Հերթական ոչ ստանդարտ քայլը. խմբագրական

Երեկ երեկոյան ՀՀ վարչապետ Նիկոլ Փաշինյանը ֆեյսբուքյան իր ամենօրյա ուղիղ եթերում հայտարարեց ՀՀ ոստիկանապետի պաշտոնում Վալերի Օսիպյանին նշանակելու մասին: Սոցիալական ցանցերում սրա շուրջ սուր քննարկումներ սկսվեցին:

«Որոշում եմ կայացրել ոստիկանության պետի պաշտոնում նշանակել ցույցերից ձեզ բոլորիդ հայտնի Վալերի Օսիպյանին: Ինչո՞ւ եմ կայացրել այդպիսի որոշում: Ես մտածեցի, որ հեղափոխությունից առաջ, մենք՝ ես եւ Օսիպյանը, դուք եւ Օսիպյանը... մենք եւ ոստիկանությունը ֆիզիկապես գտնվում էինք փշալարերի տարբեր կողմերում: Եւ ես մտածեցի, որ այդ որոշումը պետք է սիմվոլիկ նշանակություն ունենա: Եվ պետք է մենք բոլորս այս որոշումից հետո նույն կողմում հայտնվենք: Եւ դա, թերեւս լավ սիմվոլ է, որ մենք այդ «փշալարերի կուլտուրան» Հայաստանի Հանրապետությունից վերացնենք: Ես հույս ունեմ, որ պարոն Օսիպյանը կարդարացնի ՀՀ քաղաքացիների հույսերը...»,- ասաց Փաշինյանը:

Ֆեյսբուքյան օգտատերերը բաժանվեցին պայմանական երեք խմբերի: Մի խումբը համարեց, որ եթե նման որոշում կայացրել է Փաշինյանը, ուրեմն դա ճիշտ է: Մյուս խումբը համարեց դա ճիշտ որոշում՝ անկախ նրանից, որ դա Փաշինյանն է կայացրել: Իսկ երրորդ խումբն, ակնհայտ բացասական գնահատեց այդ որոշումը:

Նման արձագանքն ամենեւին էլ անսպասելի չէր: Նախ, չկա որեւէ նշանակում, որը միանշանակ դրական կընկալվեր հանրության կողմից: Յուրաքանչյուրը ունի իր պատկերացումը ՀՀ ոստիկանապետի մասին, եւ այդ մոտեցումները տարբեր են: Բայց ինչո՞վ է առաջնորդվել վարչապետը, հատկապես Օսիպյանին այդ պաշտոնում նշանակելիս:

Փաշինյանի նշած «սիմվոլիկ» նշանակությունը կարեւոր է, բայց սա չէ միակ հիմնավորումը Օսիպյանին ՀՀ ոստիկանապետ նշանակելու համար: Անկասկած, կան նաեւ այլ հիմնավորումներ:

Նախ, գործող օրենսդրությամբ՝ ՀՀ ոստիկանապետի պաշտոնին նշանակվելիք անձի համար գոյություն ունեն որոշակի խիստ սահմանափակումներ: Միայն այն սահմանափակումը, որ ոստիկանապետը պետք է լինի կադրային սպա եւ բավարարի մի քանի պահանջների, արդեն իսկ էականորեն նվազեցնում է այդ պաշտոնում նշանակվելիք հնարավոր թեկնածուների շրջանակը: Այսինքն՝ զուտ օրենսդրական տեսանկյունից ոստիկանապետ չէր կարող նշանակվել շարժման գաղափարները կրող, ամենալավ կրթությունն ու անբասիր կենսագրություն ունեցող որեւէ անձ:

Այստեղ արդեն հարց է առաջանում, թե բա էլ ո՞վ, եթե ոչ Վալերի Օսիպյանը: ՀՀ ոստիկանության վերնախավում այնքան էլ հեշտ չէ գտնել նման թեկնածու: Տարիների ընթացքում մեր բարձրաստիճան ոստիկանները դարձել են տարատեսակ կոռուպցիոն սխեմաների բաղկացուցիչ մաս, ապրում են ցոփ կյանքով, «հարց լուծողներ են» եղել, կցվել են այսուայն օլիգարխի կամ պաշտոնյայի... Այս տեսանկյունից Օսիպյանի կերպարը, կարծես թե, նորմալ է դիտվում: Համենայնդեպս, նրա հետ կապված այս բնույթի սկանդալներ չկան կարծես: Ու բացի այդ, Օսիպյանն իր ծառայության ընթացքում աստիճան առ աստիճան բարձրացել է ծառայողական սանդուղքով, ջանալով ավելի բարձր տեղ գրավել իր որակների շնորհիվ:

