Մեր թիմի հանդեպ սև PR է օգտագործվում. Հայկ Մարությանը քվեարկեց

Քաղաքականությունը թիմային գործընթաց է, եւ բոլորը քվեարկում են թիմին, իսկ թիմի մեջ կան բոլորը: Այս մասին, Երեւանի ավագանու ընտրություններում՝ 07/49 ընտրատեղամասում, քվեարկելուց առաջ լրագրողների հետ զրույցում նշեց «Իմ քայլը» դաշինքի քաղաքապետի թեկնածու Հայկ Մարությանը՝ անդրադառնալով հարցին, թե քաղաքացին քվեարկելով Հայկ Մարությանի օգտին, իրականում ձայն է տալիս նրա՞ն, թե՞ վարչապետ Նիկոլ Փաշինյանին: «Քաղաքականությունը թիմային գործընթաց է, եւ բոլորը քվեարկում են թիմին, թիմի մեջ կան բոլորը»։

Իսկ հարցին, թե նախընտրական քարոզարշավին վարչապետի այդչափ մասնակցությունն արդյո՞ք վարչական ռեսուրսի օգտագործում չէ, Հայկ Մարությանը նշեց. «Ընդհանրապես այդպես չեմ մտածում, վարչապետը «Քաղաքացիական  պայմանագիր» կուսակցության վարչության անդամ է եւ իրավունք ունի մասնակցելու քարոզչական ամբողջ գործընթացին եւ դա իր որոշելիքն է՝ ինչքան կմասնակցի, ինչքան՝ ոչ»,- ասաց նա:

Պատասխանելով ՀԺ-ի հարցին՝ ինչու՞ վարչության մյուս անդամները չեն մասնակցել նախընտրական քարոզարշավին, մասնավորապես, Ալեն Սիմոնյանը, Սասուն Միքայելյանը, Հայկ Մարությանն ասաց, որ դա իրենց որոշելիքն է, կարող են իրենց հարցնել։ «Իմ քայլը» դաշինքի թեկնածուն ընտրախախտումների ահազանգերի հետ կապված խորհուրդ տվեց դիմել շտաբի պետին:

Լրագրողի հարցին՝ եթե «Իմ քայլը» դաշինքին չհաջողվի մեծամասնություն կազմել՝ պատրա՞ստ է կոալիցիա կազմել այլ ուժերի հետ, Մարությանը պատասխանեց.

«Ինձ համար անձամբ եւ մեր թիմի համար, ամենակարեւորը Երեւանը դարձնել մեր երազանքների քաղաք, թե դա ինչ ճանապարհներով կլինի, կարեւոր չէ, դրա համար մենք պատրաստ ենք բոլորի հետ համագործակցել եւ բոլորի լավ մտքերը, պայծառ մտքերն անպայման օգտագործելու ենք»։

Լրագրողի դիտարկմանը, թե նախորդ ընտրություններում ՀՀԿ–ի ընտրակեղծարարներն այս օրերին շրջում էին իր հետ, ինչպես կմեկնաբանի դա, Հայկ Մարությանն ասաց. «Այս օրերին, երբ ես շրջում էի քաղաքում, մեզ միանում էին  տարբեր մարդիկ, որոնց 90 տոկոսին ես չէի ճանաչում, մեր ժողովուրդն են, մեր քաղաքացիներն են եւ ես իրավունք չունեմ մեկին ասեմ՝ միացի, մեկին՝ ոչ։ Մարդն իրավունք ունի միանալու մեր քարոզարշավին։ Ինձ համար բոլորը  շարքային քաղաքացիներ են»։

Հարցին՝ նորմա՞լ է համարում, որ ընտրակեղծարաները իր հետ են շրջել Հայկ Մարությանն ասաց, որ ինքն արդեն այդ հարցին պատասխանել է եւ հավելեց. «Ես, ի տարբերություն ձեզ, չեմ ճանաչում հանրապետական ընտրակեղծարարներին, ընդհանրապես չեմ ճանաչում»։

Հայկ Մարությանը լրագրողների հետ զրույցում պնդեց, որ իրենց ուժի հանդեպ սև PR-ի էլեմենտներ են օգտագործվում: Նրա խոսքով՝ տարբեր սուտ, իրականությանը չհամապատասխանող տեղեկություններ, նյութեր են հրապարակվում: «Շատ ուժեր ասում են՝ այսպես, այնպես է եղել, բայց իմ տեսակետից՝ մեր թիմի հանդեպ սև PR է օգտագործվում: Ընդհանրապես ընտրարշավն այն է, ինչ տեղի ունեցավ: Ամբողջ աշխարհում այդպես է, ուղղակի մենք սովոր չենք դրան: Նախկինում մեզ մոտ ընտրարշավերի ժամանակ ոչ մի բան չէր կատարվում, ամեն ինչ լավ էր, իսկ ընտրություններից հետո սկսվում էին հետընտրական պրոցեսներ: Այստեղ հակառակը տեղի ունեցավ, ինչպես տեղի է ունենում աշխարհում: Սկզբից գնում է ընտրարշավը, կրքերը բորբոքվում են, իսկ ընտրություններից հետո ամեն ինչ հանդարտվելու է»,- նշեց նա:

Հայկ Մարությանը ընտրական տեղամաս էր եկել դստեր հետ։

Տպել
2168 դիտում

Կրակոցներ եւ սպանության փորձ՝ Արմավիրի մարզում. հանգամանքները պարզվում են

Մոսկվայում տեղի կունենա Կոմիտասի 150-ամյակին նվիրված համերգ. կմասնակցի նաեւ Հասմիկ Պապյանը

Չեմպիոնների լիգայի գործող չեմպիոնը պարտվեց մրցաշարի առաջին տուրում (տեսանյութ)

Ծանրամարտի աշխարհի առաջնությունում Հայաստանը ներկայացնելու է 9 մարզիկ. ԿԳՄՍՆ

Արդարադատության փոխնախարարներն ընդունել են Վենետիկի հանձնաժողովի փորձագիտական խմբի պատվիրակությանը

Երեւանի 73 համարի երթուղին այլեւս չի սպասարկվում, քաղաքացիները ստիպված են երկու տրանսպորտային միջոցից օգտվել

Հավատացնում եմ, որ դեռ շատ եմ հաղթելու, դուք էլ շատ եք ուրախանալու. Արթուր Ալեքսանյան

Հայաստանում առաջին անգամ հետիոտնային անցումներում տեղադրվել են երեխաների տեսքով ֆիգուրներ

Երեւանում Niva-ն մխրճվել է հայտնի երգիչ Գրիգոր Աղախանյանի կայանած Range Rover-ի մեջ

Վթար Սևան-Մարտունի-Գետափ ավտոճանապարհին. կա 2 տուժած

Գրանցվել է խոտածածկ տարածքներում բռնկված 25 հրդեհ` ընդգրկելով մոտ 45 հա տարածք

Թուրքիայում կրկին քուրդ քաղաքապետ է ձերբակալվել

Աշտարակի ոստիկանները ապօրինի ծառահատման դեպք են բացահայտել (տեսանյութ)

Վանաձորցի քրեական հեղինակություն է բերման ենթարկվել․ նա հետախուզվում էր սպանության փորձի մեղադրանքով

Երևանի Աջափնյակ վարչական շրջանի ղեկավարի տեղակալ Արամ Մանուկյանն ազատման դիմում է ներկայացրել

Բակո Սահակյանն ընդունել է ֆիզիկական կուլտուրայի և սպորտի ոլորտի մի խումբ ներկայացուցիչների

ԶՈՒ զորամասերից մեկում հակաօդային պաշտպանության մարզումներ են անցկացվել

ՀՀ ոստիկանությունը մեկ օրում բացահայտել է հանցագործության 64 դեպք

Երևանում բեռնատարը վրաերթի է ենթարկել փողոցը չթույլատրելի հատվածով անցնող հետիոտնին. վերջինը տեղում մահացել է

ԱԻՆ-ն ահազանգ է ստացել Կոտայքի մարզի Բջնի գյուղի ամառանոցներում 2 տան այրվելու մասին