Արծվաբերդում տուլարեմիա է գրանցվել. հիվանդությունը չէր դրսեւորվել տասնամյակներ շարունակ

Տավուշի մարզի Արծվաբերդ համայնքում գրանցվել են տուլարեմիա վարակիչ հիվանդության դեպքեր:

«Արծվաբերդի առողջության կենտրոն» ՊՈԱԿ-ի տնօրեն Գագիկ Դալլաքյանը մեզ հետ զրույցում ասաց, որ հիվանդության բռնկում եղել է երկու-երեք շաբաթ առաջ, բայց այժմ իրավիճակը հանգիստ է, եւ նոր դեպքեր չկան:

Վարակվածները տարբեր տարիքային խմբեր են ներկայացնում՝ 10-11 տարեկանից մինչեւ 50 տարեկան: Նրանց մեծ մասն արդեն բուժվել են, բայց մեկ ամիս գտնվելու են բժշկի հսկողության տակ:

Վարակի տարածման աղբյուրը Գագիկ Դալլաքյանին հայտնի չէր:  

«Գյուղի ներսում ամեն ինչը ստուգվել է, վարակի աղբյուր չկա: Ջրերը մաքուր են, դաշտերում վարակ չկա: Ես մտածում եմ՝ ինչ-որ տեղից սնունդ է բերվել, եւ սննդի միջոցով է փոխանցվել, որովհետեւ միայն մեկ թաղամասում է հիվանդությունը»,- փոխանցեց Արծվաբերդի առողջության կենտրոնի տնօրենը:

Բոլոր կասկածելի հիվանդությունները մանրակրկիտ ուսումնասիրվել են, բայց միայն 8-10 դեպքում է հաստատվել տուլարեմիա:

Անդրադառնալով տեղեկությանը, որ տարածքում տուլարեմիա չէր գրանցվել արդեն 40 տարի, Գագիկ Դալլաքյանը նշեց, որ համենայնդեպս, ինքն Արծվաբերդում աշխատում է 1989 թվականից եւ հիվանդությունը հանդիպել է առաջին անգամ:

Տուլարեմիան օջախային վարակիչ հիվանդություն է, որն ընթանում է ջերմությամբ, ավշային հանգույցների ախտահարմամբ, ընդհանուր ինտոքսիկացիայի երեւույթներով:

Հիվանդության գաղտնի շրջանը տեւում է 2-11 օր, հիվանդությունը սկսվում է հանկարծակի, ջերմության բարձրացումով 38-40 աստիճան: Հիվանդները գանգատվում են՝ գլխացավից, մկանացավից, թուլությունից, քրտնարտադրությունից, զարգանում է դեմքի հիպերեմիա (զարկերակային գերարյունություն), կոնյուկտիվիտ (ակնագնդերի եւ կոպերի լորձաթաղանթի բորբոքում), հիվանդության երկրորդ օրից նկատվում է լյարդի մեծացում, իսկ 6-9 օրերին մեծանում է նաեւ փայծաղը: Կախված փոխանցման մեխանիզմի գործոններից կարող են ի հայտ գալ աճուկային, թեւատակային, ըմպանի եւ պարանոցի ավշային գեղձերի բորբոքումներ՝ «բուբոններ»,որոնք կարող են հասնել հավկիթի չափերի:

Հիվանդանալուց հետո մարդը ձեռք է բերում բավականին կայուն անընկալութուն, ինչի շնորհիվ զերծ է մնում կրկնավարակումներից:

Վարակի աղբյուր հանդիսանում են կրծողները: Մարդը վարակվում է հիվանդ կենդանիների, դրանց արտաթորանքով աղտոտված հացահատկի, խոտի, ծղոտի հետ շփվելուց, ջուրն օգտագործելուց, ջրամբարներում լողանալուց, հիվանդ նապաստակների, ճագարների անբավարար ջերմային մշակման ենթարկված միսն օգտագործելուց, ինչպես նաեւ հիվանդ կենդանիներից տուլարեմիայի հարուցիչը մարդուն փոխանցող արյունածուծ միջատների (տզեր, մոծակներ եւ այլն) խայթոցներից: Հարուցիչը մարդու օրգանիզմ է թափանցում վնասված մաշկի, աչքի լորձաթաղանթի, շնչուղիների, ստամոքսային համակարգի միջոցով: Հիվանդությունը մարդուց մարդուն չի փոխանցվում:

Հայաստանում գոյություն ունեցող կրծողներից տուլարեմիայի վարակի աղբյուր կարող են հանդիսանալ սովորական դաշտամկները, ջրային առնետները, անտառային եւ տնային մկները, նապաստակները եւ այլն:

Տպել
11161 դիտում

ԱԺ-ն շարունակում է իր աշխատանքը. օրակարգը չի սպառվել (ուղիղ)

Հերթ կանգնեք. Երեւան ծախեմ բիրիքով

Անմեղության կանխավարկած. Վիրաբյանները մեղք չունեն

Վթար-հրդեհ Արարատի մարզում. BMW-ն մխրճվել է բեռնատարի մեջ և բռնկվել. հրշեջները 3 մոխրացած դի են դուրս բերել

Էս տաք տեղը մարդուն ցուրտը չի տանի

Պապիկյանը կմասնակցի Վիեննայում Ատոմային էներգիայի միջազգային գործակալության 63-րդ գլխավոր համաժողովին

Վթարից հետո մեքենան դեպքի վայրից հեռացրել են եւ փորձել ոստիկանության աշխատակիցներին մոլորեցնել

Կնոջն ու հարևանին դանակահարած տղամարդը ձերբակալվել է

Երևան-Մեղրի ավտոճանապարհին վթար է տեղի ունեցել. կան տուժածներ և երկու զոհ

Արթուր Ալեքսանյանը վնասվածք ունի, բայց մտադիր է մենամարտել աշխարհի չեմպիոնի կոչման համար

Նոր աղբամանը կոտրել է «Երևանտրանս» ընկերության աշխատակիցը. ՀՀ ոստիկանություն

Դիլիջանի ոլորաններում ավտոմեքենան դուրս է եկել ճանապարհի երթևեկելի հատվածից և սահել ձորը

Քաջարան-Մեղրի և Վանաձոր-Ալավերդի-Բագրատաշեն ճանապարհահատվածները բեռնատարների համար փակ են

Մխիթարյանը գոլ է խփում «Ռոմայում» նորամուտի խաղում (տեսանյութ)

Սլավիկ Գալստյանը դարձավ ըմբշամարտի աշխարհի առաջնության բրոնզե մեդալակիր

Հենրիխ Մխիթարյանը «Ռոմա»-ի մեկնարկային կազմում է

Վանաձորում 32-ամյա տղամադրու վրա կրակոցներ արձակած, նրան վիրավորած կասկածյալը հայտնաբերվել է

ՀՀ զբոսաշրջության կոմիտեն հորդորում է խուսափել մոտ օրերս դեպի Արագած վերելքներ իրականացնելուց

Արթուր Ալեքսանյանն ապահովեց Տոկիո-2020-ի ուղեգիրը. ըմբշամարտի աշխարհի առաջնություն

Շուշիում մկրտվել են Ապրիլյան պատերազմում զոհված հերոսների հարազատները