Մյուս կողմից, Օսիպյանը խիստ բացասական է ընկալվում ցույցերի մասնակիցներից շատ շատերի մոտ: Նրանցից շատերի նկատմամբ հենց Օսիպյանն է ուժ կիրառել անցած տարիներին տեղի ունեցած ցույցերի ընթացքում: Եվ շատերի բացասական եւ խիստ բացասական վերաբերմունքը այսպիսի նշանակման նկատմամբ ամբողջությամբ հասկանալի է ու տրամաբանված: Հասկանալի է նույնիսկ այն պարագայում, երբ հաշվի ենք առնում, որ ասենք 2010 թվականին Օսիպյանը շատ ավելի բիրտ էր, իսկ հետագայում՝ ավելի զսպված ու հավասարակշիռ:

Իր որոշումը կայացնելիս Փաշինյանը, անշուշտ, հաշվի է առել այս հանգամանքը եւ վտանգը, որ շարժման մասնակիցների որոշակի մասը կարող է հիասթափվել ու վերապահումներով մոտենալ հեղափոխության հետագա ընթացքին:  

Փաստորեն՝ Օսիպյանին ՀՀ ոստիկանության պետ նշանակելիս վարչապետը կշեռքի նժարներին է դրել Օսիպյանի նշանակման դրական եւ բացասական «կողմերը»: Բայց միեւնույնն է՝ Օսիպյանին ՀՀ ոստիկանապետի պաշտոնում նշանակելը ոչ ստանդարտ մոտեցում է: Սակայն, եթե ուսումնասիրենք ողջ այս շարժման ընթացքը, ապա կհայտնաբերենք, որ ստանդարտ քայլեր գրեթե չկան: Ու արդյունքն էլ ոչ ստանդարտ է՝ նույնիսկ անհավանական:

Պետք չէ մոռանալ, որ նույն Փաշինյանին ապրիլի 22-ին ձերբակալելու եւ անհայտ ուղղությամբ տանելու գործում Օսիպյանը որոշակի մասնակցություն ունեցել է: Բայց այդ հանգամանքը բոլորովին չի խանգարել ու, թերեւս, նույնիսկ դրական է ազդեցություն է թողել  Փաշինյանի՝  նման որոշում կայացնելու վրա: Եթե այս նշանակմանը նայենք ոստիկանության աշխատակիցների տեսանկյունից, շատ հետաքրքիր պատկեր կստանանք: Կստացվի հետեւյալը՝ ոստիկաններին հրամայել են հնարավորինս խոչընդոտել շարժմանը, փշալարերով փակել են, հարյուրավոր ցուցարարների բերման են ենթարկել, տասնյակներին ծեծել են եւ այլն, ու հանկարծ հեղափոխության առաջնորդները իրենց հրամանատարին ներել ու նրան նշանակել են համակարգի ամենաբարձր պաշտոնին: Ոստիկանության անձնակազմի մի զգալի մասը դրանից հետո ակամայից կդառնա շարժման աջակից ու նույնիսկ գաղափարակից:  

Պետք չէ մոռանալ նաեւ մեկ այլ, շատ կարեւոր հանգամանք: Փաշինյանը բազմիցս հայտարարել է, որ ոստիկանությունը վեր է ածվելու ՆԳ նախարարության, իսկ նախարարը կլինի քաղաքացիական անձ: Իսկ ոստիկանության պետը ներկայումս ենթարկվում է ուղիղ վարչապետին:

Տպել
4424 դիտում

Նոր Արմավիր գյուղի տներից մեկում հրդեհ է բռնկվել․ դեպքի վայրում է հրշեջ-փրկարարական ջոկատների երեք մարտական հաշվարկ

Հովտաշատում օծվել է Արցախյան պատերազմում զոհվածների հիշատակը հավերժացնող խաչքար (տեսանյութ)

Ընդդիմությունը ցանկալին ներկայացնում է իրականություն․ ՏԻՄ ընտրությունը չի կարող համեմատվել համապետական ընտրության հետ

Ստեփանավանի ոլորաններ կոչվող հատվածում, Վանաձոր-Դիլիջան և Արթիկ-Ալագյազ ավտոճանապարհներին տեղ-տեղ առկա է մերկասառույց

Պատրաստակամ ենք ընդլայնել համագործակցությունը․ Նարեկ Մկրտչյանն ընդունել է ՄԱԿ-ի մանկական հիմնադրամի ներկայացուցչին

Դոլարն ու եվրոն թանկացել են․ Կենտրոնական բանկը սահմանել է նոր փոխարժեքներ

Իջևան-Դիլիջան ճանապարհահատվածում բեռնատարն ու թեթեւ մարդատարը բախվել են․ բեռնատարի վարորդը հոսպիտալացվել է

Հայաստանում անցկացվել է անվասայլակներով բասկետբոլի ու հաշմանդամություն ունեցող անձանց սեղանի թենիսի առաջնությունը

Բուհ ընդունվելու համար դիմորդներն այսուհետ կհանձնեն երկու միասնական քննություն. բանավոր քննությունները հանվել են

Ընտրապայքարն ավարտված է, և առանց ժամանակ կորցնելու պետք է լծվենք մեր համայնքի շենացման գործին․ Արամ Խաչատրյան

Երևանի ամենատարեց ծառերն անձնագրեր կստանան (տեսանյութ)

Ամենայն հայոց կաթողիկոսն ընդունել է Կաթողիկե հայոց պատրիարքին, անդրադարձել հայ ժողովրդի առջև ծառացած մարտահրավերներին

Խախտումներ են հայտնաբերվել Էրեբունի և Նուբարաշեն վարչական շրջանների տրանսպորտային միջոցներում

Անցկացվել է մարտական հերթապահության մեկնող անձնակազմի շարային ստուգատես

ՀՀ-ում կորոնավիրուսի դեմ ավելի շատ տղամարդիկ են պատվաստվել, քան կանայք

Ստանիսլավսկու անվան պետական ռուսական դրամատիկական թատրոնը Տաշքենդում մասնակցում է երիտասարդական թատերական ֆորումին

Քաղաքական խորհրդակցություններ են կայացել Հայաստանի և Ֆինլանդիայի արտաքին գործերի գերատեսչությունների միջև

Ողբերգական դեպք Գեղարքունիքի մարզում, հայտնաբերվել է Ակունք գյուղի բնակչի հոշոտված դին․ shamshyan

24 հարց՝ դեկտեմբերի 7-ին գումարվող հերթական նիստերի օրակարգի նախագծում

Արմեն Սարգսյանը ցավակցական հեռագիր է հղել ԱՄՆ նախկին սենատոր և նախագահի թեկնածու Ռոբերտ Դոուլի մահվան կապակցությամբ

ՀՀ յուրաքանչյուր պետական այր որևէ տառ արտասանելուց առաջ պետք է լավ գիտակցի իր խոսքի կշիռն ու հետևանքը. Աղաջանյան

Ոստիկանությունը տեսանյութ է հրապարակել՝ ինչպես է բերման ենթարկել հետախուզման մեջ գտնվող Ստեփանավանի նախկին քաղաքապետին

«Սևան» ՔԿՀ-ում հայտնաբերվել է ներնետված փաթեթ (լուսանկարներ)

Կոալիցիաների շուրջ բանակցությունները դրական ընթացք ունեն. Ալեքսանյանը՝ ՏԻՄ ընտրությունների և արդյունքների մասին

Ներկայացված 14-օրյա թեստի ժամկետը լրանալուց հետո նոր կգործի 7 օրը մեկ ՊՇՌ թեստի պատասխան ներկայացնելու պահանջը

1 քրեական գործ և 11 նախապատրաստվող նյութեր՝ 4 մարզերի ՏԻՄ ընտրություններում առերևույթ ընտրական հանցագործության դեպքերով

Հայաստանն արտադրում է «Սպուտնիկ Լայթ» պատվաստանյութ

Նախագահ Արմեն Սարգսյանը հանդիպել է Միացյալ Թագավորության արտակարգ և լիազոր դեսպանի հետ

Մարտական հենակետերում ստուգայցեր են իրականացվել

ԿԳՄՍ նախարարության պատվիրակությունը Վրաստանում կքննարկի համագործակցության խթանմանն ուղղված հարցեր

«Դալմա Գարդեն մոլ» առեւտրի կենտրոնը տուգանվել է. չեն պահպանվել հակահամաճարակային կանոնները

Երախտապարտ եմ ինձ հասցեագրված յուրաքանչյուրիդ վստահության համար. Վահագն Արսենյան

Տեղեկացված ես՝ պաշտպանված ես. IDBank

Ավազի հանքարդյունահանմամբ և վերամշակմամբ զբաղվող ընկերության գործունեությունը կասեցվել է

ՀՀ նախագահը կրթական, տեխնոլոգիական ոլորտներում համագործակցության հարցեր է քննարկել Մոսկվայի «Սկոլկովո»-ի ռեկտորի հետ

Երևանում հացի արտադրամասի գործունեություն է կասեցվել, հայտնաբերվել են սանիտարահիգիենիկ նորմերի կոպիտ խախտումներ. ՍԱՏՄ

Պողոս Աբրահամյանն ազատվել է Շիրակի մարզպետի տեղակալի պաշտոնակատարի պաշտոնից

Ուժեղացված ծառայություն մարզերում. հայտնաբերվել է ճանապարհային երթևեկության կանոնների 4570 խախտում (տեսանյութ)

Շուտով կիրառության մեջ կդրվի Հայաստանում արտադրված «Սպուտնիկ լայթ» պատվաստանյութը. այն կօգտագործվի որպես խթանիչ դեղաչափ

Կարեն Սարուխանյանն ազատվել է ՀՀ ԱԻ նախարարի տեղակալի պաշտոնից