Ո՞ր կառույցն է իրականացնելու լուծարվող ՊՈԱԿ-ի գործառույթները. փոխնախարարի պարզաբանումը` Գորգիսյանի հարցին

Երեկ ՀՀ Ազգային ժողովի «Լուսավոր Հայաստան» խմբակցության քարտուղար Գեւորգ Գորգիսյանը ֆեյսբուքյան ուղիղ եթերի միջոցով տեղեկացրեց, որ ՀՀ տրանսպորտի, կապի եւ տեղեկատվական տեխնոլոգիաների նախարարության կազմի մեջ մտնող «Հայաստանի ավտոմոբիլային ավտոճանապարհների տնօրինություն» ՊՈԱԿ-ը լուծարվում է:

Նա նշեց, որ այդ ՊՈԱԿ-ի կազմում գտնվում էին 5 բաժիններ, որոնք կատարում էին հետեւյալ 5 կարեւոր գործառույթները`

1. Հանրապետական նշանակության ճանապարհների գնահատման աշխատանքներ:

2. Հիմնանորոգման ենթակա ճանապարհահատվածների մասով տեխնիկական առաջադրանքների կազմման բաժին:

3. Ճանապարհների միջին եւ հիմնական նորոգման ենթարկվող հատվածների որակական հսկողություն:

4. Ճանապարհների անձնագրավորում:

5. Ճանապարհների երթեւեկության ինտենսիվության չափում եւ այլ նմանատիպ գործառույթներ:

Գորգիսյանը նշում է, որ այս ՊՈԱԿ-ը փակվում է եւ չի նշվում, թե որ կառույցը եւ ինչպես է իրականացնելու այս կարեւորագույն գործառույթները եւ թե արդյոք որեւէ այլ կառույցում կան համապատասխան մասնագետներ: Պատգամավորը նաեւ նշեց, որ այս ամենի պարզաբանման համար դիմել է նաեւ ՀՀ վարչապետ Նիկոլ Փաշինյանին:

«Այդ ՊՈԱԿ-ին փոխարինելու է ՀՀ տրանսպորտի, կապի եւ տեղեկատվական տեխնոլոգիաների նախարարության ներսում նոր ձեւավորվող կառուցվածքային ստորաբաժանումը, որի հիմքում լինելու է «Հայավտոճան» ՊՈԱԿ-ը»,- այս մասին ՀԺ-ի հետ զրույցում ասաց ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Բագրատ Բադալյանը՝ պատասխանելով այն հարցին, թե ո՞ր կառույցը եւ ինչպես է իրականացնելու վերոնշյալ ՊՈԱԿ-ի գործառույթները:

Բադալյանի խոսքով՝ այդ գործառույթները տեղափոխվելու են նախարարություն եւ իրականացվելու են հենց այդ վարչության կողմից. «Այսինքն, մեր կողմից իրականացվում է կոնսոլիդացիա` մեկ նախարարությունում ավելի խոշորացված վարչություններով այդ գործառույթները իրականացնելով»:

Մեր հարցին, թե ովքե՞ր են իրականացնելու այդ աշխատանքը, Բադալյանը պատասխանեց. «Բնականաբար, մենք նույն անձնակազմը նախատեսում ենք տեղափոխել նախարարության կազմ եւ իրականացնել աշխատանքները հենց նույն կազմով»:

Մեր հարցին, թե փաստորեն այս ամենից ՊՈԱԿ-ի իրականացրած աշխատանքը չի՞ տուժելու, Բադալյանը պատասխանեց. «Բնականաբար, եւ մենք հավատացած ենք, որ դրանից ոչ միայն չի տուժելու այլ նաեւ օգուտ է լինելու: Այսինքն, մենք կարողանալու ենք ավելի արդյունավետ իրականացնել մեր առջեւ դրված աշխատանքները»:

Հարցին՝ որն է պատճառը, որ մինչ այժմ չէր հայտարարվել, թե ՊՈԱԿ-ի լուծարումից հետո ո՛ր կառույցն է իրականացնելու գործառույթը, Բադալյանը պատասխանեց. «Քննարկումները սկսել էին անցած տարվա օգոստոս ամսից, երբ 2019 թվականի բյուջեի հայտն էր քննարկվում: Առհասարակ տարբեր տեսակի ՊՈԱԿ-ները եւ կազմակերպությունները լուծարելու եւ նախարարության կազմ տեղափոխելու հարցն էր քննարկվում` որպես պատասխանատու ստորաբաժանում:

Բնականաբար, դա միանգամից իրականացնելու գործընթաց չէ, դա մենք պետք է նախապատրաստենք, ուսումնասիրենք: Այսինքն, լուծարման գործընթացն այդ քայլերից մեկն է եւ դա սկսել ենք իրականացնել»:

Մեր դիտարկմանը, եթե աշխատակիցների քանակը չէր պակասելու եւ նույն մարդիկ տեղափոխվելու էին այլ ստորաբաժանում՝ նույն աշխատանքը կատարելու, էլ ի՞նչ իմաստ կաՐ ՊՈԱԿ-ը լուծարելու, Բադալյանն արձագանքեց. «Բնականաբար« որոշ աշխատակիցների քանակ կրճատվելու է: Տվյալ ՊՈԱԿ-ը« ունենալով 50 հաստիքային աշխատող, ուներ տնօրեն եւ 4 փոխտնօրեն: Մեր կարծիքով՝ դա ավելորդություն է եւ արդեն ՊՈԱԿ-ի կազմում կրճատման` օպտիմալացման գործընթացը սկսել ենք: Իսկ արդեն նախարարության կազմում լինելով, բնականաբար որոշ աշխատակիցներ կարող են կրճատվել, օրինակ` հաշվապահության կամ փաստաթղթաշրջանառության եւ այլն: Սա մյուս կողմից թույլ կտա մնացած աշխատակիցների աշխատավարձերի բաձրացում եւ ընդհանուր գործառույթների ավելի արդյունավետ իրականացում»:

Բադալյանը նշեց, որ ՊՈԱԿ-ում հաստիքային 50 աշխատակից կար, նոր կառուցվածքով որոշակի կրճատում եղավ եւ դարձավ 43 աշխատակից, իսկ տեղափոխման արդյունքում մի փոքր էլ այդ թիվը կնվազի:

Մեր հարցին, թե էլի կա՞ն ՊՈԱԿ-ներ նախարարության ենթակայության տակ, որոնք նախատեսված է լուծարել, Բադալյանը պատասխանեց. «Նախատեսվում են նաեւ այլ ՊՈԱԿ-ներ, սակայն այդ մասին կհրապարակենք, երբ ավելի առարկայական կլինի: Նախատեսվում է այլ ՊՈԱԿ-ներ բերել նախարարության ստորաբաժանումների տեսքով, ինչը թույլ կտա նաեւ նախարարության ներսում մասնագիտական կարողությունների բարձրացում»:

Տպել
1852 դիտում

Նրանք լույսը խավարից զատում են զենքով, կամքով, կյանքով. նոր լուսանկարներ՝ առաջնագծից

Հունաստանի հայ համայնքը Ազգային ժողովին, ԵՄ-ին, Եվրոպայի խորհրդարանին և Աթենքում ՄԱԿ-ի գրասենյակին բանաձեւ է ներկայացրել

Ելիսեյան պալատում տեղի է ունեցել Արմեն Սարգսյանի և Էմանուել Մակրոնի հանդիպումը. քննարկել են ղարաբաղյան հակամարտությունը

Human Rights Watch-ը կրկին հաստատում է՝ Արցախի ուղղությամբ կիրառվում են արգելված կասետային զինատեսակներ

Թշնամու զինտեխնիկայի ոչնչացումը (տեսանյութ)

Ժպիտներ Շուշիից. օրվա կադրը

Սենատոր Մենենդեսն Ադրբեջանին և Թուրքիային սպառազինության վաճառքը դադարեցնելու բանաձևեր է ներկայացրել

Կորոնավիրուսի նոր հակառեկորդ. 2474 դեպք 1 օրում. գրանցվել է 14 նոր մահ

Ադրբեջանցիները գրում են գնդապետ Շյուքյուր Համիդովի սպանվելու մասին. Razminfo

Զոհվել է ՀԱԿ անդամ, ԱԺ նախկին պատգամավոր Դավիթ Մաթեւոսյանը

Ադրբեջանի ագրեսիայի շարունակման դեպքում ԱՄՆ-ը պետք է ճանաչի Արցախի անկախությունը. Շերման

Մարտակերտի, Մարտունու շրջանի գյուղերի ուղղությամբ գիշերվանից կիրառվում են գրադ կայանք ու սմերչ

Ներկայումս տեղային նշանակության մարտեր են ընթանում ճակատային գծի բոլոր ուղղություններում. ՊԲ

Հայտնի է՝ որ ժամերին են սպասվում ԱՄՆ պետքարտուղարի հանդիպումները ՀՀ եւ Ադրբեջանի ԱԳ նախարարների հետ

Սոթք-Քարվաճառ ավտոճանապարհը, անվտանգության նկատառումներից ելնելով, դեռ փակ է

Մեկնարկել է ՀՀ ԱԳ նախարարի այցը ԱՄՆ. նա հանդիպել է ԱՄՆ պետքարտուղարի Եվրոպական և Եվրասիական հարցերով տեղակալի հետ

Կրակի տակ են հայտնվել Ասկերան եւ Մարտունի քաղաքները. նյութական վնասը մեծ է. Վահրամ Պողոսայն

Ադրբեջանի հարձակման, ռուսական ջանքերի, թուրքական միջամտության եւ խաղաղ կարգավորման մասին. Պուտինի անդրադարձը՝ ամբողջական

Կամավորագրումն իր մեջ սիմվոլիկա է պարունակում. Էջմիածնի քաղաքապետը որոշել է ղեկավարել կամավորների ջոկատը

Մեծ Մասրիկի հրետակոծության հետեւանքով վիրավորված բնակիչը հիվանդանացում մահացել է․ մարզպետ