Հայաստանը նոր, ավելի թույլ լիազորություններով նախագահ ունի․ միջազգային մամուլի անդրադարձը

Այսօր Արմեն Սարգսյանը պաշտոնապես ստանձնեց Հայաստանի Հանրապետության նախագահի պարտականությունները։ Միջազգային լրատվամիջոցները ևս անդրադարձել են Արմեն Սարգսյանի երդմնակալության արարողությանը։ Մասնավորապես Associated Press-ը գրում է, որ Հայաստանի նոր, ավելի թույլ լիազորություններով նախագահը պաշտոնապես ստանձնել է իր պարտականությունները։ «Հայաստանը նոր նախագահ ունի, երկիրն անցում է կատարել մի համակարգի, որտեղ նախագահն ավելի քիչ լիազորություններ ունի։ Արմեն Սարգսյանը, պաշտոնապես անցնելով իր պարտականություններին, խոստացել է աշխատել արդարադատության համակարգի բարելավման համար և պայքարել կոռուպցիայի դեմ»,- գրում է Associated Press-ը։ Ամերիկյան լրատվամիջոցը նաև նշում է, որ պառլամենտական պետության անցումից հետո նախագահի պաշտոնը կրում է զուտ արարողակարգային բնույթ։ Այս ամենի արդյունքում էլ «ըստ քննադատների՝ փոփոխությունը թույլ կտա Սերժ Սարգսյանին պահել իր իշխանությունը արդեն նոր՝ վարչապետի պաշտոնում։ Սարգսյանի կուսակցությունը խորհրդարանում մեծամասնություն է կազմում»,-գրում է Associated Press-ը։

France Press-ը ևս անդրադարձել է Արմեն Սարգսյանի երդմնակալությանն ու ՀՀ նախագահի լիազորությունների ստանձմանը։ «Միացյալ Թագավորությունում ՀՀ նախկին դեսպանը ստանձնել է իր պարտականությունները խորհրդարանի հատուկ նիստի ժամանակ՝ աջ ձեռքը դնելով Նոր կտակարանի 7-րդ դարի ձեռագրի և Հայաստանի Սահմանդրության վրա։ Հետո օրհնություն է ստացել հայ եկեղեցու առաջնորդ Ամենայն հայոց կաթողիկոս Գարեգին Երկրորդից»,- գրում է ֆրանսիական գործակալությունը։ France Press-ը նաև ներկայացնում է 2015թ. սահմանադրական փոփոխությունները, որոնց արդյունքում Հայաստանը դարձավ պառլամենտական հանրապետություն՝ ուժեղ վարչապետով։ «Սերժ Սարգսյանի քննադատներն ասում են, որ բարեփոխումներն արվել են վարչապետի պաշտոնում նրա իշխանությունը մեծացնելու համար։ Իշխող կուսակցությունը պաշտպանում է ռեֆորմները, որպես քայլ՝ ուղղված ժողովրդավարության ամրապնդմանը, գործադիր ու օրենսդիր իշխանությունների միջև հավասարության բարելավմանը»,- գրում է France Press-ն ու նշում, որ 2015թ. դեկտեմբերի հանրաքվեի ընթացքում ընդդիմությունը բողոքում էր ընտրատեղամասերում տարածված խախտումներից։

Channel NewsAsia–ն Արմեն Սարգսյանի երդմնակալությանն անդրադառնալուց հետո գրում է, որ Սերժ Սարգսյանի ապագայի պլանները հայ քաղաքական գործիչների համար դարձել են գլխավոր ինտրիգը։ Լրատվամիջոցը մեջբերում է ՀՀԿ մամուլի խոսնակ Էդուարդ Շարմազանովի խոսքը, որ կուսակցությունը չունի ավելի փորձառու ու իմաստուն առաջնորդ՝ վարչապետի պաշտոնում առաջադրելու համար, քան Սերժ Սարգսյանը։

Eurasianet-ն իր անդրադարձում խոսում է ոչ միայն Արմեն Սարգսյանի երդմնակալության, այլև Հայաստանում տիրող քաղաքական իրավիճակի մասին։ «Սերժ Սարգսյանը երկար ժամանակ առանց աշխատանքի չի մնա։ Նոր պաշտոնը (խոսքը վարչապետի պաշտոնի մասին է) կարող է նրան ավելի մեծ իշխանություն տալ, քան նախորդ Սահմանադրությամբ նախագահի լիազորություններն էին։ Այն ժամկետային սահմանափակումներ էլ չունի»,- գրում է կայքը և ավելացնում, որ Հայաստանի ընդդիմությունը դժվար թե կարողանա լուրջ խոչընդոտ լինել Սերժ Սարգսյանի նոր դերին տանող ճանապարհին։ «Ելք դաշինքի առաջնորդներից մեկը՝ Նիկոլ Փաշինյանը, փողոց դուրս գալու, ցույցեր անելու կոչով հանդես եկավ, բայց չկարողացավ միավորել դաշինքին այս պայքարում։ Այնուամենայնիվ, նա իր կողմնակիցների հետ սկսել է 14-օրյա բողոքի քայլարշավ՝ Գյումրիից Երևան։ Փաշինյանը խոստացել է կազմակերպել Հայաստանի պատմության մեջ ամենամեծ և վճռորոշ հանրահավաքը»,- գրում է Eurasianet-ը։

Տպել
4971 դիտում

Գերմանիայում ծրագիր են մշակել՝ տղամարդկանց պաշտպանելու ընտանեկան բռնությունից

Հայաստանի 2 ներկայացուցիչ բրոնզե մեդալակիր է դարձել. ըմբշամարտի պատանեկան ԵԱ

ՍԴ դատավորի պաշտոնում ընտրված Վահե Գրիգորանի երդման արարողությունը տեղի կունենա վաղը, իսկ ավելի ուշ կփակի Ֆեյսբուքի էջը

Լրագրողի պայուսակից ոստիկանները հայտնաբերել են շորթմամբ հափշտակած գումարը (տեսանյութ)

Գողացել են ԱԺ պատգամավորի մեքենայի կողային հայելին

Հայ օգնության ֆոնդը 2019-2020 ուսումնական տարվա համար հայտարարում է կրթաթոշակների մրցույթներ

Պտտահողմը Ոսկեհատ գյուղի բնակչի տան տանիքը պոկել է

ՀՀ կառավարության հունիսի 20-ի նիստի մեկնարկի ժամը փոխվել է

Dine Sky՝ ռեստորան երկնքում. Երեւանում բացվեց առաջին ճախրող ռեստորանը (լուսանկարներ)

ՊԵԿ նախագահը կոմիտեում հրաժեշտ է տվել Ռուստամ Բադասյանին, մաղթել հաջողություններ

Քոչարյանի համար երաշխավորած Բակո Սահակյանը և Ա. Ղուկասյանը ուղղակի կապ ունեն մի շարք ապօրինի հանգամանքների հետ. Սաֆարյան

Hzham.am կայքի լրագրողը բերման է ենթարկվել ՃՈ պաշտոնատար անձի աշխատասենյակից. նրա մոտից հայտնաբերվել է 400 հազար դրամ

Օրվա կադրը. Գյումրին այսօր՝ անձրեւից հետո, Տրդատ Ճարտարապետ փողոց

Թող իմ հայրն էլ նստած լիներ, 10 տարի հետո գար, ես էլ այսպես փաթաթվեի. մարտի 1-ի զոհի տղան՝ Քոչարյանի նկարը տեսնելով

Զ. Մնացականյանը հանդիպել է ԱՄՆ պետքարտուղարի եվրոպական և եվրասիական հարցերով տեղակալի պաշտոնակատարի հետ

Ադեկվատ խաղամոլի արկածները

Քննչական կոմիտեն բոլոր ջանքերը կգործադրի խաղաղ պայմաններում զինծառայողների մահվան դեպքերը բացահայտելու համար. Փաշինյան

Ինչու կանչեցին ցույցի տեղը, ով կրակեց, ովքեր տարան հիվանդանոց. Ջեմմա Վարդումյանը արդար ու խիստ դատ է պահանջում

Տարածաշրջանի երկրների պատմության ադրբեջանական տարբերակն իրականությանը չի համապատասպանում․ Սուրեն Պապիկյան

Չկա մի հանդիպում, որի ընթացքում չի քննարկվում Արցախի՝ բանակցային սեղանի շուրջ վերադառնալու հարցը․ վարչապետ