոշումն արգելափակող օրինագիծը․ Արմենալի վրա ճնշումը կթուլանա

Պետական պարգեւներ. ոմանք մնացին ձեռնունայն

ՀՀ-ն հետ է կանչել իր ներկայացուցչին Ֆրանկոֆոնիայի մշտական խորհրդից եւ գործուղել ՄԱԿ․ նախագահի հրամանագրերը

Սուր բանավեճ Էդմոն Մարուքյանի եւ Ալեն Սիմոնյանի միջեւ

Ովքեր են բացակայում Ազգային ժողովի նիստից. ցանկում նաեւ ամենաերիտասարդ պատգամավորն է

Զինծառայողը խախտել է զենքի հետ վարվելու կանոնները եւ վիրավորել ծառայակցին․ մեղադրանք է առաջադրվել

Վարչապետ Նիկոլ Փաշինյանը ցավակցական հեռագիր է հղել Վրաստանի վարչապետ Մամուկա Բախտաձեին

Հայկական արվեստն անպայման պետք է ներկայացված լինի այստեղ. Սարգսյանն այցելել է Աբու Դաբիի Լուվր թանգարան

Քրեական հեղինակություն Վստրեչի Ապերի վերաբերյալ գործը կքննվի դռնփակ

Հարցազրույց տալու համար ծեծի ենթարկվեց, հետապնդվեց ու աշխատանքից ազատվեց. 30 տարվա աշխատողը զրկվում է Գառնիի խանութից

Պատանի հանդիսատեսի տնօրենի ԺՊ-ն լծվել է աշխատանքի. թատրոնի վերջին հիմնանորոգումն իրականացրել է Լինսի հիմնադրամը

Գործող չեմպիոն Կուսրովան լքել է ՀՀ շախմատի առաջնությունը վատառողջ լինելու պատճառով

Ծնողներն ամաչում են բարձրաձայնել, որ երեխան շաքարային դիաբետ ունի, երեխաներն էլ մտածում են, որ մեղավոր են