Ազատամուտի համայնքապետը տեղյակ չէ, որ հետախուզման մեջ է գտնվում եւ լիազորությունները դադարեցվել են

Ազատամուտ համայնքի ղեկավար Ժորա Մարտիրոսյանի նկատմամբ երեկ հետախուզում է հայտարարվել, Տավուշի մարզի դատախազի որոշմամբ՝ նրա լիազորությունները դադարեցվել են: Այս մասին ՀԺ-ի հետ զրույցում հայտնեց ՀՀ գլխավոր դատախազության հանրային կապերի բաժնի պետ Արեւիկ Խաչատրյանը:

Հարցին, թե ինչի՞ համար է մեղադրվում Մարտիրոսյանը, Խաչատրյանը պատասխանեց. «Ժորա Մարտիրոսյանին մեղադրանք է առաջադրվել Քրեական օրենսգրքի 323-րդ հոդվածի 1-ն մասով՝ ինքնիրավչություն կատարելու համար»: Վերոնշյալ հոդվածը նախատեսում է նվազագույն աշխատավարձի երեքհարյուրապատիկից հինգհարյուրապատիկի չափով տուգանք կամ կալանք՝ մեկից երեք ամիս ժամկետով:

Ճշտող հարցին, թե Մարտիրոսյանը փախուստի՞ է դիմել, որ նրա նկատմամբ հետախուզում է հայտարարվել, Խաչատրյանը պատասխանեց. «Տավուշի մարզային դատախազը ուրբաթ օրը իրենց վարույթում քննվող քրեական գործում Մարտիրոսյանին ներգրավել է որպես մեղադրյալ, նրա նկատմամբ ընտրվել է ստորագրություն՝ երկրից չհեռանալու մասին, իսկ արդեն երեկ դատախազը համայնքապետի նկատմամբ հետախուզում է հայտարարել եւ դատախազի որոշմամբ՝ լիազորությունները ժամանակավորապես դադարեցվել են:

ՀԺ-ին հաջողվեց կապ հաստատել նաեւ հետախուզման մեջ գտնվող Ազատամուտի համայնքապետ Ժորա Մարտիրոսյանի հետ:

- Պարոն Մարտիրոսյան, դատախազությունը ձեր նկատմամբ հետախուզո՞ւմ է հայտարարել:

- Ես հիմա հիվանդանոցում եմ` սրտաբանականում պառկած եմ: Այդ ցույցերը, որ արել են, դրանից եմ ես հայտնվել հիվանդանոցում: Ես հետախուզման մեջ չեմ, վատացել եմ, եկել եմ հիվանդանոց:

- Ձեր լիազորությունները ժամանակավորապես դադարեցրել են, տեղյա՞կ եք:

- Ես հրաժարական չեմ տվել: Սուտ են ասում, ես հրաժարական չեմ տվել, ես փախած չեմ: Ես մեր ոստիկանության պետի տեղակալին եմ ասել, որ պառկած եմ այստեղ:

- Իսկ ինչո՞ւ է ձեզ ինքնիրավչություն կատարելու համար մեղադրանք առաջադրվել:

- Ես չգիտեմ, ես ոչ կարդացել եմ, ոչ տեսել: Ի՞նչ հոդված են դրել:

- Ինքնիրավչություն կատարելու համար եք մեղադրվում:

- Սուտ բաներ են գրում: Ես ո՞նց կարամ տենց բաներ անեմ: Ես օրենքի սահմաններում եմ աշխատում: Առանց ավագանու ես որեւէ քայլ արած չեմ:

Համայնքապետի հետ զրույցից հետո ՀԺ-ն դարձյալ զրուցեց ՀՀ գլխավոր դատախազության հանրային կապերի բաժնի պետ Արեւիկ Խաչատրյանի հետ: Խաչատրյանը նշեց, որ ճշտել են ոստիկանությունից, Մարտիրոսյանը տեղյակ չի պահել նրանց այն մասին, որ հիվանդանոցում է: Իսկ չներկայանալն արդեն հիմք է հետախուզման մեջ լինելու համար:

Հիշեցնենք, որ սեպտեմբերի 28-ից Ազատամուտում բողոքի ակցիաներ էին սկսվել: Համայնքի բնակիչները պահանջում էին համայնքապետ Ժորա Մարտիրոսյանի հրաժարականը: Վերջինս Ազատամուտը ղեկավարում է 2008 թվականից:

Տպել
5165 դիտում

Ստեփանավանի դենդրոպարկի մուտքի մոտ սահմանափակումներ են դրվել. նախօրեին 10 000 մարդ էր այցելել այնտեղ (լուսանկարներ)

Գեղարքունիքի մարզում կորոնավիրուսի 6 նոր դեպք է հաստատվել

Մինչ այս քրեական հետապնդման մարմինների կողմից իրականացված գործողությունները եղել են ու մնում են իրավաչափ. Գոռ Աբրահամյան

Շիրակի մարզում առաջին անգամ սոյա կմշակվի. ծրագիրը փորձնական է

Անցյալի եւ ապագայի միջեւ գիծ պետք է քաշվի, պետք է հասկանալ՝ ինչ է տեղի ունեցել 1996-ին, 1999-ին, 2008-ին...Ա. Ջուլհակյան

Երևանում տերմինալներից գողություն կատարողների խումբ է բռնվել. ձերբակալվել են 22 և 26-ամյա երկու երիտասարդներ

Այգեձոր բնակավայրի «Այգեձորի գոմեր» կոչվող հանդամասում մոտ 5 հա խոտածածկ տարածք է այրվել

ՍԱՏՄ մշտադիտարկումներն ու կրկնայցերը Երեւան քաղաքում. կրկնակի խախտում է թույլ տվել 2 կազմակերպություն

Նախագահը կրթության փորձագետ Անահիտ Բախշյանի հետ խոսել է Լանզարոտի կոնվենցիայի վերաբերյալ իր մտահոգությունների մասին

Հյուրանոցային համալիրի սեփականատիրոջ կազմակերպմամբ տնօրենին զրկել են ազատությունից, ապա ունեզրկել

Ոստիկանությունում Ռուբեն Հայրապետյանին առնչվող նոր քրեական գործ է հարուցվել

Առողջապահության նախարարը հանդիպել է ՀՎԿԱԿ-ի մասնաճյուղերի տնօրեններին

Գալուստ Սահակյանի որդին ներգրավվել է որպես մեղադրյալ ՔԿ-ում քննվող քրեական գործով

Սննդի անվտանգության տեսչական մարմինը մշտադիտարկումներ է իրականացրել Երեւանում․ հայտնաբերվել են մի շարք խախտումներ

ԱԻՆ-ը շրջայց է իրականացնում ՀՀ տարածքում (Տեսանյութ)

ՀՀ վարչապետը ցավակցական հեռագիր է հղել Իսպանիայի կառավարության նախագահին

Նախագահը ստորագրել է սեռական բռնություններից երեխաների պաշտպանության մասին կոնվենցիան վավերացնելու օրենքը և վավերագիրը

Մենք գնում ենք այս ճանապարհով՝ փոխանցելով «կրիր դիմակ, փրկիր կյանքեր» ուղերձը

Կորոնավիրուսի դեմ պայքարող բուժաշխատողների վարձատրությունը 2-3 անգամ բարձրացել է. ռեանիմատոլոգների պակաս կա

Կորոնավիրուսից մահացած մոր հուղարկավորության ժամանակ վարակված աղջիկները եւս մահացել են