Բժիշկները բոնուս կստանան. ծխելուց հրաժարված բնակիչների թիվը դրա վրա կանդրադառնա՞

ՀՀ առողջապահության նախարարությունը խոստանում է, որ առաջիկայում էապես բարձրանալու է ընտանեկան բժիշկների աշխատավարձը: Բայց թե դա հատկապես երբ է տեղի ունենալու, այնքան էլ հստակ չէ: Գերատեսչությունում առայժմ գրում-ջնջում են, հայեցակարգ են մշակում:   

Հունվարի 17-ին ՀՀ վարչապետ Կարեն Կարապետյանն այցելել էր  առողջապահության նախարարություն՝ ծանոթանալու ոլորտի 2017 թվականի գերակա խնդիրների կատարման եւ միջոցառումների իրականացման արդյունքներին, ինչպես նաեւ 2018 թվականի անելիքներին: Նրան մասնավորապես զեկուցել էին, որ ընտանեկան բժշկի համակարգում ներդրվելու է բոնուսային համակարգ, ինչի արդյունքում այդ մասնագետների ամսական աշխատավարձը կբարձրանա մինչեւ 2,5 անգամ, իսկ այցելությունների ավելացումը կնպաստի հասարակության շրջանում հիվանդությունների կանխարգելմանն ու ավելի վաղ հայտնաբերմանը: 

Պոլիկլինիկական հաստատություններում բժշկի միջին աշխատավարձը 100-120 հազար դրամ է: Ասել է թե՝ այս փոփոխությունից հետո հասնելու է 200-240 հազար դրամի: Ի դեպ, ինչպես մեզ հայտնի է դարձել, առողջապահության նախարարությունում քննարկվել է, որ պոլիկլինիկայում աշխատող բժշկի աշխատավարձի ձեւավորման վրա պետք է ազդեցություն ունենա նաեւ այն հանգամանքը, թե որքանով է բժիշկը հաջողում ծխելուց ետ պահել իր սպասարկման տարածքի բնակիչներին: Այսինքն՝ տարածքի չծխողների թիվը պետք է ուղղակիորեն անդրադառնար բժիշկների աշխատավարձի վրա:

Առողջապահության ոլորտի պատասխանատուները, սակայն, կարծես թե հետագայում հրաժարվել են նշված նախաձեռնությունից: Համենայնդեպս, երբ նախարարությունից փորձեցինք մանրամասներ պարզել բուժաշխատողների համար նախատեսվելիք բոնուսների վերաբերյալ, ծխելուն առնչվող մեր հարցը շրջանցվել է:

Մեզ տրամադրված պատասխանում ասվում է հետեւյալը. «ՀՀ առողջապահության նախարարի օգոստոսի 28-ի թիվ 2580-Ա հրամանով ստեղծված աշխատանքային խմբի կողմից 2017 թվականի ընթացքում մշակվել են բժշկական ծառայությունների գնահատման որակական ցուցանիշներ, որոնք 2018 թվականին կհաստատվեն եւ կներդրվեն էլեկտրոնային առողջապահության համակարգ: Գործելու է մշտադիտարկման եռամակարդակ համակարգ (բուժաշխատողի, բժշկական կազմակերպության եւ ազգային մակարդակ)։ Էլեկտրոնային առողջապահության համակարգի միջոցով հավաքագրվելու եւ վերլուծվելու է ստացվող տեղեկատվությունը: Ընտրված Ցուցանիշները հետագայում բուժաշխատողների խրախուսման հիմք կհանդիսանան։ ՀՀ առողջապահության նախարարությունում մեկնարկել են առողջության առաջնային պահպանման օղակի բարեփոխումներին ուղղված հայեցակարգի մշակման աշխատանքներ: «ՀՀ առողջության առաջնային պահպանման օղակի բարեփոխումների հայեցակարգին հավանություն տալու մասին» ՀՀ կառավարության արձանագրային որոշման նախագծի ներկայացումը ՀՀ կառավարության աշխատակազմ նախատեսվում է մինչեւ տարեվերջ»:

Նյութը հրապարակվել է «Հայկական ժամանակ» օրաթերթի հունվարի 26-ի համարում:

Տպել
2445 դիտում

Վանաձորի մի շարք թաղամասեր առավոտից հոսանքազրկված են. էլցանցից կոնկրետ պատճառ չեն նշում

Ucom-ի առաջին կորպորատիվ պարտատոմսերը թույլատրվել են առևտրի AMX ֆոնդային բորսայում

Երգչուհի Գայա Արզումանյանը գրանցված աշխատող է եւ հարկեր է վճարում. պրոդյուսեր

Սամվել Կարապետյանի եղբորորդու հետ կոնֆլիկտ ունեցած գործարարը դատի է տվել մի շարք լրատվամիջոցների

Oպերայի նախկին տնօրեն Կոնստանտին Օրբելյանի ներկայացրած հաղորդման հիման վրա քրեական գործի հարուցումը մերժվել է

Դավիթ Սանասարյանի գործով նախաքննության ավարտ է հայտարարվել. մեղադրանքի ձեւակերպումների մեջ փոփոխություններ են եղել

ՀՀ քաղաքացին դիմել է Դավիթ Անանյանին եւ իր մասնաբաժինը խնդրել զբոսաշրջիկների ծախսած գումարից. Փաշինյան

Մայր Աթոռի միաբանությունն ու պաշտոնեությունը շնորհավորեցին Ամենայն Հայոց Կաթողիկոսին ծննդյան տարեդարձի առիթով

Զարգացման շոկային տեմպեր. ՀՀ և Չինաստանի վարչապետերը մեծամասշտաբ համագործակցության պայմանավորվածությունների են հասել

Արտերկրում ելույթ ունեցող 13 ֆուտբոլիստ հրավիրվել է ազգային հավաքական

Ամուլսարի նախագիծը պե՞տք է անցնի նոր ՇՄԱԳ. վարչապետն ասում է՝ ինչու է «Էլարդի» եզրակացությունն ուղարկել ուսումնասիրելու

Գյումրիում էր ՊԵԿ նախագահ Դավիթ Անանյանը

Հաղթողներին պատվոգրեր են հանձնվել. «Նուբարաշեն» ՔԿՀ-ում դատապարտյալները ծանրաքար են հրել

Դավիթ Անանյանը Գյումրիում արձանագրել է ԱՏԳ սպասարկման կենտրոնի կառուցման գործում առաջընթացն ու անելիքները

Վրաստանի «Ռուսթավի 2»-ի լրագրողները լքում են հեռուստաընկերությունը

Երկրաշարժ Շիրակի մարզում. ցնցման ուժգնությունը էպիկենտրոնային գոտում կազմել է 3-4 բալ

Ադրբեջանի տեղեկատվական ձախողումը, որից պետք է դասեր քաղի հայկական կողմը

Տասնյակ միլիոնավոր դրամների հասնող չարաշահումներ. ՊՈԱԿ-ի պատասխանատու պաշտոնատար անձինք չարաշահել են պաշտոնեական դիրքը

«RyanAir»-ը մտադրություն ունի առաջիկայում մուտք գործել հայկական ավիաշուկա. հանդիպում վարչապետի հետ

Կրակի հետ ցանկացած անզգուշություն կարող է աղետալի հրդեհների պատճառ դառնալ. Սուրենյանը զգուշացնում է