Մի ամբողջ գյուղի խմելու ջուրը բնական աղբյուրներն են, դրանք էլ տարեցտարի ցամաքում են

Լոռու մարզի շուրջ 600 բնակիչ ունեցող Մղարթ համայնքը խորհրդայհին տարիներից այս կողմ խմելու ջրի լուրջ խնդիր ունի: Բնակչությունն օգտվում է բնական աղբյուրներից, որոնք էլ արդեն սկսել են ցամաքել: Մղարթը 2016թ-ին խոշորացվել ու միացել է Օձուն համայնքին: Համայնքի ղեկավար Արսեն Տիտանյանը ՀԺ-ի հետ զրույցում ներկայացնելով բնակավայրի խմելու ջրի խնդիրն, ասաց, որ խորհրդային տարիներին բնակչությունը հիմնական ջրագծից է պոմպերով ջուր ստացել. «Երբ խորհրդային միությունը փլուզվեց, էդ գծերը թալանեցին, կորավ գնաց, պոմպերը չեն աշխատում, չկա: Իրենք օգտվում են գյուղում առկա մի քանի բնական աղբյուրներից»,-ասաց գյուղապետը՝ նշելով, որ վերջին տարիներին, կապված խիստ երաշտների հետ, բնական աղբյուրներում ջրի սակավություն է նկատվում:

Մղարթի հիմնական դպրոցի միջանցքում կառուցված լողավազանում դպրոցի տեխնիկական ջրի ողջ պաշարն է, որտեղ հավաքում են անձրեւաջրերը: Հենց այս լողավազանից են աշխատակիցներն ամեն օր դույլերով ջուր տանում դեպի սանհանգույց: Դպրոցի խմելու եւ խոհանոցում անհրաժեշտ ջուրն էլ գյուղի բնական աղբյուրից են բերում: Մղարթի դպրոցում 30 աշակերտ է սովորում:

Մեզ հետ զրույցում Մղարթի հիմնական դպրոցի տեխնիկական աշխատակիցն ասաց, որ իր կարծիքով՝ խնդիրով պետք է կառավարությունը զբաղվի, քանի որ համայնքի ուժերից վեր է. «Ոնց կանեն, ոնց կորոշեն, մենք սենց էլ ապրել ու ապրում ենք…»,-ասաց նա: Ինչպես ողջ գյուղը, այնպես էլ դպրոցը զրկված է խմելու ջրից: Օգտվում են բացառապես գյուղի բնական աղբյուրներից: Ջրի բացակայությունը դպրոցի միակ խնդիրը չէ: Դպրոցի մարզադահլիճը հիմնանորոգման կարիք ունի: Տնօրեն Արարատ Մոսինյանի խոսքով՝ փոխման ենթակա են լուսամուտները. «1967 թ-ից այս կողմ փայտե լուսամուտներ են, մենք մասնակի դպրոցի ուժերով փորձել ենք որոշակի վերանորոգման աշխատանքներ կատարել, մուտքի դռներն ենք փոխել, դահլիճն ենք կարգի բերել»,-ասաց նա՝ չբացառելով, որ գյուղում հնարավոր է դպրոցի նոր շենք կառուցվի: Ծրագրի են դիմել, ըստ որի հայտ կարող են ներկայացնել գյուղական համայնքների մինչեւ 100 աշակերտ ունեցող դպրոցները. «Եթե ծրագիրը կյանքի կոչվի, սա կմնա որպես համայնքային շինություն, կամ գուցե երիտասարդ ընտանիքների կբաժանեն, իսկ նոր դպրոցի մասով ասեմ, որ մարզից նախնական 4 դպրոց է ընտրված, որից մեկը մեր դպրոցն է»,-հավելեց տնօրենը:

Գյուղապետն ասաց, որ ոչ միայն դպրոցն է օգտվում բնական աղբյուրներից, այլ նաեւ ողջ համայնքը: Ներքին ցանց որպես այդպիսին գոյություն չունի: Խնդրով բազմիցս դիմել են պատկան մարմիններին: Գյուղապետի խոսքով՝ խնդիրը կառավարության մասշտաբի է.«Մենք մի քանի անգամ «Վեոլիա ջուր» ընկերությանն ենք դիմել, փորձել ենք իրենց միջոցով լուծումը գտնել, իրենք էլ մեզ ներկայացնում են, որ դա կառավարության լուծելու խնդիրն է: Դիմել ենք բոլոր ատյաններին, բայց այստեղ ուրիշ խնդիր կա՝ բնակչության քիչ թվաքանակն ու ներդրումների ծավալը, որոնք հակասում են իրար»:

«Գալիս է մի պահ, երբ ջրային ռեսուրսները բավական են, բայց բնական աղբյուրներից բնակիչները այլընտրանք են ստեղծել, իրենց տանը բակերով հավաքում են, օգտագործում են, բայց երբ ձմեռը ձյուն չկար, տեղումներ չկար, խնդիր եղավ»,- ասաց Տիտանյանը՝ դժվարանալով հիշել, թե վերջին անգամ երբ են ստուգվել բնական աղբյուրների ջրի որակն ու որքանով է այն համապատասխանում խմելու ջրի ստանդարտներին:

Տպել
1563 դիտում

Վանաձոր-Ալավերդի-Բագրատաշեն ճանապարհը բեռնատարների և ավտոբուսների համար փակ է

Ամբողջական ու միացյալ Հայաստանի տեսլականի իրագործումն Արցախի միացումն է Հայաստանին. Արամ Ա

Սյունիքում մեքենան մոտ 50 մետրից ընկել է ձորակը․ կա մեկ զոհ, երկու վիրավոր

Դպրոցի տնօրենի 17-ամյա որդին հոր մեքենայով վթարի է ենթարկվել․ 3 դպրոցականներ հիվանդանոցում են

Ըմբիշ Արթուր Ալեքսանյանը ոսկե մեդալ է նվաճել Ղազախստանի միջազգային մրցաշարում

Ջիվան Աբրահամյանն ազատ է արձակվել

Անակնկալ Հայաստանի համար. եկան, կարդացին, գնացին

Քաղաքական լեզվամարտ. ճշմարտությունը միայն կոնյակն էր

Էս ո՞վ է. նա մի տղա էր՝ միշտ տխուր աչքերով

Պատրաստ ենք խորացնել փոխշահավետ գործակցությունը. Վվարչապետն ընդունել է Չինաստանի ԱԳ նախարարին

Հայաստանի և Չինաստանի ԱԳ նախարարները Երևանում ստորագրել են մի շարք փաստաթղթեր

ՀՀ մի մասում տեղումները կշարունակվեն առաջիկա օրերին. սպասվում է անձրեւ,տեղ-տեղ՝ կարկուտ

Հրդեհ Լուսառատ գյուղի պահեստի տարիքում. այրվել է շինությունը, անասնակեր ու վառելափայտ

Ըստ Թուրքիայի սահմանադրական դատարանի՝ Հայոց պատրիարքի ընտրություններում խախտվել է կրոնի ազատությունը

Ազատության հրապարակի ակցիայի հետ մենք կապ չունենք՝ ոչ ուղղակի, ոչ անուղղակի. «Իմ քայլը» դաշինք

ՌԴ Հարավային ռազմական շրջանը ստեղծել է զինվորների ջերմահարումից պաշտպանելու համար նախատեսված 50 կետ

«Մայր Հայաստան» թանգարանում տարածք կհատկացվի ապրիլյան պատերազմի բոլոր զոհերի հիշատակի անկյուն ստեղծելու համար

Զոհրաբ Մնացականյանը հանդիպել է չինացի գործընկերոջ հետ

Հանրահավաքի ընթացքում սպառնալիքներ հնչեցնելու կասկածանքով բերման է ենթարկվել Ջիվան Աբրահամյանը

Վանաձոր-Դիլիջան ճանապարհին մինչև հիմնանորոգումը սկսելը կատարվում են ժամանակավոր անցանելիության համար աշխատանքներ