Վանաձորի պետական համալսարանում ՀՀԿ-ականները ճնշում են ինձ, քանի որ հեղափոխության կողմնակից եմ. ամբիոնի վարիչ

Վանաձորի պետական համալսարանում մեկ ամիս առաջ կայացած պատմության ֆակուլտետի դեկանի պաշտոնի մրցույթի շուրջ կրքերը չեն հանդարտվում: Մրցույթը կայացել է 2 փուլով, ընտրված թեկնածուի հարցը դրվել է գիտխորհրդի հաստատման, որը, սակայն, չի հաստատվել:

Վանաձորի պետական համալսարանի փիլիսոփայության եւ քաղաքագիտության ամբիոնի վարիչ, դեկանի մրցույթին մասնակցած ու շատ ձայներ հավաքած Գագիկ Եթիմյանը ՀԺ-ի հետ զրույցում հայտնեց, որ իրեն համալսարանում ճնշում են իր քաղաքական հայացքների համար: Եթիմյանը հայտարարում է, որ այժմ ԲՈՒՀ-ում շարունակում է տիրել ՀՀԿ-ի իշխանությունը, եւ քանի որ ինքը ՔՊ-ից է, իր թեկնածությունը ոչ միայն չհաստատեցին, այլ նաեւ փորձում են իրենից ազատվել.

«Դեռեւս 1 ամիս առաջ հայտարարվել էր մրցույթ պատմության ֆակուլտետի դեկանի թափուր տեղի համար: Դիմեցի նաեւ ես՝ ունենալով ամբիոնի երաշխավորությունը: Մրցույթին մասնակցում էին նաեւ պատմության ամբիոնի վարիչ Ֆելիքս Մովսիսյանը, նույն ամբիոնից Յուրա Ղուլյանն ու  Մարիա Բրուտյանը: Ընտրությունն անցավ 2 փուլով. առաջին փուլով Մովսիսյան Ֆելիքսը հավաքեց 3 ձայն, Ղուլյան Յուրան եւս՝ 3, բայց իմ օգտին քվեարկած բյուլետեններից մեկը հայտնվել էր վերջինիս տրցակում, ես հավաքել էի 5, Մարիա Բրուտյանը՝ 7 ձայն: Առաջին 2 տեղերը զբաղեցրածներս անցանք 2-րդ փուլ: Նույն օրը կայացած 2-րդ փուլին ես հավաքեցի 9 ձայն, Մարիա Բրուտյանը՝ 8 ձայն: Հանձնաժողովի նախագահն արդյունքները ամփոփեց, իմ հաղթանակը հաստատվեց, ինձ շնորհավորեցին: Առավոտյան գալիս եմ աշխատանքի, մտնում ռեկտորի պաշտոնակատար Սուսաննա Թումանյանի մոտ, ինքը ինձ կրկին ոչինչ չի ասում, միայն շնորհավորում է, բայց հետո իմանում եմ, որ նախարարությունից զանգել ու ասել են, թե իրենց է ուղղարկվել իմ օգտին քվեարկած քվեաթերթիկի լուսանկար ու ասում են, որ ուսանողները դժգոհել են եւ ուզում են դասադուլ անել, բայց ոչ բողոքողը կա, ոչ դասադուլ անողը: Հետո ասեցին, որ նախարարություն ուղարկված բողոքի մեջ նաեւ նշվել է, որ ես ուսանողների վրա ճնշումներ եմ գործադրել, բայց ոչ բողոքող ուսանողը կա, ոչ դասադուլ անողը, ոչ էլ բողոքն եմ տեսել»,-պատմեց Գագիկ Եթիմյանը:

«Հարցը դրվեց գիտխորհրդի քննարկման ու հաստատման, Մարիա Բրուտյանը նիստում հայտարարեց, որ ինքը հավասար վիճակի մեջ չի եղել, եւ հետո՝ ես ճնշել եմ ուսանողներին, առաջարկեց չեղյալ համարել ընտրությունը: 9 հոգի քվեարկեց, որ հաստատեն ֆակուլտետի որոշումը, այսինքն իմ նշանակումը: 3-4 հոգի դեմ քվեարկեց իմ դեկան նշանակվելուն, մոտ 20 հոգի էլ քվեարկեց ձեռնպահ, ովքեր հստակ ուղղորդված էին ռեկտորի ժ/պ Թումանյանի կողմից: Այսինքն, ստացվեց, որ կարծիք չհայտնելով ընդունվեց որոշում՝ ընդունված որոշումը մերժելու համար»,- ասաց Եթիմյանը:

Գագիկ Եթիմյանն այս ամենը կապում է նախ իր քաղաքական հայացքների հետ. «Ես հարում եմ նոր հեղափոխության հայացքներին, որը նոր չէ, ես այս հանրապետական ռեժիմի դեմ արտահայտվել եմ բազմիցս, բոլորի մոտ, իսկ 2-րդը, որ ես դժվար կառավարելի մարդ եմ… ներկաների ճնշող մեծամասնությունը հանրապետական է, մյուս մասն էլ՝ դաշնակցական: Համալսարանը դեռեւս գտնվում է հանրապետականների կոշտ հսկողության տակ, ցանկացած որոշում կայացվում է նման դիրքերից»:

Գագիկ Եթիմյանը ԿԳՆ-ից խնդրում է՝ հնարավորինս շուտ լուծել ռեկտոր ունենալու հարցը: Եթիմյանը պատրաստվում է դիմել դատարան, քանի որ իրեն մերժելու որեւէ հիմք չկա:

Եթիմյանը հայտարարեց նաեւ՝ տարիներ ի վեր գիտխորհուրդը կայացրել է անօրինական որոշումներ. «Պատմության ամբիոնի վարիչ Ֆելիքս Մովսիսյանը էսօր թեեւ կրում է պրոֆեսորի կոչում, բայց նրա փաստաթղթերը ԲՈՀ-ի կողմից որոշած կանոնակարգին չեն համապատասխանում, նույն կերպ՝ պրոֆեսորի կոչումներ են տրվում մի քանի այլ մարդկանց եւս, ինչի պատճառով տարիներ շարունակ համալսարանին միլիոնավոր դրամի վնաս են պատճառում: Այս հարցը բազմիցս բարձրացրել եմ համալսարանում, բայց միշտ ականջի հետեւ են գցել: Ըստ Եթիմյանի՝ այս տարիներին ԲՈՒՀ-ը ավելի քան 20 մլն-ի վնաս է կրել:

ՀԺ-ի հետ զրույցում ՎՊՀ-ի պրոռեկտոր, ռեկտորի ժամանակավոր պաշտոնակատար Սուսաննա Թումանյանը հաստատեց, որ իսկապես նախարարություն ուղարկվել է Գագիկ Եթիմյանի օգտին քվեարկած քվեաթերթիկ. «Այդ քվեաթերթիկի լուսանկարը փակ ծրարի մեջ ինձ էլ է ներկայացվել, իսկ թե ով է արել՝ չգիտեմ, 6 քվեարկած ուսանողներից 3-ին կանչել եմ մոտս, որ ճշտեմ, թե ով է իրենց ճնշում, բայց վախեցած են ուսանողները, ոչինչ չեն ասում»:

Անդրադառնալով արդեն մրցույթին ու քվեարկությանը՝ Թումանյանն ասաց, որ արդյունքների մասին ինքը տեղեկացել է երեկոյան. «Ես այդպես էլ չեմ հասկանում, թե ինչ կեղծիքի մասին է խոսքը, ներկաները քվեարկել են դեմ, կողմ, ձեռնպահ, նրա ընտրությունը չի հաստատվել»:

Մեկնաբանելով Եթիմյանի այն հայտարարությունը, որ համալսարանը քաղաքականացված է, ասել է թե՝ ՀՀԿ-ի իշխանությունն է տիրում ներսում, եւ որ իրեն ճնշում են իր հայացքների համար, պատասխանեց, որ ինքը երբեւէ կուսակցականացված չի եղել. «Դա բացարձակ հերյուրանք է»:

Ինչ վերաբերվում է Եթիմյանի այն հայտարարությանը, որ տարիներ շարունակ համալսարանը պրոֆեսորի ապօրինի ու անօրինական կոչումներ է շնորհել մի շարք մարդկանց, պատասխանեց, որ միակ դեպքը, երբ պրոֆեսորի կոչում է շնորհվել, ու դա լայն քննարկում է ստացել, կապվել է Գագիկ Եթիմյանի անվան հետ. «Ի՞նչ ապօրինության մասին է խոսքը, թող անուն տա, գոյություն ունի ԲՈՀ, գոյություն ունի արխիվ, թող գան ստուգումներ իրականացնեն, թող կոնկրետ անուններ տա»:

Տպել
3203 դիտում

Հաստատվել է կորոնավիրուսային հիվանդության 282 նոր դեպք. առողջացել է 636, մահացել՝ 13 մարդ

ԱԻ նախարարի պաշտոնակատար Անդրանիկ Փիլոյանը Մոսկվայում հանդիպել է ՌԴ և Բելառուսի ԱԻ ղեկավարների հետ (տեսանյութ)

Հրդեհներ Երևանում, Արմավիրի և Գեղարքունիքի մարզերում. այրվել են շենք-շինություններ, մեքենաներ

Ռուսաստանի Դաշնությունը 3.2 մլն դոլար կհատկացնի Հայաստանին. Interfax

Սյունիքի և Գեղարքունիքի սահմանային որոշ հատվածներում ստեղծված իրադրությունը դեռևս չի հանգուցալուծվել. ՊՆ

ՀՀ տարածքում ավտոճանապարհներն անցանելի են

Արման Թաթոյանն աշխատակազմի հետ մեկնել է Գեղարքունիքի մարզ. կիրականացվի փաստահավաք աշխատանք

Վերին Շորժայի ուղղությամբ ադրբեջանցիների կողմից հայ զինծառայողներին շրջափակման մեջ վերցնելու լուրերը կեղծ են. infocheck

ԱՄՆ պետքարտուղարության պաշտոնյան մեկնել է Իսրայել, շարունակվող հրթիռակոծությանը զուգահեռ, սահմանին բողոքի ցույցեր էին

