Երևան
6 °C
Ազգային ժողովում հունիսի 7-ին հրավիրված արտահերթ նիստում պատգամավորները 62 կողմ, 39 դեմ ձայներով հավանության արժանացրին Նիկոլ Փաշինյանի կառավարության ծրագիրը: Ծրագրի ամենակարեւոր կետն այն էր, որ մեկ տարվա ընթացքում պետք է անցկացվեն արտահերթ խորհրդարանական ընտրություններ, ինչին ՀՀԿ-ն փաստացի համաձայնվեց: Այս պահին խորհրդարանի արձակման միայն մեկ տարբերակ կա՝ վարչապետի եւ կառավարության հրաժարական:
Ներկա ներքաղաքական իրավիճակի, կառավարության ծրագրի ու Ազգային ժողովի արտահերթ ընտրությունների մասին զրուցեցինք քաղաքագետ Ստյոպա Սաֆարյանի հետ:
- Պարոն Սաֆարյան, ՀՀԿ խմբակցության պատգամավորները քննադատություններով հանդես եկան վարչապետի առաջարկած ծրագրի վերաբերյալ, սակայն ծրագիրն այնուամենայնիվ, հավանության արժանացավ՝ պատուհան բացելով դեպի խորհրդարանական արտահերթ ընտրություններ: Կարո՞ղ ենք ասել, որ Հանրապետական խմբակցությունը գնում է պարտության ճանապարհով:
- Խաղը շատ նուրբ է եւ այնպիսին, որ առայժմ բոլորը կարող են բավարարել իրենց շահերը եւ ոչ թե հաղթանակ-պարտություն լինի, այլ հաղթանակ-հաղթանակ: Տեսեք՝ Նիկոլ Փաշինյանը օրինականություն հաստատելը, կոռուպցիայի դեմ պայքարելը, հարկերը բյուջե ուղղորդելը եւ այլ գործընթացներ լրիվ օգտագործեց հանուն արդարության՝ որպես քաղաքական տեխնոլոգիա: Օրինակ, Մասիսի քաղաքապետի հետ կապված պատմությամբ, սուպերմարկետների եւ խոշոր գործարարների դեմ ուղղված իր քայլերով Փաշինյանը հասկացրեց, որ եթե չհաստատեն կառավարության ծրագիրը, ապա նրանք հաստատապես կկորցնեն: Այստեղ կար մեկ այլ խնդիր. ծրագրի եւ՛ հաստատման, եւ՛ չհաստատման դեպքում էլ Նիկոլ Փաշինյանը կարողանում էր անցկացնել արտահերթ ընտրություն: Բայց Փաշինյանը առաջարկում էր՝ տղե՛րք, ընտրություններ անցկացնելու ենք թե՛ ձեզ հետ համաձայնեցված, թե՛ առանց ձեր համաձայնության: Բայց ՀՀԿ-ին ձեռնտու չէր, որ կառավարությունը չկարողանար անցկացնել ծրագիրը, որովհետեւ այդ դեպքում արտահերթ ընտրությունները ավելի վաղ են վրա հասնում, հետեւաբար ստիպված եղավ մանեւրել: Սակայն ՀՀԿ-ն էլ խելոք քայլ արեց. այն գործարարները, որոնք իր վրա ճնշում գործադրելու խողովակ էին բացում, նրանց հանեց խմբակցությունից: Փաշինյանին հասկացրեց՝ եթե դու շարունակես ճնշել, չես ճնշելու հանրապետականին, ճնշելու ես անկախ պատգամավոր-գործարարներին: Եվ ստացվեց հետեւյալը. Նիկոլ Փաշինյանը կես քայլ արեց դեպի ընտրություններ: Որովհետեւ եթե ՀՀԿ-ն չհամաձայներ, այդ անցումն այնքան էլ սահուն չէր լինի: Հիմա ԱԺ արտահերթ ընտրությունները ոչ թե Փաշինյանի կամ ՔՊ-ի նպատակն են, այլ պետության՝ անկախ ամեն ինչից: Վերջապես, խաղի նրբագեղությունը այստեղ է. ֆորմալ մակարդակով ՀՀԿ-ն դեմ է քվեարկել արտահերթ ընտրությունների գաղափարին, ինչը իրեն հնարավորություն է տալիս շարժվել, պետք լինի՝ Փաշինյանին ասել՝ տեսար, մենք օգնեցինք ծրագիրը հաստատել, եւ այնուամենայնիվ անցկացնել արտահերթ ընտրություններ, եւ հակառակը՝ եթե իր դիրքերը ուժեղանան, իրենք պնդեն, որ դա եղել է խորհրդարանական այլ ուժերի միջոցով, եւ իրենք այսպես թե այնպես չեն համաձայնել ընտրություններին: Հիմա ասել, թե Փաշինյանն ամբողջությամբ լուծել է խորհրդարանական ընտրությունների խնդիրը, այդպես չէ: Առայժմ բոլոր կողմերը կարողանում են առաջ շարժվել:
- Մինչեւ արտահերթ ընտրությունների գնալը, ինչպես Փաշինյանն է բազմիցս հայտարարել, նախ պետք է փոխել Ընտրական օրենսգիրքը, մասնավորապես՝ վերացնել ռեյտինգային ընտրակարգը: Ի՞նչ եք կարծում, այս փոփոխությունը կտանի՞ արդար ընտրությունների՝ ելնելով այն հանգամանքից, որ հանրապետականին մեծ հաշվով շատ է օգնել հենց ռեյտինգային ընտրակարգը:
- Նիկոլ Փաշինյանի կառավարությունը շատ բարդ խնդիրների առաջ է կանգնել, որոնցից մեկը քաղաքական դաշտի ինստիտուցիոնալիզացիան է: Փաշինյանը հենց այս պահից պիտի մտածի այնպիսի քաղաքական դաշտ ստեղծել, որտեղ իր ընդդիմությունն էլ տեղ ունենա, եւ այդ ընդդիմությունը լինի քաղաքական ընդդիմություն, ոչ թե ռեւանշիստական ու օլիգարխիկ: Պետք չէ թույլ տալ Սերժ Սարգսյանի սխալը: Նա իր համար վերացրել էր քաղաքական ընդդիմախոսին, բայց տեղ էր թողել ոչ քաղաքական հակառակորդների համար, որոնց պատճառով ներիշխանական խմորումներ եղան, որոնք էլ բավականին օգնեցին հենց Փաշինյանին: Այս կտրվածքով՝ Փաշինյանն իսկապես պիտի բացառի այն մոդելը, որը գործում էր նախկինում՝ հաղթողը ստանում է ամեն ինչ: Նա չպիտի գնա բացարձակ իշխանություն ունենալու եւ բոլորին պարտված թողնելու ճանապարհով՝ հատկապես քաղաքական դերակատարների մասով: Քաղաքական այդ պայմանների ստեղծման մեջ անշուշտ մտնում է ռեյտինգային ընտրակարգի վերացումը, որը լավագույն խողովակն էր ոչ քաղաքական դաշնակիցների եւ կրիմինալ հակառակորդների ձեւավորման, ովքեր ունեին թաղային ռեյտինգներ եւ լծակներ: Այսինքն՝ ռեյտինգային ընտրակարգը վերացնելը պարտադիր է ոչ միայն մաքուր քաղաքական դաշտ ունենալու, այլ նաեւ իր ընդդիմախոսներին բարձր քաղաքական նշաձողերի մեջ դնելու համար: Պետք է նաեւ ԿԸՀ կազմում փոփոխություններ արվեն: Չեմ ասի՝ այդ մարդիկ դատվեն նախկինում կատարած կեղծիքների համար, այլ ուղղակի գոնե լքեն այդ կառույցը: Այսպիսի բարձր նշաձողով ընտրությունների դեպքում, կարծում եմ, Նիկոլ Փաշինյանը բավականին լավ թիմ կհավաքի եւ կունենա նաեւ շատ ուժեղ ընդդիմություն, որն իրեն էլ կուժեղացնի: Ուզում եմ հավատալ, որ ինքը կշարժվի այս ուղղությամբ:
- Պարոն Սաֆարյան, ինչպես նշված է կառավարության ծրագրում՝ արտահերթ ընտրությունները պետք է անցկացվեն մեկ տարվա ընթացքում: Ե՞րբ կարող ենք սպասել վարչապետի ու կառավարության հրաժարականին, քանի որ միայն այդ տարբերակով կարող է արձակվել Ազգային ժողովը:
- Փաշինյանն, ըստ էության, խնդիրը շատ հետաքրքիր է դրել: Նա բացառել է ԱԺ-ի կողմից Կառավարությանը մեկ տարի հետո անվստահություն հայտնելու տարբերակը: Նիկոլ Փաշինյանը ոչ թե ասում է՝ ընտրությունները կլինեն մեկ տարի հետո, այլ ասում է՝ մինչեւ մեկ տարի: Տեղ չի թողնում, որ այլ մեխանիզմ գործի, որ, այսպես ասենք, որոշակիորեն կայունացած խորհրդարանական մեծամասնությունը կարողանա ռեւանշի գնալ եւ անվստահություն հայտնել: Այնուամենայնիվ, խնդիր կա, որը կառավարության ծրագրի «թույլ» լինելն է: Կառավարության ներկա ծրագիրը գրված չէ այնպես, որ ապահովի մի վիճակ, որ մարդիկ իսկապես փոփոխություն զգան իրենց կաշվի վրա: Որովհետեւ մեկ տարվա ընթացքում իրենք չեն կարողանա մաքրել այդ ավգյան ախոռները: Լավագույն դեպքում փոփոխությունը կարող է լինել կոռուպցիոն ռիսկերի նվազեցման, օրինականություն հաստատելու ուղղությամբ, բայց ասենք աշխատավարձերի աճ չի լինի եւ այլն: Լուրջ ցուցանիշներ չենք կարող սպասել, հետեւաբար դժվար կլինի ասել՝ ընտրությունների պահը, երբ վրա կհասնի: Սա ավելի շատ կապված է լինելու ներքաղաքական զարգացումների ուղղվածությունից, քան կառավարության գրանցած արդյունքներից կամ դրանց բացակայությունից:
- Իսկ արտահերթ ընտրությունների ուշ կազմակերպելը ո՞ր քաղաքական ուժին է ձեռնտու լինելու, Փաշինյա՞նը կշահի դրանից, թե Հանրապետականը:
- Հեղափոխական այս էյֆորիան անցնելու է, եւ դրան որեւէ մեկը չի կարող դեմ գնալ: Դրա համար ՀՀԿ-ն կամ այլ մեկը եթե ցանկանա Նիկոլ Փաշինյանից վերցնել իշխանությունը, ապա կարող է խաղալ այդ ձգձգվող ժամանակի վրա: Ես կուզեի եւ խորհուրդ կտայի Նիկոլ Փաշինյանին՝ պրոֆեսիոնալ կադրերով համալրել իր շուրջը՝ խուսափելու համար անգամ փոքրիկ սխալներից, որովհետեւ միջավայրն այնպիսին չէ, որ կարողանա շատ լուրջ բեկումներ արձանագրել: Նրան պետք են կադրեր, որոնք վերին աստիճանի արագ կկարողանան դրական արդյունքներ ապահովել՝ անկախ նրանից՝ արտահերթ ընտրություններն ինչ ժամանակում կկազմակերպվեն:
Բախվել են «Նիսսան» և «ՎԱԶ» մակնիշի ավտոմեքենաներ
Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ
Քարաթափում Արարատի մարզում. ճանապարհը դարձել է միակողմանի երթևեկելի
Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել
ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին
Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)
Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը
ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան
Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին
Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր
Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան
Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ
Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են
ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն
Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ
Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան
96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են
Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը
Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված
Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին
200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան
Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին
Բախվել են շտապօգնության ավտոմեքենան և «Մերսեդես»-ը
Աֆղանստանում 5․7 մագնիտուդ ուժգնությամբ երկրաշարժ է տեղի ունեցել
Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան
Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն
Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը
Վարդենյաց լեռնանցքը դժվարանցանելի է կցորդիչով բեռնատարների համար
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել
29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա
Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի
Ճամբարակի սննդի օբյեկտի գործունեության կասեցումը վերացվել է
Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները
Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել
Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը
Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը
Ինչ փոփոխություններ է արձանագրել տարադրամի շուկան մարտի 28-ին
Սերգեյ Նարիշկինը այց է կատարել Հյուսիսային Կորեա
© 2024 Հայկական ժամանակ