Էլեկտրոնային համակարգում ինչպես պետք է հայտագրել առաջին դասարանցիներին. քայլերի հաջորդականությունը

Մայիսի 15-ին, ժամը 09:00-ին կգործարկվի hayt.emis.am կայքը, որը նախատեսված է առաջին դասարանցիների ընդունելության համար: Հայտնի է, որ այս տարվանից երեխաները դպրոց են ընդունվելու էլեկտրոնային հայտագրման միջոցով, եւ դա առայժմ վերաբերելու է միայն Երեւանի բնակիչներին:

Բայց մինչ համակարգը կգործի, այս փուլում ի հայտ են գալիս որոշակի խնդիրներ, որոնց վրա ուշադրություն են հրավիրում կրթության ոլորտի պատասխանատուները՝ ծնողներին առաջարկելով այդ խնդիրները լուծել նախապես: Նրանց խորհուրդ է տրվում մինչեւ մայիսի 15-ը այցելել stugum.emis.am կայք եւ ստուգել տվյալների համապատասխանությունը:

«Այսօրվա համար շատ կարեւոր է, որ ծնողները, ովքեր ունեն առաջին դասարանցի, այցելեն stugum.emis.am կայքը եւ ստուգեն իրենց տվյալները: Այսինքն, մտնելով կայք, բացվում է ընդամենը երկու դաշտ՝ ծնողի հանրային ծառայությունների համարանիշը եւ երեխայի հանրային ծառայությունների համարանիշը (սոցիալական քարտի համարը): 10 նիշանոց համարներն են, որոնք պետք է մուտաքագրել»,- լրագրողների հետ հանդիպման ժամանակ այսօր ասաց Կրթական տեխնոլոգիաների ազգային կենտրոնի (ԿՏԱԿ) տնօրեն Արտակ Պողոսյանը:

Բանն այն է, որ որոշ դեպքերում, երբ ծնողները մուտքագրում են այդ համարանիշը, ստանում են պատասխան, թե տվյալ համարանիշով տվյալներ չեն հայտնաբերվել: Խնդիրը կապվում է այն հանգամանքի հետ, որ երբ ձեւավորվել է բնակչության պետական միասնական ռեգիստրը, եղել են սոցքարտեր, որոնք ճանաչվել են ուժը կորցրած՝ ժամանակի ընթացքում չօգտագործվելու պատճառով:

«Բայց դիմելով ցանկացած անձնագրային բաժին, ընդամենը 10 րոպեի ընթացքում ձեզ կտրամադրվի ձեր հանրային ծառայությունների համարանիշը, որը արդեն համակարգում կաշխատի: Դրա համար շատ կարեւոր է, որպեսզի ծնողները մինչեւ մայիսի 15-ը մտնեն համակարգ եւ համապատասխան ստուգում իրականացնեն, որպեսզի հայտագրման ընթացքում այդ խնդրին չբախվեն»,- փաստեց ԿՏԱԿ տնօրենը:

Կա եւս մեկ խնդիր, երբ համակարգը ճանաչում է մուտքագրված համարանիշները, բայց չի հայտնաբերում ծնող-երեխա կապը: Սա էլ, ըստ Պողոսյանի, պայմանավորված է նրանով, որ արդարադատության նախարարության քաղաքացիական կացության ակտերի գրանցման գործակալության տվյալները դեռեւս ամբողջությամբ թվայնացված չեն: «Թվայնացված են 2014 թվականին եւ դրանից հետո ծնված բոլորը երեխաների տվյալները: Քանի որ այս տարի դպրոց են գնալու 2013 թվականին ծնված երեխաները, կա փաստաթղթերի որոշակի հատված, որոնք դեռեւս թվայնացված չեն: Բայց քանի որ այդ տվյալները մեզ մոտ արդեն գրանցվում են, համակարգը ծնողներին հենց այդպես էլ պատասխանում է, որ տվյալները ունենք, մենք կլուծենք այդ խնդիրը: Արդեն ունենք ներքին պայմանավորվածություն համապատասխան մասնագետների եւ կազմակերպությունների հետ. այդ տվյալները ավտոմատացված ձեւով ուղարկվում են նրանց, եւ արագ թվայնացում է տեղի ունենում»,- ասաց բանախոսը՝ հավելելով, որ խնդիրը լուծվում է 4-5 օրվա ընթացքում:

Կրթական տեխնոլոգիաների ազգային կենտրոնի տնօրեն Արտակ Դավթյանը ներկայացրեց նաեւ քայլերի այն հաջորդականությունը, որով մայիսի 15-ից սկսած, երբ գործարկվի hayt.emis.am կայքը, ծնողները պետք է հայտագրեն 6 տարին լրացած երեխաներին: Ըստ այդմ, համակարգ մտնելով՝ բացում է երկու պատուհան՝ «որոնել դպրոց» կամ «ընտրել համայնքը»: Եթե ծնողն ունի նախընտրելի դպրոց, կարող է մուտքագրել անունը եւ փնտրել: Եթե չունի կամ չգիտի անունը, տարբերակ կա տեսնել, թե տվյալ վարչական շրջանում ինչ դպրոցներ են գործում: Կարմիրով կնշվեն այն դպրոցները, որոնց տեղերն արդեն լրացվել են:  

«Սեղմելով «բացել հայտ» կոճակը, երեւում է 4 պատուհան, որտեղ ծնողը պետք է լրացնի իր անունը, ազգանունը, հանրային ծառայությունների համարանիշը եւ էլեկտրոնային փոստի հասցե (կարող է լինել նաեւ բարեկամինը): «Ընդամենը չորս դաշտերը լրացնելով՝ սեղմում են «շարունակել» կոճակը: Համակարգը միանում է բնակչության պետական ռեգիստրին, ստուգում է տվյալը, եթե նման փաստաթղթով տվյալ գոյութուն ունի, բացում է երեխայի համար նախատեսված դաշտը, որտեղ ընդամենը պետք է լրացնել հանրային ծառայությունների համարանիշը եւ նորից սեղմել «շարունակել» կոճակը: Եթե գտնվել են տվյալները եւ ծնող-երեխա կապը, համակարգը բնակչության պետական ռեգիստրից ներբեռնում է երեխայի մնացած տվյալները՝ անուն, ազգանուն, հայրանուն, ծննդյան վկայական եւ այլն: Ստուգելով տվյալները, ծնողը նորից սեղմում է «շարունակել» կոճակը: Բացվում է փոքրիկ պատուհան, որտեղ նաեւ եւս մեկ անգամ կարող է ստուգել տվյալները, տեսնել՝ արդյոք հայտագրումը արել է այն դպրոցում, որտեղ ինքը ուզում էր, եւ սեղմել «շարունակություն»: Դրանից հետո գալիս է փոքրիկ հաղորդագրություն, որ հայտագրումը հաջողությամբ իրականացվել է, խնդրում ենք այցելել ձեր նշած էլեկտրոնային հասցե եւ կատարել այնտեղ նշվող գործողությունները»,- շարունակեց ԿՏԱԿ տնօրենը:

Ոչ բարդ այդ գործողութուններից հետո ծնողը կստանա փին-կոդ՝ իր համար ստեղծված էջ մտնելու համար ու նաեւ պարզելու, թե դպրոց ընդունվելու համար ինչ փաստաթղթեր են պետք եւ ինչ ժամկետում: Եթե հայտագրումից հետո 15 աշխատանքային օրվա ընթացքում ծնողը փաստաթղթերը չներկայացնի դպրոց, հայտագրումը կչեղարկվի: Նա, իհարկե, հնարավորություն կուեննա նորից հայտագրել երեխային: Այս դեպքում, սակայն, փաստաթղթերը պետք է ներկայացնել 10 աշխատանքային օրվա ընթացքում: Ծնողը իր ցանկությամբ նույնպես կարող է չեղարկել արդեն լրացված հայտը:

Երեւանի յուրաքանչյուր վարչական շրջանի մեկ ավագ դպրոցում կտեղակայվեն կենտրոններ, որտեղ կաշխատեն վերապատրաստում անցած մասնագետներ՝ օգնելու համար այն ծնողներին, որոնք ինքնուրույն չեն կարողանա երեխային հայտագրել: ԿԳ նախարարության հանրակրթության վարչության պետ Աշոտ Արշակյանը հորդորեց այդ մասնագետներին դիմել միայն անհրաժեշտության դեպքում: Էլեկտրոնային հայտագրման համակարգը հասանելի է լինելու նաեւ բջջային հեռախոսների միջոցով:

Հ.Գ. Կանխատեսվում է, որ Երեւանում այս տարի դպրոց է հաճախելու 13 հազար առաջին դասարանցի: Դպրոցներում լիցենիզայով սահմանված տեղերի քանակը շուրջ 14 հազար 500 է: Ավելի վաղ հայտարարվել էր, որ այն ծնողները, որոնք այս կամ այն դպրոցում սովորող երեխա ունեն, արտոնություն կստանան, եւ առաջին հերթին նրանց հնարավորություն կտրվի հերթագրել երեխային: Այսօր պարզվեց, որ այդ արտոնությունը չի հաստատվել: Չի լինի նաեւ արտոնություն սոցիալական որեւէ խմբի համար:

Տպել
8053 դիտում

Պետք է ուսումնասիրել ոչ միայն իշխանության, այլև ընդդիմության վարքը, պարզել՝ ով է վարակել մեր պատգամավորներին. Ջուլհակյան

Սևանում կհիմնանորոգվի բակային 5 ճանապարհ

Պարետի որոշմամբ կասեցվել է Գազպրոմ Արմենիա, Վեոլիա Ջուր եւ մի շարք այլ տնտեսվարողների մասնաճյուղերի գործունեությունը

Վենեսուելան Անգլիայի բանկից չի ստանա իր ոսկու պաշարը. Մեծ Բրիտանիան չի ճանաչում Մադուրոյին որպես նախագահ

Նորակերտում խմելու ջրատարի ներքին ցանցը կհիմնանորոգվի 2650 մետր երկարությամբ

Ամառային զորակոչի մեկնարկի առիթով ՊԲ զորամասերում հանդիսավոր արարողություններ են անցկացվել

Վերանայվել է 1․3 տրիլիոն դրամ մնացորդով շուրջ 980 հազար վարկային պայմանագիր․ բանկերի միության նախագահ

Մանկապարտեզներում արձանագրվող խախտումները նվազել են. ԿՏՄ

Ինքնաձիգ, ատրճանակներ, նռնակներ․ քաղաքացիները ոստիկանության բաժիններում հրազեններ են հանձնել (տեսանյութ)

«Սուրբ Գրիգոր Լուսավորիչ» ԲԿ-ն արձագանքել է մահացած կնոջ մարմինը կորցնելու ու նրա հեռախոսից գումար փոխանցելու դեպքին

ՌԴ ԿԸՀ-ն կայացած է համարել երեկվա ընտրությունները. պաշտոնական արդյունքները կհրապարակվեն վաղը

ԱԻՆ ջրափրկարարները դադարեցրել են կորած քաղաքացու ստորջրյա որոնողական աշխատանքները

Լավ կլինի՝ վերադառնաք Ձեր «մահացած» քաղաքական ուժի ռեինկառնացիային. Արսեն Թորոսյանը՝ Նաիրա Զոհրաբյանին

Նիկոլ Փաշինյանը շնորհավորական ուղերձ է հղել Ռուսաստանի Դաշնության նախագահ Վլադիմիր Պուտինին

Կասեցումներ են իրականացվել «ՎՏԲ Հայաստան բանկ»-ում, Սոցիալական ապահովության ծառայությունում, առեւտրի կենտրոններում․ ԱԱՏՄ

Ստեղծվել է ԱԺ քննիչ հանձնաժողով. կուսումնասիրվեն կորոնավիրուսային իրավիճակում իրականացված միջոցառումներն ու այլ հարցեր

Գեղարքունիքում հաստատվել է կորոնավիրուսային հիվանդության 31 նոր դեպք, եւս 27 հոգի առողջացել է

Ձերբակալվել են Գյումրու սոց. աջակցության տարածքային բաժնի վեց աշխատակիցներ, այդ թվում՝ բաժնի պետը և գլխավոր մասնագետները

Սրբուհի Գալյանն ընտրվել է գլխավոր դատախազի՝ ապօրինի գույքի բռնագանձման ոլորտը համակարգող տեղակալ

Կոտայքի մարզպետը նախորդ տարի 35 մլն դրամ վարկ է վերցրել և 51 մլն դրամանոց բնակարան գնել