ՄԻՊ-ն առաջարկում է առաջ տանել Սյունիքի և Գեղարքունիքի շուրջ անվտանգության գոտի ստեղծելու հայեցակարգը

Ըստ անհրաժեշտության, Ֆրանսիան պատրաստ է նաև ռազմական աջակցություն ցուցաբերել. Նիկոլ Փաշինյան

ԱՄՆ պետդեպարտամենտը սադրանք է համարում Հայաստանի սահմանին Ադրբեջանի գործողությունները

Պիկասոյի «Պատուհանի մոտ նստած կինը» կտավը վաճառվել է 103 մլն դոլարով (լուսանկար)

ԱՍՀ նախարարությունում կայացել է միջգերատեսչական հանձնաժողովի նիստ

Արտաքին ագրեսիվ գործողության դեպքում ներքին քաղաքականությունը պետք է մեռնի, առաջարկում եմ ձևավորել կոնսենսուս. Ռուբինյան

Հայ-ադրբեջանական սահմանի իրավիճակի հարցով ՀԱՊԿ-ում առաջիկա օրերին քննարկումներ կլինեն

Ազգային ժողովն Ադրբեջանի գործողությունները դատապարտող հայտարարություն ընդունեց

ԱԻՆ փրկարարները ձեռք են բերել զինվորական հմտություններ. ռազմական համալսարանում նրանց հավաստագրեր են հանձնվել

Քաղաքացիական հասարակության կազմակերպությունների հայտարարությունը Հայաստանի տարածքային ամբողջականության խախտման մասին

Զինծառայողը երեկ ինքնակամ թողել էր զորամասի տարածքը և վերադարձել տուն, հաջորդ օրը ավտոտնակում հայտնաբերել են նրա դին. ՔԿ

Կարեն Գիլոյանը Լոռու մարզպետի ուղեկցությամբ ծանոթանում է մարզական ոլորտի խնդիրներին և զարգացման հնարավորություններին

Փոխանակ թշնամու ուղղությամբ լինեն ձեր կրակոցները,իշխանության ուղղությամբ են կրակոցները լինում. Սիմոնյանը՝ ընդդիմությանը

Ավելի քան վստահ եմ, որ Ամերիաբանկի առաջնային հրապարակային տեղաբաշխումը մեծ հաջողություն կունենա. Սաբինե Գաբեր

Այսօր թուրքը եկել, հասել է Սյունիք, հելել իրար ենք քննադատում. Սասուն Միքայելյան

Մհեր Գրիգորյանը և Քուբադ Թալաբանին քննարկել են տարբեր ոլորտներում փոխգործակցության զարգացման հնարավորությունները

Կախված իրավիճակից հնարավոր է ՀԱՊԿ խորհրդի նիստ կայանա. Արմեն Գրիգորյան

Կան տեղեր, որտեղ ադրբեջանական ԶՈՒ-ն լքել է հայկական տարածքները. Փաշինյանը բացատրեց՝ ինչու երեկ չի դիմել Պուտինին

Բունդեսթագի «Դաշինք 90/Կանաչներ» խմբակցությունը դատապարտել է Հայաստանի սահմանին Ադրբեջանի ապօրինի գործողությունները

Տիկին Զոհրաբյան, Զանգեզուրը իշխանությունները չեն հանձնել, չեն էլ հանձնելու. Անդրանիկ Քոչարյանը՝ Նաիրա Զոհրաբյանին

Նախընտրական քարոզչության հետ ասոցացվող ճանաչված պաստառները ենթակա են վերացման․ ԿԸՀ

Այսօր բանակցություններին միացել է Ռուսաստանի 102-րդ ռազմաբազայի ներկայացուցիչը իրենց աշխատանքային քարտեզներով. Փաշինյան

ՀԱՊԿ խորհրդի գործող նախագահ Էմոմալի Ռահմոնի կողմից արդեն իսկ տրվել են համապատասխան կարգադրություններ

Բուհերի վերաբերյալ Կառավարության նոր որոշումը Մանկավարժական համալսարանի ռեկտորը փիլիսոփայական է համարում

Հայկ Չոբանյանը ընդունել է Իրաքյան Քուրդիստանի փոխվարչապետին

Եթե ռուսները կանգնած չլինեին սահմանին, ինչքա՞ն ադրբեջանցիները կգային առաջ. Արման Աբովյան

Նիկոլ Փաշինյանն Ազգային ժողովում Սյունիքի հարցով արտահերթ ելույթ է ունենում

ՀՀ ոստիկանության պետն ընդունել է Հայաստանում Ճապոնիայի արտակարգ և լիազոր դեսպանին (տեսանյութ)

Զինված ուժերի մի շարք զորամասերում իրականացվել է մարտական հերթապահության հերթափոխ

Ինչո՞ւ կարևոր գերատեսչությունները, որոնց հարցեր ունենք, չեն մասնակցում նիստին. Թագուհի Թովմասյան

Հայտնաբերվել է ժամկետային զինծառայողի դի՝ կախված վիճակում