ՔՊ-ում ժողովներ են, ԼՀԿ-ն օրենքի նախագծեր է մշակում, ԲՀԿ-ում անորոշություն է. ինչ են անում ԱԺ անցած ուժերը նիստից առաջ

Հունվարի 14-ին տեղի է ունենալու 7-րդ գումարման Ազգային ժողովի առաջին նիստը: Այս պահին խորհրդարան անցած քաղաքական ուժերը ներկուլիսային թեժ քննարկումների մեջ են: Պատրաստվում են Ազգային ժողովի առաջին նիստին: Հիշեցնենք, որ խորհրդարանում լինելու են երեք քաղաքական ուժեր՝ «Իմ քայլը» դաշինքը, Բարգավաճ Հայաստան եւ Լուսավոր Հայաստան կուսակցությունները:

Իշխող «Քաղաքացիական պայմանագիր» կուսակցությունում, օրինակ, նորընտիր պատգամավորների համար սեմինար-թրեյնիգներ են կազմակերպում, որպեսզի վերջիններս ծանոթանան Ազգային ժողովի կանոնակարգ-սահմանադրական օրենքին: Այդ դասընթացներն անցկացնում է Ազգային ժողովի նախկին պատգամավոր, ՀՀ նախագահի խորհրդական Թեւան Պողոսյանը:

Ազգային ժողովի «Իմ քայլը» խմբակցության քարտուղարը լինելու է տարածքային կառավարման եւ զարգացման արդեն նախկին փոխնախարար Հակոբ Սիմիդյանը: «Հայկական ժամանակ»-ը Սիմիդյանից հետաքրքրվեց, թե «Իմ քայլը» խմբակցությունն ինչ նախաձեռնություններով է հանդես գալու, արդյո՞ք որոշվել է՝ մշտական հանձնաժողովների թվաքանակի մասին ինչ նախագիծ են ներկայացնելու: «Դրանք այս պահին քննարկման փուլում են, այս օրերին «Իմ քայլի» պատգամավորներով հավաքներ ենք անցկացնում եւ նման հարցեր ենք քննարկում, վերջնական տարբերակներ դեռ չկան»,- ասաց նա:

«Իմ քայլը» խմբակցությունն ԱԺ առաջին նիստի օրը ՀՀ նախագահին առաջարկելու է Նիկոլ Փաշինյանին նշանակել վարչապետի պաշտոնում: Սահմանադարության համաձայն՝ նոր ձեւավորված խորհրդարանում վարչապետի ընտրություն չի լինում, նախագահն ԱԺ մեծամասնության թեկնածուին առաջադրում է վարչապետի պաշտոնում:

Ավելի վաղ տեղեկացրել ենք, որ «Իմ քայլը» խմբակցության ղեկավարը լինելու է մշակույթի նախարարի պաշտոնակատար Լիլիթ Մակունցը: «Իմ քայլը» ԱԺ նախագահի եւ փոխնախագահների պաշտոններում առաջադրելու է Արարատ Միրզոյանին, Լենա Նազարյանին եւ Ալեն Սիմոնյանին: Երրորդ փոխխոսնակը լինելու է ընդդիմադիր կուսակցություններից որեւէ մեկից: «Լուսավոր Հայաստանն» արդեն հայտարարել է, որ այդ պաշտոնում առաջադրելու է Մանե Թանդիլյանին: ԲՀԿ-ն եւս ունի թեկնածու, բայց նրա անունը դեռ հրապարակված չէ:

Այս առումով ԲՀԿ-ականների մոտ անորոշություն է: ԲՀԿ-ական մեր աղբյուրները փոխանցում են, որ ընտրություններից հետո ոչ մի անգամ Գագիկ Ծառուկյանի հետ հանդիպում չի եղել, անգամ չգիտեն, թե ով է լինելու իրենց փոխխոսնակի թեկնածուն եւ հանձնաժողովի նախագահների թեկնածուները: ԲՀԿ-ում այնպիսի իրավիճակ է, որ բոլորը միմյանց հարցնում են՝ արդյո՞ք Գագիկ Ծառուկյանի որոշումներից տեղեկություններ ունեն:

Մեկ այլ ԲՀԿ-ական էլ մեր զրույցում ներկուսակցական ստեղծված իրավիճակը որակեց խայտառակ: Միաժամանակ ԲՀԿ-ում կարծիքներ կան, որ Գագիկ Ծառուկյանն արդեն ինքն իր մեջ որոշումներ կայացրել է, բայց կուսակիցներին ոչինչ չի ասում: ԲՀԿ-ականներից շատերը Գագիկ Ծառուկյանին տեսել են ընտրությունների օրը՝ դեկտեմբերի 9-ին:

«Լուսավոր Հայաստան» կուսակցության պատգամավոր Գեւորգ Գորգիսյանն էլ ՀԺ-ի հետ զրույցում ասաց, որ իրենք առաջարկություններ են ներկայացնելու Կառավարության կառուցվածքի փոփոխությունների կառավարության առաջարկած նախագծի վերաբերյալ: ԼՀԿ-ում անընդունելի են համարում, որ ԱԱԾ-ն եւ ոստիկանությունը նոր նախագծով շարունակելու են մնալ վարչապետի ենթակայության տակ, իսկ ՊԵԿ-ը՝ հարկային եւ մաքսային ծառայություններով՝ կառավարության ենթակայության տակ: Նրանք կարծում են, որ այս մարմինները պետք է հաշվետու լինեն խորհրդարանին, իսկ կառավարության առաջարկած նախագծով պահպանվում է սուպերվարչապետական համակարգը: Գորգիսյանը մեր զրույցում ասաց, որ կառավարության վերջնական տարբերակն ուսումնասիրելուց հետո նոր միայն կխոսեն իրենց հետագա քայլերի մասին:

Գորգիսյանը հայտնեց, որ իրենք պատրաստվում են առաջարկել նախագիծ, որով հնարավոր կլինի ստեղծել ԱԺ մշտական հանձնաժողով՝ Եվրասիական տնտեսական միության հետ աշխատանքներն ակտիվացնելու համար: «Լինելով ԵԱՏՄ անդամ երկիր, չունենք հանձնաժողով, որ այդ հարցերով զբաղվի: Մենք նման առաջարկ անպայման անելու ենք»,- ասաց նա:

Գեւորգ Գորգիսյանը նաեւ ասաց, թե չի բացառվում, որ հանձնաժողովների հետ կապված որեւէ այլ առաջարկ չանեն: Հարկ եղած դեպքում էլ կսպասեն, տեսնեն՝ մեծամասնությունն ինչ առաջարկներ է անելու եւ ըստ այդմ էլ իրենք հանդես կգան իրենց առաջարկներով: «Մենք նաեւ առաջարկում էինք, որ Պետական իրավական եւ մարդու իրավունքների հանձնաժողովն առանձնանա, բայց շրջանակվող տարբերակներում դա արդեն առանձին է ներկայացվում»:

ՀԺ-ի հարցին, թե ով է ղեկավարելու իրենց բաժին հասնող հանձնաժողովը, Գորգիսյանը պատասխանեց. «Մենք դեռ չգիտենք, թե մեզ ինչ հանձնաժողով է բաժին հասնելու, որովհետեւ Դոնթի բանաձեւով, եթե չեմ սխալվում, հինգ հանձնաժողով ընտրում է մեծամասնությունը, երկու հատ՝ երկրորդ ուժը, մեկ հատ՝ երրորդ ուժը: Հանձնաժողովի նախագահն ինչ-որ գործառույթներ է իրականացնում եւ պետք է ունենա մասնագիտական գիտելիքներ»:

Գեւորգ Գորգիսյանի փոխանցմամբ՝ «Լուսավոր Հայաստանում» դեռ չեն որոշել, թե ովքեր են լինելու խմբակցության քարտուղարն ու ղեկավարը: Մեր դիտարկմանը, որ խմբակցության ղեկավարի պաշտոնի համար շրջանառվում է Էդմոն Մարուքյանի անունը, Գորգիսյանն ասաց. «Բնականաբար, շրջանառվում է, նիստը կանենք, կորոշենք, կհրապարակենք, կիմանաք»:

«Իմ քայլը» դաշինքն արդեն որոշել է հանձնաժողովների նախագաների թեկնածուներին: Արտաքին հարաբերությունների հանձնաժողովը ղեկավարելու է Ռուբեն Ռուբինյանը, Պետաիրավական հարցերի հանձնաժողովը՝ Վլադիմիր Վարդանյանը, Պաշտպանության, ներքին գործերի եւ ԱԱ հանձնաժողովը՝ Անդրանիկ Քոչարյանը, Տնտեսական հարցերի հանձնաժողովը՝ Բաբկեն Թունյանը, Գյուղատնտեսության եւ բնապահպանության հանձնաժողովը՝ Վարազդատ Կարապետյանը, Կրթության եւ գիտության հանձնաժողովը՝ Մխիթար Հայրապետյանը, Առողջապահության ու սոցիալական հարցերի հանձնաժողովը` Նարեկ Զեյնալյանը: Ամենայն հավանականությամբ, 2-3 հանձնաժողով կտրվի ԲՀԿ-ին՝ Եվրաինտեգրացիայի եւ ֆինանսավարկային հանձնաժողովները, իսկ Մարդու իրավունքների պաշտպանության հանձնաժողովը, որ ժամանակին միացվել էր Պետաիրավական հանձնաժողովին, կառանձնացվի ու կտրվի «Լուսավոր Հայաստան»-ին»:

Տպել
2376 դիտում

Էրդողանի հրամանագրով Սահակ եպիսկոպոս Մաշալյանը սքեմ կրելու արտոնություն է ստացել

Բալահովիտ գյուղի ակումբներից մեկի տնօրենը գարեջրի շշով հարվածել է 36-ամյա երեւանցուն

Թույլ տրված թերությունների պատճառով Երևանի և 3 մարզերի դադարեցված ջրամատակարարումը 4 ժամ ուշ կվերականգնվի

Էկոնոմիկայի նախարարությունը դեղձով բեռնված բեռնատարների հարցով կապի մեջ է Վերին Լարսի անցակետի հետ

Քննչական կոմիտեն արձագանքել է Ամուլսարի մասին 3D հոլովակի պատրաստման վերաբերյալ լուրերին

ԿԳՄՍ-ում քննարկվել է «Կումայրի» արգելոցը ՅՈՒՆԵՍԿՕ-ի հուշարձանների ցանկում ընդգրկելու հարցը

Վրաերթ Վանաձորում. Mersedes-ը վրաերթի է ենթարկել միջին տարիքի կնոջը (լուսանկարներ)

Հրդեհ Շաքի գյուղում. այրվել է կուտակած անասնակեր (տեսանյութ)

Երկրորդ բալիկին սպասող Աննա Թովմասյանը եւ Արամեն ջերմ լուսանկար են հրապարակել

Armtimes.com-ը փնտրում է վեբ կայքի և սոցիալական ցանցերի ղեկավարի

Հայկ Սեխլիյանի բուժման համար անհրաժեշտ գումարի գրեթե կեսը հանգանակվել է. պետությունը եւս փորձելու է աջակցել

Ամուլսար այցից հետեւություն արեցի, որ մարդիկ գիտեն՝ ես ոչ մի միլիմետր չեմ շեղվի ճշմարտությունից. վարչապետ

Պարգեւատրվել են Շիրակի մարզի զորացրված զինվորները, նրանց զինղեկներն ու համայնքապետերը

Գյումրու Բուլվարային փողոցից բերման է ենթարկվել 33-ամյա տղամարդ՝ գրպանում թմրանյութով ներարկիչներ

Պատարայի ջրամբարի կառուցումը Ստեփանակերտի խմելու ջրի ապահովման գլխավոր երաշխիքն է լինելու. Ա. Հարությունյան

Զոդի կամրջի ողբերգական ավտովթարի գործով կալանավորված վարորդը ցուցմունք է տվել եւ մանրամասներ հայտնել

Ռազմական ոստիկանության գնդապետը ստացել է մոտ 7 մլն ռուբլի կաշառք. նա կալանավորվել է (տեսանյութ)

Կոխակն գյուղում հրդեհվել են տներից մեկի եւ կից անասնագոմի տանիքները

200 տոննա հայկական դեղձը կարող է փչանալ. բեռնատարները մի քանի օր է՝ Լարսում սպասում են զննման

ՔԿ-ն ամփոփ տեղեկանք է ներկայացրել Ամուլսարի գործի շրջանակներում իրականացված ամբողջ գործընթացի մասին