Կոտայքի մարզպետը դատի է տվել ֆեյսբուքյան զրպարտիչներին եւ վստահ է, որ դատը շահելու է

ՀՀ Կոտայքի մարզպետ Ռոմանոս Պետրոսյանը փետրվարի 1-ին ֆեյսբուքյան իր էջի միջոցով տեղեկացրել էր, որ դատական հայց է ներկայացրել մի քաղաքացու դեմ, որն իրեն հրապարակային զրպարտել եւ վիրավորել է: Պետրոսյանը նշել է, որ հայցը պարունակում է 68 դրվագ: Նա պահանջում է, որպեսզի տվյալ անձը ներողություն խնդրի իրենից, ինչպես նաեւ առավելագույն չափով սահմանված գումար վճարի` զրպարտելու եւ վիրավորելու համար: Կոտայքի մարզպետի խոսքով՝ այդ գումարը կուղղվի մարզային ենթակայության դպրոցներից մեկում որեւէ հիմնախնդրի լուծմանը:

«Վիրավորողը նախկին ռեժիմի ներկայացուցիչ է, նախկին տարածքային կառավարման ինստիտուտի ներկայացուցիչ է, ասեմ ավելին՝ մեր մարզում գործունեություն ծավալած անձ»,- այս մասին ՀԺ-ի հետ զրույցում ասաց Կոտայքի մարզպետ Ռոմանոս Պետրոսյանը:

- Պարոն Պետրոսյան, ի՞նչը ձեզ ստիպեց դատական հայց ներկայացնել ֆեյսբուքյան գրառումների համար:

- Ինչպես նշել եմ նաեւ իմ հրապարակման մեջ, ինքս շատ լավ եմ վերաբերվում առողջ քննադատությանը: Շատ դրականորեն եմ նայում նաեւ կառուցողական քննադատությանը, սրտացավ քննադատությանը, դա օգտակար է մեր աշխատանքների արդյունավետության բարձրացման,  խնդիրների լուծման համար: Բայց կոնկրետ այս պարագայում անթաքույց գործ ունենք բանսարկության, զրպարտանքի հետ: Շատ հաճախ նաեւ այդ զրպարտանքն ուղղորդվում է վիրավորանք պարունակող անձնական որակումներով:

Ես ինստիտուցիոնալ գործունեության կողմնակից եմ եւ ինստիտուցիոնալ արժեհամակարգի կրող եմ պետական կառավարման ոլորտում: Ուստի եւ որոշեցի, որպեսզի ինստիտուցիոնալ ճանապարհով գնանք` անձնական նամակագրության, անձնական զանգերի, միջնորդ ընկերների կամ պարզապես ծանոթների միջոցով հակազդելու որեւէ փորձի փոխարեն պարզապես գնալ ճիշտ` օրենքի գերակայության երկրին հարիր ճանապարհով եւ դատի տալ այդ զրպարտանքը տարածողին: Որպեսզի հաջորդ անգամ նրանք, ովքեր պետական պաշտոնյային կցանկանան զրպարտել, վիրավորել, թիրախավորել` այլ նպատակներ հետապնդելով, գործ կունենան դատական ատյանների հետ:

Քանի որ զրպարտանքը ապաքրեականացվել է, շատ-շատերը, մեծ մասամբ` նախկին իշխանության ներկայացուցիչները ու մեծ մասամբ նախկին իշխանության կերակրատաշտից օգտված շատ անհատներ` զերծ չեն մնում համացանցում, մեդիադաշտում եւ այլ տեղերում, պարզապես զրպարտելուց, սեւացնելուց, շատ դեպքերում նաեւ վիրավորանք պարունակող գրություններով մեր քաղաքական թիմի ներկայացուցիչներին հասարակության աչքից գցելուց:

Ուստի, սա նաեւ դաս է նմանատիպներին, որ դատական հայցերով մենք հակազդելու ենք նման փորձերին: Անթույլատրելի է, որ մարդիկ առանց փաստերը ստուգելու, առանց ճշտելու, նույնիսկ առանց ճանաչելու, դնում եւ պիտակավորում են մարդուն: Հետո ժամանակ ու նյարդ է պետք՝ այդ ամենը հերքելու համար: Ու կարծես գալիս է մի շրջափուլ, որ փոխանակ մենք կառուցողական գործունեությամբ զբաղվենք, սկսում ենք ակամայից պաշտպանվողական դիրք բռնել, ասել՝ չէ, ես դա չեմ, չէ, ես ամառանոց չեմ կառուցում, չէ, ես բյուջեի գումարը չեմ կարողանում մուծել, որովհետեւ այն պարզապես հասանելի չէ: Մեր քաղաքական թիմը հեղափոխությունը հենց դրա համար է արել, որ բյուջեի միջոցները լափողներին ու մսխողներին սանձենք ու իրենց տեղը ցույց տանք:

Ու ակամայից գալիս է մի շրջափուլ, երբ պետք է հասկանալ, որ հարկավոր է սրանց ինստիտուցիոնալ առումով հակազդեցություն ստեղծել եւ այդ գործիքակազմերից մեկը` այս մեղադրանքով դատական հայց ներկայացնելն է:

- Այսինքն, հաջորդ նման դեպքերում նույնպես դատական հայց ներկայացնելով եք ձեր իրավունքները պաշտպանելու:

- Ես վստահ եմ, որ այս հայցը շահելու ենք ու դա նաեւ դաս է լինելու մյուս զրպարտիչներին եւ պոտենցիալ զրպարտիչներին` գրելուց առաջ խորը մտածել, թե արդյո՞ք իրենք պատրաստ են մի կլորիկ գումարից հրաժարվել եւ արդյո՞ք իրենք պատրաստ են նաեւ հետագայում ներողություն խնդրել հրապարակային ձեւով: Կարծում եմ, որ այդ զրպարտիչների մի ամբողջ բանակ դրանով հնարավոր կլինի որոշ առումով զսպել: Ես առանձնահատուկ ցանկանում եմ մատնանշել` խոսքը չի գնում ազատ խոսքի ճնշման մասին, խոսքը չի գնում առողջ քննադատության հակադարձման մասին` ես առողջ քննադատությանը կողմ եմ, բայց այստեղ կենցաղային մակարդակի պիտակավորումներ են տեղի ունենում ու դա թիրախավորված է: Դրա ապացույցն էլ այն է, որ ես դիմել եմ 68 դրվագով, այսինքն, նույն անձը 68 դրվագով ինձ պիտակավորել, վիրավորել եւ զրպարտել է: Փաստորեն ստացվում է, որ ամիսներ շարունակ նույն անձը ամեն օր իր պարտքն է համարել իմ գործունեությանը անդրադառնալ ու բոլորը պարսավանքի, պիտակավորման, զրպարտանքի դիտանկյունից:

- Վիրավորողը հանրայի՞ն մարդ է:

- Բնականաբար հանրային մարդ է, որն ունի որոշակի լսարան: Նա նաեւ նախկին ռեժիմի ներկայացուցիչ է, նախկին տարածքային կառավարման ինստիտուտի ներկայացուցիչ է, ասեմ ավելին՝ մեր մարզում գործունեություն ծավալած անձ է: Բարոյական տեսակետից անընդունելի եմ համարում սա:

- Անուն կնշե՞ք, թե ում մասին է խոսքը:

- Չէ` անուն չեմ ուզում նշել՝ լրացուցիչ անգամ չհանրայնացնելու կամ որոշակի քաշ չհաղորդելու տվյալ անհատին, բայց դատարանը հավուր պատշաճի կիրազեկի: Կարծում եմ՝ ինքը կարձագանքի եւ կասի, որ վերջապես իրեն էլ անդրադարձանք: Հիմնականում սոցցանցով է եղել այդ ամենը, բայց կան նաեւ ծախու լրատվամիջոցներ, որոնք պարզապես հղում տալով նման օգտատիրոջ` տարածում են այդ կեղծ լուրերը: Սոցցանցերում կան նաեւ այլ հանրային էջեր, որոնք իրենց անունից ելնելով ենթադրում ես, թե զբաղվում են կրթական կամ մշակութային ինչ-որ հարցերով, բայց տվյալ անհատի գրություններն են տարածում, հավանում:

- Դեռեւս նախկին իշխանությունների ժամանակ, երբ ֆեյսբուքյան գրառումների համար դիմում էին դատարան, արդյունք չէր լինում: Հիմա ինչ-որ ակնկալիքներ ունե՞ք, որ սա արդյունք կտա:

- Ես որեւէ հիմք չունեմ չվստահելու մեր համապատասխան ինստիտուտներին: Շատ նորմալ է, որ այս հարցին դատական կարգով հստակ գնահատական դրվի: Այս գործը կարող է նախադեպ լինել, որ այսուհետ որեւէ մեկին քննադատելուց կոնկրետ հաշվի առնվեն քաղաքական գործունեության բացթողումները, թերացումները:

Տպել
4199 դիտում

Վրաստանում ընթանում է բողոքի յոթերորդ ցույցը. մնացել է 1 պահանջի կատարում (տեսանյութ)

Մինսկ-2019․ Կարեն Տոնականյանը դուրս եկավ կիսաեզրափակիչ՝ ապահովելով բրոնզե մեդալ

Ուկրաինայի պատվիրակությունը լքել է ԵԽԽՎ-ն

Երեւանում տարածքը գնել են 1 միլիոն դրամով, մեկ տարի անց վաճառել 247 միլիոնով. Հայկ Մարության

Բռնցքամարտիկ Հովհաննես Բաչկովը Մինսկ 2019-ում 5-րդ մեդալն ապահովեց Հայաստանի համար

Լրջագույն ռազմական մատակարարումներ կլինեն ՀՀ տարեվերջին. Դավիթ Տոնոյան (տեսանյութ)

Բռնցքամարտիկ Բարեղամ Հարությունյանը դուրս մնաց Մինսկ 2019-ի հետագա պայքարից

Բռնցքամարտիկ Գուրգեն Հովհաննիսյանը դուրս մնաց Մինսկ 2019-ի հետագա պայքարից

Խարբերդի ամառանոցների տարածքում հրդեհի բարդության ԲԻՍ-1 կանչով մեկնել է 4 մարտական հաշվարկ

Շիրակի մարզը հունիսի 4-ին 560 մլն դրամի վնաս է կրել

Բռնցքամարտիկ Անուշ Գրիգորյանը դուրս մնաց Մինսկ 2019-ի հետագա պայքարից

Մոնումենտի այգիներում գտնվող դղյակների վճարած գույքահարկը որոշ դեպքերում 3 մլն-ից 27 մլն կդառնա. Պապոյան

Օպերային թատրոնը բողոքարկել է ԿԳՄՍ-ի հրամանները. դեմ են նախկին աշխատակիցներին թատրոնում վերականգնելուն

Ջիգարխանյանը, Միշա Գալուստյանը եւ Ռուսաստանում մյուս հայ հայտնիները հորդորում են այցելել Հայաստան (տեսանյութ)

Վլադիմիր Պուտինն ընդունել է Ինգուշեթիայի ղեկավարի հրաժարականը

Թումանյանի թանգարանի տնօրենի մրցույթը կկայանա հուլիսի 12-ին. մասնակիցներից երկու թեկնածու է հայտնի

Ռումյան Հովսեփյանը կխաղա բուլղարական թիմում

Աշտարակում ոստիկանները բերման են ենթարկել մի երիտասարդի՝ հորը պատկանող գազային ատրճանակով

Արտակ Դավթյանն այցելել է կենտրոնական հավաքակայան

Դա ձեր խնդիրն է․ «Իմ քայլ»-ի պատգամավորի շփման ձեւը լրագրողների հետ (տեսանյութ)