Որեւէ վախ չկա, չի էլ կարող լինել եւ տղաները վստահորեն վերահսկում են իրավիճակը. Բաբայանը` Պողոսյանի գրառման մասին

ՀՀ նախագահի հասարակական հիմունքներով խորհրդական Թեւան Պողոսյանը ֆեյսբուքյան իր էջում գրել է. «Արցախից ստացվող տեղեկությունների համաձայն՝ Ադրբեջանը շփման գծի ողջ երկայնքով ոչ միայն զարկ է տվել ինժեներական աշխատանքներին, այլև շաբաթական շուրջ 2000 կրակոց է արձակում հայկական զինված ուժերի ուղղությամբ։ Իսկ հայկական կողմը, հավատարիմ մնալով խոստմանը, պահպանում է հրադադարը։

2018թ.-ի ամառվա զորակոչից ավելի քան 6 ամիս է անցել: Այժմ ունենք մի իրավիճակ, երբ 6 ամսից ավելի ծառայություն անցած նորակոչիկներին վառոդի հոտն անգամ անծանոթ է, քանի չունեն հակառակորդի կրակոցներին պատասխանելու փորձ: Իսկ անփորձությունը միշտ վախ է ծնում: Հուսով եմ՝ մեր բանակում «վախ չափելու» գործիք կա, այլապես հասկանում եք, թե ինչ իրավիճակ կստեղծվի անփորձության հետևանքով»։

ՀԺ-ն հարցի վերաբերյալ զրուցեց Արցախի նախագահի մամուլի խոսնակ Դավիթ Բաբայանի հետ:

- Պարոն Բաբայան, Թևան Պողոսյանը գրել է, որ Ադրբեջանը շփման գծի ողջ երկայնքով ինժեներական աշխատանքներ է կատարում, շաբաթական 2000 կրակոց արձակում, իսկ հայկական կողմը հրադարար է պահպանում` հավատարիմ մնալով իր խոստմանը: Կա՞ նման բան:

- Ընդհանրապես այդ համաձայնությունը` ՀՀ վարչապետի եւ Ադրբեջանի նախագահի, պահպանվում է: Մենք դրա մասին միշտ ասում ենք, բարձր ենք գնահատում եւ կարեւորում ենք այսպիսի համաձայնությունը: Միաժամանակ միշտ ասում ենք հետեւյալը, որ անկախ ամեն ինչից՝ հակառակորդը իր տեսլականից, իր նպատակներից եւ իր քաղաքականությունից չի հրաժարվել: Այսինքն, հայատյացությունը մնում է եւ կմնա Ադրբեջանի պետականաշինության հիմքում: Ըստ այդ տեսլականի՝ Ադրբեջանը շարժվում է իր քաղաքականության մեջ` լինի դա բանակաշինության, դիվանագիտական հարթակում, տեղեկատվական հարթակում, քաղաքական հարթակում եւ այլն: Այո, կատարում են ինժեներական աշխատանքներ սահմանագծին, սա էլ է փաստ, բայց պետք է պարզապես այս ամենը մենք իմանանք, ֆիքսենք, որ կտրուկ նվազել է զինադադարի ռեժիմի խախտումների քանակը, ինչը փաստ է: Միեւնույն ժամանակ փաստ է մնում նաեւ այն, որ հակառակորդը չի հրաժարվել իր նպատակներից եւ շարունակում է հայատյաց գործունեություն ծավալել:

- Այսինքն, միայն հակառակորդն է կրակոց արձակում եւ հայկական կողմը ոչ մի կրակոց չի՞ արձակում:

- Ընդհանրապես մենք երբեւիցե զինադադարի ռեժիմը չենք խախտում առաջինը, բայց կասեցնում ենք իրենց տարբեր խախտումները: Այս պարագայում կասեցնել` չի նշանակում պասիվ նստել եւ սպասել: Եթե իրենց կողմից փորձ է կատարվում ինչ-որ քայլեր ձեռնարկել ապակայունացման համար, մենք պատասխանում ենք միանշանակ: Հայկական կողմը երբեւիցե անարձագանք չի թողել եւ չի էլ թողնելու: Բայց, քանի որ կա պայմանավորվածություն եւ կտրուկ նվազել են զինադադարի ռեժիմի խախտումները նաեւ Ադրբեջանի կողմից, մենք էլ համապատասխան ձեւով ավելի քիչ ենք կասեցնում, քանի որ այդ փորձերը քիչ են ավելի:

- Իսկ առաջնագծում ի՞նչ մթնոլորտ է, արդյո՞ք վախ կա զինծառայողների մեջ, քանի որ գրառումից այդպիսի տպավորություն է ստեղծվում:

- Որեւէ վախ չկա, չի էլ կարող լինել եւ տղաները վստահորեն վերահսկում են իրավիճակը: Եթե վախ լիներ, անմիջապես դրանից հակառակորդը կօգտվեր, վայրկյան անգամ չէր վարանի դրանից օգտվելու: Դրա համար որեւէ վախ չի կարող լինել առհասարակ: Հայկական ԶՈՒ-երի եւ ԱՀ ՊԲ-ի մարտունակության կարեւորագույն բաղադրամասերից մեկը ոգին է, սա մեր ամենաուժեղ կողմերից է եւ թույլ է տալիս հակառակորդի նյութական առավելությունը չեզոքացնել եւ բերել հավասարակշռվածության:

Տպել
987 դիտում

Մխիթարյանը մեղրամիսն անցկացնում է Մալդիվներում

Բոլորի ելույթները լսելով՝ շատ հուզվեցի. Լեւոն Քոչարյանը՝ Մարտի 1-ի զոհերի հարազատների ելույթների մասին

Պետբյուջեի կատարողականում տեսնում ենք ալարկոտություն եւ հարմարվողականություն․ Արման Բաբաջանյան

Որդիս ինչո՞ւ սպանվեց, բա ես ի՞նչ անեմ հիմա, ասեք. մարտի 1-ի զոհերից Տիգրան Աբգարյանի մայրը՝ դատարանում

Երանի կտայի, որ իմ որդին խփվեր Ղարաբաղում, ոչ թե Հայաստանի կենտրոնում. Վաչագան Ֆարմանյան

Մեկնարկել է ԱԺ-կառավարություն հարց ու պատասխանը․ հարցերի համար հերթագրվել է 45 պատգամավոր

Արցախում գնդիկաբեկորային ավիառումբի պայթյունից քաղաքացի է տուժել

Կոնդի Սուրբ Հովհաննես եկեղեցու հետևում 2 մետաղական տնակներ են այրվում (տեսանյութ)

Արտահանման ծավալների նվազումը տագնապահարույց է, բայց կառավարության ջանքերն իրենց երկար սպասեցնել չեն տա․ ֆիննախ

Ի՞նչն էր խանգարում Ռոբերտ Քոչարյանին, մի հատ հրաման արձակեր, ասեր՝ չկրակեք ժողովրդի վրա. Սարգիս Քլոյանի ելույթը

Դեմոկրատներին տված յուրաքանչյուր ձայնը քվե կլինի ծայրահեղ սոցիալիզմին ու ամերիկյան երազանքի ոչնչացմանը. Թրամփ

Սառա Անջարգոլյանը նշանակվել է սփյուռքի գործերի գլխավոր հանձնակատարի գրասենյակի ղեկավար

Հացադուլ հայտարարած Վահե Մելոյանի գիտակցությունը պարզ է, կողմնորոշումը՝ բավարար

Արքայազն Ուիլիամին ուղեկցող ոստիկանը վթարի է ենթարկել 83-ամյա կնոջը. վերջինիս վիճակը ծանր է

2 տարում մեղադրյալի 26-ամյա որդու բանկային հաշիվներին շուրջ 18 մլն դոլարին համարժեք դրամի մուտք է եղել. գլխավոր դատախազ

Պետբյուջեն ծախսային մասով թերակատարվել է 5,3 տոկոսով կամ շուրջ 80 մլրդ դրամով․ Բաբկեն Թունյանը՝ ֆինանսների նախարարին

Մանվել Գրիգորյանի հետ առնչվող սրճարանի տարածքի վարձակալը հրաժարվել է 6 մլն դրամ վարձավճար վճարելուց

Անկախությունից հետո առաջին անգամ Իջևան քաղաքում կվերակառուցվի բարձրահարկ շենք. Սիփան Փաշինյան (լուսանկարներ)

ՀՀ պաշտպանության նախարարը մասնակցել է նորակառույց բազմաբնակարան շենքի բացման արարողությանը

ՀՀ-ում կբացվի ոսկու աֆինաժի գործարան, կարտադրվեն բանկային ձուլակտորներ․ ԿԲ նախագահ Արթուր Ջավադյան