Ղազարյանը չի հաստատում, որ փոխնախարար կլինի կրթության, գիտության, մշակույթի եւ սպորտի նախարարությունում

Գաբրիել Ղազարյանը չի հաստատում, որ ՀՀ Սպորտի եւ երիտասարդության հարցերի ու Կրթության եւ գիտության նախարարությունների միանալուց հետո կզբաղեցնի կրթության, գիտության, մշակույթի եւ սպորտի նախարարության սպորտի գծով փոխնախարարի պաշտոնը: Սպորտի նախարարությունում վերջերս նման խոսակցություններ են շրջանառվում: Ղազարյանը, որը մինչեւ այժմ Սպորտի եւ երիտասարդության հարցերի նախարարն էր, նշանակվել է սպորտի եւ երիտասարդության հարցերի նախարարի առաջին տեղակալ եւ նախարարությունների միացման այս փուլում կատարելու է նախարարի պարտականությունները: «Հայկական ժամանակ»-ի հետ զրույցում նա խոսեց նորաստեղծ նախարարությունում փոխնախարարի պաշտոնը զբաղեցնելու հավանականության մասին:

«Այդ հարցին ես չեմ կարող պատասխանել, որովհետեւ նման հարց չի քննարկվել: Սա (խմբ. նկատի ունի սպորտի եւ երիտասարդության հարցերի նախարարի առաջին տեղակալ նշանակվելը) չի խանգարում ո՛չ իմ, ո՛չ նախարարության գործառույթներին: Մենք ինչպես աշխատում էինք, այդպես էլ աշխատում ենք»,- ասաց նա:

Միեւնույն ժամանակ Ղազարյանը խոսեց առաջիկա ծրագրերի մասին: Նա ասաց, որ չգիտի՝ միացումից հետո ինչ կառուցվածքային փոփոխություններ, ինչ կրճատումներ կարող են լինել: Նշեց, որ գլխավոր նպատակն այն է, որ սպորտի զարգացմանն ուղղված աշխատանքները ցանկալի արդյուքններ տան:

«Մեզ համար կարեւորն այն է, որ գործառույթները, որոնք մենք իրականացրել ենք եւ իրականացնում ենք, եւս կարողանանք իրականացնել: Եվ ես վստահ եմ, որ այն քաղաքականությունը, որը մենք վարել ենք եւ ինչի համար մենք իրականցնում ենք ծրագրերը. դա մեր մասսայական սպորտն է, մարզադպրոցներն են եւ այլն, այսինքն՝ այդ ամբողջն ուղղակի տեղափոխվում է կրթության եւ գիտության նախարարության ենթակայության տակ... Մեզ համար ամենակարեւորն այն քաղաքականությունն է, որը մենք մշակում ենք զարգացման համար, իսկ, թե որ տիրույթում կլինենք, կլինենք կրթության եւ գիտության նախարարության ենթակայության տակ, կլինենք առանձին կոմիտե, ոնց էլ լինենք, մեր ամենակարեւոր խնդիրը դա է, եւ դա վստահ եմ, որ կպահպանվի»,- ասաց նա:

Ղազարյանը կարծիք չարտահայտեց նախարարությունների միավորման գաղափարի մասին: Նա միայն վստահություն հայտնեց, որ դա չի խանգարի սպորտի հետ կապված հետագա աշխատանքներին: Ընդգծեց, որ 2 կառույցները նախկինում համագործակցության փորձ ունեցել են:

«Մենք համագործակցության շատ եզրեր ունենք, մենք իրար հետ միջգերատեսչական հանձնաժողովներ ունենք, մենք գործունեություն էինք ծավալում իրար հետ, հիմա իրար հետ կաշխատենք»,- ասաց նա:

Ինչ վերաբերում է հարցին, թե երբ 2 կառույցները կմիանան, սպորտի նախարարությունում չգիտեն: Ղազարյանի խոսքով՝ այժմ քննարկումներ են ընթանում նոր ձեւավորվելիք նախարարության կանոնադրության վերաբերյալ, եւ ըստ նրա՝ այն մինչեւ մարտ պատրաստ կլինի:

Տպել
774 դիտում

Վրաստանում ընթանում է բողոքի յոթերորդ ցույցը. մնացել է 1 պահանջի կատարում (տեսանյութ)

Մինսկ-2019․ Կարեն Տոնականյանը դուրս եկավ կիսաեզրափակիչ՝ ապահովելով բրոնզե մեդալ

Ուկրաինայի պատվիրակությունը լքել է ԵԽԽՎ-ն

Երեւանում տարածքը գնել են 1 միլիոն դրամով, մեկ տարի անց վաճառել 247 միլիոնով. Հայկ Մարության

Բռնցքամարտիկ Հովհաննես Բաչկովը Մինսկ 2019-ում 5-րդ մեդալն ապահովեց Հայաստանի համար

Լրջագույն ռազմական մատակարարումներ կլինեն ՀՀ տարեվերջին. Դավիթ Տոնոյան (տեսանյութ)

Բռնցքամարտիկ Բարեղամ Հարությունյանը դուրս մնաց Մինսկ 2019-ի հետագա պայքարից

Բռնցքամարտիկ Գուրգեն Հովհաննիսյանը դուրս մնաց Մինսկ 2019-ի հետագա պայքարից

Խարբերդի ամառանոցների տարածքում հրդեհի բարդության ԲԻՍ-1 կանչով մեկնել է 4 մարտական հաշվարկ

Շիրակի մարզը հունիսի 4-ին 560 մլն դրամի վնաս է կրել

Բռնցքամարտիկ Անուշ Գրիգորյանը դուրս մնաց Մինսկ 2019-ի հետագա պայքարից

Մոնումենտի այգիներում գտնվող դղյակների վճարած գույքահարկը որոշ դեպքերում 3 մլն-ից 27 մլն կդառնա. Պապոյան

Օպերային թատրոնը բողոքարկել է ԿԳՄՍ-ի հրամանները. դեմ են նախկին աշխատակիցներին թատրոնում վերականգնելուն

Ջիգարխանյանը, Միշա Գալուստյանը եւ Ռուսաստանում մյուս հայ հայտնիները հորդորում են այցելել Հայաստան (տեսանյութ)

Վլադիմիր Պուտինն ընդունել է Ինգուշեթիայի ղեկավարի հրաժարականը

Թումանյանի թանգարանի տնօրենի մրցույթը կկայանա հուլիսի 12-ին. մասնակիցներից երկու թեկնածու է հայտնի

Ռումյան Հովսեփյանը կխաղա բուլղարական թիմում

Աշտարակում ոստիկանները բերման են ենթարկել մի երիտասարդի՝ հորը պատկանող գազային ատրճանակով

Արտակ Դավթյանն այցելել է կենտրոնական հավաքակայան

Դա ձեր խնդիրն է․ «Իմ քայլ»-ի պատգամավորի շփման ձեւը լրագրողների հետ (տեսանյութ)