Կտոր մը գումար. ՀՀԿ-ն ավանդ բառը չի սիրում

10/10/2018 schedule16:20

Տպագրվել է «Հայկական Ժամանակ» օրաթերթի՝ 2005 թվականի հոկտեմբերի 6-ի համարում

Երեկ, երբ ԱԺ եկավ վարչապետը, նա արդեն գիտեր, թե ո՞րն է լինելու օրվա գլխավոր հարցը: Եւ դա  ավանդների վերադարձի հարցն էր: Ու չնայած վարչապետը հաստատեց կոալիցիայի եւ նախագահ Քոչարյանի միջեւ տեղի ունեցած քաղաքական համաձայնությունը՝ նպաստառու որոշ ընտանիքների ավանդները վերադարձնելու հարցում, սակայն աշխատում էր հնարավորինս շրջանցել «ավանդ» բառը: «Այո, այդ հարցը քննարկվել է, եւ քաղաքական կոնսուլտացիաների միջոցով եկանք  եզրակացության, որ աղքատության հաղթահարման ռազմավարական ծրագրի շրջանակում կարող ենք այդ մարդկանց փոխհատուցում տալ»,- պատգամավոր Վիկտոր Դալլաքյանի բարձրացրած հարցին պատասխանեց վարչապետը:

Իսկ երբ պատգամավորը մի քանի անգամ պնդեց, որ վարչապետը վերահաստատի՝ ավանդները տալի՞ս են, թե՞ ոչ, Անդրանիկ Մարգարյանը ջղայնացավ. «Երեք  անգամ ասացի. ուզում ես մի անգամ էլ Արթուրն ասի, որ հավատա՞ս»: ԱԺ նախագահը ոչ միայն մի անգամ էլ ասաց, այլեւ հատուկ շեշտեց, որ ավանդները վերադարձնելու համար 2006-ի բյուջեում գումարներ անպայման նախատեսվելու են: Ա.Մարգարյանն էլ շտապեց ճշտել գումարի չափն ու դրանով հիասթափեցնել «ավանդ» օպերացիայի կողմնակիցներին՝ 2006-ի համար ընդամենը մեկ միլիարդ դրամ: Իսկ թե ի՞նչ ինդեկսացիայով 2,2 մլն դոլարը կբաժանվի նպաստառու ընտանիքների միջեւ,  դա կորոշի կա՛մ խորհրդարանը, կա՛մ կառավարությունը:

Ի դեպ, բյուջե 2006-ով 128 հազար նպաստառու ընտանիքի ավանդները հաստատ չեն կարողանա վերադարձնել: Կստեղծվի  աշխատանքային խումբ, որն էլ 128 հազար ընտանիքից կզտի ամենակարիքավոր սոցիալական խմբերին: Իսկ թե հետո՞ ինչ կլինի, ոչ մեկը չգիտի: Համենայնդեպս, ավանդները տալու մեծ «շուխուրը» ոգեւորությամբ ընդունած Հմայակ Հովհաննիսյանն ու Վիկտոր Դալլաքյանն այս ողջ պատմությունից սկսել են ավանտյուրայի հոտ առնել եւ խոստանում են շատ շուտով այն բացահայտել: Ի դեպ, ավանդների թեման շարունակվեց նաեւ լրագրողների եւ վարչապետի` ԱԺ միջանցքում տեղի ունեցած զրույցի ընթացքում, չնայած դա այդ զրույցի միակ թեման չէր:

- Պարոն վարչապետ, ի՞նչ տեղի ունեցավ, որ ՀՀԿ-ն եւ կառավարությունը, որոնք մինչեւ վերջերս հայտարարում էին, թե ավանդներն այսօր արժանապատիվ կերպով վերադարձնելու հնարավորություն չկա, քաղաքական համաձայնություն են կայացնում սկսել ավանդների վերադարձը:

- Մենք էլի ենք պատրաստ արժանապատիվ վերադարձնելուն, եւ մեր կոմպրոմիսի արդյունքը եղել է այն, որ Աղքատության հաղթահարման ռազմավարական ծրագրի շրջանակում լուծում տանք ընտանեկան նպաստառուների ցուցակում ներառված քաղաքացիների սառեցված ավանդների խնդրին՝ տալով նրանց որոշակի փոխհատուցում: Եւ յուրաքանչյուր տարի կառավարությունն իր հնարավորությունից ելնելով կորոշի՝ մնացածների շարունակությունը կլինի՞, թե՞ չի լինի, ե՞րբ կլինի եւ ի՞նչ ինդեկսացիայով կլինի:

- Ձեր նվիրած զենքերը վերջին ժամանակներս շատ են կրակում: Չե՞ք կարծում, որ այդ ոլորտը լրացուցիչ կանոնակարգման կարիք է զգում:

- Այս երկրում միայն ես եմ զենք նվիրում, եւ այդ խնդիրն ամբողջովին  կանոնակարգված է, կա վարչապետի որոշում, թե ո՞վ կարող է դիմել, հարցն անցնում է հստակ ընթացակարգ, որից հետո նոր ես ստորագրում եմ նվիրատվության փաստաթղթերը: Մինչեւ ոստիկանությունը չի ստուգում զենքի մաքուր լինելը, զենք ստացողի վստահության աստիճանը, ես ոչ մեկին զենք չեմ տալիս:

- Նոր Հաճնի քաղաքապետի դեպքը չի՞ նշանակում, որ զենք ստացողի վստահության աստիճանը լրացուցիչ ճշգրտման կարիք ունի:

- Այո, այդ դեպքից հետո մենք կփորձենք ավելի խստացնել, եւ ոստիկանությանն արդեն համապատասխան հանձնարարական տրված է:  

- Նոյեմբերի 27-ի հանրաքվեի բացասական ելքը ի՞նչ հետեւանքներ կունենա գործող իշխանության համար:

- Կոալիցիայի ծրագրում կա սահմանադրական փոփոխություններ անելը, եւ դա արվելու է: Սակայն հանրաքվեի դրական կամ բացասական ելքի դեպքում քաղաքական հետեւանքներ չեն լինի: Այլ խնդիր է, որ կոալիցիայի քաղաքական կուսակցությունները պարտավոր են քարոզարշավն այնպես տանել, որ հանրաքվեի ելքը լինի դրական:

- ԱԺ նախագահի մոտ տեղի են ունեցել սահմանադրական փոփոխությունների նախընտրական շտաբի ձեւավորման քննարկումներ: Որոշե՞լ եք, թե ով կգլխավորի նախընտրական շտաբը:

- Շտաբն արդեն կազմավորված է, սակայն նախագահ դեռ չունի: Եւ ընդհանրապես, մենք դեռ կքննարկենք՝ նախագահ, քաղաքական խնդիրներ լուծելու համար, անհրաժե՞շտ է, թե՞ ոչ: Իսկ տեխնիկական, քարոզչական խնդիրներ լուծելու համար կոալիցիայի յուրաքանչյուր կուսակցություն գործուղել է իր ներկայացուցիչներին:

- Պարոն վարչապետ, նախագահի աշխատակազմի ղեկավարը կուսակցություն ստեղծելու հայտ է ներկայացրել: Բացի այդ, ֆինանսական լուրջ լծակներ ունեցող որոշ տնտեսվարողներ նույնպես մտադիր են կուսակցություն ստեղծել: Արդյո՞ք ստեղծվելիք  կուսակցությունները իշխանության համար մղվող ապագա պայքարում ՀՀԿ-ին լուրջ մրցակից չեն դառնա:

- Արտաշես Թումանյանը միայն իր ցանկությունն է հայտնել եւ դեռ կուսակցություն չի ստեղծել: Բացի այդ, ես գտնում եմ, որ Հայաստանի յուրաքանչյուր քաղաքացի պետք է օգտվի Սահմանադրությամբ իրեն տրված լիազորությունից՝ ստեղծել քաղաքական միավորումներ, եւ այս առումով ես այդտեղ  տեսնում եմ ժողովրդավարության զարգացում: Ինչ վերաբերում է մրցակցությանը, ապա  յուրաքանչյուր կուսակցություն էլ մրցակից է, հատկապես՝ խորհրդարանական ընտրություններում: Այնպես որ, ՀՀԿ-ի համար միեւնույն է՝ 15-ը կլինի, թե՝ 45-ը: Մենք մեր խնդիրները պետք է դնենք եւ լուծենք, այլ ոչ թե մտածենք արհեստականորեն  քչացնել այն կուսակցությունների թիվը, որոնք մտնելու են մրցակցության:

- Առաջիկա ԱԺ եւ նախագահական ընտրություններում ո՞րն է լինելու ՀՀԿ-ի  խնդիրը:

- Պահպանել իր դիրքերը: Գոնե:

- Իսկ ՀՀԿ-ն նախագահի սեփական թեկնածու ունենալու հավակնություններ  չունի՞:

- Կերեւա 2007-ից հետո:

Նաիրա Զոհրաբյան   

Տպել
918 դիտում

Սոչիում կայծակը հարվածել է ինքնաթիռին վայրէջքի ժամանակ

Նորատուս գյուղի ռեստորանի շոգեբաղնիքը հրդեհվելու հետեւանքով մոխրացել է

Հայաստանի մեծ մասում ձյուն է տեղում, Շիրակի մարզի մի շարք հատվածներում բուք է, Լարսի ճանապարհը՝ փակ

Սյունիքի մարզում Իրանի քաղաքացին իր մեքենայով ընկել է ձորը. նա հոսպիտալացվել է

Թուրք մասնագետները կմեկնեն Ադրբեջան՝ S-300-ներն ուսումնասիրելու համար

73-ամյա Ժորայի ջերմոցում ոստիկանները հայտնաբերել են ավելի քան 12 կիլոգրամ կանեփ

ՀՀ և Վրաստանի վարչապետները Ենոքավանում ոչ ֆորմալ հանդիպում են ունեցել (լուսանկարներ)

Ստեփանծմինդա–Լարս ավտոճանապարհը փակ է տրանսպորտային բոլոր միջոցների համար

Վարչապետին է ներկայացվել Ենոքավանի զարգացման ռազմավարությունը. զբոսաշրջիկների թիվը կհասնի 250 հազարի

Այսօր ու առաջիկա օրերին սպասվում է ձյուն եւ անձրեւ, քամու ուժգնացում, ջերմաստիճանի անկում

Աննա Հակոբյանի պաշտոնական կայքէջը պատրաստ է, մարտի 26-ից կսկսի գործել

Մասիսում մեքենա է այրվել. 12-ամյա երեխան այրվածքներով հոսպիտալացվել է ծայրահեղ ծանր վիճակում

Լոռու կրակոցները տեղի էին ունեցել Շիրակամուտի դաշտում. ոստիկանությունը փնտրում է դեպքի մասնակիցներին

Հայկական կողմն ինտենսիվ աշխատում է Կարեն Ղազարյանին վերադարձնելու ուղղությամբ. նախարարը՝ գերեվարվածի հորը

Հանրապետության մի շարք ավտոճանապարհներին ձյուն է տեղում, Աշոցքում բուք է

Զինծառայողները մասնակցել են համապետական շաբաթօրյակին ու ծառատունկին (լուսանկարներ)

Նորատուս գյուղի ռեստորանային համալիրի շոգեբաղնիքում հրդեհ է բռնկվել

Հայաստանի ֆուտբոլի հավաքականը պարտվեց Եվրո 2020-ի ընտրական 1-ին խաղում

Կրակոցներ Լոռու մարզում. 3 հոգի հիվանդանոցում են, այդ թվում՝ նախկին ու ներկա գյուղապետերը

Փոցխ ու ձեռնոց նաեւ ԵՄ դեսպանին. Պյոտր Սվիտալսկին Գյումրիում միացել YIC-ի շաբաթօրյակին