Փնտրում ենք ՀՀԿ-ին՝ շրջափակելու համար, թռած են. #ԻմՔայլը երթ է անցկացնում. թարմացված

Իրադարձությունների հետագա զարգացմանը կարող եք հետեւել՝ այստեղ:

14:59- Քիչ առաջ Ֆրանսիայի հրապարակում ելույթի խոսքով հանդես եկավ Նիկոլ Փաշինյանը եւ հայտարարեց, որ այսօրվա գործողություններն իրականացնելու են «Համերաշխություն մինուս Սերժ Սարգսյան» բանաձեւով: Սա, ըստ Փաշինյանի՝ ենթադրում է միասնականություն, անկախ այն հանգամանքից, որ նախկինում քաղաքական գործիչները միմյանց ինչ-որ պատճառներով «խայթել» են: Նիկոլ Փաշինյանը նշեց, որ ՀՀԿ-ն «թռած» է ման գալիս եւ, որ հանրապետական են ման գալիս շրջափակելու համար:  Նա նաեւ տեղեկացրեց, որ նրանք, ովքեր տեղեկություն ունեն Սերժ Սարգսյանի գտնվելու վայրից, կարող են տեղյակ պահել:

«Սերժ Սարգսյանը եւ ՀՀԿ-ն նախ թռած են Երեւան քաղաքից, հիմա էլ թռած են Ծաղկաձորից: Ասում ենք՝ գնում ենք ՀՀԿ-ի շենքը շրջափակենք փախնում են Ծաղկաձոր, ասում ենք՝ ավտոերթով գնում ենք Ծաղկաձոր կես ժամում նիստ են անում, Սերժ Սարգսյանի թեկնածությունն են առաջարկում ու հեռանում: Հիմա ու՞ր գանք, ասենք՝ Հայաստանում ենք ձեզ շրջափակում, որ թողնեն ՀՀ-ից գնան: Հիմա ուզում եմ մեկ այլ ավտոերթ անենք, որը կկոչենք «Փնտրում ենք ՀՀԿ-ին շրջափակելու համար», -ասաց նա:

Փաշինյանը տեղեկացրեց, որ 16:30-ին պետք է հավաքվել Մաշտոցի պողոտայի եւ Մոսկովյան փողոցի խաչմերուկում՝ ավտոերթի անցկացնելու համար, իսկ հանրահավաքը տեղի կունենա 18:30-ին, քանի որ քաղաքացիները դժգոհում են, որ ցերակային ժամերին է այն տեղի ունենում:

Այժմ ցուցարարները երթ են իրականացնում Սայաթ-Նովա փողոցում, նրանց մի մասը շարունակում են հսկել հրապարակի մուտքերը:

 

13:00 –Ֆրանսիայի հրապարակում քիչ առաջ տեղի ունեցավ ֆլեշմոբ: Միացվեց Սերժ Սարգսյանի 2014 թվականի այն հայտնի հայտարարությունը, որով նա խոստանում է՝ չի հավակնի վարչապետի պաշտոնին: Այնուհետեւ Նիկոլ Փաշինյանը հայտարարեց, որ խոսքը փոխանցվում է Արմեն Աշոտյանին եւ Էդուարդ Շարմազանովին, իսկ այդ պահին միացվեց Սպիտակցի Հայկոյի «Մի գան» երգից մի հատված. «Քեզ խնդրում եմ մի գնա...»:

12:30- Քիչ առաջ Ֆրանսիայի հրապարակ է այցելել Ժառանգություն կուսակցության հիմնադիր Րաֆֆի Հովհաննիսյանը: Նա արձագանքել է Նիկոլ Փաշինյանի երեկվա հայտարարությանը, որ պետք է միասնական պայքար մղել Սերժ Սարգսյանի դեմ: Երեկ հրապարակում եղել են նաեւ ՀԱԿ-ի անդամներ: Մյուս ընդդիմադիրները, մասնավորապես խորհրդարանական Ծառուկյան խմբակցությունը եւ ԵԼՔ-ից Լուսավոր Հայաստան, Հանրապետություն կուսակցությունները եւս չեն արձագանքել:

11:18-Այսօր ժամը 14։00֊ին հանրահավաք տեղի կունենա Ֆրանսիայի հրապարակում, իսկ ժամը 16։30֊ին ավտոերթ՝ դեպի Ծաղկաձոր, Ավանի Հարսնաքար ռեստորանի դիմացի մայթից։ Այս մասին տեղեկացնում է Նիկոլ Փաշինյանը: Ավտոերթը հավանաբար տեղի է ունենում այն պատճառով, որ ՀՀԿ-ն իր խորհրդի նիստն անցկացնում է Ծաղկաձորում: Այս նիստով որոշվելու է Սերժ Սարգսյանին վարչապետի թեկնածու առաջադրելու հարցը: Ի դեպ, նիստը տեղի էր ունենալու Երեւանում, սակայն վերջին գործողություններից հետո ՀՀԿ-ն այն տեղափոխեց Ծաղկաձոր:

11:00-Քաղաքացիական պայմանագիր կուսակցության ղեկավար, #ԻմՔայլը շարժման նախաձեռնող Նիկոլ Փաշինյանը ֆեյսբուքի իր էջի միջոցով տեղեկացրեց, որ շարունակում են մնալ Ֆրանսիայի հրապարակում: Նա տեղեկացրեց, որ գիշերը ինքը եւս քնել է, բայց արթնանալուց հետո տեղեկացել է, որ վիճաբանություն է տեղի ունեցել Մոսկովյան փողոցի եւ Բաղրամյան պողոտայի հատման հատվածում:

«Արթնացա եւ տեղեկացա, որ տեղի է ունեցել ծեծկռտուք: Ես ուզում եմ նորից հստակ արձանագրել հետեւյալը, որ ցանկացած ոք, ով որեւէ պատճառով բռնություն է գործադրում, այդ մարդը չի կարող համարվել մեր ցույցի ու մեր շարժման մասնակիցը: Ես ասել եմ ու կրկնում եմ, որ բացառում եմ բռնությունը։ Ոստիկանությունը կամ իշխանությունը կարող է հազար խմած մարդ ուղարկի, ովքեր կգան, իրենց լկտի կպահեն, ամենավերջին հայհոյանքները կտան, բայց որեւէ պարագայում որեւէ բռնություն գործադրողը մեր շարժման մասնակից չի կարող համարվել: Դատապարտում եմ բռնության ցանկացած դրսեւորում: Այսօր պետք է անցկացնենք շատ մեծ հանրահավաք, որը մեկնարկելու է 14:00-ին՝ Ֆրանսիայի հրապարակում: Հույս ունենք, որ ցույցի մասնակիցները հնգապատկվելու են: Ես կարծում եմ, որ երեկ մեր քաղաքական իրավիճակում որոշակի փոփոխություն է եղել եւ այն պետք է զարգացնել»,- ասաց Նիկոլ Փաշինյանը:

Խոսելով այն խնդրի մասին, որ իշխանական հեռուստաընկերությունները չեն լուսաբանում իրենց նախաձեռնությունը՝ Փաշինյանն առաջարկեց ծանոթներին եւս տեղեկացնել հանրահավաքների մասին:

Նշենք, որ հանրապետության մարզերում 14-օրյա իրազեկումից հետո, երեկ #ԻմՔայլը նախաձեռնության մասնակիցները հասան Երեւան, որտեղ մեկնարկել են շուրջօրյա հանրահավաքներ՝ Սերժ Սարգսյանի կառավարման 3-րդ ժամկետը կանխելու համար:

Տպել
5508 դիտում

Գերմանիայում ծրագիր են մշակել՝ տղամարդկանց պաշտպանելու ընտանեկան բռնությունից

Հայաստանի 2 ներկայացուցիչ բրոնզե մեդալակիր է դարձել. ըմբշամարտի պատանեկան ԵԱ

ՍԴ դատավորի պաշտոնում ընտրված Վահե Գրիգորանի երդման արարողությունը տեղի կունենա վաղը, իսկ ավելի ուշ կփակի Ֆեյսբուքի էջը

Լրագրողի պայուսակից ոստիկանները հայտնաբերել են շորթմամբ հափշտակած գումարը (տեսանյութ)

Գողացել են ԱԺ պատգամավորի մեքենայի կողային հայելին

Հայ օգնության ֆոնդը 2019-2020 ուսումնական տարվա համար հայտարարում է կրթաթոշակների մրցույթներ

Պտտահողմը Ոսկեհատ գյուղի բնակչի տան տանիքը պոկել է

ՀՀ կառավարության հունիսի 20-ի նիստի մեկնարկի ժամը փոխվել է

Dine Sky՝ ռեստորան երկնքում. Երեւանում բացվեց առաջին ճախրող ռեստորանը (լուսանկարներ)

ՊԵԿ նախագահը կոմիտեում հրաժեշտ է տվել Ռուստամ Բադասյանին, մաղթել հաջողություններ

Քոչարյանի համար երաշխավորած Բակո Սահակյանը և Ա. Ղուկասյանը ուղղակի կապ ունեն մի շարք ապօրինի հանգամանքների հետ. Սաֆարյան

Hzham.am կայքի լրագրողը բերման է ենթարկվել ՃՈ պաշտոնատար անձի աշխատասենյակից. նրա մոտից հայտնաբերվել է 400 հազար դրամ

Օրվա կադրը. Գյումրին այսօր՝ անձրեւից հետո, Տրդատ Ճարտարապետ փողոց

Թող իմ հայրն էլ նստած լիներ, 10 տարի հետո գար, ես էլ այսպես փաթաթվեի. մարտի 1-ի զոհի տղան՝ Քոչարյանի նկարը տեսնելով

Զ. Մնացականյանը հանդիպել է ԱՄՆ պետքարտուղարի եվրոպական և եվրասիական հարցերով տեղակալի պաշտոնակատարի հետ

Ադեկվատ խաղամոլի արկածները

Քննչական կոմիտեն բոլոր ջանքերը կգործադրի խաղաղ պայմաններում զինծառայողների մահվան դեպքերը բացահայտելու համար. Փաշինյան

Ինչու կանչեցին ցույցի տեղը, ով կրակեց, ովքեր տարան հիվանդանոց. Ջեմմա Վարդումյանը արդար ու խիստ դատ է պահանջում

Տարածաշրջանի երկրների պատմության ադրբեջանական տարբերակն իրականությանը չի համապատասպանում․ Սուրեն Պապիկյան

Չկա մի հանդիպում, որի ընթացքում չի քննարկվում Արցախի՝ բանակցային սեղանի շուրջ վերադառնալու հարցը․ վարչապետ