Ազատության հրապարակն արդեն «բրոնյա» են արել. լուրջ խմորումներ են սպասվում

Ի տարբերություն նախորդ տարվա, երբ ընտրություններից հետո ոչ մի փողոցային պայքար տեղի չունեցավ, այս տարի Ազատության հրապարակը թափուր չի մնա: Այստեղ լուրջ քաղաքական խմորումներ են լինելու:

Արդեն քաղաքական ուժերը հայտեր են ներկայացնում հրապարակը «բրոնյա» անելու համար: ԵԼՔ խմբակցության ղեկավար Նիկոլ Փաշինյանն արդեն հայտարարել է Ազատության հրապարակ գործուղվելու մասին, իսկ մի քանի օր է, ինչ ֆեյսբուք սոցիալական ցանցում առանձին օգտատերեր հայտարարություն են տարածում այն մասին, որ մարտի 10-ին Երեւանի Ազատության հրապարակում տեղի է ունենալու համահայկական հանրահավաք: Նպատակը՝ բողոք ի նշան «Ժիրայր Սեֆիլյանի եւ մյուսների դատական գործով» կայացվելիք դատավճռի դեմ: «Բռնապետական ռեժիմի վերարտադրությունը խոչընդոտելու եւ քաղբանտարկյալների հանդեպ քաղաքական հաշվեհարդարը դադարեցնելու պահանջով մարտի 10-ին նախատեսվում է համահայկական հանրահավաք: Երեւանի Ազատության հրապարակում եւ եվրոպական մի շարք երկրներում նույն ժամին կբարձրացնենք մեր բողոքի ձայնը, կքննարկենք հետագա քայլերը: Մոբիլիզացում ապահովելու նպատակով բանակցություններ են ընթանալու երկրի ապագայով մտահոգ բոլոր քաղաքական ուժերի միջեւ»,- ասված է հայտարարության մեջ:

Հիմնադիր խորհրդարանի անդամ, «Սասնա ծռերի» համակիր Ալեք Ենիգոմշյանը՝ պատասխանելով ՀԺ-ի հարցին նշեց, որ արտերկրում հանրահավաքը կազմակերպել եւ համակարգում է «Հայկական վերածնունդ» շարժումը, իսկ Երեւանում ներգրավված է «Հանուն Հայաստանի Պետության ճակատը», իսկ թե ընթացքում որ քաղաքական ուժերը կմիանան այս հանրահավաքին, առայժմ պարզ չէ: Նախաձեռնողները բանակցություններ են սկսել ընդդիմադիր բոլոր քաղաքական ուժերի հետ:

«Հարցը քաղբանտարկյալների խնդրի հետ է կապված: Հանրահավաքի անցկացման ժամանակահատվածը համընկնում է Ժիրայր Սեֆիլյանի եւ մյուսների դատական գործով վճռի հրապարակմանը: Այս ամեն ինչը քաղաքական է, բայց կան նաեւ իրավական ահավոր խախտումներ»,- ասաց Ենիգոմշյանը:

Վերջինս միաժամանակ նշեց, որ միջոցառման ենթատեքստը քաղաքական է: Հանրահավաքը իշխանափոխության պարտադիր պահանջով է:

«Քաղբանտարկյալների խնդիրը լուսնից ընկած հարց չի մեր երկրում, այլ ամբողջությամբ մեր երկրի համակարգային խնդիրների արդյունք է: Այդ համակարգային խնդիրները կարող են փոխվել միայն իշխանափոխության արդյունքում: Մեր նպատակը չէ միայն իշխանափոխությունը եւ վերջակետ, այլ իշխանափոխություն հանուն համակարգափոխության»,- ասաց Ենիգոմշյանը եւ նշեց, որ այն քաղաքական ուժերը, որոնք այս պահին իշխանափոխության մասին են բարձրաձայնում, պետք է լուրջ քայլեր ձեռնարկեն:

ՀԺ-ի հարցին, թե արդյո՞ք փողոց դուրս գալը դեռ համարվում է արդյունավետ պայքարի միջոց, Ենիգոմշյանը նկատեց. «Փողոցային պայքարը, ժողովրդի պայքարը միշտ իր արդյունքը տալիս է: Դա կարող է ժամանակի ընթացքում վերելքներ եւ վայրէջքներ ունենալ: Պարզ է, որ վերջին ամիսներին փողոցային պայքարն այդքան ազդեցիկ չի եղել, բայց դա չի նշանակում, որ խնդիրները չկան եւ փողոցային պայքարով ժողովուրդը չի կարող իր ձայնը բարձրացնել»,- նշեց նա:

«Ժողովրդավարական հայրենիք» կուսակցության նախագահ Պետրոս Մակեյանն անդրադառնալով ՀԺ-ի այն հարցին, թե արդեն ստացե՞լ է հրավեր մարտի 10-ին հանրահավաքին մասնակցելու համար, նշեց, որ առայժմ ոչ մի հրավեր չի ստացել, բայց կարծում է, որ ցանկացած հանրահավաք ընդդիմության կողմից պետք է ընդհանրական լինի:

«Երկրի ապագայով մտահոգ ուժերը պետք է համախմբվեն, պետք է ընդգրկուն թիմով այդ համախմբումն անցկացնել: Այդ թիմում կարող են լինել այն ուժերը, ովքեր գիտեն, թե երկիրը ուր է տանում Սերժ Սարգսյանի քաղաքական թիմը, որոնք որեւէ ապագայի հեռանկար չեն թողել»,- ասաց Մակեյանը եւ ընդգծեց, որ, եթե այս ընթացքն ընդդիմադիր թեւը ճիշտ չօգտագործի եւ թույլ տա Սերժ Սարգսյանի վերարտադրությունը, ապա մեծ վրիպակ կհամարի:

«Համախմբվածություն չկա, ժողովուրդն ապրում է այս ռեժիմի ներքո: Ակտիվ է Զարուհի Փոստանջյանը իր շարժումով, բայց համախմբման ոչ մի բան թույլ չի տալիս: Որոշակի ակտիվ է ԵԼՔ-ը եւ, կարծես թե, նրանց մոտ ինչ-որ չափով ստացվում է համախմբելը, բայց մնացած ուժերը իրենց դարդով տապակվում են»,- ասաց Մակեյանը եւ նշեց, որ որպես քաղաքացի պարտավոր է մասնակցել ցանկացած հանրահավաքի, եթե նպատակն ու թիրախը հստակեցված է:

Երեւանի քաղաքապետարանի պաշտոնական կայքից էլ տեղեկացանք, որ մարտի 10-ին կայանալիք հանրահավաքի վերաբերյալ առայժմ քաղաքապետարանին չի իրազեկվել:

Նյութը տպագրվել է «Հայկական ժամանակ» օրաթերթի փետրվարի 27-ի համարում:

Տպել
31273 դիտում

ԱԻ նախարարը հրդեհի վայրում է. ձևավորվել է 30 հոգուց կազմված աշխատանքային խումբ, աշխատում է 19 մարտական հաշվարկ

Հրդեհի հետևանքով Հանրապետական հիվանդանոց տեղափոխված 2 քաղաքացիները դուրս են գրվել

Վայոց Ձորում վթարի հետևանքով զոհվել է 3 քաղաքացի, եւս 3-ը հիվանդանոցում են

Հրդեհի ծավալը մեծ էր, հարկ համարեցի գալ. Վ. Օսիպյանը ժամանեց հրդեհի վայր ու նկատողություն արեց ոստիկաններին

ՀՀ վարչապետը ելույթ է ունեցել «Քայլ դեպի տուն» ծրագրի փակման արարողության ժամանակ (տեսանյութ)

Մալաթիայում տեղի ունեցած հրդեհի հետևանքով ևս 1 տուժած տեղափոխվում է «Աստղիկ» Բ/Կ

«Մալաթիա մոլ»-ի հրդեհը դեռ չի մարվել. նախնական վարկածով՝ կրակը բռնկվել է «ՎԵԳԱ»-ի պահեստում

Մալաթիայի հրդեհի հետեւանքով տուժած քաղաքացիները ծխահարվել են, 6 անձ է տուժել. ԱՆ խոսնակ

Մալաթիայի խոշոր հրդեհի հետևանքով 4 անձ տեղափոխվել է «Աստղիկ» Բ/Կ, 2-ը՝ Ճառագայթային բժշկության կենտրոն

Խոշոր հրդեհ «Մալաթիա մոլ»-ի շենքում. բարձրացվել է բարդության «Թիվ 3» կանչ, կան տուժածներ (տեսանյութ). ԹԱՐՄԱՑՎԱԾ

Շոգ, առանց տեղումների եղանակը կպահպանվի առաջիկա օրերին. եղանակն այս շաբաթ

ՃՏՊ Կրասնոդարի երկրամասի Ռ-217 ավտոճանապարհին. զոհերն ու տուժածները հայեր են (լուսանկարներ)

Դատարկ ապարների լցակույտի տարածքի ուսումնասիրությունները ոչ լիարժեք են. Ամուլսարում ուրանի և թորիումի առկայության մասին

Երևանում և Ագարակ գյուղում փրկարարները բռնել են 1 շահմար, 1 սահնօձ և 1 գյուրզա

«ԳեոՊրոՄայնինգ» ընկերությունը աջակցեց մանկական քաղցկեղի կենտրոնին (լուսանկարներ, տեսանյութ)

Ստեփանակերտում 16-ամյա երեխայի նկատմամբ բռնության դեպքը կանխվել է

Արցախում՝ Ամարասի դաշտում, տղամարդու դի է հայտնաբերվել. հավանաբար մահացել է ցուլի հարվածից

Ստեփանակերտի ջրամատակարարման խնդիրը լուծման փուլում է. Բակո Սահակյանը ծանոթացել է աշխատանքներին

Սասունիկ-Էջմիածին ճանապարհին «ԶԻԼ»-ը դուրս է եկել ճանապարհից ու կողաշրջվել

Երևանում 2 երիտասարդի վեճն ավարտվել է դանակահարությամբ ու կրակոցներով. կան տուժածներ