«Իմ քայլը» դաշինքի նախընտրական ցուցակում ընդգրկված է 9 լրագրող. ովքե՞ր են նրանք

«Իմ քայլը» դաշինքի նախընտրական ցուցակում տեղ են գտնել նաեւ մի շարք լրագրողներ, որոնք աշխատել եւ աշխատում են ամենատարբեր լրատվականներում: «Հայկական ժամանակ»-ն «Իմ քայլի» ցուցակից առանձնացրել է ութ լրագրողի: Վերջիններիս մասնագիտական գործունեությունը՝ ստորեւ:

Առաջին լրագրողը ցուցակում 24-րդ համարը զբաղեցնող անկուսակցական Գայանե Աբրահամյանն է, որն այս պահին նաեւ Երեւանի ավագանու «Իմ քայլը» խմբակցության անդամ է: Աբրահամյանը աշխատել է «Երկիր մեդիա» հեռուստաընկերությունում, «Armenianow.com» առցանց լրատվական կայքում, եղել է «Armenian International Magazine» (AIM) ամսագրի լրագրող, 2006թ․-ից մինչև օրս հանդիսանում է միջազգային «Eurasianet.org» (Նյու Յորք) պարբերականի եւ «One Magazine» (ԱՄՆ) ամսագրի հայաստանյան թղթակիցը, 2015թ.-ից թղթակցում է միջազգային «The Guardian» (Լոնդոն) պարբերականին:

Գայանե Աբրահամյանը

Ցուցակի հաջորդ լրագրողը 28-րդ համարը զբաղեցնող, «Քաղաքացիական պայմանագիր» կուսակցության անդամ Լուսինե Բադալյանն է: Նա եւս այս պահին հանդիսանում է Երեւանի ավագանու «Իմ քայլը» խմբակցության անդամ: Բադալյանը 1998 թվականից մինչ օրս աշխատում է ռադիոյում և հեռուստատեսությունում: Մասնավորապես՝ աշխատել է «Հանրային ռադիո», «Հայ ՖՄ», «Ռադիո Վան» ռադիոկայաններում եւ «Հանրային հեռուստատեսություն», «Հ2» , «Կենտրոն TV», «Երկիր Մեդիա», «1in.am» հեռուստաընկերություններում: 

Լուսինե Բադալյանը

«Իմ քայլը» դաշինքի նախընտրական ցուցակում պատգամավորի թեկնածու է նաեւ «Հայկական ժամանակ»-ի նախկին լրագրող Վահագն Հովակիմյանը: 33-րդ համարը զբաղեցնող Հովակիմյանը 1998թ. սեպտեմբերից 1999 հունիսը աշխատել է «Օրագիր» օրաթերթում, ապա մինչեւ 2013-ի նոյեմբերը՝ «Հայկական ժամանակ» օրաթերթում, լուսաբանել դատաիրավական, ընտրական եւ տնտեսական թեմաներ: 2014-ին աշխատել է նաեւ panorama.am կայքում՝ որպես խմբագիր, 2014-ից 2016-ի նոյեմբերը՝ «Ժողովուրդ» օրաթերթում՝ որպես գլխավոր խմբագրի տեղակալ:

Վահագն Հովակիմյանը

Ցուցակի 45-րդ համարը «Հայկական ժամանակ» օրաթերթի ներկա տնտեսական լրագրող, անկուսակցական Հայկ Գեւորգյանն է:

Հայկ Գեւորգյանը

«Ժողովուրդ» օրաթերթի գլխավոր խմբագիր Թագուհի Թովմասյանը եւս ընդգրկված է «Իմ քայլը» դաշինքի նախընտրական ցուցակում, զբաղեցնում է 68-րդ համարը: Թովմասյանն աշխատել է նաեւ «Իրավունք» թերթում, ապա 2004-ից 2006 թվականի հոկտեմբերը՝ «Չորրորդ իշխանություն» թերթում:

Թագուհի Թովմասյանը

Ցուցակի հաջորդ լրագրողը 71-րդ համարը զբաղեցնող Բաբկեն Թունյանն է: Վերջինս 168.am կայքի տնտեսական բաժնի խմբագիրն է: Թունյանն աշխատել է Հայկական Կարմիր խաչի ընկերությունում, «3 Միլիոն» ամսագրում, TV5 հեռուստաընկերությունում, BBC Parliament-ում անցել է փորձաշրջան։ 2005 թվականից «168 ժամ» թերթում եւ 168.am կայքում աշխատում է որպես տնտեսական մեկնաբան:

Բաբկեն Թունյանը

Ցուցակի 75-րդ համարը Վահագն Թեւոսյանն է՝ Հանրային հեռուստաընկերության լրատվական եւ վերլուծական հաղորդումների տնօրենը: Թեւոսյանը աշխատել է «Օրագիր» եւ «Հայկական ժամանակ» թերթերում, վերջինում որպես փոխխմբագիր: 2010-ին եղել է «Հրապարակ» օրաթերթի կայքի խմբագիր, 2008-2010 թթ. ղեկավարել է «Ռադիո Հայ» ռադիոկայանի լրատվական ծառայությունը: 2011-2015 թթ. ղեկավարել է «Արմնյուզ» հեռուստաընկերության, իսկ 2015-2017 թվականներին՝ «Արարատ» հեռուստաընկերության հեռուստահաղորդումների խմբագրական աշխատանքները: Մինչ Հանրային հեռուստաընկերություն տեղափոխվելը եղել է Վայրի բնության և մշակութային արժեքների պահպանման հիմնադրամի հանրային կապերի պատասխանատուն:

