Սա քաղաքական առճակատում է. հայկական չեզոք հաջողությունը

Մայիսի 15-16-ին Ստամբուլում տեղի է ունեցել Սեւծովյան տնտեսական համագործակցության Խորհրդարանական վեհաժողովի 25-ամյակի հանդիսավոր նիստը՝ «ՍԾՏՀԿ-ի 25-րդ տարին. Խորհրդարանների դերը Սեւծովյան տնտեսական համագործակցության ապագայի ձեւավորման գործում» խորագրով: Այդ թեմայով մասնակից երկրների ներկայացուցիչները ելույթներ ունեցան, որոնցում ներկայացրեցին կազմակերպության զարգացման իրենց տեսլականները: Ընդունվեց ՍԾՏՀ ԽՎ 25-րդ տարեդարձին նվիրված համատեղ հռչակագիրը:

Դրանում մասնակիցները կարեւորեցին համագործակցության եւ բարիդրացիական հարաբերությունների զարգացումը, որպես «տարածաշրջանում, Եվրոպայում եւ դրանից դուրս խաղաղության, կայունության, բարգավաճման եւ առկա հիմնախնդիրների կարգավորման համար անհրաժեշտ պայման»: Նրանք նաեւ ողջունեցին խորհրդարանների դերակատարության բարձրացումը տարբեր մակարդակներում: Համատեղ հռչակագրում անդրադարձ կա նաեւ գործարար համայնքների միջեւ փոխգործակցության խթանման անհրաժեշտությանը:

Սակայն, մինչ համատեղ հռչակագրի ընդունումը, նիստի մասնակիցներն իրենց առաջարկներն են արել դրա բովանդակության վերաբերյալ՝ ելնելով Սեւծովյան տնտեսական համագործակցության ապագայի սեփական պատկերացումներից, իսկ որոշ դեպքերում նաեւ կոնկրետ երկրի նեղ շահերից: Այդպես, օրինակ, Թուրքիայի խորհրդարանի նախագահ Իսմայիլ Քահրամանը առաջարկեց փաստաթղթում ավելացնել Գազայի հատվածում տեղի ունեցած վերջին իրադարձությունների վերաբերյալ խիստ միակողմանի դիրքորոշում: Այդ նախաձեռնությանը դեմ արտահայտվեցին Հայաստանի, Ռուսաստանի, Սերբիայի եւ Բուլղարիայի ներկայացուցիչները եւ քվեարկության արդյունքում առաջարկը մերժվեց:

Ադրբեջանի խորհրդարանի խոսնակ Օքթայ Ասադովը եւս հանդես եկավ միակողմանի առաջարկով՝ հերթական անգամ անդրադառնալով «Հայաստանի օկուպացիոն քաղաքականությանը», որը, ըստ Մեջլիսի խոսնակի, «խոչընդոտում է տարածաշրջանի կայունությանն ու խաղաղությանը»: Այս դրույթը, բնականաբար, դուրս մնաց համատեղ հռչակագրից:

Նորություն չէ, որ Ադրբեջանը բոլոր հնարավոր միջազգային հարթակներն օգտագործում է «Հայաստանի օկուպացիոն քաղաքականությանն» անդրադառնալու համար՝ առանց աբսուրդի աստիճանի մասին մտահոգվելու: Տարիներ առաջ ԵԱՀԿ-ի հովանու ներքո ընթացող հակակոռուպցիոն միջոցառման շրջանակներում ադրբեջանցի բանախոսը նշել էր, որ Ադրբեջանում կոռուպցիայի դեմ արդյունավետ պայքար տանելուն խանգարում է «Հայաստանի կողմից Ադրբեջանի տարածքների 20%-ի օկուպացիան»:

Ուկրաինայի պատվիրակությունը ցանկություն հայտնեց հռչակագրի մեջ ավելացնել «Ռուսաստանի ագրեսիվ քաղաքականության մասին» հոդվածը, որը եւս մերժվեց՝ Հայաստանի Ազգային Ժողովի պատվիրակության ներկայացուցիչների ջանքերով:

Մայիսի 21-ին ԱԺ-ում կայացած մամուլի ասուլիսի ընթացքում ՍԾՏՀ ԽՎ-ում Հայաստանի ԱԺ պատվիրակության ղեկավար Գագիկ Մինասյանը լրագրողներին տեղեկացրեց, որ հայկական կողմն առաջարկել էր հռչակագրում ամրագրել, որ ՍԾՏՀ խորհրդարանական վեհաժողովը պետք է զբաղվի բացառապես տնտեսական խնդիրներով եւ զերծ մնա քաղաքական գործունեությունից:

«Մեզ համար շատ կարեւոր էր, որ մեր առաջարկն ընդունվեր, սակայն ավելի կարեւոր էր, որպեսզի չընդունվեր Ուկրաինայի առաջարկը: Արդյունքում երկու առաջարկն էլ դրվեց քվեարկության եւ երկուսն էլ մերժվեց»,- նշեց Մինասյանը:

Ուկրաինական պատվիրակությունն առաջարկում էր հռչակագրով ամրագրել ՍԾՏՀԿ-ի աջակցությունը տարածքային ամբողջականության սկզբունքին: Ուկրաինական կողմի առաջարկը վտանգավոր էր նրանով, որ դրանից օգտվելու էին Ադրբեջանն ու Թուրքիան՝ ընդդեմ Հայաստանի:

Նախորդ տարվա դեկտեմբերին Կիեւում կայացած ՍԾՏՀԿ-ի 50-րդ հոբելյանական նիստի ընթացքում հայկական պատվիրակությունից գաղտնի՝ սուրճի ընդմիջման ընթացքում ընդունվել էր ուկրաինական կողմի ներկայացրած բանաձեւը, որտեղ ասվում էր, որ առկա հակամարտությունները պետք է լուծվեն տարածքային ամբողջականության սկզբունքից ելնելով: Դրանից հետո հայկական պատվիրակությունը բոյկոտեց նիստը, սակայն ապարդյուն. ուկրաինական պատվիրակության առաջարկած պարբերությունն այդուհանդերձ հայտնվեց եզրափակիչ փաստաթղթում:

Ստամբուլում ընդունված փաստաթուղթը, ըստ Մինասյանի, բալանսավորված է:

«Մեր երազանքներին համապատասխան փաստաթուղթ չէ, սակայն զերծ է մեզ համար անցանկալի ձեւակերպումներից», - լրագրողների հետ զրույցում նշեց պատգամավորը:

Հռչակագրի այս տեքստի ընդունումը հայկական պատվիրակությունը հաջողություն է համարում՝ ելնելով կառույցում Թուրքիայի ազդեցիկ դերակատարումից, ինչպես նաեւ տարածքային խնդիրներ ունեցող Վրաստանի, Մոլդովայի, Ուկրաինայի եւ այլ երկրների անդամակցությունից: Որոշակի վերապահումներով սա կարելի է հաջողություն համարել, սակայն, խոշոր հաշվով, փաստաթղթի այս տարբերակն ընդամենը չեզոքության ամրագրում էր: Թեկուզ հայկական երանգով:

Այլ հարց է՝ որոշակի վերապահումներով այս հաջողությունը կլինի եզակի, թե շարունակական բնույթ կկրի: Այդ հարցի պատասխանը մասամբ կստանանք հունիսի 19-ին կայանալիք գագաթնաժողովի ընթացքում, երբ ՍԾՏՀ բյուրոն պետք է ընտրի քաղաքը, որում ընտրելու են կառույցի գլխավոր քարտուղար: Թեկնածու քաղաքները երեքն են՝ Երեւան, Բաքու, Սոֆիա: Գլխավոր քարտուղարը պետք է ընտրվի մինչեւ 2020 թ., իսկ քաղաքների ընտրությունը պայմանավորված է նրանով, որ դրանք հյուրընկալելու են վեհաժողովը համապատասխանաբար 2018 թ. նոյեմբերին, 2019 թ. հունիսին եւ նոյեմբերին:

«Սա քաղաքական առճակատում է եւ այս պայմաններում, եթե բյուրոն Բաքվում անցկացնի, դուրս կդնի անդամ երկրներից մեկի պատվիրակությանը մասնակցությունից», - լրագրողների հետ զրույցում ասաց Մինասյանը: 

Ընդ որում, հայկական կողմը առաջարկել է, որ բյուրոն չընտրի նաեւ Երեւանը՝ ըստ էության հանդես գալով Սոֆիայի օգտին: Ադրբեջանը չի երաշխավորի հայ պատգամավորների անվտանգությունը Բաքվում եւ նույն պատրվակով չի ուղարկի իր պատգամավորներին Երեւան, ուստի Բուլղարիայի մայրաքաղաքը իրոք ամենաօպտիմալ տարբերակն է: Բացի անվտանգության ապահովման տեսակետից, Սոֆիան հարմար տարբերակ է նաեւ ժամկետի առումով:

Ինչեւէ, Սոֆիայի ընտրությունը բյուրոյի կողմից կլինի հայկական չեզոքության հերթական հաղթանակը, սակայն, միգուցե հարկ է այս առումով որդեգրել ոչ թե չեզոք, այլ, այդուհանդերձ հայաստանամետ դիրքորոշում եւ հաջողություն համարել այդ դիրքորոշման առաջխաղացումը:

Տպել
3941 դիտում

Ստեփանծմինդա-Լարս ավտոճանապարհը բաց է․ ՀՀ տարածքում կան փակ ավտոճանապարհներ

ԵԱՀԿ Մինսկի խմբի համանախագահող երկրների ԱԳ նախարարները Լեռնային Ղարաբաղի վերաբերյալ հայտարարություն են ընդունել

Գրիգոր Լուսավորիչ եկեղեցում կատարվել է 44-օրյա պատերազմում նահատակված 9 զինծառայողի հոգեհանգստի արարողություն

Լենինգրադյան փողոցում ավտովթար է տեղի ունեցել․ թիվ 63 երթուղայինի վարորդն ու 4 ուղեւոր հոսպիտալացվել են «Արմենիա» ՀԲԿ

Առաջին ձյունը նախընտրական շահարկումների պատճա՞ռ, գործ ունենք նախընտրական քաղաքական սաբոտաժի հետ․ Վանիկ Օհանյան

Միգուցե շատերի համար ես բնավ էլ համարձակ կին չեմ, որովհետեւ իրենց մտքի թռիչքն այլ բան է ուզում. Լուիզա Ներսիսյան

Ստեփանավանի մշակույթի պալատն այսօրվանից կկրի Սոս Սարգսյանի անունը․ Արփի Դավոյան

Ուժի կիրառումը երբեք խաղաղության հասնելու ճանապարհ չի եղել․ Միրզոյանը ելույթ է ունեցել ԱՀԿ նախարարական 28-րդ համաժողովին

Հայաստանի և Էստոնիայի ԱԳ նախարարները անդրադարձել են տարածաշրջանային անվտանգության և կայունության հարցերի

Սերգեյ Լավրովն ու Մևլութ Չավուշօղլուն քննարկել են Անդրկովկասում իրավիճակի կայունացման հարցը

Ավտոմեքենան մոտ 8 մ բարձրությունից ընկել է Աղստև գետը․ ուղեւորները հոսպիտալացվել են

Մհեր Գրիգորյանը Մոսկվայում մասնակցել է Երկրորդ եվրասիական համագումարին

ՊՆ վարչական համալիրում ստորագրվել է 2022թ. Հայաստանի և Լիտվայի միջև երկկողմ ռազմական համագործակցության ծրագիրը

Ոստիկանների արարքները պաշտոնեական լիազորություններն անցնելու հանցակազմ չեն պարունակել, վարույթը կարճվել է

Պապիկյանը ԱՄՆ դեսպանին է ներկայացրել է սահմանագոտում առկա իրավիճակը և խնդիրների կարգավորման հայկական կողմի մոտեցումները

