0038 գաղտնի հրամանը որեւէ կապ չունի Մարտի 1-ի իրադարձություննեի հետ, Քոչարյանն էլ հրամանից տեղյակ չի եղել. պաշտպան

Վերաքննիչ քրեական դատարանը 5 օր տեւած բողոքի քննությունից հետո այսօր հեռացավ խորհրդակցական սենյակ՝ Ռոբերտ Քոչարյանի խափանման միջոցի վերաբերյալ որոշում կայացնելու: Որոշումը կհրապարակվի դեկտեմբերի 7-ին, ժամը 16:00-ին:

Եթե դատարանը մերժի պաշտպանական կողմի բողոքները, ապա Քոչարյանը կկալանավորվի: Պաշտպանները նաեւ միջնորդել են դատարանին՝ Սահմանադրական դատարան դիմելու վերաբերյալ, ուստի, չի բացառվում՝ դատարանը գտնի, որ անհրաժեշտ է դիմել Սահմանադրական դատարան:

Մասնավորապես, պաշտպանները այսօր միջնորդություն են ներկայացրել, որպեսզի դատարանը դիմի Սահմանադրական դատարան՝ քննարկելու՝ արդյոք առանց ապացույցների թույլատրելիությունը գնահատելու, կարող է քննարկվել կալանքի հարցը եւ համապատասխան որոշում կայացվել: «Հարց ենք բարձրացնում, թե արդյո՞ք կարող է դատարանը վարույթն իրականացնող մարմնի միջնորդության հիման վրա անձին կալանավորելու վերաբերյալ որոշում կայացնել, հիմք ընդունել ապացույց չհամարվող նյութեր»,- լրագրողների հետ զրույցում ասաց Քոչարյանի պաշտպաններից Արամ Օրբելյանը:

Միաժամանակ պաշտպանները միջնորդել են, որպեսզի դատարանը դիմի Սահմանադրական դատարան՝ Քոչարյանին մեղսագրող 300 եւ 300.1 հոդվածների սահմանդրականության հարցը որոշելու համար: Դատարանը այս միջնորդություններին կանդրադառնա Քոչարյանի խափանման միջոցի վերաբերյալ որոշում կայացնելիս:

Քոչարյանի պաշտպաններից Հայկ Ալումյանն էլ մեր հարցին ի պատասխան ասաց, որ նիստին ներկա Գլխավոր դատախազ Արթուր Դավթյանը ակտիվ մասնակցում էր եւ պաշտպաններից ցանկացած միջնորդության վերաբերյալ ակտիվ առարկում էր. «Նույնիսկ, եթե խնդրում էինք երկու րոպեով ընդմիջել, որ գնանք զուգարան»,- հավելեց Ալումյանը:

Մյուս պաշտպան Արամ Օրբելյանն էլ նշեց, որ այսօր դատարանում Քոչարյանը եւս ելույթ է ունեցել, որը կապված է եղել դատախազության կողմից ներկայացված առարակությունների հետ: Ճշտող հարցին ի պատասխան Օրբելյանն ըստ էության չհերքեց, որ Քոչարյանը արձագանքել է հենց գլխավոր դատախազի առարակություններին: Երեկ մեծ մասմաբ բողոքների վերաբերյալ առարկություններով հանդես է եկել հենց գլխավոր դատախազը:

Լրագրողներն այսօր եւս հետաքրքվեցին 0038 գաղտնի հրամանի մասին: Բանն այն է, որ պաշտպանական կողմը պնդում է, թե Ռոբերտ Քոչարյանը տեղյակ չի եղել 0038 գաղտնի հրամանի մասին: Հիշեցնենք, որ այդ հրամանն արձակվել է փետրվարի 23-ին տեղի ունեցած խորհրդակցությունից հետո՝ ՀՀ պաշտպանության նախարար Միքայել Հարությունյանի հրամանով:

Օրբելյանը հայտարարեց, որ Քոչարյանը 0038 գաղտնի հրամանի տեքստի պարունակությանը տեղյակ չի եղել: Ըստ նրա՝ նախարարները, որպես այդպիսին, հրամանները չեն ուղարկում նախագահին, որովհետեւ եթե բոլոր նախարարները բոլոր հրամաններն ուղարկեն նախագահին, ապա նա որեւէ այլ գործունեություն չէր կարող ծավալել:

Լրագրողների դիտարկմանը՝ այսինքն, երկրի գերագույն գլխավոր հրամանատարը չգիտե՞ր, որ բանակը մասնակցում է ներքաղաքական զարգացումներին, Օրբելյանը պատասխանեց, որ դռնփակ նիստում քննվող ապացույցները չի մեկնաբանելու: Ըստ նրա՝ նախաքննական մարմնի պնդումն է, որ  բանակը ներգրավվել է 2008-ին տեղի ունեցած այդ գործընթացներին: Պաշտպանի խոսքով՝ Զինված ուժերի հետ կապված իրարից անկախ երկու էպիզոդներ կան, մեկը վերաբերում է փետրվարի վերջին տեղի ունեցած գործընթացներին, մյուսը՝ մարտի 1-ին օրվա երկրորդ կեսին արտակարգ դրություն հայտարարելու մասին որոշմամբ այդ թվում նաեւ Զինված ուժերին հասարակական կարգի պահպանման ֆունկցիա տալուն:

Օրբելյանը նաեւ ասաց, թե ՀՔԾ պետի եւ ԱԱԾ տնօրենի հայտնի հեռախոսային խոսակցության գաղտնալսման մեջ պարզ է դառնում, որ Քոչարյանը հրամանի մասին չգիտեր: Ապա նա մեջբերեց ԱԱԾ տնօրենի եւ ՀՔԾ պետի հեռախոսային խոսակցությունից մի հատված. «Արթուր Վանեցյանը Սասուն Խաչատրյանից հարցնում է, թե Քոչարյանն ինչ ասաց, երբ տեսավ հրամանը, նա չի ասում, թե Քոչարյանը հրամանի մասին տեղյակ է եւ Սասուն Խաչատրյանը ելնում է այն կանխավարկածից, որ Քոչարյանը դրա մասին գիտեր եւ պատասխանում հենց այդպես՝ «ապեր ինքը դրա մասին գիտեր»»: Օրբելյանը նշեց, որ երբ պարզ կլինի՝ հրամանն ում կողմից է ընդունվել, ինչ հանգամանքներում, ինչ պայմաններում, ում հետ է քննարկվել եւ բազմաթիվ այլ հարցեր պարզաբանված կլինեն, դրանից հետո նոր կարելի է հրամանի բովանդակության վերաբերյալ հետեւություններ անել:

Քոչարյանի պաշտպանը պնդեց, որ խնդիրն էլ հենց այն է, որ 0038 գաղտնի հրամանը որեւէ կապ չունի Մարտի 1-ի իրադարձությունների հետ: Ըստ նրա՝ փորձ է արվում փետրվարի 23-ի խորհրդակցությունը կապել Մարտի 1-ի իրադարձությունների հետ, բայց դրանք միմյանց հետ առնչություն չունեցող գործընթացներ են: Մեր դիտարկմանը, որ գաղտնի հրամանն արձակվել է հենց փետրվարի 23-ի խորհրդակցությունից հետո, Օրբելյանն ասաց, թե իրեն նման տեղեկություններ հայտնի չեն:

Նշենք, որ այսօր մեղարդող դատախազներից Վահագն Մուրադյանը լրագրողներին խոստացել էր նիստի ավարտին պատասխանել հարցերին: Ավարտից հետո, սակայն, Մուրադյանը շտապեց հեռանալ՝ այդպես է չպատասխանելով լրագրողների հարցերին:

Հիշեցնենք, որ 2008-ի փետրվարի 23-ին Ռոբերտ Քոչարյանի մոտ տեղի են ունեցել ուժային կառույցների ղեկավարների եւ ՀՀ ՊՆ հրամկազմի հետ անցկացված հայտնի խորհրդակցությունները:

Քոչարյանն այժմ մեղադրվում է սահմանադրական կարգը տապալելու համար: 

Առաջին ատյանի դատարանը նրա նկատմամբ խափանման միջոց էր ընտրել կալանավորումը, սակայն Վերաքննիչ դատարանի որոշումից հետո Քոչարյանն ազատ է արձակվել բացառապես անձեռնմխելիության հիմքով: Վճռաբեկ դատարանը նոյեմբերի 15-ին բեկանել է Ռոբերտ Քոչարյանի նկատմամբ ընտրված խափանման միջոց կալանավորումն անձեռնմխելիության հիմքով վերացնելու վերաբերյալ Վերաքննիչ դատարանի որոշումը, եւ գործն ուղարկվել է նույն դատարան՝ նոր քննության:

Տպել
2765 դիտում

«Արևիկ» ազգային պարկի տարածքում բռնկված կրակի շիջման աշխատանքները դադարացվել են․ սահմանվել է հերթապահություն

Մհեր Գրիգորյանն ընդունել է Անդրեա Վիկտորինին

Ռուստամ Բադասյանը հանդիպել է ՌԴ դաշնային հարկային ծառայության ղեկավարի հետ

Իրանը պետք է շարունակի դիտարկել Հայաստանը որպես տարանցիկ երկիր, բեռների փոխադրումը կանգ չի առնելու. Սուրեն Պապիկյան

Ակնալիճ գյուղում հայտնաբերվել է 2 ականանետի ական

Գյումրու թիվ 4 արհեստագործական պետական ուսումնարանում բացվել է բարեգործական խոհանոցային սրահ

Աշխատանքային քննարկում է անցկացվել աուդիտորական կազմակերպությունների ներկայացուցիչների մասնակցությամբ

Հայաստանը և Եվրապոլը համաձայնագիր են ստորագրել. Եվրապոլ կգործուղվի կապի սպա (տեսանյութ)

«Աշխարհն առանց թափոնների». Երևանի 50 դպրոց սկսում է տեսակավորել թափոնները (տեսանյութ)

Մեր նպատակը որակյալ կրթություն տրամադրելն է, այլ ոչ թե ապահովել, որ բոլորը դառնան բուհի ուսանող․ Կարեն Թռչունյան

ԱՀԿ-ն կասեցրել է «Սպուտնիկ Վի» պատվաստանյութի գրանցման գործընթացը

Հայտնի են Golden Boy մրցանակի հավակնորդները. նրանք 40-ն են

Վերանորոգված «Շիրակ» օդանավակայանն այսօր կընդունի առաջին չվերթը. դեպի Եվրոպա ևս չվերթներ կիրականացվեն (լուսանկարներ)

ԵՄ աջակցությունը շարունակական կլինի․ Վահագն Խաչատուրյանն ընդունել է Անդրեա Վիկտորինին

Օրերս կշրջեմ համայնքի բնակավայրերում, մանրամասն կծանոթանամ խնդիրներին. Գեղարքունիքի մարզպետը՝ բնակիչների ակցիայի մասին

Սամբոյի և ձյուդոյի օլիմպիական մանկապատանեկան մարզադպրոցն այսուհետ կրում է Լևոն Հայրապետյանի անունը

Ովքեր են 2021 թվականի 100 ամենաազդեցիկ մարդիկ. Time-ը ցանկ է հրապարակել

ԱՄՆ վարչակազմը շարունակելու է սերտ համագործակցությունը Հայաստանի իշխանությունների հետ․ ԱԺ նախագահն ընդունել է դեսպանին

Քաղաքական ուժերը հրավիրվել են վիճակահանության. թիվ 31 ՏԸՀ-ն ավարտել է գրանցման գործընթացը

Շիրակի մարզպետը մեր ամենացանկալի թեկնածուն էր, ՔՊ-ն Գյումրիում ակտիվ քարոզարշավ կիրականացնի. Սուրեն Պապիկյան

Մարդու իրավունքների պաշտպանը ԵԽ բիոէթիկայի բաժնի ղեկավարի հետ քննարկել է համատեղ իրականացվող ծրագրի մանրամասներ

Արմեն Գյոզալյանը նշանակվել է Հատուկ բանակային կորպուսի շտաբի պետ-կորպուսի հրամանատարի տեղակալ

Սուրեն Պապիկյանը ծանոթացել է «Հյուսիս-հարավ» ավտոճանապարհի կատարված և ընթացքի մեջ գտնվող ասֆալտապատմանը

Պատվաստումը համավարակի դեմ պայքարի հիմնական միջոցն է. նախագահ Արմեն Սարգսյանը հանդիպել է ԱՀԿ գլխավոր տնօրենի հետ

Երևանում կայացել է ԵԱՏՄ պետությունների իրավասու մարմինների ղեկավարների և ԵՏՀ կոլեգիայի անդամի «5+1» խորհրդակցությունը

Ագարակի այգիներում մեկ ամիս է՝ ջուր չի հասնում, բերքը չքաղած՝ չորացել է. ՋՕԸ պետի խոսքով՝ փորձում են իրավիճակը փրկել

Ռալֆ Յիրիկյանը «Առաջնորդության դպրոցի» ուսանողներին ներկայացրել է Վիվա-ՄՏՍ-ի փորձը կառավարման ոլորտում (լուսանկարներ)

Տրակտորի վարորդը ձերբակալվել է անչափահաս աղջկան վրաերթի ենթարկելու կասկածանքով

ԱԺ նախագահը բարոնուհի Քերոլայն Քոքսի հետ քննարկել է Ադրբեջանի կողմից պահվող ռազմագերիների, քաղաքացիական անձանց խնդիրը

Տարօրինակ է, որ շատերը, այդ թվում՝ Հռոմի կաթոլիկ եկեղեցու որոշ կարդինալներ, հրաժարվում են պատվաստվել. Հռոմի պապ

Դատարանը կրկին մերժել է Երևանի թիվ 122 դպրոցի նախկին տնօրեն Մարինե Մալախյանին կալանավորելու միջնորդությունը

Զոհված զինծառայողների հարազատները խորհրդատու կաշխատեն պատերազմի մասնակիցների ընտանիքների հետ (տեսանյութ)

ԱՀԿ-ն ահազանգում է՝ մինչև տարվա վերջ հասանելի կլինի պատվաստանյութերի 25 տոկոսը, քան կանխատեսվում էր

Պետական ապարատի աշխատակիցներն առանց սպասելու հոկտեմբերի 1-ին ակտիվ պատվաստվում են. Ավանեսյան

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

Մեծամասշտաբ զորավարժություն սահմանին՝ հատուկ նշանակության ստորաբաժանումների ընդգրկմամբ

ՄԻՊ-ը Սահմանադրական դատարան է դիմել. վիճարկվում է սահմանին լրագրողների տեսալուսանկարահանման արգելքը

Երկրաշարժ Բավրայից 10 կմ հյուսիս-արևելք

Արտակարգ պատահար երկաթուղային գծանցումում. մի քանի տոննա քաշ ունեցող հսկա քարե բեկոր է ընկել գծերի վրա (լուսանկարներ)

Կառավարությունը տոտալիզատորների գովազդը արգելող նախագիծ ընդունեց