Խենթ Օրեյրոն հնչեցրեց ՀՀ հիմնը, սիրով վերցրեց եռագույնը, խոսեց հայերեն, ներկայացրեց շքեղ շոու (լուսանկար, տեսանյութ)

«Ես ձեզ սիրում եմ», «Շնորհակալություն», «պարում ենք բոլորս». ուրուգվայցի հայտնի երգչուհի, դերասանուհի Նատալիա Օրեյրոն ջանքեր չէր խնայում իր երեւանյան հանդիսատեսի հետ հայերեն խոսելու համար: Երգչուհին իր երկրպագուների հետ հանդիպեց երեկ՝ ապրիլի 7-ին, Կարեն Դեմիրճյանի անվան մարզահամերգային համալիրում: Իր՝ «Անմոռանալի շրջագայության» շրջանակներում նա ներկայացրեց շքեղ շոու:

Մեկուկես ժամ տեւողությամբ մենահամերգի ընթացքում Նատալիան կատարեց հայտնի «Վայրի հրեշտակը» հեռուստասերիալի իր հիթերը՝ այդ թվում շատերի սիրելի «Cmbio dolor»-ը, «Vengo del mar»-ը, «Me muero de amor»-ը, «No me arrepiento de este amor»-ը՝ հուշեր արթնացնելով սերիալի Միլիի սիրահարների մոտ: Կատարեց նաեւ այլ հայտնի ստեղծագործություններ, ինչպիսին է, օրինակ, «Rio de la Plata»:

Նատալիան ոչ միայն հիանալի երգում էր, այլեւ դրա հետ մեկտեղ պարում: 41-ամյա գեղեցկուհին ներկայացավ տպավորիչ կերպարներով: Նրա հագուստը փոխվում էր ամեն 2-3 երգից հետո: Իսկ էկրաններին նրա մասին ցուցադրվող անիմացիայի շնորհիվ երկրպագուները կարող էին տեսնել, թե հաջորդ կատարմանն ինչպիսի հագուստով է նա բեմում հայտնվելու:

Երգչուհին հատուկ անակնկալներ էր պատրաստել հայաստանյան հանդիսատեսի համար: Դադարներից մեկի ընթացքում էկրաններին հայտնվեց Հայաստանի դրոշը, իսկ նրա կիթառահարը կատարեց ՀՀ հիմնը: Ի դեպ, համերգի ընթացքում նրան մի քանի անգամ ՀՀ դրոշ նվիրեցին, դեպքերից մեկում դրա վրա կային նաեւ Ուրուգվայի եւ Արգենտինայի դրոշները: Երգչուհին չէր շտապում հայոց եռագույնը հանձնել իր անձնակազմի աշխատակիցներին: Նա սիրով շարունակում էր երգել դրոշը ձեռքին: Նրա մյուս անակնկալը շնորհավորանքն էր հայ կանանց Մայրության և գեղեցկության օրվա առթիվ:

ՀՀ հիմնը հնչում է 6:10 րոպեից 

Երեկոյի հենց սկզբից Նատալիան դրական էներգիայով գրավեց հանդիսատեսին ու ստիպեց պարել հենց առաջին վայրկյաններից: Ողջ ընթացքում նա անընդհատ շփման մեջ էր իր հանդիսատեսի հետ: Սիրով մոտենում էր, լուսանկարվում, գրկում փոքրիկներին ու վերցնում իր նվերները: Երկրպագուներն էլ նրան էին վերադարձնում էներգիան, որը նա փոխանցում էր: Նրանք եկել էին երգչուհուն նվիրված պաստառներով, «Վայրի հրեշտակի»՝ նրա կերպարներով, ձայնակցում էին համերգի ընթացքում:

Վերջում Նատալիան ոչ թե հրաժեշտ տվեց, այլ թեեւ մեծ դժվարությամբ, սակայն արտասանեց. «Առայմ»: Գուցե, սա վերադառնալու խոստում է: Նա բեմից անմիջապես չհեռացավ, տեւական ժամանակ շարունակում էր լուսանկարվել ու շփվել երկրպագուներ հետ:

Նատալիա Օրեյրոն Երեւան էր ժամանալե ապրիլի 5-ին: Նա այստեղ էր ամուսնու ու որդու հետ, որոնց, ինչպես ինքն էր նշել, մոտ 1 ամիս չէր տեսել, քանի որ անընդհատ շրջագայությունների մեջ է: Մինչեւ Երեւան գալը երգչուհին հանդես էր եկել Ռուսաստանի մի շարք քաղաքներում: Այստեղից հետո նույնպես շրջագայությունը շարունակելու է Ռուսաստանում:

Լուսանկարներն ու տեսանյութերը՝ «Հայկական ժամանակ»-ի

Տպել
1819 դիտում

Սպանություն Կոտայքի մարզում. Աբովյանի Թիվ 7 դպրոցի բակում հայտնաբերվել է 34-ամյա երիտասարդ տղայի դի

«Արմենիա» Բ/Կ տեղափոխված դանակահարված տղամարդը ժամեր անց մահացել է, հարուցվել է քրգործ

Մեր կրթաթոշակով սովորած ուսանողները պարտավորվում են վերադառնալ եւ աշխատել հայրենիքում. Աննա Հակոբյան

Վենետիկի հանձնաժողովի արձանագրությունը ներքին շրջանառության փաստաթուղթ է, պիտի պարզենք՝ ինչպես է հրապարակվել․ Կարապետյան

Հավաքվել է մոտ 3 մլն դոլար, ծախսվել՝ մոտ 2 մլն. Աննա Հակոբյանը ներկայացնում է հիմնադրամների աշխատանքը

Զարեհ Սինանյանն ընդունել է ՀՀ-ում Ֆրանսիայի Հանրապետության արտակարգ և լիազոր դեսպանին

Ո՞վ է 8 տարի Շիրակում ապրած հովիվ աղջիկը, ինչպես է հայտնվել եւ ապրել ֆերմեր Թորոսյանի տանը

ՀՀ դեսպանը հանդիպել է ԱՄԷ կրթության նախարարի հետ. խոսել են համատեղ կրթական-գիտական ծրագրերի մասին

6 անշարժ գույք, 2 ավտոմեքենա, 250 հազար դոլար, 12 մլն դրամ. քաղաքաշինության կոմիտեի նախագահի ունեցվածքը

«Սանիթեքը» ոչ մեկի հետ չի խոսում շանտաժի լեզվով. ընկերությունը պատասխանում է քաղաքապետին

ԱԱԾ-ում չգիտեն, թե ինչքան գումար է տրամադրվելու ՀԱՊԿ շրջանակում տեղեկատվական համակարգ ներդնելու համար

Մենք ռիսկերը մինիմալի կարող ենք հասցնել, բայց խնդիրը ամբողջությամբ վերացնել չենք կարող. մարզպետը՝ քարաթափման դեպքի մասին

Նախորդ տարի Սեւանում նույն պատկերն արձանագրվելուց հետո ինչ է արվել 1 տարում. պարզաբանում է նախարարը

Սահակյանցն ու մայրը կինեմատոգրաֆիստների միությունից դուրս են եկել «Ոսկե ծիրան»-ի մրցանակների պատճառով

Հրշեջ-փրկարարները մարել են մոտ 15.2 հա խոտածածկ տարածքներում բռնկված հրդեհները

Կրակել, ապա դանակահարել է․ նոր հաղորդում Նարեկ Սարգսյանի եւ նախկին պատգամավոր Արթուր Մանուկյանի դեմ

Այգավան գյուղի կամրջի մոտակայքում տեղի ունեցած վթարի արդյունքում 4 մարդ է տեղափոխվել հիվանդանոց

Աշխարհում չկա այնպիսի մարդ, որը կարող է երևանցիների հետ շանտաժի լեզվով խոսել. Մարությանը՝ «Սանիթեքի» մասին

25 տարի անց. «Առյուծ արքայի» նոր տարբերակի համաշխարհային պրեմիերան կայացել է. կլինի նաեւ ՀՀ-ում (տեսանյութ) 

Նիկոլ Փաշինյանը հյուրընկալել է իր հետ հանդիպելու ցանկություն հայտնած ամերիկահայ 6-ամյա տղային (լուսանկարներ, տեսանյութ)