Գյումրեցի Առաքելյան եղբայրները տեղափոխվել են «Արթիկ» ՔԿՀ. փաստաբանն ասուլիս է հրավիրել

Գյումրիում հոկտեմբերի 17-ի երեկոյան ոստիկանների եւ 1993 թվականին ծնված Գառնիկ եւ Կառլեն Առաքելյանների միջեւ սկսված ծեծկռտուքի գործով հարուցված քրեական գործով կալանավորված տղաներին տեղափոխել են «Արթիկ» ՔԿՀ: Փաստաբան Հայկ Հարությունյանն այսօր հրավիրած մամուլի ասուլիսում հայտարարել է, որ դեռ երկու օր առաջ է ՀՀ վերաքննիչ դատարանում բողոքարկել է Գառնիկ եւ Կառլեն Առաքելյանների խափանման միջոցների, այսինքն՝ կալանքն ընտրելու դատարանի որոշումների դեմ, նամակով նաեւ ՀՀ դատախազին է դիմել:

«Հենց այսօր նորից դիմել ենք դատարան, որ միջնորդենք գրավով բաց թողնեն տղաներին, այսինքն՝ խափանման միջոց կալանքը փոխարինվի: Մենք այստեղ վիճարկում ենք նաեւ այն, որ կալանք ընտրելու անհրաժեշտությունը չկար, քանի որ նախ տղաները չեն ժխտում, որ ունեն մեղքի բաժին, հետո էլ բավական երիտասարդ են, եւ մինչ այս երբեք արատավոր վարք չեն ունեցել: Նաեւ պատրաստ են նոր ցուցմունք տալ, եւ առավել մանրամասն խոսել դեպքի մասին: Ե՛ւ երեխաները, ե՛ւ ծնողները, ե՛ւ ես գիտակցում ենք, որ այստեղ կա նաեւ նրանց մեղքը, տղաները չեն պնդում, որ վա՜յ, ամբողջ մեղքը ոստիկաններինն է, մենք ոչինչ չենք արել, ոչ»,- ասաց Հայկ Հարությունյանը: 

Փաստաբանն ակնկալում է, որ տղաների նոր ցուցմունքի, իրենց մեղքի բաժինն ընդունելու, ինչպես նաեւ առկա տեսանյութի ուսումնասիրման արդյունքում կփոխվի նրանց խափանման միջոց կալանքը: Ըստ փաստաբանի, տեսանյութն ու ցուցմունքներն ուղարկվել են նաեւ Հատուկ քննչական ծառայություն: 

Ասուլիսի ընթացքում նաեւ ցուցմունքներից որոշ մաս հրապարակվեց: «Ըստ ոստիկանների ցուցմունքների, տղաները փորձել են դեպքի վայրից դիմել փախուստի, իսկ տեսանյութից ակնհայտ է, որ ճիշտ է՝ մինչեւ այդ չի երեւում, թե տղաներն ինչ գործողություն են կատարում, բայց հստակ երեւում է, որ գոնե մի տղան փախնելու փորձ չի կատարում, այլ նրան քաշում են, ասում է՝ ինձ մի քաշեք: Դա չի կարող դիտվել որպես փախուստի փորձ: Ըստ ցուցմունքների՝ սկզբում 3 ոստիկան է եղել, հետո օգնության են կանչել եւ եկել է եւս 2-ը: Բերման ենթարկելիս արդեն 5 ոստիկան է եղել: Ես բոլոր ցուցմունքներին ծանոթ չեմ, քանի որ տուժողի ցուցմունքները հանդիսանում են նախաքննական գաղտնիք, բայց ինչքան որ ծանոթ եմ քննիչի կողմից ներկայացված ցուցմունքներին, կարող եմ ասել, որ ոստիկանների եւ տղաների ցուցմունքներում կան հակասություններ»,- ասաց փաստաբանը:

Հիշեցնենք, որ ուսումնասիրության առարկա հանդիսացող տեսանյութը հայտնվել էր Առաքելյաններին կալանավորելուց հետո,այն տեղադրվել էր ֆեյսբուք սոցիալական ցանցում: Հեղինակի մասին դեռ ոչինչ հայտնի չէ փաստաբանին:

Փաստաբանը նաեւ Առաքելյան եղբայրների ցուցմունքներից մի փոքր հատված ներկայացրեց: Ըստ դրանց, դեպքի օրն իրենք եղել են Վարդանանց հրապարակում, մեքենայի խլացուցիչը ծակ է եղել, եւ հրապարակով անցնելիս բավական բարձր ձայն է հանել, իրենք էլ մի քիչ արագ են պտույտը կատարել եւ աղմուկ է առաջացել: «Կանգնեցինք, ոստիկանները մոտեցան, ասացինք, կներեք, էլ չի կրկնվի»,- ասված է ցուցմունքով: Հետո տղաներից մեկը հարցրել է, թե բոլորին էն զգուշացնո՞ւմ, թե՞ միայն իրենց: Ոստիկանը սխալ է հասկացել ասվածը եւ ընկալել է որպես, այսպես ասած, «հաշիվ պահանջել»: Հիմնական վեճն այդ պահին է ծագել, մեկը մյուսին սխալ են հասկացել եւ սկսվել է քաշքշոց: Որեւէ լուրջ բան տեղի չի ունեցել եւ անիմաստ կռիվ է առաջացել, որի պատճառը նաեւ տղաներն են հանդիսացել»,- ասաց փաստաբանը: Հայկ Հարությունյանը նաեւ ընդգծեց, թե ոստիկաններն էլ տղաների տարիքին են եւ երիտասարդությունն իրենն արել է:

Հիշեցնենք, որ Առաքելյան եղբայրների եւ ոստիկանների միջեւ ծեծկռտուքը տեղի էր ունեցել հոկտեմբերի 17-ի երեկոյան, Ռիժկովի ճեմափողոցի սկզբնամասում:

Տպել
1527 դիտում

Ջաջուռ գյուղում այրվել է մոտ 40 հա խոտածածկույթ, գյուղի 13 բնակիչ մասնակցել է հրդեհաշիջման աշխատանքներին

Անբարոյականությունը՝ քաղաքական պայքարի անվան տակ

Ֆրանսիան ու Գերմանիան առաջարկում են Թեհրանի միջուկային գործարքի շուրջ նոր բանակցություններ սկսել

Զորամասերից մեկի մարտավարական դաշտում անցկացվել է մարտական պատրաստության պարապմունք

«Airbus» ընկերության ներկայացուցիչները Հայաստանում կծանոթանան համագործակցության հնարավորություններին

Սպանված ոստիկան Տիգրան Առաքելյանի հոգեհանգիստը տեղի կունենա վաղը՝ Ոստիկանության ակադեմիայում

Դատական գործընթաց ենք սկսում՝ ատենախոսությանս շուրջ ստեղծված կեղծ աղմուկի եւ մեղադրանքների համար. Հայրապետյան

Շարունակվում են գերատեսչությունների բյուջետային հատկացումների հայտերի ուղղությամբ քննարկումները

Գնահատման կեղծ եզրակացությամբ պետական սեփականության գույքը մի քանի անգամ ցածր գնով օտարելու դեպքով քրգործ է հարուցվել

«Բարեփոխելով աշխարհը» կինոյի և հաղորդումների փառատոնի հատուկ մրցանակը շնորհվել է Արմեն Սարգսյանին

Վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչին

ԱԳ նախարար Զոհրաբ Մնացականյանը հանդիպել է ԵՄ հատուկ ներկայացուցիչ Տոյվո Կլաարի հետ

Հայոց լեզու, գրականություն և պատմություն առարկաների դասավանդումը բուհերում այլևս պարտադիր չի՞ լինի. ԿԳՄՍ-ն պարզաբանում է

Թուրքիան խոստանում է պատասխանել Թրամփի պատժամիջոցներին, ԱՄՆ-ը նշում՝ չեն ցանկանում փչացնել հարաբերությունները

Արմեն Գրիգորյանը ընդունել է Արցախի արտաքին գործերի նախարար Մասիս Մայիլյանին

Հայաստանը Ռուսաստանում գրանցել է ապրանքների ներմուծման ռեկերդային՝ 22% ցուցանիշ

Շուտով Երեւանից Միլան հնարավոր կլինի մեկնել 28 եվրոյով, Երեւանից Բեռլին՝ 40 եվրո 99 ցենտով. տոմսերն արդեն վաճառքում են

ՀՀ ոստիկանապետի ժ/պ-ի հրամաններով զոհված ու վիրավորված ոստիկանները պարգևատրվեցին

Մխիթարյանը շարք կվերադառնա մոտ 1 շաբաթից

Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