Վերելակների ու թունավոր տանիքների խնդրի լուծումը Արթուր Մեսչյանը տեսնում է փոխկապակցված

Երեւանի գլխավոր ճարտարապետ Արթուր Մեսչյանը այսօր լրագրողների հետ հանդիպման ժամանակ անդրադարձավ նաեւ մայրաքաղաքի համար լրջագույն խնդիրն հանդիսացող ազբոշիֆերից տանիքներին ու վերելակներին՝ դրանց լուծումը տեսնելով փոխկապակցված: Մեսչյանը կարծում է, որ շենքերի գլխին «շատ տարօրինակ ձեւով բուսնած» մանսարդները պետք է միասնականացվեն:

«Դուք գիտե՞ք, որ մեր քաղաքի 43 տոկոսը ազբոշիֆերի տակ է: Հետո բողոքում ենք, որ հանրապետությունում քաղցկեղի տոկոսը շատ է, հիվանդությունները շատ են: Ազբոշիֆերը ամենաթունավոր նյութերից մեկն է: Մի կտոր ազբեստը, որ գտնում են որեւիցե երկրում, հատուկ ֆիրմա կա, որի աշխատակիցները գալիս են հատուկ համազգեստով, դիմակով, վերցնում են, հատուկ պայմաններում տանում են հեռու տեղ: Այսինքն՝ դա թույն է»,- նախ ընդգծեց Արթուր Մեսչյանը, ապա հավելեց, որ քաղաքային բյուջեի միջոցներով այդ տանիքները փոխելը հնարավոր չի լինի:

«Պետք է գտնել այնպիսի բիզնես պլան, որ եւ այդ հինգերորդ ճակատները՝  առանձին կառուցած անհասկանալի մանսարդները միավորվեն, դառնան մեկ ճարտարապետական էլեմենտ, եւ դրա շնորհիվ փոխվեն ծածկերը, ու այդ ազբոշիֆերից մենք պրծնենք»,- ասաց գլխավոր ճարտարապետը:

Հետո նաեւ անդրադարձավ վերելակներին՝ երկու խնդիրները կապելով միմյանց. «Բոլորը խոսում են վերելակների մասին, նույնիսկ ասում էին՝ այ եթե մենք հաղթենք, բոլոր վերելակները՝ այն ինչ որ չէր ֆռռում, կֆռռա, այն ինչ որ չէր բարձարանում, կբարձրանա եւ այլն: Չեմ հավատում, էլի, այդպիսի բաների, որովհետեւ դա սարսափելի մեծ ծախսերի հետ է կապված: Բայց խնդիրը ունի լուծում: Պատկերացրեք հինգերորդ ճակատը լինի, կոպիտ ասած, հողատարածք: Եթե մարդիկ, որոնք ապրում են վերջին հարկերում, չուզենան հավելյալ հարկ բարձրացնել եւ ուրիշը գա կառուցի իր բնակարանը, կարելի է պայմանավորվել, որ նա պետք է լուծի վերելակի հարցը»:

Այսինքն՝ բնակիչներին անհարմարություններ պատճառելով, փոշի եւ աղմուկ անելով Երեւանի կենտրոնում ի վերջո տուն ունենա, իսկ որպես փոխհատուցում բնակիչենրին ապահովի վերելակով:

Արթուր Մեսչյանը կարծում է, որ ճարտարապետության մեջ անլուծելի խնդիրներ չկան, թեպետ դրա համար անհրաժեշտ է ժամանակ: Նա նաեւ կարեւորում է, որ ունի անհրաժեշտ գործիքները, ազատությունն ու աջակցությունը քաղաքապետի եւ մյուս գերատեսչությունների կողմից, որպեսզի կարողանա արդյունավետ աշխատել: Նախորդներն, ըստ նրա, չեն ունեցել այդ ազատությունը եւ ճարտարեպատական ու քաղաքաշինական հարցերը հաճախ լուծվել են վերեւից եկող զանգերի ու պարտադրանքների միջոցով:  

Տպել
5360 դիտում

Շենգավիթում հնչած կրակոցների հետեւանքով մահացածը թաղային հեղինակություն է

Վարչապետը տիկնոջ եւ դուստրերի հետ մասնակցել է Գյումրու օրվան նվիրված տոնական միջոցառումներին (լուսանկարներ)

Այս տարի Գյումրին լինելու է Հայաստանի անկախության տոնակատարությունների կենտրոնը․Նիկոլ Փաշինյան

Գյումրիում մեկնարկել է քաղաքի օրվան նվիրված տոնական համերգը (լուսանկարներ, ուղիղ միացում)

Կրակոցներ Երեւանում․ կա 1 զոհ եւ վիրավորներ․ հայտնաբերվել են պարկուճներ, դանակներ․ Shamshyan.com

Գյումրին հայի համար աշխատասիրության, տաղանդի ու ոգու քաղաք է․ Կոմանդոսը մասնակցում է Գյումրու օրվա տոնակատարությանը

Հավանաբար այս տարվա ընթացքում կունենանք ժամանակացույցը՝ 2 տարի է, 3 թե 4․ Շիրակի մարզպետը՝ տնակների խնդրի մասին

Հենց նոր մի հետաքրքիր տեղեկություն իմացա. Նիկոլ Փաշինյան

Լարված վերջաբան Գյումրիում. Փյունիկը 1-3 հաշվով պարտվեց «Շիրակին»

Լուծարվող գիշերօթիկների աշխատակիցները վարչապետի հետ չկարողացան խոսել

Գյումրին պետք է դառնա Երեւանին մրցակից. Ֆելիքս Ցոլակյանը մասնակցում է Գյումրու տոնի միջոցառումներին (լուսանկարներ)

Մենք 21-րդ դարում ենք, բայց մեր ունեցած տեխնիկան 20-րդ դարի է. Ֆելիքս Ցոլակյան

Նիկոլ Փաշինյանը եւ Աննա Հակոբյանը պարում են Գյումրու Ռուսթավելի փողոցում (տեսանյութ)

Հոկտեմբերի 11-ին նախատեսված է Գյումրու ավտոմաքսատան բացումը․ Դավիթ Անանյան

Փաշինյանն ընտանիքի հետ մասնակցում է Գյումրու տոնի միջոցառումներին (ֆոտոռեպորտաժ)

«Քաղաքի օր» տոնակատարության շրջանակում շահագործման հանձնվեց Շիրազի փողոցը. բացմանը ներկա էր վարչապետը (տեսանյութ)

«Մալաթիա մոլի» շենքում բռնկված հրդեհը մարվել է

Գյումրու օրվա տոնական միջոցառումներին է միացել վարչապետ Նիկոլ Փաշինյանը (լուսանկարներ, տեսանյութ)

Գյումրին բոլոր հարցերում յուրահատուկ տեղ ունի․ ԱԺ փոխնախագահ Ալեն Սիմոնյանը մասնակցում է «Քաղաքի օր» միջոցառմանը

Չապնի եւ Սեւաքար գյուղերում անօդաչու թռչող սարքերով հետազոտվել են հրդեհի օջախները․ 110 բնակիչ տարհանվել է