Հաագայում տարածվել է ՀՀ հայտարարությունը՝ Արցախում Ադրբեջանի կիրառած քիմիական տարրեր պարունակող զենքի վերաբերյալ. ԱԳՆ

Միրզոյանը Բլինքենին է ներկայացրել ՀՀ ինքնիշխան տարածք ադրբեջանական զինուժի ներթափանցման հետևանքով ստեղծված իրավիճակը

Տեղի են ունեցել «ԵՄ-ն՝ հանուն երիտասարդության» ծրագրի գործողությունների ներկա իրավիճակը և 2022-ի պլանները քննարկում

Կոդավորված դաջվածքի բանալի բառը գտնելով՝ հնարավոր էր կարդալ կնոջ անունը. զոհված հետախույզի կինը գիրք է գրել նրա մասին

Հայաստան կժամանի ՌԴ ԱԻՆ պատվիրակությունը. կանցկացվի Միջազգային գիտաժողով երկրաշարժի 33-րդ տարելիցի կապակցությամբ

Սյունիքի մարզի Սիսիան-Գորիս ավտոճանապարհին մառախուղ է

Փոփոխություն Վանաձորից դեպի Վրաստան և հետադարձ ուղղությամբ երթևեկության սխեմայում

Արարատ Միրզոյանը հանդիպել է ԱՄՆ պետքարտուղար Էնթոնի Բլինքենի հետ

Մհեր Գրիգորյանը Մոսկվայում մասնակցել է ԵԱՏՀ խորհրդի նիստին

ՍԱՏՄ-ն ստուգայցեր է իրականացրել Կենտրոն վարչական շրջանի իրացման ցանցում և հանրային սննդի օբյեկտներում

Դոլարն ու եվրոն շարունակում են թանկանալ․ Կենտրոնական բանկը սահմանել է նոր փոխարժեքներ

Արարատի բնակիչը «Ալեն Սիմոնյանի», «Հայկ Սարգսյանի», «Սասի Արտակի» և այլ անուններով սոցցանցերում գրանցել է կեղծ էջեր․ ՔԿ

Քարաթափում է տեղի ունեցել Եղեգնաձոր-Գետափ ավտոճանապարհին

Ճապոնիայի դեսպանատան աջակցությամբ Արմավիրում կբարելավվի կոշտ թափոնների կառավարման համակարգը

«Քովիդ-19»-ի դեմ պատվաստվելուց 7 օր անց անձը կարող է դառնալ արյան դոնոր

ՀԱՊԿ-ում նախագահող Հայաստանի ԱԳ նախարարի համակարգմամբ տեղի է ունեցել անդամ պետությունների ԱԳ նախարարների հանդիպումը

ՀՀ Էկոնոմիկայի նախարարության աջակցությամբ Արաբական Միացյալ Էմիրություններում կկազմակերպվի SSSholidays միջոցառումը

Սահմանվել են հունվարին անցկացվելիք պետական ավարտական քննությունների ժամկետները

Վարչապետի մոտ քննարկվել են քաղաքաշինության ոլորտի խոշորամասշտաբ ներդրումային ծրագրերի առաջարկներ (լուսանկարներ)

Ավարտվել է Ստեփանավանի թիվ 2 դպրոցի տնօրենի և աշխատակիցների կողմից կատարված չարաշահումների գործի նախաքննությունը. ՔԿ

Հեռուստատեսության զարգացման գործում ներդրած նշանակալի ավանդի համար պարգևատրվել են Հանրայինի աշխատակիցները

Սյունիքում բացվել է առաջին մագնիսա-ռեզոնանսային տոմոգրաֆիայի բաժանմունքը (լուսանկարներ)

Պարեկներն ուժեղացված ծառայություն են իրականացրել Երևանում (տեսանյութ)

«Գառնի» պատմամշակութային արգելոց-թանգարանը կաշխատի ձմեռային ռեժիմով

Երևանի քաղաքապետարանի որոշմամբ՝ Հանրապետության հրապարակի տոնածառը կտեղադրվի