Վահագն Թեւոսյանը

«Իմ քայլը» դաշինքի նախընտրական ցուցակի մյուս լրագրողը «Ազատություն» ռադիոկայանից Սիսակ Գաբրիելյանն է: Բացի «Ազատություն»-ից՝ վերջինս որոշ ժամանակ աշխատել է նաեւ «Ա1+» լրատվականում: Սիսակ Գաբիելյանը զբաղեցնում է «Իմ քայլի» ցուցակի 67-րդ համարը:

Սիսակ Գաբրիելյանը

Եւ վերջին լրագրողը 132-րդ համարը զբաղեցնող Կարինե Հարությունյանն է: Վերջինս 1990-ականներին թղթակցել է «Ավանգարդ», «Մունետիկ», Անդրադարձ», «Հայք», «Ասպնջակ» թերթերին, 1993-2002 թթ. աշխատել է «Հայաստանի Հանրապետություն» օրաթերթում: 2002-2003 թթ. աշխատել է «Օրրան» օրաթերթում, 2005-2006 թթ.՝ «Չորրորդ իշխանություն» թերթում: Հարությունյանը 2013 թվականին աշխատել է «Irates.am» կայքում, 2014-2015-ը եղել է «Azatamart.am» կայքի խմբագիր: Այժմ պատմաբան, պրոֆեսոր, դիվանագետ Ժիրայր Լիպարիտյանի պաշտոնական կայքի համակարգողն է:

Կարինե Հարությունյանը

 

Տպել
4312 դիտում

Վանաձորում հնչած կրակոցները վրեժի հետեւանք են. հրազենային վիրավորում ստացածը նոր էր ազատվել բանտից

Պարզվել է Վանաձորում 27-ամյա երիտասարդի նկատմամբ սպանության փորձ կատարած անձի ինքնությունը. ՔԿ

21-րդ դարում 30 աշակերտ օգտվում է 19-րդ դարի զուգարանից. Սիփան Փաշինյանը՝ Տավուշի 3 գյուղերի դպրոցների խնդրի մասին

Այս տարի ԿԲ կողմից գնված արտարժույթը հասավ 398 միլիոն դոլարի. սա շատ լավ նորություն է. վարչապետ

Ադրբեջանում «Երեւան» անունով ֆուտբոլային ակումբ է բացվել

Ինչ եմ ցանկանում լսել Փաշինյանի ՄԱԿ-ի ելույթում

Ոստիկանության պետի ու ԱԱԾ նախագահի ժամանակավոր պաշտոնակատարները նշանակվեցին

Վրաստանն օգոստոսին կորցրել է զբոսաշրջիկներից ստացվող եկամուտների 10 տոկոսը

Վրաստանում հայալեզու դպրոցների դասագրքերում գրված են ադրբեջաներեն տեքստեր (լուսանկարներ)

Ռեկտորը պնդում է՝ կոնսերվատորիայի միջոցառումը սատանիստական չէր

ՊԵԿ-ը կանխել է ԵԱՏՄ պետություններից կեղծ հաշվարկային փաստաթղթերով ապրանքների ներկրման դեպք

«Պատերազմական գործողություն» է. Փոմփեոն՝ Սաուդյան Արաբիայի նավթային օբյեկտների վրա հարձակման մասին

Պարապ եմ համարում բոլոր քննադատությունները. Տեր Վահրամը՝ Կարապետյանների մեծադիր կտավի մասին

Անելու եմ այնպես, որ հանդիսատեսը հարցերով դուրս գա դահլիճից. Սերժ Մելիք-Հովսեփյանը նոր ներկայացում է բեմադրել

ՄԱԿ-ի Անվտանգության խորհուրդը այսօր Սիրիայի վերաբերյալ երկու բանաձև կքվեարկի

Մանվել Գրիգորյանի ունեցվածքը ինչի՞ չեք վաճառում, օգնում մայրերին․ վարչապետը՝ Գրիգորյանի նախկին օգնականին

Ինչ-որ փուլում վարչապետ Նիկոլ Փաշինյանն էլ կարող է դիմել Վճռաբեկ դատարան՝ Մարտի 1-ի գործով արդարացման դատավճռի համար

Ծառայում ենք ուշադիր, զգոն և ոչ ենք ասում անտարբերությանը. ոստիկանության պետի ժամանակավոր պաշտոնակատար (տեսանյութ)

Հայաստանն ու Չինաստանը քննարկել են էկոտուրիզմի ոլորտում համագործակցության հարցեր

Ջոն Բոլթոնը դռնփակ հանդիպմանը քննադատության է ենթարկել Թրամփի արտաքին քաղաքականությունը. Politico