Շաբոյանների 14 հոգանոց ընտանիքին փոքր բնակարան հատկացվեց. մյուս ընտանիքների մասին կմտածեն

Երեւանի ավագանու այսօրվա նիստում որոշում է ընդունվել Արցախյան պատերազմի մասնակից Վիրաբ Շաբոյանի բազմազավակ ընտանիքին տրամադրել բնակարան՝ 10 տարի ժամկետով, անհատույց:

Շաբոյանների սոցիալական ծանր պայմաններին մամուլն անդրադարձել է բազմաթիվ անգամներ: Ընտանիքում 14 անձ է: Մինչեւ նախորդ տարեվերջ նրանք բնակվել են վարձով, հետո ստիպված են եղել պատսպարվել Նոր Նորքի Մոլդովական փողոցի վրա գտնվող հանրակացարաններից մեկի կիսանկուղում:

«Վիրաբ Շաբոյանը տաքսի է քշում, բայց իր ստացած եկամուտով չի կարողանում ընտանիքի համար գոնե տանելի պայմաններ ապահովել: Շաբոյանները չունեն տարրական կենցաղային իրեր, երեխաները ոտաբոբիկ են, չունեն հագուստ, կոշիկ»,- ժամանակին գրել էր լրատվամիջոցներից մեկը: «Ընտանիքը թեեւ 114 000 դրամ նպաստ է ստանում, բայց չի բավարարում երեխաներին հաց գնելու համար. «Մի մեշոկ ալյուրն արժի 14 000 դրամ։ Էդքան գումարով էսքան երեխաներին պահել կլինի՞»,- նրանց խոսքն էր փոխանցել մեկ այլ լրատվամիջոց, երբ ընտանիքում դեռ 13 անդամ կար:

Նույն հանրակացարանի շենքում էլ այսօր նրանց փոքրիկ բնակարան է հատկացվել՝ 34.6 քմ մակերեսով:

Երեւանի քաղաքապետարանի աշխատակազմի անշարժ գույքի կառավարման վարչության պետ Արսեն Ամյանը, ավագանու նիստում ներկայացնելով որոշման նախագիծը, նշեց. «Այս ընտանիքը, որոնցից 11-ն անչափահաս են, բնակվում էին վարձով, սակայն քանի որ ունեցել են այդ վարձը վճարելու խնդիր, բնակություն են հաստատել Մոլդովական փողոցի հ.29/4 շենքի բնակության համար չնախատեսված եւ պետական սեփականություն հանդիսացող կիսանկուղային տարածքում: Տրամադրվող տարածքը գտնվում է նույն շենքի երկրորդ հարկում եւ հնարավորություն կտա որոշակի առումով թեթեւացնելու եւ բարելավելու այս ընտանիքի բնակարանային հոգսը»:

«Իմ քայլը» խմբակցության անդամ Գայանե Աբրահամյանը նկատեց, որ ընտանիքը մեծ է, բնակմակերեսը՝ փոքր: «Ես ուզում էի ճշտել, թե չկա՞ր ավելի մեծ տարբերակ, քանի որ 34 քմ-ի մեջ 14 հոգու բնակությունը, ըստ էության, որեւէ կերպ չենք կարող պատկերացնել: Եվ արդյո՞ք ունենք տարբերակ որեւէ այլ բնակության վայր իրենց առաջարկելու կամ գոնե հետագայում փոխելու»,- ասաց նա:

Արսեն Ամյանը նկատեց, որ ամուսինը Վեդիից է, կինը՝ էջմիածնից, ապրել են Քաշաթաղում: Այսինքն՝ Երեւան համայնքը իրավական տեսակետից պարտավորություններից ազատ է: «Սա ավելի շատ մարդասիրական մոտեցում է այս ընտանիքի նկատմամբ: Նաեւ հաշվի առնելով այն հանգամանքը, որ նույն շենքում է գտնվում հատկացվող տարածքը, երկու տարածքն էլ իրենք օգտագործելու են»,- նշեց վարչության պետը՝ հավելելով, որ Շաբոյանների ընտանիքը սրանով չի մոռացվելու եւ հետագայում նրա հետ աշխատելու են սոցիալական ծառայությունները:

Առաջ քաշվեց այն խնդիրը, որ այսօրինակ դեպքերի համար ընթացակարգ ու առաջնահերթություններ սահմանված չեն ու հայտնի չէ՝ ինչպես են վարվելու, եթե նույնաբովանդակ այլ դիմումներ նույնպես ստացվեն:

Արսեն Ամյանը նիստի ընթացքում նաեւ տեղեկացրեց, որ քաղաքապետարանը նախաձեռնել է տարեկան ծրագրի շրջանակներում ունենալ նաեւ սոցիալական ծրագրերի բաղադրիչ, քննարկումներն արդեն սկսվել են: Քաղաքապետ Հայկ Մարությանն էլ հավելելով նշեց. «Պետք է մշակվի մեխանիզմ, որն, ամենակարեւորը, լինի արդար, թափանցիկ եւ հանրության կողմից ընդունելի: Մենք մշակում ենք մեխանիզմներ, որպեսզի մասնավորների հետ համագործաակցության արդյունքում ունենանք ավելի մեծ բնակարանային ֆոնդ»:

Տպել
1770 դիտում

Կապանի 28-ամյա բնակչուհին որոնվում է որպես անհետ կորած

Գյումրու մարզադպրոցում ապօրինություններ են բացահայտվել․ յուրացվել է մոտ 17 մլն դրամ

Ինքնաթիռում 3 ժամ տեւած ոչ ֆորմալ հանդիպում են ունեցել ՀՀ եւ ՌԴ ներկայացուցիչները. Ալեն Սիմոնյան

Վթար Երևան-Սևան ավտոճանապարհին.մեկ մարդ զոհվել է, մյուսի վիճակը միջին ծանրության է

Շիրակի մարզում իրականացվել է հատուկ «Ջութակ» օպերացիան. կան բերման ենթարկվածներ

Հանրապետության տարբեր հատվածներում ներգործության է ենթարկվել կարկտավտանգ 22 ամպ

Նիդերլանդների ներկայացուցիչը՝ «Եվրատեսիլ 2019»-ի հաղթող. երգիչը խոստովանել է, որ նույնասեռական է

Արմավիրում կանխվել է ավտոլվացման կետի աշխատակցի ինքնասպանությունը

Դատարանն այսօր ապացուցեց, որ ինքը անկախ է գործադիր եւ օրենսդիր մարմիններից, բայց հարցեր առաջացրեց․ Վահագն Թեւոսյան

Ապրում ենք նոր Հայաստանում՝ հին դատական համակարգով. Արեն Մկրտչյան

«5-րդ ալիքի» սեփականատեր Արմեն Թավադյանը չկալանավորվեց

Դատախազությունը կարող է բողոքարկել Քոչարյանին կալանքից ազատելու որոշումը. դատախազության պատասխանը՝ Քոչարյանի փաստաբանին

Կառավարությունում քննարկվել է Արտաքին տնտեսական գործունեության իրականացման սպասարկման կենտրոնների ներդրման նախագիծը

Վարչապետին զեկուցել են տրված հանձնարարականների կատարման ընթացքի մասին (լուսանկարներ)

ՃՈ տուգանքը 5 օրվա ընթացքում մուծելու դեպքում 30% զեղչ. «Իմ քայլ»-ի պատգամավորը միտք ունի նման նախագիծ մշակել

Դատական իշխանությունն օգտվում է լիակատար ազատությունից, մեկը մյուսին հաջորդող վճիռները դրա վկայությունն են․ Կարապետյան

Հայաստանի տարածքում երկրաշարժ է գրանցվել

Ռոբերտ Քոչարյանը դուրս է եկել «Երևան-Կենտրոն» քրեակատարողական հիմնարկից

Արմեն Սարգսյանը հեռախոսազրույց է ունեցել ԲԴԽ նախագահ Գագիկ Հարությունյանի հետ

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 80 անգամ