Տեղի ունեցավ «Կադանս» անսամբլի բարեգործական համերգը՝ նվիրված «Սասունցիներ» որմնանկարի վերականգնմանը

Այսօր Արամ Խաչատրյան համերգասրահում տեղի ունեցավ «Կադանս» անսամբլի բարեգործական համերգը, որի ողջ հասույթը նվիրաբերվելու է մեծանուն գեղանկարիչ Սարգիս Մուրադյանի «Սասունցիներ» որմնանկարի վերականգնմանը։

«Սասունցիներ» որմնանկարը Արմավիրի մարզի Ապագա գյուղի մշակույթի տան նախասրահում է գտնվում: 1974 թվականին ՀՀ ժողովրդական նկարիչ Սարգիս Մուրադյանի կատարած աշխատանքը Խորհրդային Հայաստանում մոնումենտալ նկարչության բնագավառում երբեւէ ստեղծված առավել հաջող, գաղափարական եւ կերպարային բովանդակությամբ, գեղարվեստական արտահայտիչ լեզվով օժտված որակյալ աշխատանքներից է:Խորհրդային բռնաճնշումներին դիմակայած մեծադիր որմնանկարն այսօր ոչ այդքան բարվոք վիճակում է։ Մշակույթի տան տանիքի վատ վիճակի պատճառով նկարը վնասվել է։ Ձախից նկարի ողջ բարձրությամբ մեծ ճեղք է անցնում, մի քանի տեղ ներկը թափվել է, իսկ առաստաղը սպիտակ ներկելիս նկարի վրա կավիճ է թափվել, ու ողջ աջ կեսը այսօր պատված է կավիճի բարակ շերտով:Մոտ մեկ տարի տեւած աշխատանքներից հետո ՀՀ մշակույթի նախարարության փորձագիտական հանձնաժողովը 2016 թվականի հոկտեմբերի 12-ի նիստում որմնանկարին տվել է հանրապետական նշանակության նորահայտ հուշարձանի կարգավիճակ։ Բայց դրանից հետո որմնանկարի հետ կապված աշխատանքները կանգ են առել։ Ըստ նախնական հաշվարկների, Սարգիս Մուրադյանի «Սասունցիներ» որմնանկարի վերանորոգման համար մոտ 15 000 դոլար կպահանջվի։ 

«Սասունցիներ» որմնանկարի վնասված հատվածները

Մշակույթի նախարար Լիլիթ Մակունցն օրեր առաջ լրագրողների հետ զրույցում վստահեցրել էր, որ եթե անգամ բարեգործական համերգին համապատասխան գումար չհավաքվի, նախարարությունը հաջորդ տարի միջոցներ կտրամադրի որմնանկարի վերականգնման համար: Հիշեցնենք, որ համերգի կազմակերպիչները ՀՀ մշակույթի նախարարությունն ու Հանրային ռադիոն են՝ վարչապետի տիկին Աննա Հակոբյանի հովանու ներքո, ովքեր ներկա էին համերգային երեկոյին:

Նկարիչ Սարգիս Մուրադյանը միայնակ է ստեղծել էսքիզը, իսկ որմնանկարը նկարելիս նրան օգնել են Հրաչյա Հակոբյանը, Գառնիկ Սմբատյանը եւ Ռ․Սարգսյանը: Եռամաս կառուցվածք ունեցող հորիզոնաձիգ մեծադիր նկարի կենտրոնում պատկերված է ազգային տարազով, մանկանն իր գիրկն առած տիրամայրը, առաջին պլանում ուշադրություն են գրավում բացված «Սասնա ծռեր» մագաղաթյա մատյանը, խաչքարն ու մանկան օրորոցին հենված հրացանը:

Տպել
2867 դիտում

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան