Երեւանում օրը ցերեկով մեքենա ջարդուխուրդ անող երիտասարդների գործով Վերաքննիչն իրարից տարբերվող որոշումներ է կայացրել

Վերաքննիչ դատարանը մերժել է Երեւանում օրը ցերեկով մեքենա ջարդուխուրդ անող, զենքի գործադրմամբ խուլիգանություն կատարելու համար մեղադրվող երիտասարդներից երեքին՝ Կարո Սարգսյանին, Ռոբերտ Շանոյանին եւ Ալբերտ Հովհաննիսյանին ազատելու պաշտպանական կողմի բողոքը:

Այս մասին մեր զրույցում ասաց երիտասարդների պաշտպան Էրիկ Ալեքսանյանը՝ հավելելով, որ դատարանն անփոփոխ է թողել առաջին ատյանի դատարանի որոշումը:

Հիշեցնենք, որ աղմկահարույց դեպքը տեղի է ունեցել հունվարի 17-ին, Երեւանում. Նաիրի Զարյան փողոց-Ազատության պողոտա հատվածում Opel մակնիշի 35 ZL 140 համարանիշի ավտոմեքենայից դուրս են եկել մի խումբ երիտասարդներ, հարձակվել Mercedes մակնիշի 34 ՍF 304 համարանիշի ավտոմեքենայի վրա, հարվածներ տեղացել, կոտրել ապակիները, որից հետո վրա հասած մի երիտասարդ ատրճանակով կրակոց է արձակել հեռացող Mercedes-ի ուղղությամբ: Գործով մեղադրյալների թիվը հասնում է 5-ի, որոնց մեղադրանք է առաջադրվել ՀՀ քրեական օրենսգրքի 258 հոդվածի 4-րդ մասի հատկանիշներով (զենքի կամ որպես զենք օգտագործվող առարկայի գործադրմամբ): Առաջին ատյանի դատարանը նրանց կալանավորելու որոշում էր կայացրել:

Վերաքննիչի վերը նշված որոշումները, ըստ պաշտպանի, տարակուսանք են առաջացնում, պատճառն այն է, որ նույն դատարանը օրեր առաջ բավարարել է պաշտպանական կողմի բողոքը եւ ազատ արձակել գործով անցնող երիտասարդներից Տիգրան Կարապետյանին: «Նույն քրեական գործն է, նույն փաստական հանգամանքներով, բայց մի դեպքում Վերաքննիչ դատարանը երեք պաշտպանյալների մասով կայացնում է այլ որոշում, մյուս պաշտպանյալի մասով՝ այլ որոշում: Ասացվածք կա՝ «Երկու իրավաբան, երեք կարծիք», բայց միեւնույն է՝ գտնում ենք, որ Վերաքննիչ դատարանը մյուս երեք մեր պաշտպանյալների վերաբերյալ կայացրել է անարդար որոշում, քանի որ կալանավորման հիմքերն ու պայմանները բացակայում են»,- ասաց Ալեքսանյանը` հավելելով, որ դատարանի այս որոշումների դեմ Վճռաբեկ բողոք է ներկայացվելու, քանի որ նույն գործի վերաբերյալ 4 որոշում է կայացվել, որոնք, ըստ պաշտպանի, էապես իրարից տարբերվում են. «Գտնում ենք, որ դա Վճռաբեկ դատարանի միանշանակ քննարկման առարկա պետք է դառնա եւ ասի, թե այս դեպքում ով է սխալ իրականում»,- հավելեց պաշտպանը:

Երիտասարդներից մյուսի՝ Սերոբ Հովաննիսյանի խափանման միջոցի վերաբերյալ ներկայացված բողոքն այսօր քննվել է, որը կշարունակվի վաղը: «Թեեւ Վերաքննիչ դատարանը երեք պաշտպանյալների վերաբերյալ արդեն իսկ կայացրել է որոշում, սակայն այդ որոշումները նախադատելի չեն մյուս դատավորի համար: Հիմք ընդունելով նախագահող դատավորի բարձր պրոֆեսիոնալիզմը՝ պաշտպանական կողմը հույս ունի, որ կկայացվի արադարամիտ դատական ակտ»,- նշեց պաշտպան Ալեքսանյանը:

Բողոքի հետ միաժամանակ պաշտպանական կողմը 4 երիտասարդներին գրավով ազատելու միջնորդություն է ներկայացրել առաջին ատյանի դատարան: Այսօր դատարանը քննել է երիտասարդներից Կարո Սարգսյանին գրավով ազատելու միջնորդությունը եւ մերժել: Մյուսների մասով միջնորդությունը դեռ պետք է քննվի: «Գրավի միջնորդությունը մերժվեց այն դեպքում, երբ պաշտպանական կողմը նոր հանգամանք էր վկայակոչել, մասնավորապես այն, որ տուժողը լրացուցիչ հարցաքննվել էր եւ հայտնել, որ իրեն պատճառված գույքային վնասն ամբողջութամբ հատուցված է եւ նա որեւէ բողոք, պահանջ չունի մեղադյալների նկատմամբ, ինչպես նաեւ հայտնել էր, որ չի ցանկանում, որպեսզի նրանք պատասխանատվության ենթարկվեն»,- եզրափակեց Ալեքսանյանը:

Տպել
1599 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան