Այս պարագայում ես կարծիք չունեմ. դպրոցի տնօրենը՝ նախարարի ֆեյսբուքյան գրառման մասին

«Այսօր անակնկալ այցելել եմ Վահան Թեքեյանի անվան թիվ 92 դպրոց: Այցի արդյունքում տնօրենը կստանա նկատողություն՝ առաջին դասարանցիներին մի քանի քառակուսի մետր տարածքում տեղավորելու եւ նորմերը չպահպանելու համար: Նկատողության ծանրությունը կախված կլինի տնօրենի զեկուցագրից եւ հետագա ուսումնասիրությունների արդյունքներից»,- ֆեյսբուքյան իր էջում այսօր հայտարարել է կրթության եւ գիտության նախարար Արայիկ Հարությունյանը:

Նախարարի գրառումից պարզ չի դառնում՝ ինչ պատճառով է առաջացել նկարագրված իրավիճակը. դա մի՞շտ է այդպես, ժամանակավո՞ր բնույթ է կրում, որը, հնարավոր է, ստեղծվել է ցուրտ եղանակով պայմանավորված, դասարաններում աշակերտների քանա՞կն է թույլատրելիից ավելի, թե՞ այլ հանգամանքներ կան:

Մալաթիա-Սեբաստիա վարչական շրջանում գտնվող թիվ 92 դպրոցի տնօրեն Ծովինար Մարդանյանը, պատասխանելով մեր հարցմանը, ասաց. «Պատահական այցով նախարարը մտել է դպրոց, հավանաբար ջեռուցման հետ կապված ստուգում էր անցկացնում: Ջեռուցումը նորմալ է եղել բոլոր դասարաններում: Նույնիսկ +24 +25 աստիճանի է հասել կոնկրետ մեր ցուցանիշով (ինքը չի նայել սանդղակները): Դասասենյակներում բավականին տաք է»:

Տնօրենի փոխանցմամբ՝ դպրոցում գործում է երկու առաջին դասարան: Մեկում աշակերտների թիվը 17 է, մյուսում՝ 19: Ու քանի որ այն մասնաշենքը, որտեղ նրանց դասասենյակներն են, հյուսիսային կողմում է, որոշել են տեղափոխել հարավային՝ ավելի տաք մասնաշենք: Դա, ըստ տնօրենի, արվել է ընդամենը օրեր առաջ՝ հունվարի 21-ին, երբ սովորողները վերադարձել են ձմեռային արձակուրդից, իսկ Հիդրոմետ ծառայությունը ջերմաստիճանի նվազում է կանխատեսել:

«Մեր այն մասնաշենքը, որտեղ իրենք են նստում, հյուսիսային կողմ է, ու բոլորովին արեւ չի ընկնում: Ինչքան էլ ջեռուցում ենք, այդքան լավ չի տաքանում: Մենք փոքրիկ դասասենյակներում էինք երեխաներին նստեցրել: Այդ դասասենյակները մի քիչ ավելի փոքր են իրենց նախկին դասասենյակներից, իսկապես փոքր դասասենյակներ են: Եթե կհիշեք, կոմունիստների ժամանակ դասասենյակները որ կիսում էին, փոքր դասարաններ էին լինում, այ այդպես էինք նստեցրել երեխաներին: Իրենք թվով քիչ են՝ 17-19 հոգի: Հիդրոմետ ծառայության տվյալներով՝ ջերմաստիճանը 10-15 աստիճանով իջնելու էր, դա մի քիչ մտավախություն առաջացրեց, որ եթե դրսի ջերմաստիճանը լինի -10, ներսինը հաստատ չենք կարող +20-ով ապահովել, որովհետեւ 30 աստիճանի տարբերություն հյուսիսային կողմում աբսուրդ կլիներ մտածելը: Այդ ջեռուցման համակարգը այնքան բարձրի վրա ենք դնում, որ մի ծայրից մինչեւ հասնում է ամենածայրամասային կաբինետները, ինչքան ուզում է լինել, այդ անցման տեղում ինքը արդեն իր հզորությունը կորցնում է»,- ասաց Ծովինար Մարդանյանը՝ հավելելով. «Ընդամենը դա էր պատճառը, որ երեխաներին տեղափոխեցինք՝ ծնողների հետ համաձայնեցնելով: Միայն երեխաների մասին մտածելով ենք տարել, որ հանկարծ չսառեն, չհիվանդանան»:  

Դպրոց այցելած Կրթության եւ գիտության նախարարը տնօրենին հայտնել է իր դժգոհությունը, կարգադրել երեխաներին վերադարձնել իրենց նախկին դասասենյակները: «Կարգադրությունը ես ընդունել եմ, մյուս մասնաշենքը կջեռուցենք, երեխաները կտեղափոխվեն այնտեղ»,- նշեց Վահան Թեքեյանի անվան դպրոցի տնօրենը:

Իսկ այն մասին, որ նախարար Հարությունյանն իրեն նկատողություն հայտարարելու վերաբերյալ գրառել է սոցիալական կայքում, Ծովինար Մարդանյանը որեւէ կարծիք չհայտնեց: Նկատենք, որ այդ գրառումն օգտատերերի շրջանում տեղիք էր տվել հակասական գնահատականների: Մի մասը համոզմունք էր հայտնում, որ նկատողություն տալու մասին կարիք չկար հայտարարել ի լուր աշխարհի, մյուս մասն էլ այն կարծիքին է, որ դա է աշխատելու ճիշտ ձեւը, ինչը մյուսներին էլ կմղի սթափության: «Գիտե՞ք ինչ, նախարարը իր կարծիքն ունի, եւ ես այսօր շատ փոքր մարդ եմ, որ ինչ-որ մի կարծիքի հակասեմ: Այս պարագայում ես կարծիք չունեմ, որովհետեւ ինչպես ճիշտ է համարել, այդպես է վարվել: Ուրեմն ճիշտը սա էր»,- արձագանքեց Ծովինար Մարդանյանը:

Նրա ղեկավարած ուսումնական հաստատությունը հիմնական դպրոց է, մինչդեռ Կրթության եւ գիտության նախարարության ենթակայությամբ գործում են ավագ դպրոցները: Եվ այդ դեպքում հարց է առաջանում, թե նախարարն ի՞նչ իրավական հիմքով կարող է կարգապահական տույժ կիրառել հիմնական դպրոցի տնօրենի նկատմամբ: ԿԳ նախարարության հանրակրթության վարչության պետ Աշոտ Արշակյանը պարզաբանեց, որ ավագ դպրոցներից բացի, նախարարության ենթակայությանն է պատկանում Վահան Թեքեյանի անվան թիվ 92 հիմնական դպրոցը, եւ դա միակ բացառությունն է:

Վերադառնալով դասարաններում պահպանման ենթակա նորմերին՝ նշենք, որ դրանք սահմանվում են առողջապահության նախարարի 2017 թվականի մարտի 28-ի N12-Ն հրամանով: Դրանից պարզ է դառնում, որ դասարաններում յուրաքանչյուր սովորողին պետք է բաժին ընկնի 2 քմ տարածք: Իսկ օդի ջերմաստիճանը առնվազն պետք է լինի 18-22 աստիճան ցելսիուս:

Տպել
11658 դիտում

Ուսուցիչը առանձնահատուկ դերակատարություն ունի մեր կյանքում. Սասուն Միքայելյանի ուղերձը

Հայաստանի պետական կամերային երգչախումբը համերգային շրջագայությամբ հանդես է եկել Իտալիայում

Սյունիքի նախկին մարզպետի որդու քրեական գործն ուղարկվել է դատարան

Լեռնանիստ գյուղում այրվել է խոտածածկ տարածք

ՀՀ ՄԻՊ-ը և Ֆրանսիայի դեսպանն այցելել են Ադրբեջանի ագրեսիայի հետևանքով Սյունիքում տուժած ընտանիքներին

«Զանգեզուր TV»-ն վերանվանվել է «Սյունիք հեռուստաընկերություն»

Հանրային քննարկման է ներկայացվել «ՀՀ 2023 թվականի պետական բյուջեի մասին» օրենքի նախագիծը

ԱԷԿ է այցելել Ատոմային էներգիայի միջազգային գործակալության գլխավոր տնօրենի գլխավորած պատվիրակությունը (լուսանկարներ)

Փոխվարչապետ Մաթևոսյանը կարևորել է ճգնաժամերին արագ արձագանքման համար կարողությունների հզորացման անհրաժեշտությունը

Որպես լուսավորության առաքյալներ՝ առաջնորդում եք մի ամբողջ սերնդի. Արտակ Բեգլարյանը շնորհավորել է Ուսուցչի օրվա առթիվ

Հոկտեմբերի 1-ից ստուգումների մասին փաստաթղթերը և բողոքարկման հանձնաժողովի որոշումները կծանուցվեն էլեկտրոնային եղանակով

Հաջողությամբ ավարտվեց ՀՀ արժեթղթերի շուկայում կորպորատիվ պարտատոմսերի խոշորագույն ծրագիրը

Անգնահատելի է ձեր ներդրումը սերունդների կրթության ու դաստիարակության հայրենանվեր գործում. Հրաչյա Սարգսյանի ուղերձը

Ջերմուկի հյուրանոցները վերսկսում են աշխատանքը

ՄԻՊ-ը հրապարակել է ՀՀ-ի վրա ադրբեջանական հարձակման հետևանքների վերաբերյալ արտահերթ զեկույցի թարմացված տարբերակը

Աշգաբադում կայացել է ՀՀ անկախության 31-ամյակին նվիրված պաշտոնական ընդունելություն

Կեղծ արձանագրություն կազմելու համար ՃՈ 3 ծառայողի վերաբերյալ կայացվել է մեղադրական դատավճիռ

Երևանը երգում է Ֆորշի համար․ արտիստի 55-ամյակին նվիրված երեկո կկազմակերպվի

Վահրամ Դումանյանը և Արթուր Մարտիրոսյանը Կիպրոսում մասնակցելու են ՄԱԿ-ի ԵՏՀ 9-րդ համաժողովին

Բռնցքամարտի Եվրոպայի առաջնությունում Հայաստանի հավաքականը թիմային հաշվարկում գրավել է առաջին տեղը

ՀՀ նախագահն ու Գրոսին անդրադարձել են Հայաստանում նոր ատոմային էներգաբլոկի կառուցման նախագծային աշխատանքներին

Ադրբեջանը հարձակվել և օկուպացրել է Հայաստանի տարածքներ, բայց ԵՄ-ը պատժամիջոցներ չի դիտարկում. Բորել. «Ազատություն»

Լուսավորման աշխատանքներ են Երևանի մետրոպոլիտենի կայարաններում և հարակից տարածքներում (լուսանկարներ)

Հիմնանորոգվում է Երևան-Երասխ-Գորիս-Մեղրի-Իրանի սահման միջպետական ավտոճանապարհը

Ովքեր տարկետում կստանան․ ԱԺ-ն ընդունեց նախագիծը

Ադրբեջանական ագրեսիայի հետևանքով վիրավորում ստացած 101 զինծառայողից 61-ը դուրս է գրվել. չկան ծանր վիճակում գտնվողներ

Տավուշի մարզի Դիմաց լեռան տարածքում իրականացված աշխատանքները դադարեցվել են, տարածքը կվերադարձվի նախկին տեսքին

Հրդեհ է բռնկվել Արտաշատ քաղաքի հացի փռերից մեկում

ԱԺ-ն ևս 6 ամսով երկարաձգեց 44-օրյա պատերազմի հանգամանքները քննող հանձնաժողովի աշխատանքները

Ցանկանում եմ, որ ամեն պահի յուրաքանչյուրդ, ըստ արժանվույն, գնահատված զգաք ձեզ. Հակոբ Արշակյանի ուղերձը

ԱԺ-ն «Զենքի շրջանառության կարգավորման մասին» նախագիծն ամբողջությամբ ընդունեց

Անվիճելի է, որ ձեզ է վստահված սերունդների միջեւ դեսպանի ու թարգմանչի դերը. Ալեն Սիմոնյանը՝ ուսուցիչներին

Խուլիգանության համար 1 տարի շարունակ հետախուզվողը հայտնաբերվել է հիվանդանոցում

Գրիգոր Մինասյանը Հարկադիր կատարումն ապահովող ծառայության աշխատակիցներին է ներկայացրել աշխատանքի նոր մոդելը

Հայաստանում մեկնարկել է Արագ արձագանքման բժշկական թիմերի բարձր մակարդակի հանդիպումը (լուսանկարներ)

Դժվարին օրեր ենք ապրում, որտեղ յուրաքանչյուրիս առաքելությունը կրկնակի կարևոր է, ձերը՝ առավել քան. ԿԳՄՍ նախարարի ուղերձը

Ատոմային էներգետիկայի միջազգային գործակալությունը կշարունակի աջակցել Մեծամորի ատոմային էլեկտրակայանին․ Գրոսի

Իջևան քաղաքում ավտոմեքենան բախվել է գազատար խողովակին

ՀՀ գլխավոր դատախազն ու ԱՄՆ-ի դեսպանը քննարկել են համագործակցությունը զարգացնելու օրակարգը

Դուք այն կամուրջն եք, որը պետք է ապահովի սերունդների միջև գիտելիքի և առաքինության անխաթար կապը. ՀՀ նախագահի ուղերձը