Քաղաքականություն՝ գուլպաների լեզվով կամ վարչապետական ստանդարտներից դուրս. Ջասթին Թրյուդո (լուսանկարներ)

Խարիզմատիկ, գրավիչ արտաքինով, խելացի ու ժպտադեմ, հումորի զգացումով ու առանց կոմպլեքների, նաեւ գուլպաների մեծ սիրահար, հնդկական պարերի գիտակ, յոգայի մասնագետ, նախկին բռնցքամարտիկ ու դերասան, օրինակելի ամուսին ու հայր Ջասթին Թրյուդոն Կանադայի վարչապետն է, աշխարհում ամենահայտնի ու սիրված քաղաքական գործիչներից մեկը:

Թրյուդոն քաղաքական գործիչների հետ հանդիպումների, աշխարհի առաջնորդների հետ ճաշերի ու զրույցների, զբոսանքների ու հյուրընկալումների կենտրոնում է եղել մանկուց, չէ՞ որ 1971-ին, երբ նա ծնվեց, նրա հայրը՝ Պիեր Թրյուդոն, ում անունը բարի ժպիտով են մինչ օրս կանադացիները հիշում, երկրի վարչապետն էր, ում օրոք Կանադան վերջնական անկախություն ստացավ:Կանադայի նախկին վարչապետ Պիեր Թրյուդոն՝ գրկին 4-ամյա Ջասթինը, 1975 թվական

Հենց նա փոքրիկ Ջասթինին սովորեցրեց ձկնորսության, նավարկության, հրաձգության, մարդասիրության  ու քաղաքականության նրբությունները:

Շարունակելով հոր սկսած գործը, Թրյուդոն դարձավ Կանադայի ամենասիրելի ղեկավարը՝ իր սկզբունքների, արժեքների, գաղափարախոսության ու հայացքների համար:

Վարչապետ դառնալուց առաջ եւ հետո ոչ միայն իրական կյանքում, այլեւ վիրտուալ տիրույթում Ջասթին Թրյուդոն օգտատերերի սիրելին է, իրական համացանցային հերոս: Հսկայական երկրի ղեկավարը չի խուսափում հրապարակել իր լուսանկարները՝ ամենատարբեր իրավիճակներում, ամենատարբեր հագուստներով՝ Հելոունինի տոնին, այս կամ այն փառատոնին կամ առօրյայում:Թրյուդո ընտանիքը՝ Հելոուինի տոնին, 2017 թվականին, վարչապետը Սուպերմենի կերպարով է

Հելոուինի տոնին՝ 2018 թվականին, Թրյուդոն ընտրել է Շերլոկ Հոլմսի կերպարը

Թրյուդոն՝ 3 զավակների հետ Սուրբ Ծննդի տոնին ընդառաջ

Այս լուսանկարը հրապարակվել է վարչապետ ընտրվելուց հետո՝ 2015 թվականի հոկտեմբերին

Հանդիպումներից մեկի ժամանակ՝ Յոգայի Մայուրանսա կոչվող դիրքում

Նախքան վարչապետ դառնալը՝ Թրյուդոն մասնակցել է բռնցքամարտի բարեգործական խաղերի

Թրյուդոն հաջողակ է ամեն ոլորտում, նաեւ ընտանիքում: Իր սիրելիի՝ հեռուստահաղորդավարուհի եւ նախկին մոդել Սոֆիի հետ սերը եւս կանադացիների եւ աշխարհի հիացմունքի առարկան է դարձել, սիրելի են նաեւ նրանց 3 զավակները:Ջասթինն ու Սոֆին՝ 3 երեխաների հետՍիրելի Սոֆիին է նա նվիրել անգամ իր հեղինակած գիրքը

Այս բոլորից զատ, Թրյուդոն ամենից շատ աշխարհին հայտնի է նաեւ իր հետաքրքիր, զվարճալի, գունեղ ու խոսուն գուլպաներով: Կանադայի վարչապետն իր գուլպաներով մի ամբողջ լեզու է հորինել, յուրաքանչյուր գուլպա իր խորհուրդն ունի, իր ասելիքը, դրանցով նա առանց բարդույթների հանդիպում է աշխարհի այս կամ այն երկրի առաջնորդի հետ, այցելում գագաթնաժողովների ու այլ միջոցառումների:«Բլումբերգ» գործարար ֆորումին, 2017-ին, Մելինդա Գեյթսի հետ հարցազրույցի ժամանակ Թրյուդոն ժամանել է «Աստղային պատերազմների» հերոսներից Չուբակկոյի կերպարով գուլպաներով

Այս գուլպաներով նրան նկատել են ոչ մեկ անգամ

«Մեծ յոթնյակի» գագաթնաժողովի շրջանակներում գունավոր գծիկներով գուլպաները Թրյուդոն հագել էր Ֆրանսիայի նախագահի հետ հանդիպմանը

Իռլանդիայի վարչապետի հետ հանդիպմանը, Մոնրեալում , Թրյուդոն ներկայացել էր «Աստղային պատերազմների» դրոիդների կերպարներով գուլպաներով

Բրյուսելում ՆԱՏՕ-ի անդամ երկրների ղեկավարների հանդիպմանը Թրյուդոն ներկայացել էր վարդագույն գուլապներով՝ ալյանսի պատկերը կրող: Այս լուսանկարը հայտնվել է նաեւ Գերմանիայի կանցլեր Մերկելի ինստագրամի էջում:

Թրյուդոն նաեւ կմախքների սիրահար է, այստեղ՝ դեղին ու մանուշակագույն...

Այլ տեղում՝ մի քանի գույների համադրմանբ

Չափազանց շատ սիրելով Կանադան, նրա հավաքածուում շատ են Կանադայի խորհրդանիշ տերեւով գուլպաները

Նույն գուլպաներով՝ «Մայքլի ու Քեյլիի հետ ուղիղ եթերում» հաղորդման ժամանակ

Կանադայի խորհրդանիշ տերեւներով եւս մեկ գուլպա՝ պաշտոնական հանդիպումներից մեկի ժամանակ

Սեւ պուտերով երկնագույն գուլպաները՝ Հավանայի համալսարանում դասախոսության ժամանակ

Ռամազանի վերջին օրվա հետ համընկած միջոցառումներից մեկի ժամանակ Թրյուդոն ժամանել էր արաբական լեզվով շնորհավորանքի տպագրությամբ գուլպաներով

Ուրախ դեղին բադիկներ՝ Դավոսի տնտեսական ֆորումի ժամանակ

Բադիկները՝ ավելի մոտիկից...

Նաեւ ներկայացնում ենք Կանադայի վարչապետի հավաքածուի մի քանի նմուշներ՝ առանց մեկնաբանման՝

Չմոռանանք նաեւ Ֆրանկոֆոնիայի գագաթնաժողովի շրջանակներում Հայաստան կատարած այցի ժամանակ ՀՀ վարչապետ Նիկոլ Փաշինյանից նվեր ստացած գուլպաները՝ հայկական դրոշի գույներով, որոնք Հայաստանի ու Կանադայի վարչապետները կրեցին միասին:Գուլպաները համալրեցին Ջասթին Թրյուդոյի հավաքածուն

Ահա այսպիսի քաղաքականություն՝ գուլպաների լեզվով: