Իշխանությունը գրոհում է բուհերը. չնայած գրոհելու հարկ, ըստ էության, չկա

08/09/2018 schedule15:25

Տպագրվել է «Հայկական Ժամանակ» օրաթերթի՝ 2005 թվականի սեպտեմբերի 8-ի համարում

Եթե մինչ այժմ ՀՀ պետական բուհերի խորհուրդները կազմավորվում էին բուհերի կանոնադրություններով սահմանված կարգով՝ միայն բուհի պրոֆեսորադասախոսական անձնակազմից եւ ուսանողներից, ապա այժմ այդ խորհուրդների անդամների թվի կեսը պետք է կազմեն իշխանությունների առաջադրած ներկայացուցիչները: Բանն այն է, որ խորհուրդները, որոնք, ի դեպ, նաեւ ընտրում են ռեկտորներին, այսուհետ ձեւավորվելու են «Հայաստանի Հանրապետության պետական բարձրագույն ուսումնական հաստատության խորհրդի ձեւավորման կարգը հաստատելու մասին» ՀՀ կառավարության որոշման համաձայն, որն, ըստ էության, բուհերին զրկում է ինքնավարությունից եւ ստիպում պարել իշխանությունների դուդուկի տակ:

Որոշումը հիմնավորվում է «Բարձրագույն եւ հետբուհական մասնագիտական կրթության մասին» ՀՀ օրենքի 15-րդ հոդվածով, որի կետերից մեկն ասում է, թե խորհրդի ձեւավորման կարգը, լիազորված մարմնի ներկայացմամբ, սահմանում է Հայաստանի Հանրապետության կառավարությունը: Եւ հիմա, երբ կառավարության որոշումն ընդունված է ու նախագահի կողմից վավերացված, պետական բուհերի կանոնադրությունները պետք է համապատասխանեցվեն սույն օրենքին ու որոշմանը: Ըստ այս որոշման՝ խորհուրդը, որը բուհի կոլեգիալ կառավարման մարմին է, ձեւավորվում է բուհի պրոֆեսորադասախոսական կազմի, ուսանողության, հիմնադրի (կառավարության) եւ պետական կառավարման լիազոր մարմնի (այսինքն՝ ԿԳՆ-ի) ներկայացուցիչներից:

Ընդ որում՝ խորհրդի անդամների թիվը նշված չորս կողմերի միջեւ համամասնորեն է բաշխվում (25-ական տոկոս): Հիմնադրի անունից խորհրդի անդամներ է առաջադրում ՀՀ վարչապետը՝ պետական պաշտոն զբաղեցնող անձանցից: Թե կոնկրետ ինչպիսի՞ պաշտոն, չի մասնավորեցվում: Իսկ լիազոր մարմնի կողմից խորհրդի անդամներ են առաջադրվում կրթության, գիտության, մշակույթի եւ տնտեսության տարբեր ոլորտների ճանաչված ներկայացուցիչներ, ինչպես նաեւ ճանաչված գործատուներ: Ստացվում է, որ խորհրդի անդամների միայն 50 տոկոսն է լինելու բուհի ներսից եւ բուհին առնչվող, իսկ մյուս 50 տոկոսը կազմելու են բուհի հետ բացարձակ կապ չունեցող մարդիկ: Որոշումը նախատեսում է նաեւ, որ առաջադրված անձանց թեկնածությունների հիման վրա խորհրդի կազմը, լիազոր մարմնի ներկայացմամբ, հաստատում է ՀՀ վարչապետը: 

Մեկ այլ կետ էլ, փոխանակ միանգամից, կարճ ու կոնկրետ սահմանի, թե խորհրդի նախագահը պետք է լինի կառավարության կամ ԿԳՆ-ի ներկայացուցիչ, հեռվից է գալիս՝ նշելով. «Խորհուրդն իր կազմից, բացի ուսանողության ներկայացուցիչներից, ընտրում է նախագահ: Խորհրդի նախագահը չի կարող լինել նույն բուհում հաստիքային աշխատող (դեկան, ամբիոնի վարիչ, դասախոս): Խորհրդի նախագահը նույն բուհում պահպանում է ժամավճարի սկզբունքով դասախոսելու իրավունքը»: Այսքանն էլ դեռ բավական չէ, որոշումը իրավունք է վերապահում հիմնադրին, այսինքն՝ կառավարությանը, խորհրդի անգործության դեպքում վաղաժամկետ դադարեցնել խորհրդի նախագահի լիազորությունները կամ լուծարել խորհուրդը:

Այսքանից հետո դե արի ու խորհրդի նիստի ժամանակ այնպիսի հարցեր առաջ քաշիր, որոնք կարող են կառավարության սրտով չլինել: Իսկ ինչ վերաբերում է խորհրդի անդամների թվին, ապա, ըստ որոշման հաստատած կարգի, այն պետք է լինի 20-ից ոչ պակաս եւ 32-ից ոչ ավելի: Անդամների այս զույգ թիվը թերեւս ենթադրում է, որ խորհրդի ներսում ինչ-որ հարցի շուրջ տարաձայնություններ առաջանալու դեպքում ձայները կիսվելու են հավասար, եւ որոշիչ է լինելու խորհրդի նախագահի, նույնն է թե՝ իշխանությունների ներկայացուցչի ձայնը:

Այս որոշումը, բնականաբար, չի ողջունվում բուհերի կողմից եւ ոգեւորություն չի առաջացրել, սակայն դրանց մի մասը տրամադրված են համակերպվելու իրավիճակի հետ՝ առաջնորդվելով «Օրենքը եւ հետեւաբար դրանից բխող որոշումը չի քննարկվում, եւ դրան պետք է ենթարկվել» սկզբունքով: Իսկ ահա մայր բուհում, ըստ պաշտոնական տեղեկության, որոշումը դեռեւս քննարկման փուլում է, ու դեռ որեւէ եզրակացություն արված չէ: Ոչ պաշտոնական աղբյուրներից, սակայն, հայտնի է դարձել, որ Երեւանի պետական համալսարանի գիտխորհուրդը մերժել է կառավարության այս որոշումը եւ  առաջարկելու է վարչապետին հանդիպել ու խոսել դրա շուրջ՝ խնդրելով այն չեղյալ հայտարարել:

Աննա Զախարյան

Տպել
1245 դիտում

ԵՊՀ միջազգային հարաբերությունների ֆակուլտետի փոխդեկան Արթուր Իսրայելյանն ընտրվեց ԵՊՀ հոգաբարձուների խորհրդի քարտուղար

Հ. Գրիգորյանն օգտվում է քաղաքապետարանի որոշ աշխատակիցների հանցավոր հովանավորչությունից. բաց նամակ Հայկ Մարությանին

ԵՊՀ հոգաբարձուների խորհրդի առաջին նիստը, երբ գլխավոր մասնաշենքը շրջափակված չէ. Արայիկ Հարությունյան

Վանաձոր-Ալավերդի. կձեռնարկվեն միջոցներ բնակչությանը պատճառվող անհարմարությունները բացառելու ուղղությամբ

ԵՊՀ հոգաբարձուների խորհուրդը նոր նախագահ  եվ նոր քարտուղար ունի

Երեւանի պետական համալսարանը հոգաբարձուների խորհրդի նախագահ ընտրեց․ միաձայն ընտրվեց Գեւորգ Մուրադյանը

Այս տարի ՀՀ-ում կստեղծվի էլեկտրական մեքենաների լիցքավորման կայանների ցանց. կառավարություն (տեսանյութ)

Չլուծվող Կուրիլյան կղզիների խնդիրը. այսօր կհանդիպեն Վլադիմիր Պուտինը եւ Սինձո Աբեն

Գլոբալացման չորրորդ ալիքը պետք է լինի մարդակենտրոն. այսօր բացվում է Դավոսի համաժողովը

Ոստիկանները հայտնաբերել են Երևանի Ազատության պողոտայում կրակողին (տեսանյութ)

Ոստիկանները բացահայտել են «varks.am»-ի մասնաճյուղերում կատարված կողոպուտները. կասկածյալը ձերբակալվել է

«Սուրբ Գրիգոր Լուսավորիչ» ԲԿ-ն զգուշացրել է շտապօգնությանը՝ իրենց մոտ հիվանդ չտանել. տեղ չունեն

Ու՞մ է պետք փոխմարզպետի պաշտոնը, այն էլ՝ միանգամից 3-ը. Մարուքյանն առաջարկում է կրճատել փոխմարզպետների թիվը

Գորիս-Սիսիան ճանապարհին տեղ-տեղ մերկասառույց է, Վարդենյաց լեռնանցքը փակ է բեռնատարերի համար

Մեղրիի մաքսակետում կանխվել է թմրամիջոցների ներկրման հերթական փորձը

Եվրամիությունը Ռուսաստանի և Սիրիայի դեմ նոր պատժամիջոցներ է հաստատել․ «Ամերիկայի ձայն»

3 անգամ դատապարտված անձը փողոցային առեւտրի է դրդել 14-ամյա դեռահասի. Հայկ Մարության

Մոտ 3 ամսից կլինեն նոր դրոշմապիտակներ՝ ավելի ամուր կպչող, պոկվելիս էլ ավելի անվտանգ. նախարար

Մաղթում եմ ձեզ թավշյա հեղափոխություն` ձեր իսկ բարօրության համար. Մարուքյանը` ադրբեջանցիներին (տեսանյութ)

Խոշոր վթար Արմավիր-Սարդարապատ ճանապարհին. կան տուժածներ, 2 զոհ