Արա Շիրինյանին կյանքումս տեսել եմ մեկ կամ երկու անգամ. Հանրային ռադիոյի տնօրենը՝ շրջանառվող խոսակցությունների մասին

Ապրիլի 2-ին «Լրատվական ռադիոյի» հիմադիր Գարեգին Խումարյանն ընտրվեց Հանրային ռադիոյի տնօրեն: Մամուլի հրապարակումների համաձայն՝ Խումարյանն ընտրվեց միայն այն պատճառով, որ օրեր առաջ Հանրային հեռուստառադիոընկերության խորհրդի նախագահ ընտրված Արա Շիրինյանի մտերիմն է: 

Հանրային ռադիոյի տնօրենի մրցույթի արդյունքները դեռ չհրապարակված՝ ռադիոյի որոշ աշխատակիցներ հայտարարել էին, որ տնօրենի ընտրության ՝ իրենց համար ոչ ցանկալի ելքի պարագայում կոշտ քայլեր են նախատեսում: Աշխատակիցներն ակնկալում էին, որ 3 ամիս տեւած գործադիր տնօրենի թափուր հաստիքի մրցույթում կհաստատվի այնպիսի թեկնածու, որը երկար տարիներ եղել է ՀՌ աշխատակից եւ քաջատեղյակ է ռադիոյից։

Հանրային ռադիոընկերության զարգացման ծրագրերի, մրցույթում հաղթելու եւ դրա շուրջ բարձրացված աղմուկի մասին «Հայկական ժամանակ»-ը զրուցել է Հանրային ռադիոյի գործադիր տնօրեն Գարեգին Խումարյանի հետ:

- Պարոն Խումարյան, ի՞նչ ծրագիր էիք ներկայացրել Հանրային ռադիոյի տնօրենի մրցույթին, որ արժանացել եք մրցութային հանձնաժողովի բարձր գնհատանքին:

- Ծրագրի ամբողջ իմաստը հետեւյալն է՝ առաջիկա երեք տարիների ընթացքում Հայաստանի Հանրային ռադիոն պետք է դառնա նույնքան ճանաչելի, որքան աշխարհի առաջատարները։ Հայաստանի ռադիոհեռարձակողը պետք է դառնա համադրելի ծանրքաշային հեռարձակողների հետ: Մեր մրցակիցները տեղի լոկալ ընկերությունները չեն լինելու: Մեր մրցակցության դաշտն աշխարհն է, եւ պատրաստվում ենք երեք տարվա ընթացքում գրավել մեր ուրույն եւ արժանի տեղը համաշխարհային հեռարձակողների լիգայում։

- Հանրային ռադիոյի աշխատակիցներից շատերը կարծում են, որ մասնավոր ռադիոյի տնօրենի նշանակումը հանրային ռադիոյի ղեկավարի պաշտոնում հաջող գաղափար չէ, մանավանդ որ մրցույթի մասնակիցների թվում շատ էին թեկնածուները, որոնք աշխատում կամ աշխատել են հանրայինում։ 

- Թույլ տվեք ձեր հարցին պատասխանել ոչ թե խոսքերով, այլ գործերով: Տվեք ինձ մեկ երկու շաբաթ ժամանակ եւ կտեսնեք, որ դա բոլորովին խանգարող հանգամանք չէ:

Նաեւ տեղեկություններ տարածվեցին, որ դուք Հանրային հեռուստառադիոընկերության խորհրդի նախագահ Արա Շիրինյանի մտերիմն եք եւ տնօրենի պաշտոնում նա է ձեզ համար միջնորդել: 

- Մենք մտերիմներ չենք: Արա Շիրինյանին կյանքումս տեսել եմ մեկ կամ երկու անգամ: Անգամ վստահ չեմ՝ երկրոդ հանդիպում եղել է, թե՝ ո՛չ (ծիծաղում է):

- Սպասու՞մ էիք, որ հավանության կարժանանա ձեր ծրագիրը, կամ առհասարակ դուք կընտրվեք Հանրային ռադիոյի տնօրեն:

- Կզարմանայի, եթե ես չընտրվեի, որովհետեւ ներկայացրածս ծրագիրը շատ լուրջ եւ շատ իրատեսական է՝ հենված վերջին շուրջ 10 տարվա աշխատանքային գործունեությանս վրա:

- Հանրային ռադիոյի նախկին տնօրենը կոնֆլիկտով հեռացավ: Աշխատակիցները բողոքի ցույցեր արեցին, որի հիմնական պատճառն անհավանական ցածր աշխատավարձերն են: Այս ուղղությամբ արդեն ունե՞ք ինչ-որ ծրագիր մշակած, թե՝ դեռ ոչ:

- Մրցույթի դիմելուց առաջ եւ այս ընթացքում ես բավական ժամանակ եմ ունեցել ուսումնասիրելու ընկերության հանրային հաշվետվությունները, որոնք հրապարակված են, կարծում եմ՝ կկարողանամ նաեւ այդ խնդիրը կարգավորել:

- Դուք այս պահին միայն Լրատվական ռադիոում ե՞ք գործունեություն ծավալում:

- Ոչ, նաեւ ֆրանսիայի միջազգային ռադիոյի սեփական թղթակիցն եմ, բայց արդեն պետք է դիմում գրեմ, որպեսզի ազատվեմ: Նաեւ ՋԱՀ-ի հոգաբարձուների խորհրդի անդամ եմ, դա կորպորատիվ կառավարման մասնակցություն է, կարծում եմ՝ օրենքը թույլ է տալիս մնալ:

Տպել
2417 դիտում

Թիմի աշխատանքից լիարժեք գոհ չեմ, իմ աշխատանքից էլ լիարժեք գոհ չեմ. Նիկոլ Փաշինյան

Հանձնարարականը պոզով-պոչո՞վ է լինում, արդեն 10 ամիս ուշացել եք. վարչապետը՝ ոստիկանությանը

Ունենք կառավարություն, որտեղ ընդգրկված հաշմանդամություն ունեցող մարդիկ ի զորու են խնդիրներ լուծել. վարչապետ

Երևանը պետք է ունենա գրադարանների կառավարման նոր համակարգ, և այն պետք է բխի հասարակության շահերից. փոխքաղաքապետ

Աննա՞, էդքան անհետաքրքիր ա՞. վարչապետի կնոջ «աչքը կպել էր» ֆեյսբուքյան ուղիղ եթերի ընթացքում

Ն. Փաշինյանը խոստացավ անձամբ զբաղվել ծնողազուրկ զինվորին Արցախ չտեղափոխելու խնդրանքով

Գործ հարուցելու համար պարտադիր պետք են հիմքեր. վարչապետը՝ Սերժ Սարգսյանի նկատմամբ քրգործ հարուցելու մասին

Շատ եմ վերլուծել այդ օրվա իմ գործողությունները. վարչապետը՝ մաքսատան աշխատակցի ազատման մասին

Մենք այժմ մշակում ենք մի ծրագիր, որով պետք է պատանիներին ներգրավենք մշակութային միջոցառումների մեջ. Փաշինյան

«Պապ, բա Աշոտը ե՞րբ ա գալու». փոքրիկ Արփին ուղիղ եթերում դիմեց Նիկոլ Փաշինյանին

Սաշիկի արգաչափերը, կոռուպցիան, բյուջեն ու կադրային ջարդը. վարչապետը՝ կետ առ կետ իր խոստումների մասին

«Հենց քուչի մեջն էլ մորթեք». Երեւան քաղաքի դատախազը հրապարկեց քրեական հեղինակությունների գաղտնալսումները

«ՀԺ»-ի ֆոտոլրագրողը՝ ոստիկանության՝ «Մակարով» տեսակի ատրճանակից հրաձգության առաջնության հաղթող

Տավուշի մարզպետարանը պարզաբանում է Դիլիջանի խմելու ջրի որակի ուսումնասիրությունների արդյունքները

Փաստը, որ ՊՎԾ պետն ԱԱԾ-ին մեղադրում է «շինծու» փաստեր ներկայացնելու մեջ, լրացուցիչ հնչեղություն է տալիս միջադեպին

2020 թվականից Հայաստանը կունենա նաեւ կանանց ֆուտբոլի ազգային հավաքական

ԱԺ նախագահը գոհ է ԱՊՀ ՄԽՎ 49-րդ լիագումար նստաշրջանի աշխատանքներից

Գարեգին Բաղրամյանն ազատվել է էներգետիկ ենթակառուցվածքների և բնական պաշարների փոխնախարարի պաշտոնից

Երթևեկության կանոնների խախտումների ծանուցումների մասին գործընթացի հետ կապված պարզաբանումներ՝ ոստիկանությունից

Մեզ բացարձակ չի հետաքրքրում, թե որ տնտեսվարողի հետեւում ով է կանգնած. ՊԵԿ 1-ին տեղակալ Ռաֆիկ Մաշադյան