Սուրենի առաջարկի մասին մտածելու բան չունեմ. Համազգայինի կոնֆլիկտը գնալով նոր անձանց է ներգրավում

Սոս Սարգսյանի անվան համազգային թատրոնում դեկտեմբերի 1-ից գործադուլ է: Պատճառը, ինչպես ավելի վաղ հայտարարվել էր, Համազգայինի տնօրեն Վիգեն Չալդրանյանի կողմից թատրոնի ոչ ճիշտ կառավարումն է: Թատրոնի աշխատակազմի բողոքները եւ մոտ մեկ ամիս առաջ սկսված լարվածությունը կարծես թե հանգուցալուծում չեն ստանում: Ավելին, այն գնալով նոր անձանց է ներգրավում: Խոսքը նորանշանակ գեղարվեստական ղեկավար Սուրեն Շահվերդյանի մասին է:

Շահվերդյանն առաջարկում է «քայլ անել» եւ միասին հաղթահարել ստեղծված իրավիճակը, սակայն հարց է՝ դերասանները քայլ կանե՞ն, նրանք այդ ուղղությամբ մտածել անգամ չեն ուզում:

Սուրեն Շահվերդյանը «Հայակական ժամանակ»-ի հետ զրույցում ասաց, որ արդեն մտածել է ընկերների առաջարկի մասին, որոնք խոստացել են հովանավորել Համազգայինի ներկայացումները. «Նրանք ինձ հարցնում էին, թե մոտավորապես ինչքա՞ն գումար է պետք նորմալ բեմադրություն անելու համար: Ես այս ամենը ցանակնում եմ դերասանների հետ քննարկել»:

Մեր հարցին, թե ստեղծված կոնֆլիկտային իրավիճակը չի՞ խանգարում ավելի հանգիստ եւ լավ տրամադրությամբ աշխատանքը սկսելուն, գեղարվեստական ղեկավարը նկատեց, որ իսկապես խանգարում է, սակայն միաժամանակ ընգծեց, որ փորձում է ձեռք մեկնել տնօրեն Վիգեն Չալդրանյանին:

«Երբ նա ինձ խնդրեց, որ միասին դուրս գանք այս իրավիճակից, ես ուղղակի չկարողացա հրաժարվել: Այն մարդը, որն իսկապես կարիք ունի, որ իրեն ձեռք մեկնեն՝ ես մեկնում եմ, անգամ իմ բեմադրած ներկայացումներն են այդպիսին»,-ասաց Շահվերդյանը:  

Վերջինիս խոսքով՝ Ֆինանսապես եւ տեխնիկապես ամեն ինչ կապահովի եւ ամեն կերպ կաջակցի թատրոնին եւ կփորձի լուծել ծագած խնդիրները: «Ես փորձում եմ քայլ անել եւ սպասում եմ, որ ինձ հետ միասին քայլ կանեն նաեւ դերասնները: Ես եկել եմ այս թատրոն, որպեսզի ժողովրդավարություն բերեմ ինձ հետ: Մենք մի մեծ ընտանիք ենք: Այսպես թշնամանալով ոչնչի չենք հասնի»,-վստահեցրեց լավատեսական հովերով լցված նոր գեղարվեստական ղեկավարը:

Սակայն նույնն ասել դերասանական կազմի մասին այս պահին անհնար է: Երբեմնի հանդուրժողականությունն ու հանուն թատրոնի զիջումների գնալն այսօր անիրատեսական է թվում: «Հայկական ժամանակ»-ի հետ զրույցում դերասանները վստահեցրեցին՝ գործադուլն ուժի մեջ է, շարունակվելու է այնքան, մինչեւ չհասնեն իրենց ուզածին, այն է՝ Չալդրանյանի հրաժարականին:

Մշակույթի փոխնախարար Նազենի Ղարիբյանը «Հայկական ժամանակ»-ին ասաց, թե դերասանների հետ քննարկումից հետո գործադուլը ժամանակավորապես սառեցված է եւ որ նրանք ընդհանուր հայտարարի են եկել՝ սպասելու են մինչեւ մշակույթի նախարար Լիլիթ Մակունցն արձակուրդից վերադառնա: Փոխնախարարի այս հայտարարությունը աշխատակազմը հերքեց: Փոխզիջումների գնալը կտրուկ բացառեց:

Կոնֆլիկտի կիզակետում հայտնված գեղարվեստական ղեկավարը եւս կարծիք հայտնեց, որ ամեն ինչ հարթեցված է, մնում է դերասանների հետ համատեղ քննարկել հետագա անելիքները:

Շահվերդյանը հայտնեց, որ Ֆեյսբուքյան էջում գրառում է կատարել եւ առանձնահատուկ դիմել Համազգային թատրոնի դերասնուհի Նարինե Գրիգորյանին: Շահվերդյանի առաջարկում ասված է. «Բարձր գնահատելով Նարինե Գրիգորյանի եւ՛ դերասանական, եւ՛ ռեժիսորական կարողությունները՝ հրաժարվում եմ, իբրեւ ռեժիսոր, առաջինը ներկայանալ Համազգայինի բեմում սեփական նախագծով: Նարինե Գրգորյանին առաջարկում եմ բեմադրել ցանկացած պիես՝ ցանկացած ստեղծագործական կազմով: Իմ կողմից պարտավորվում եմ ստեղծել աշխատանքային բարենպաստ միջավայր, ապահովել ֆինանսական հոսքեր, եւ անշուշտ, նպաստել ներկայացման հանրահռչակման գործընթացին:

Նարինե Գրիգորյանից հետաքրքրվեցինք՝ արդեն հասցրե՞լ է մտածել նոր գեղարվեստական ղեկավարի առաջարկի մասին, եւ արդյո՞ք քննարկել է դերասանական կազմի հետ:

«Սուրենի առաջարկի մասին մտածելու բան չունեմ, այդ առաջարկն ինձ միշտ է արվում, իսկ Համազգայինում պարոն Չալդրանյանն է ընձեռել այդ հնարավորությունը: Ես այդ հնարավորությունն ունեցել եմ միշտ: Ուղղակի այս պահին ես ներկայացում կանեմ միայն այնտեղ, որտեղ համոզված կլինեմ, որ բոլոր օղակները պահպանելու են այդ ներկայացումը»,-ասաց դերասանուհին:

Նարինե Գրիգորյանը նկատեց՝ չի ցանականում ներկայացում անել, որը հետագայում ստիպված է լինելու արյան գնով պահպանել: Վերջինս հայտնեց, որ արդեն երկու տարի է՝ Համազգային թատրոնում որեւէ ներկայացում չի արել: Ասում է՝ ներկայացում բեմադրելուց առաջ պետք է վստահ լինես, որ տնօրենից ինչ պահանջես՝ կստանաս:

Տպել
1819 դիտում

Մոսկվա է մեկնել ՀՀ ԶՈՒ գլխավոր շտաբի աշխատանքային խումբը

Լոռու մարզպետը դատի է տվել նախկին լրագրողին՝ ֆեյսբուքում իրեն վիրավորելու համար

Հերքում եմ, որ խմբակցության հանդիպման ընթացքում ԲԴԽ կամ ՍԴ կառույցները ցրելու մասին խոսակցություն է գնացել. Մակունց

Մխիթարյանը խոսել է իր ընտանիքի հետ ու որոշել չգնալ Բաքու. ասել է թիմի գլխավոր մարզիչը

Վարույթը կասեցված եւ ՍԴ ուղարկված դատական ակտի դեմ հնարավոր է վերաքննիչ բողոք ներկայացնել. դատախազություն

Հնարավոր կլինի հանցագործության մասին անանուն հաղորդումներ ներկայացնել

Միջազգային մամուլը լի է Մխիթարյանի մասին նյութերով. երկրպագուները պահանջում են բոյկոտել ԵԼ-ն

2018-ի հունվար-ապրիլ ամիսներին Երեւանի քաղաքապետին սպասարկող ավտոմեքենան ծախսել է 5200 լիտր բենզին. Կարապետյան

Մրցավար Արտակ Սիմոնյանը որակազրկվել է. խաղի ժամանակ ակնհայտ սխալ որոշում է կայացրել

Նախատեսված է 7-ից 100 տարեկան երեխաների համար. լույս է տեսել Երեւանի մասին գրված առաջին հեքիաթաշարքը

ԿԳ նախարարը տնօրեններին հրահանգել է փաստաթղթերն ընդունել ամեն օր. որոշ դպրոցներում տեղերը սպառվել են

Նախկինները հենց այնպես չեն զիջելու իրենց վերջին փրկօղակը

Հորդորում ենք լինել օբյեկտիվ. ՀՀ ոստիկանությունն անդրադարձել է անփաստարկ քննադատական հայտարարություններին

Ավտոմեքենան դուրս է եկել ճանապարհի երթևեկելի հատվածից և կողաշրջվել. կա տուժած

Տիգրան Ավինյանը հանդիպում է ունեցել Ուկրաինայի նորընտիր նախագահ Զելենսկիի հետ

Դ. Տոնոյանը Վանաձորում 48 բնակարանների բանալիներ է հանձնել սպաների ընտանիքներին (լուսանկարներ)

Մեր տեսլականն է Հայաստանը դարձնել երկիր, ուր տաղանդը զարգացնելու անսահմանափակ հնարավորություններ կան. վարչապետ

ՈՒԵՖԱ-ի կարծիքը Մխիթարյանի վերաբերյալ «Արսենալի» որոշման մասին. ըստ The Sun-ի՝ պաթետիկ պատասխան է

Հ. Արշակյանի գլխավորած պատվիրակությունը Տալլինում մասնակցում է էլեկտրոնային կառավարման 5-րդ համաժողովին

30 տարվա վագոն-տնակը մինչև տարեվերջ կմնա անցյալում