ԵՄ-ն պատրաստ է մեր ներդրումային ծրագրերին աջակցել, բայց ակնկալում է, որ ՀՀ-ն նույնպես իր ներդրումը կունենա․ վարչապետ

Բրյուսելյան այցի ժամանակ հիշատակած 13 ներդրումային ծրագրերը վերաբերում են Հայաստանի ենթակառուցվածքների զարգացմանը, Հայաստանում մոտ 2 տասնյակ նոր ջրամբարներ կառուցելու գործընթացին, ճանապարհների բարեկարգմանը, ոստիկանական համակարգի բարեփոխումներին, էներգետիկ համակարգի զարգացմանն ու ներդրումներին, այդ թվում՝ էներգետիկ միջանցքի ձեւավորման գործընթացին, կրթության, դատաիրավական համակարգի բարեփոխումներին, հարկային վարչարարության բարեփոխումներին, եւ այդպես շարունակ։ Այս մասին այսօր հրավիրված ասուլիսի ժամանակ ասաց ՀՀ վարչապետ Նիկոլ Փաշինյանը՝ պատասխանելով «Իրատես» շաբաթաթերթի լրագրողի այն հարցին, թե վարչապետի՝ Բրյուսել կատարած այցի ժամանակ հիշատակած 13 ծրագրերը որոնք են, եւ արդյոք բանակցություններ կա՞ն, թե Եվրոպան որքան գումար է պատրաստ հատկացնել։

Փաշինյանն ասաց, որ ՀՀ պատվիրակությունը Եվրամիությունում արձանագրեց, որ մենք լիարժեք պատրաստ ենք համագործակցել բարեփոխումների ողջ օրակարգի շրջանակներում, եւ ԵՄ բարձր ղեկավարությունը նույնպես պատրաստակամություն հայտնեց աջակցել, բայց, ինչպես կառավարության նիստում վարչապետն արդեն ասել էր՝ ԵՄ-ն ասել է, որ պատրաստ են լուրջ աջակցել այդ ծրագրերին, բայց ոչ ամբողջությամբ ֆինանսավորել․

«Հայաստանը նույնպես պետք է իր բաժին ներդրումն ունենա։ Բայց այդ ներդրման բաժնի համար մենք մի խնդիր ունենք․ Պետական պարտքի մասին օրենքում ունենք սահմանափակում, որ մեր պետական պարտքը չի կարող գերազանցել մեր ՀՆԱ-ի որոշակի տոկոսը։ Հիմա ԵՄ առաջարկած մեխանիզմը հետեւյալն է․ նրանք ասում են, որ մենք պատրաստ ենք մի ամսով գրանտ՝ աջակցություն տալ, բայց ակնկալում են, որ ՀՀ-ն նույնպես իր ներդրումը կունենա։ Մեր ներդրման, այս պահին, ամենատեսանելի աղբյուրը կարող են լինել արտաքին աղբյուրները, ինչը կարող է ենթադրել պետական պարտքի ծավալի մեծացում։ Մենք պիտի լուրջ քննարկում ունենանք՝ արդյոք պատրա՞ստ ենք գնալ այս ուղղությամբ, թե ոչ։ Առաջիկայում Կենտրոնական բանկի հետ քննարկում կունենանք՝ փորձագիտական հանրության ներկայացուցիչների ընդգրկմամբ, որպեսզի այդ հարցով որոշում կայացնենք»,-պատասխանեց Փաշինյանը։

Լրագրողի մյուս հարցին, որ ներդրումներին աջակցելու կոնտեքստում Եվրոպան այսօր շահագրգռված է Հայաստանի էներգետիկ դաշտով՝ ատոմակայան եւ այլն, բայց այս դաշտում ՌԴ-ն ՀՀ-ում ավելի գերիշխող դիրք ունի, այդ դեպքում բալանսը կպահպանվի՞, ինչպե՞ս կդասավորվեն հարաբերությունները, վարչապետը պատասխանեց, որ ատոմակայանի վերաբերյալ բազում քննարկումներ կան, բայց արձանագրեց, որ ԵՄ-ի հետ համապարփակ եւ ընդլայնված համագործակցության պայմանագրում շոշափվում է ոչ թե ատոմակայանի փակման թեման, այլ շեշտադրվում է համարժեք հզորությունների ձեւավորման հարցը․ «Այսինքն, այդ հոդվածը ոչ թե ատոմակայանի փակման մասին է, այլ համարժեք հզորությունների ձեւավորման մասին»,-մասնավորապես նշեց Փաշինյանը։

Լրագրողը նաեւ հարցրեց՝ եթե, պատկերացնենք, Փաշինյանն այսօր անձի երկատում ունենար, եւ ընդդիմություն դառնար, իր ո՞ր քայլը կքննադատեր, ինչին վարչապետը արձագանքեց, որ չի կարծում, թե լավ գաղափար է, որ երկրի վարչապետին մղենք անձի երկվության դաշտ․

«Եթե քննադատության դեֆիցիտ լիներ ՀՀ-ում, եւ մենք ժողովրդավարության, խոսքի ազատության իմաստով երկրում քննադատությունների սահմանափակում ունենայինք, ճիշտ կլիներ, որ վարչապետից ակնկալեինք՝ ինքն իրեն քննադատի, որովհետեւ մյուսները չեն քննադատում, բայց քանի որ մենք նման խնդիր չունենք, կարծում եմ ներողամիտ կգտնվեք, որ այս հարցին չպատասխանեմ։ Ես բացառում եմ, որ ՀՀ-ում կառավարության եւ իմ գործունեության ավելի մեծ եւ ավելի ուժեղ քննադատ լինի, քան ես ինքս եմ։ Բոլոր քննադատությունները նախ ինձնից եմ լսում, հետո մյուսներից»,-պատասխանեց Փաշինյանը։

Տպել
4792 դիտում

Հոկտեմբերի 26-ին ուժի մեջ կմտնի հումանիտար հրադադարի վերաբերյալ երրորդ պայմանավորվածությունը

Ֆրանսիայի հայերը լայնամասշտաբ բողոքի ակցիա են իրականացրել Փարիզի սրտում (տեսանյութ)

Կարեն Շաքարյանն ու Հունան Հայրումյանը ԱՀ նախագահի կողմից արժանացել են «Արցախի հերոս» բարձրագույն կոչման

Քաջաբար ելեք հայրենիքի պաշտպանության նվիրական պայքարի, կանգնեք սահմանագծում մարտնչող քաջերի կողքին. Կաթողիկոսի ուղերձը

Այս պահի դրությամբ Արցախի ՊԲ կարիքների համար քնապարկերի անհրաժեշտ քանակը լրացված է. ՊԲ

Պարզ չէ, թե որտեղ է ավարտվում Բաքվի պահանջների և ախորժակի սահմանը. վարչապետն ընդունել է Ֆրանսիայի խորհրդարանականներին

Ահաբեկիչները բողոքում են, որ ադրբեջանցիները նրանցից խլում են ոչ միայն անձնագրերը այլ նաև հեռախոսները. Ա. Հովհաննիսյան

Հակառակորդի՝ այսօր խոցված հերթական ԱԹՍ-ն (լուսանկարներ)

Ադրբեջանում մշակութային գործիչները, մտավորականները հրապարակային խրախուսում և տարածում են ատելություն ու բռնության կոչերը

Թշնամական ոչնչացված հերթական զրահատեխնիկան (տեսանյութ)

Վերլուծությունը փաստել է Ադրբեջանի զինվորի կողմից ծանր վիրավոր հայ զինվորին գնդակահարելու կադրերի իսկությունը

ԱՀ նախագահի հետ քննարկվել են թշնամուն անդառնալի կորուստներ հասցնելու մասին անելիքները

Ադրբեջանական տեսանյութի 8 հայ գերիների մասով Հայաստանը դիմել է ՄԻԵԴ

Աջարահայերն աջակցում են Արցախին. խաղաղ ցույց Բաթումիում. (լուսանկարներ)

Մ. Մայիլյանը շնորհակալական նամակ է հղել Ավստրալիայի Նոր Հարավային Ուելս նահանգի պատգամավորին

Պատերազմը հենց մեր հայերն են ավարտելու, ու սա լինելու է վերջինը. արցախցի 4 երեխաների մայր

Ամենայն Հայոց կաթողիկոսը հանդես կգա ուղերձով

Կրակային դիրք, դիտակետեր, շարասյուներ ոչնչացնելու, կրակի տակ վիրավորներին դուրս բերելու համար կպարգևատրվեն զինծառայողներ

Արտակ Բեգլարյանը այցելել է Ստեփանակերտի և Շուշիի մի շարք ապաստարաններ (լուսանկարներ)

Արցախի ՊԲ-ն հրապարակել է ղարաբաղա-ադրբեջանական սահմանի մարտերում զոհված եւս 11 զինծառայողի անուն