Փնտրվում է միջազգային պատշաճ արձագանք

Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը փետրվարի 22-23-ին աշխատանքային այցով գտնվում էր Հայաստանում: Այցի շրջանակներում նա հանդիպումներ ունեցավ Սերժ Սարգսյանի, պաշտպանության նախարար Վիգեն Սարգսյանի և արտաքին գործերի նախարար Էդվարդ Նալբանդյանի հետ: Դրանց ընթացքում քննարկվեցին Հայաստան-ԵՄ հարաբերությունները, որոնք բարձր գնահատականի արժանացան և, իհարկե, Լեռնային Ղարաբաղի հակամարտությունը:

Նալբանդյանի հետ հանդիպման ընթացքում Տոյվո Կլաարը նրան տեղեկացրեց Բաքվում ունեցած իր հանդիպումների մասին: ԵՄ հատուկ ներկայացուցիչը Սերժ Սարգսյանի և Էդվարդ Նալբանդյանի հետ հանդիպումներում վերահաստատեց Եվրոպական Միության աջակցությունը ԵԱՀԿ Մինսկի խմբի համանախագահների գործունեությանն ու առաջարկություններին՝ ուղղված Լեռնային Ղարաբաղի հիմնահարցի խաղաղ կարգավորմանը: Խաղաղ կարգավորմանը նպաստելու վերաբերյալ հայտարարություն արվել էր նաև Բաքվում՝ Ալիևի հետ հանդիպման ընթացքում: Ադրբեջանի նախագահը, հայտարարելով, որ Հայաստանի կողմից «օկուպացված իրենց տարածներում ոչնչացվում են Ադրբեջանի ազգային, կրոնական և պատմական հուշարձանները», ամենայն հավանականությամբ, հույս ուներ, որ ԵՄ հատուկ ներկայացուցիչը պետք է իր զորակցությունը հայտնի Ադրբեջանի տարածքային ամբողջականությանը, ինչպես դա եղել էր նոյեմբերին Վրաստանի ճգնաժամի հետ կապված: Սակայն Կլաարը չեր կարող իրեն թույլ տալ նման անպատասխանատու հայտարարություն:

Նալբանդյանը կարևորեց Եվրոպական Միության հետևողական դիրքորոշումը` ի աջակցություն ԵԱՀԿ Մինսկի խմբի համանախագահ երկրների մոտեցումներին, մասնավորապես Լեռնային Ղարաբաղի հիմնահարցի կարգավորման հիմք հանդիսացող միջազգային իրավունքի երեք սկզբունքներին։ «Ցանկալին իրականության տեղ մատուցելու Բաքվի մոլուցքը հասել է նրան, որ չի քաշվում աղավաղել անգամ ԵՄ այս սկզբունքային մոտեցումը», - նշեց Նալբանդյանը։

Ալիևի հայտարարություններին անդրադարձավ նաև պաշտպանության նախարարը՝ ընդգծելով, որ այդպիսի վարքագիծը ոչ մի կերպ չի նպաստում խնդրի խաղաղ կարգավորմանը: «Նման հայտարարություններ անելու համար մեծ իմաստություն չի պահանջվում, ճիշտ հակառակը` իմաստության բացակայությունը նպաստում է սեփական ժողովրդի համար անդառնալի հետևանքներ ունեցող սադրանքների քարոզչությանը», - նկատեց Վիգեն Սարգսյանը: Պաշտպանության նախարարը և ԵՄ հատուկ ներկայացուցիչը կարևորել են նման հայտարարություններին միջազգային հանրության պատշաճ արձագանքը:

Պատշաճ արձագանքի առումով հատկանշական է օրեր առաջ Ֆրանսիայի ԱԳՆ բավական նեյտրալ հայտարարությունը, որտեղ հակամարտության կողմերին կոչ էր արվում «զերծ մնալ ցանկացած հայտարարություններից կամ գործողություններից, որոնք կարող են սրել լարվածությունը»: Ի պատասխան այդ հայտարարությանը Ադրբեջանի ԱԳՆ մամուլի ծառայության պետ Հիքմեթ Գաջիևը խորհուրդ էր տվել «ֆրանսիացի գործընկերներին՝ չտրվել Հայաստանի և Ֆրանսիայի հայկական լոբբիստական շրջանակների սադրանքներին և պրոպագանդային»: Գաջիևը իր խոսքում չի խորշել Արցախի հանրապետությունը անվանել «անջատողական և ահաբեկչական ռեժիմ», իսկ Մոնթե Մելքոնյանին՝ «միջազգային ահաբեկիչ»: Այս հայտարարությունից պարզ երևում է, որ Ֆրանսիայի, կամ մեկ այլ երկրի ոչ հասցեական և անատամ կոչերը չեն կարող զսպող հանգամանք լինել Ադրբեջանի համար:

Ընդհանուր առմամբ, հաշվի առնելով, որ այցը տեղի էր ունենում հայ-եվրոպական մերձեցման ֆոնին, այն կարելի է դրական գնահատել: Իսկ կշարունակվի՞ արդյոք Ֆրանսիայի և Ադրբեջանի հեռակա երկխոսությունը, կմիանա՞ն դրան այլ երկրներ, թե՞ ամեն ինչ կավարտվի Ադրբեջանի ԱԳՆ-ի կողմից իրականությունը խեղաթյուրող պատասխանով ցույց կտա ժամանակը:

Տպել
5449 դիտում

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց

Առաջին անգամ եմ նման տեսակետ լսում. Իվետա Մուկուչյանը՝ իր ու Բեյոնսեի տեսահոլովակների նմանության մասին

Վարչապետը հարգանքի տուրք է մատուցել երեկ գիշեր ծառայության ընթացքում սպանված ոստիկանին (տեսանյութ)

Նախորդ մեկ ամսում Երեւանում այրվել է 10 աղբաման. վերջին դեպքով քաղաքացին ինքնախոստովանական ցուցմունք է տվել

«Էրեբունի-Երևան 2801» տոնակատարության միջոցառումների կազմակերպման համար փակ կլինեն մի շարք փողոցներ

«ԱԺ-ն իրավասու չէ տվյալ հարցով դիմելու ՍԴ». հրապարակվել են Հրայր Թովմասյանի հարցով դիմումի մերժման հիմքերը

Գորան Բրեգովիչի երևանյան համերգը հետաձգվել է եւ կկայանա նոյեմբերի 24-ին. նա կժամանի նվագախմբով

ՀՖՖ ֆուտբոլի ակադեմիայում մարզումները մի քանի տարիքային խմբերի համար այսուհետ կլինեն վճարովի

Ոստիկանի սպանության մեջ կասկածվող անչափահասն ընդունել է մեղքը, ասել, որ անկեղծորեն զղջում է