Գագիկ Ծառուկյանի շքեղ ժամանցի կենտրոն այցելելու համար արտոնյալ վարկ են տրամադրում մարդկանց

Լուսանկարում՝ ԱԺ պատգամավորներ Գագիկ Ծառուկյանն ու Իվետա Տոնոյանը՝ համալիրի բացման ժամանակ

Վարկով հարսանիք, Նոր տարի եւ այլ տոնակատարություն իրականացնելու մասին լուրերն էլ չեն զարմացնում: Բանկերն արդեն վարկ են տրամադրում սաունայից, լողավազանից, սպա կենտրոնից եւ նմանատիպ այլ ծառայություններից օգտվելու համար: «Հայկական ժամանակ»-ին հայտնի դարձավ, որ Երեւանի Խանջյան փողոցի վրա գտնվող «MultiWellness» համալիրի ծառայություններից օգտվելու համար բանկերից մեկը արտոնյալ պայմաններով սպառողական վարկ է տրամադրում: Բանկի աշխատակիցը տեղակայվել է ժամանցի եւ սպասարկման կենտրոնի տարածքում ու սպասարկում է հաճախորդներին: Վարկը տրամադրում են տեղում, այսինքն՝ բանկ այցելել եւ հավելյալ «նեղություն» կրել պետք չէ: Վարկը տրամադրվում է արտոնյալ պայմաններով՝ 0 տոկոս կանխավճար, 0 տոկոս տոկոսադրույք, իսկ անհրաժեշտ փաստաթղթերի ցանկում միայն անձնագիրն ու սոցիալական քարտն է: Այսինքն՝ առանց եկամտի աղբյուրի եւ եկամտի առկայության պայմաններում վարկ են տրամադրում, օրինակ՝ սաունայից, լողավազանից օգտվելու համար:

Որպես հաճախորդ զանգահարեցինք «MultiWellness» համալիր: Պարզեցինք, որ վարկը տրամադրվում է 1 տարով բաժանորդ դառնալու պարագայում: Տարեկան բաժանորդային վճարը սկսվում է 260 հազար դրամից եւ հասնում է մինչեւ 650 հազար դրամի: Հեռախոսով մեզ մանրամասներ չհայտնեցին, թե տարեկան բաժանորդ դառնալու դեպքում ո՞ր ծառայություններից է հնարավոր օգտվել եւ քանի՞ անգամ: Այդուհանդերձ, «Մուլտի գրուպ» կոնցեռնի պաշտոնական կայքից տեղեկացանք, որ համալիրն ունի ամառային լողավազաններ, սպա-կենտրոն, գեղեցկության սրահ, ռեստորան եւ ֆիթնես սրճարան:

Կա ֆիթնես լողավազան ջրային աերոբիկայի համար, լողավազան երեխաների համար, ջակուզի, սոլյարիում, հանգստի տարածք՝ ձմեռային ջերմոցով, սենյակներ` նախատեսված աերոբիկայով, պարերով, պիլատեսով, բոքսով, ինչպես նաեւ մարտարվեստով զբաղվելու համար: Երեխաների անհատական զարգացման սենյակ 1,5 մինչեւ 14 տարեկան, խաղասենյակ, առանձին հանդերձարան: «Ավանդական եվրոպական խոհանոց, մանկական մենյու, սպորտային սննդակարգ, պատրաստի դիետա, անհատական սննդի ծրագիր: Սպա-համալիր` հանգստի տարածքով, աղային սենյակով, ինֆրակարմիր ճառագայթման առանձնասենյակներով, ոտքերի հիդրոմերսման սարքավորմամբ: Երկհարթակ տանիք՝ դեպի ծառուղին բացվող տեսարանով, DJ եւ կենդանի երաժշտություն, թեմատիկ միջոցառումներ»,- ասված է «MultiWellness» համալիրի նկարագրում:

Դատելով վարկով ժամանց կազմակերպելու այս դրսեւորումից, կարելի է կարծել, որ շքեղ համալիրից օգտվողների պակաս է զգացվել, որն անհանգստացրել է այն կառուցողին: Դրա համար էլ հաճախորդներ ներգրավելու նպատակով սպառողական վարկ են առաջարկում:

Նշենք, որ ԱԺ պատգամավոր Գագիկ Ծառուկյանին պատկանող «MultiWellness» համալիրը բացվեց 2016 թվականի հոկտեմբերին: Բացման արարողությանը մասնակցում էր նաեւ Սերժ Սարգսյանը, որը շրջայց էր կատարել ժամանցի կենտրոնում:

Նյութը տպագրվել է «Հայկական ժամանակ» օրաթերթի փետրվարի 21-ի համարում, 2-րդ էջում:

Տպել
3554 դիտում

Նախարար Բաթոյանն անդրադարձել է 13-ամյա երեխայի հղիությանն ու կոչ արել այլեւս չտարածել տեսանյութը

Օպերայի և բալետի ազգային ակադեմիական թատրոնի շենքում ռումբի առկայության մասին ահազանգ է եղել

Արմեն Գրիգորյանը Լոս Անջելեսում մասնակցեց «Ինովեյթ Արմենիա» ամենամյա 4-րդ փառատոնին

Վարչապետն այցելել է ՊՆ կենտրոնական կլինիկական զինվորական հոսպիտալ (լուսանկարներ)

Հանգիստ եղեք, ոչինչ չի մոռացվել, ոչ մեկը չի խուսափի արդարադատությունից. Սիմոնյանը՝ Քոչարյանի դատավարության մասին

Կապանի 28-ամյա բնակչուհին որոնվում է որպես անհետ կորած

Գյումրու մարզադպրոցում ապօրինություններ են բացահայտվել․ յուրացվել է մոտ 17 մլն դրամ

Ինքնաթիռում 3 ժամ տեւած ոչ ֆորմալ հանդիպում են ունեցել ՀՀ եւ ՌԴ ներկայացուցիչները. Ալեն Սիմոնյան

Վթար Երևան-Սևան ավտոճանապարհին.մեկ մարդ զոհվել է, մյուսի վիճակը միջին ծանրության է

Շիրակի մարզում իրականացվել է հատուկ «Ջութակ» օպերացիան. կան բերման ենթարկվածներ

Հանրապետության տարբեր հատվածներում ներգործության է ենթարկվել կարկտավտանգ 22 ամպ

Նիդերլանդների ներկայացուցիչը՝ «Եվրատեսիլ 2019»-ի հաղթող. երգիչը խոստովանել է, որ նույնասեռական է

Արմավիրում կանխվել է ավտոլվացման կետի աշխատակցի ինքնասպանությունը

Դատարանն այսօր ապացուցեց, որ ինքը անկախ է գործադիր եւ օրենսդիր մարմիններից, բայց հարցեր առաջացրեց․ Վահագն Թեւոսյան

Ապրում ենք նոր Հայաստանում՝ հին դատական համակարգով. Արեն Մկրտչյան

«5-րդ ալիքի» սեփականատեր Արմեն Թավադյանը չկալանավորվեց

Դատախազությունը կարող է բողոքարկել Քոչարյանին կալանքից ազատելու որոշումը. դատախազության պատասխանը՝ Քոչարյանի փաստաբանին

Կառավարությունում քննարկվել է Արտաքին տնտեսական գործունեության իրականացման սպասարկման կենտրոնների ներդրման նախագիծը

Վարչապետին զեկուցել են տրված հանձնարարականների կատարման ընթացքի մասին (լուսանկարներ)

ՃՈ տուգանքը 5 օրվա ընթացքում մուծելու դեպքում 30% զեղչ. «Իմ քայլ»-ի պատգամավորը միտք ունի նման նախագիծ մշակել